لە 11 پارێزگای توركیاو باكووری كوردستان 97 گومانلێكراو بە تۆمەتی دزی و تاڵانی لە ناوچەكانی بوومەلەرزە دەستگیركران.
ماڵپەڕی فەرمی حكومەتی توركیا بڵاویكردەوە، لە میانی 232 لێكۆڵینەوە لە ڕووداوەكانی دزی، تاڵانی و قۆڵبڕین لە ناوچەكانی بوومەلەرزە 97 گومانلێكراو دەستگیركران.
بەگوێرەی زانیارییەكان، داواكارانی گشتیی كۆماری توركیا دەستیان بە لێكۆڵینەوە كردووە لە ڕووداوەكانی دزی، تاڵانی، خراپ بەكارهێنانی متمانە بۆ قۆڵبڕین و هەڵخەڵەتاندن لە ڕێگەی بەكارهێنانی سستەمەكانی پەیوەندیكردن لە دوای بوومەلەرزەكان لە ناوچە زیانلێكەوتووەكان.
داواكارانی گشتیی توركیا لە چوارچێوەی ئەو لێكۆڵینەوانەی كە لە 232 دۆسێ دەستیان پێكردووە،97 گومانلێكراویان لە 11 پارێزگا دەستگیردووە و 22 گومانلێكراویش بە مەرج ئازادكراون.
ڕۆژی 6ی ئەم مانگە بوومەلەرزەیەكی بەهێز پارێزگای مەڕەشی باكووری كوردستانی هەژاند و بەو هۆیەوە هەزاران كەس گیانیان لەدەستداو هەزارانی دیكەش بریندار و بێ ماڵ و حاڵ بوون.
