ئێمە لە تۆرە کۆمەڵایەتیەکان

کوردستان

شاناز برایم ئەحمەد: ئەوە كۆبوونەوەی یەكێتی بوو یان ناوەندی بڕیار؟

خەڵك- بەشی هەواڵ

شاناز ئیبراهیم ئەحمەد، بەرپرسی ناوەندی دەرەوەی یەكێتيی نیشتمانيی كوردستان ڕەخنە لە كۆبوونەوەكەی دوێنێی ئەنجومەنی سەركردایەتی یەكێتی دەكرێت و بە كۆبوونەوەی”ناوەندی بڕیار”ی پێشووی یەكێتی وەسفی دەكات.

ئەو بەرپرسەی یەكێتی لە نوسینێكدا ئاماژەی بەوەكردووە، دەرئەنجامی كۆبوونەوەكە فڕی بە یەكێتییەوە نەبووە.

ناوەندی بڕیار، شەوی 2ی ئەیلولی 2016 لەلایەن جێگرانی سكرتێری گشتی یەكێتییەوە ڕاگەیەندرا و بەشێك لە ئەندامانی ئەنجومەنی سەركردایەتی یەكێتیش پشتیوانیان كرد و ڕەخنەی لە شێوازی ئیدارەكردنی یەكێتی دەگرت لەوكاتەدا.

دەقی نووسینەكەی شاناز برایم ئەحمەد:

حەوو..!!

ئەرێ خەڵكینە بیستمان كە ئەمڕۆ مەكتەبی سیاسی و سەركردایەتی یەكێتی كۆ ئەبێتەوە و كاندیدەكانی خۆی بۆ كابینەی نوێ یەكلا ئەكاتەوە كەچی دەرەنجامەكەی هیچ فڕی بە یەكێتیەوە نەبوو .. !!
بەراستی نازانم ئەوە كۆبوونەوەی ناوەندی بڕیار بوو كە لە پاشا ناویان بووە هاودیدان یان یەكێتی؟؟
نازانم یەكێتی ناوی گۆڕاوە و ئێمە ئاگادار نین یانیش ئەمە ئەو سەفقە تازەیە‌یە كە ئەم و ئەو بە ناوی هەر هەموومانەوە لەسەری رێكەوتوون..!!

هەر چیەكە جێی داخ و سەرسوڕمانە و ئەبێت ئەوانەی كە بە ناوی یەكێتیەوە نزیكەی نۆ مانگە خۆیان كردوەتە دەمڕاستمان بەرپرسیارێتی ئەم دۆخە بگرنە ئەستۆ و وەڵامی جەماوەری یەكێتی بدەنەوە ..

شاناز برایم ئەحمەد

٦-٧-٢٠١٩

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان