ئێمە لە تۆرە کۆمەڵایەتیەکان

عێراق

پابەند دەبن بە بڕیارەكەی عەبدولمەهدییەوە
سەركردەیەكی حەشدی شەعبی بۆ (خەڵك): بارەگامان لەنێو شارەكاندا نییە

خەڵك- بەشی هەواڵ
سەركردەیەكی حەشدی شەعبی دەڵێت، حەشد هیچ بارەگایەكی سەربازی لەنێو شارەكاندا نییە، تا دایانبخات لەسەر فەرمانی دیوانی كە لەلایەن فەرماندەی گشتی هێزە چەكدارەكانی عیراقەوە دەرچوو.

عەلی حسێنی، وتەبێژی حەشدی شەعبی ميحوەری باكوور، لە لێدوانێكی تایبەت بە (خەڵك) ڕایگەیاند:”حەشدی شەعبی، هیچ بارەگایەكی سەربازی لەنێو شارەكاندا نییە، ئەوەی هەیە، تەنیا نوسینگەیە، ئەوان لەمێژە بڕیارەكەیان جێبەجێ‌ كردووە”.

بە وتەی حسێنی” بارەگا سەربازییەكانی حەشدی شەعبی لە دەرەوەی شارەكاندان، ئەو بارەگایانەش فەرمین، و لەژێر سەرپرشتی و چاودێری فەرماندەیی ئۆپەراسیۆنە هاوبەشەكانی عیراقدان، جگە لەو بارەگایانەش هیچ بارەگایەكی ترییان نییە”.

ئەو سەركردەیەی حەشدی شەعبی، پابەندبوونی تەواوەتی هێزەكانی حەشدی بە فەرمان و ڕێنماییەكانی عادل عەبدولمەهدی سەرۆك وەزیران و فەرماندەیی گشتی هێزە چەكدارەكان دووپاتكردەوە و ڕەتیكردەوە بە هیچ جۆرێك سەرپێچی فەرمانەكانی حكومەتی عیراق بكەن.

دوو شەممەی ڕابردوو، عادل عەبدولمەهدی فەرماندەی گشتی هێزە چەكدارەكان، فەرمانێكی دیوانی سەبارەت بە حەشدی شەعبی دەركرد كە تێیدا چەند رێنماییەكی لەخۆگرتبوو، لەوانەش داخستنی هەموو بارەگانی حەشدی شەعبی لە نێو شارەكان.

عێراق

پێشبینی دەكرێت لیستێكی یەكگرتووی كورد و شیعە و سوننە دروستبكرێت

خەڵك- بەشی هەواڵ
پەرلەمانتارێكی هاوپەیمانی عیراقیون، پێشبینی دەكات بۆ هەڵبژتردنی داهاتوو، هاوپەیمانی سیاسی لەنێوان پێكهاتە جیاجیاكاندا دروستبكرێت.

حەسەن فدعەم پەرلەمانتاری هاوپەیمانی عیراقیون لە پەرلەمانی عیراق لە لێدوانێكی ڕۆژنامەوانیدا ڕایگەیاند”پێشنیارێك هەیە بۆ دامەزراندنی هاوپەیمانییەكی درێژكراوە كە لە دهۆكەوە دەستپێدەكات و لە بەسرە كۆتایی دێت و سوننە و شیعە و كورد لە یەك لیستدا بۆ هەڵبژاردنی داهاتوو كۆدەكاتەوە”.

سەبارەت بە ئەگەری ئەنجامدانی هەڵبژاردنی پێشوەختیش لەكاتی دیاریكراوی خۆیدا، فدعەم وتی”لەوبڕوایەدانیم هەڵبژاردن لە مانگی حوزەیرانی داهاتوودا سازبكرێت، بەهۆی نەبوونی كاتی پێویست لەبەردەم كۆمسیۆنی سەربەخۆی هەڵبژاردنەكان”.

پەرلەمانتارەكەی هاوپەیمانی عیراقیون پێشبینی كرد”هەڵبژاردن لە مانگی تشرینی ساڵی 2021 ئەنجام بدرێت”.

پەرلەمانی عیراق لە شەممەی ڕابردوو دەنگیدا لەسەر بازنەی هەڵبژاردنی یاسای نوێی هەڵبژاردنەكان بۆ 16 پارێزگە و دەنگدانیشی لەسەر پارێزگەكانی كەركوك و نەینەوا بۆ ئەمڕۆ دوو شەممە دواخست.

مستەفا كازمی سەرۆك وەزیرانی عیراق، ڕۆژی شەشی مانگی حوزەیرانی 2021ی وەك وادەی ئەنجامدانی هەڵبژاردنی پێشوەختە لە وڵاتدا داریی كردووە.

بەردەوام بە لە خوێندنەوە

عێراق

بەشير حەداد: تەنیا لەم حاڵەتەدا دەنگ لەسەر بازنەی هەڵبژاردنی كەركوك و نەینەوا دەدرێت

خەڵك- بەشی هەواڵ
جێگری دووەمی سەرۆكی پەرلەمانی عیراق ڕایدەگەیەنێت، ناكرێت دەنگ لەسەر بازنەی هەڵبژاردن بدرێت لە پارێزگەكانی كەركوك و نەینەوا، بەبێ‌ پێكهاتنی نێوان نوێنەرانی پێكهاتەكان.

بەشیر حەداد، جێگری دووەمی سەرۆكی پەرلەمانی عیراق لە كۆبوونەوەیەكدا بە ئامادەبوونی دەستەی سەرۆكایەتی پەرلەمانی عیراق و نوێنەران و پەرلەمانتارانی پارێزگەكانی كەركوك و نەینەوا و سەرۆكی لیژنەی یاسایی، ڕایگەیاند”دواخستنی دەنگدان لەسەر دابەشكردنی بازنەی هەڵبژاردنەكان لە كەركوك و نەینەوا، لەدوای دەنگدانی پەرلەمان بوو لەسەر بازنەی هەڵبژاردنی 16 پارێزگە لە دانیشتنی شەممەی ڕابردوو، ئەمەش لەپێناو بەخشینی هەلی زیاتر بە پێكهاتەكان بۆ گەیشتن بە ڕێكەوتنێك كە ببێتە جێگەی ڕەزامەندی هەموو لایەنەكان، سەرلەئێوارەی ئەمڕۆش دەنگ لەسەر بازنەی هەڵبژاردنی ئەو دوو پارێزگەیە دەدرێت”.

بە وتەی بەشیر حەداد”ناكرێت دەنگ لەسەر بازنەی هەڵبژاردن بدرێت لە پارێزگەكانی كەركوك و نەینەوا بەبێ‌ پێكهاتنی نێوان نوێنەرانی پێكهاتەكان، پەرلەمانیش بەردەوام هەوڵیداوە ڕۆڵی خۆی ببینێت لە پەسەندكردنی یاساكان و داڕشتنیان، بەشێوەیەك لەگەڵ پێداویستی قۆناغەكە و خواستی جەماوەردا بگونجێت”.

بەردەوام بە لە خوێندنەوە

عێراق

عیراق، سلێمانی زۆرترین حاڵەتی مردنی بە كۆرۆنا تۆماركردەوە

خەڵك- بەشی هەواڵ
وەزارەتی تەندروستی عیراق ڕایدەگەیەنێت، 3691 حاڵەتی نوێی تووشبوون بە ڤایرۆسی كۆرۆنا تۆماركراوە و 3244 كەسیش چاكبوونەتەوە و 48 كەسیش مردوون، كە بەتەنیا 15 كەسیان لە سلێمانی بوون.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لە 24 كاتژمێری ڕابردوودا 19 هەزار و 73 پشكنینی تایبەت بە كۆرۆنا ئەنجام دراوە و دەركەوتووە 3691 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

هەر لە بەیاننامەكەدا هاتووە”زۆرینەی تووشبووەكان لە بەغدا بوون، هەروەها لە سلێمانی 345 و هەولێر 486 و دهۆك 452 و كەركوك 175 حالًەت تۆماركراوە.
وەزارەتی تەندروستی عيراق ئاماژەی بە چاكبوونەوەی 3244 تووشبووی پەتاكە كردووە كە زۆربەیان لە بەغدا بوون.

تەندروستی عیراق لە بەیاننامەكەیدا ژمارەی حاڵەتەكانی گیانلەدەستدانیشی ئاشكراكردووە لەماوەی 24 كاتژمێری ڕابردوو كە 48 حاڵەت بووە و تەنیا لە سلێمانیش 15 حاڵەتیان تۆماركراون.

بەردەوام بە لە خوێندنەوە

کوردستان