ئێمە لە تۆرە کۆمەڵایەتیەکان

ئابوری

شوێنی نیشتنەوەی فڕۆكەی هەیە
پڕۆژەی شەقامی 100 مەتری سلێمانی دەستپێدەكات

خەڵك – بەشی هەواڵ
ئەندامێكی ئەنجوومەنی پارێزگای سلێمانی ڕایدەگەیەنێت، پڕۆژەی شەقامی 100 مەتری سلێمانی ئەگەر وەك دیزاینەكەی جێبەجێ‌ بكرێت زۆر خزمەتگوزاری گرنگی تێدایە تەنانەت فڕۆكەش دەتوانێـت لەسەری بنیشێتەوە، دەشڵێت: “بەهەوڵی خەمخۆرانی شارەكە پڕۆژەكە وەك خۆی جێبەجێ‌ دەكرێت نەك ئەوەی وەك شەقامێكی دوو سایت بێت”.

ڕەمەزان نامیق كەریم، ئەندامی ئەنجوومەنی پارێزگای سلێمانی لە پشكی كۆمەڵی ئیسلامی بە (خەڵك)ی ڕاگەیاند، لەدواین كۆبوونەوەی جێگری سەرۆكی حكومەت و وەزیری شارەوانی و پارێزگاری سلێمانی، ئەندازیارێكی ڕاوێژكاری ڕاسپێراوە بەوەی لەماوەی هەفتەیەكدا تەواوی ڕێكارە كارگێری و یاساییەكانی پڕۆژەی شەقامی 100 مەتری سلێمانی تەواو بكرێت.

وتیشی، “پڕۆژەكە لە دواین جاردا بڕیار درا لەو سێ كۆمپانیا توركیە وەربگیرێتەوە و بدرێتە كۆمپانیایەكی ناوخۆیی، بەڵام دەبێت حكومەت قەرەبووی كۆمپانیا توركیەكان بكاتەوە، كە قەرەبووەكە مەزەندە دەكرێت بە قەدەر نیوە زیاتری تێچووی پڕۆژەكەبێت”.

ڕاشیگەیاند، بەهەوڵی خەمخۆرانی شارەكە و جێگری سەرۆكی حكومەت بڕیاردرا كارەكە بدرێتەوە بە كۆمپانیا توركیەكان، كە ئەوان یەكێكن لەو 150 كۆمپانیایەی، كە هەر كارێك بكەن سەرۆك كۆماری توركیا لەكاتی كردنەوەی پرۆِژەكە ئامادە دەبێت و لە هەرە باشترینەكانن.

ئاماژەی بۆ ئەوەشكرد، ئەگەر پڕۆژەكەوە وەك خۆی جێبەجێ بكرێت وەك ئەوەی لە دایزاینی پڕۆژەكەدا هاتووە، لەكاتی بوونی كێشە لە فڕۆكەخانە، فڕۆكە زۆر بە ئاسانی دەتوانێـت لەسەر ئەو شەقامە 100 مەترییە بنیشێتەوە، چونكە پڕۆژەكە زۆر مۆدرێن دروست دەكرێت و دیزاینی پڕۆژەكە بڕی دوو ملیۆن دۆلاری تێچووە و زۆر خزمەتگوزاری گرنگی تێدایە.

ڕەمەزان نامیق ئاشكراشیكرد، ئومێد دەكەین لەماوەی ئەم مانگی تەمموزەدا هەموو ڕێگریە كارگێری و یاساییەكانی پڕۆژە چارەسەر بكرێت و كۆمپانیاكان دەست بە پڕۆژەكە بكەنەوە.

وتیشی، “بەسێ قۆناغ جێبەجێكردنی پڕۆژەكە دەستپێدەكات و لەقۆناغی یەكەمدا ئەو بەشە ئەنجام دەدرێت، كە لە تاسڵوجەوە دەستپێدەكات و لە پشت فڕۆكەخانەی سلێمانییەوە درێژدەبێتەوە تاوەكو دەگاتە زڕگوێز و سەر ڕێگەی عەربەت، چونكە ئەو زەوییانەی ئەو سنوورە نەتوانراوە زیادەڕەوی بكرێتە سەر”.

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بڕیارە ئەمڕۆ چوارشەممە مووچەی وەزارەتی كار و كاروباری كۆمەڵایەتی و خاوەن پێداویستی تایبەت دابەش بكرێت.

بەپێی خشتەیەك كە پێشتر بڵاوكراوەتەوە، ئەمڕۆ مووچەی مانگی تەمموزی هەریەك لە كارمەندانی وەزارەتی كار و كاروباری كۆمەڵایەتی و خاوەن پێداویستی تایبەت دابەش دەكرێت.

دابەشكردنی مووچەی مانگی تەمموز لەكاتێكدایە كە لەمساڵدا مووچەی سێ‌ مانگ بە نادیاری ماوەتەوە.

بەردەوام بە لە خوێندنەوە

ئابوری

ئاگادارییەك بۆ مامۆستایانی گرێبەست

خەڵك- بەشی هەواڵ
بەڕێوەبەرێتی پەروەردەی قەرەداغ ئاگاداری مامۆستایانی گرێبەست دەكاتەوە، سبەینێ‌ سەردانیان بكەن بۆ نوێ‌ كردنەوەی گرێبەستەكانیان.

بەڕێوەبەرێتی پەروەردەی قەرەداغ لە ئاگادارییەكدا، كە وێنەی دراوە بە (خەڵك) ئاماژەی بەوەكردووە، “ئاگاداری ئەو مامۆستا بەڕێزانە دەكەینەوە، كە ناویان لە لیستی ھاوپێچدا ھاتووە سبەینێ چوار شەممە ڕێكەوتی ١٦-١٠-٢٠١٩ سەردانی دیوانی پەروەردەی قەرەداغ بكەن بە مەبەستی نوێكردنەوەی گرێبەستەكانیان”.

ڕاشیگەیاندووە، پێویستە بۆ نوێكردنەوەی گرێبەستەكانیان وێنەیەك (ئیستینساخ) لە پێناسی باری شارستانی یان كارتی نیشتمانی لەگەڵ خۆیان بهێنن.

بەردەوام بە لە خوێندنەوە

ئابوری

تەمەنی خانەنشینی فەرمانبەران كەمدەكرێتەوە
(خەڵك) زانیاری نوێ‌ لەسەر یاسای خانەنشینی ئاشكرادەكات

خەڵك- بەشی هەواڵ
شانەی بەدواداچوونی حكومی لە حكومەتی فیدڕاڵ ڕایدەگەیەنێت، ئەنجوومەنی وەزیران پێشنیاری هەمواری یاسای خانەنشینی لەڕووی تەمەنەوە بەرزكردۆتەوە، تا تەمەنی یاسایی خانەشینی بۆ پیاوان و ژنان بكرێتە 60 ساڵ، ئەندامێكی لیژنەی دارایی پەڕلەمانی عیراقیش، لایەنە ئەرێنی و نەرێنییەكانی ئاشكرا دەكات.

شیروان میرزا، ئەندامی لیژنەی دارایی لە پەڕلەمانی عیراق لە لێدوانێكیدا بۆ (خەڵك) ڕایگەیاند، “بەپێی یاسای خانەنشینی یەكگرتوو لە عیراق، تەمەنی یاسایی خانەشینی 63 ساڵە، هەر فەرمانبەرێك تەمەنی بگاتە 63 ساڵ لەلایەن حكومەتەوە خانەنشین دەكرێت، هەروەها لەسەرو 50 ساڵیشەوە، فەرمانبەر ئەگەر خزمەتی 15 ساڵی هەبێت دەتوانێت داوای خانەنشینی بكات بۆخۆی، واتا لە 63 ساڵیدا ناچارییە و لە سەروو تەمەنی 50 ساڵیش ئارەزوومەندانەیە، بەڵام جیاوازی لەو مووچەیە هەیە، كە وەریدەگرن”.

بە وتەی ئەندامەكەی لیژنەی دارایی پەڕلەمانی عیراق، “پێشنیاری هەهواركردنی یاساكە بۆ كەمكردنەوەی تەمەنی خانەنشین بوون بۆ 60 ساڵ، لێكەوتەی ئابوری هەیە، بەو پێیەی بارگرانی لەسەر دەزگای خانەنشینی زیاد دەكات، تەمەنی خزمەتی هاووڵاتی بۆ حكومەت كەمدەكاتەوە، بەو پێیەی هاووڵاتی كاتێك لە تەمەنی 23 ساڵیدا دادەمەزرێت و لە تەمەنی 63 ساڵیدا خانەنشین دەكرێت، ئەو كاتە 37 ساڵ خزمەت دەكات، ئەمەش وادەكات خانەنشین زیاد ببێت و لە هەمان كاتدا خزمەت كەمدەبێتەوە، بۆیە بارگرانی لەسەر حكومەت و دەزگای خانەنشینی زیاد دەكات”.

شیروان میرزا دەڵێت: “هەرچەندە سندوقی دراوی نێودەوڵەتیش سەرنجی لەسەر ئەم پێشنیارە هەیە، بەڵام گەر حكومەت بەرنامەی هەبێت لەجێی خانەنشینەكان كەسانی نوێ‌ دابمەزرێنێت، وەك هەوڵێك بۆ كەمكردنەوەی ڕێژەی بێكاری لە وڵات، ئەوا پێدەچێت پێشنیاری هەمواری یاسای خانەنشینی لەلایەن پەڕلەمانەوە دەنگی لەسەر بدرێت و پەسەند بكرێت”.

هاوكات بەپێی زانیارییەكانی (خەڵك) لە پڕۆژە هەمواری یاسای خانەنشینی یەكگرتووی عیراق پێشنیار كراوە كەمترین مووچەی خانەنشینی 600 هەزار دینار بێت.

بەردەوام بە لە خوێندنەوە

کوردستان