ئێمە لە تۆرە کۆمەڵایەتیەکان

ئابوری

بڕیاری خەرجكردنی دەرماڵە و كرێی خوێندن بۆ بەشێكی خوێندكاران دەرچوو


خەڵك – بەشی هەواڵ
دەرماڵە و كرێی خوێندن بۆ كەسوكاری شەهیدان خەرج دەكرێت و بەڕێوەبەرایەتی گشتی شەهیدان و ئەنفالكراوانی سلێمانی-ش ڕایدەگەیەنێت، هەر ئەمڕۆ دەرماڵەی سەرجەم پەیمانگاكان لە سنووری پارێزگای سلێمانی و زانكۆكانی كۆمار و گەشەپێدان و جیهان خەرج دەكرێت.

بەڕێوەبەرایەتی گشتی كاروباری شەهیدان و ئەنفالكراوانی سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، ئەمڕۆ چوار شەممە 3ی 7ی 2019 دەستیكرد بە دابەشكردنی دەرماڵە و كرێی خوێندنی كەسوكاری سەربەرزی شەهیدان بۆ ساڵی خوێندنی 2016 – 2017 بە بڕی 244 ملیۆن و 800 هەزار دینار.

ڕاشیگەیاندووە، بەڕێژەی لە 100% كرێی خوێندنی خوێندكارانی كەسوكاری شەهیدان خەرج دەكات.

ئاماژە بۆ ئەوەشكراوە، دەرماڵەی سەرجەم پەیمانگاكان لە سنووری پارێزگای سلێمانی و زانكۆكانی كۆمار و گەشەپێدان و جیهان خەرج دەكرێت، لەگەڵ خەرجكردنی دەرماڵە و كرێی خوێندن بۆ هەردوو زانكۆی چەرمۆ و ڕاپەڕین.

ئابوری

دواین بڕیار لەبارەی گەشتە ئاسمانییەكانەوە دەركرا


خەڵك- بەشی هەواڵ

دەسەڵاتی فڕۆكەوانی شارستانی عیراقی ماوەی ڕاگرتنی گەشتە ئاسمانییەكانی تـــــا كاتێكی نادیار ڕاگەیاند.

فڕۆكەخانەی نێودەوڵەتی سلێمانی لە ڕاگەیەنراوێكدا ئاماژەی بەوەكردووە، دەسەڵاتی فڕۆكەوانی شارستانی عیراقی بڕیاری ماوەی ڕاگرتنی گەشتە ئاسمانییەكان لە سەرجەم فڕۆكەخانەكانی عیراق تـــــا كاتێكی نـــادیـــار ڕاگەیاند، تــــا ئاگاداركردنەوەیەكی تر .

ڕاشیگەیاندووە، بڕیارەكە گەشتی فڕۆكەكانی مانگی سوور و سەربازی و یارمەتییە تەندروستییەكان و فریاگوزارییەكان و بارهەڵگر (كارگۆ) ناگرێتەوه.

جەختیشی كردۆتەوە، ‌دەرچوواندنی بڕیارەكەی دەسەڵاتی فڕۆكەوانی شارستانی عیراقی مەترسیداری بارودۆخی‌ بڵاوبوونەوەی ڤایرۆسی كۆرۆنایە، كە ئەمەش لەچوارچێوەی بەرگیری كردن.

بەردەوام بە لە خوێندنەوە

ئابوری

دەوڵەتانی كۆمەڵەی ئۆپیك پلەس ڕێككەوتن
نرخی نەوت بەرزدەبێتەوە و عیراق سزا دەدرێت


خەڵك- بەشی هەواڵ
وڵاتانی كۆمەڵەی ئۆپیك پڵەس، كە پێكهاتوون لە وڵاتانی ئۆپیك و ڕوسیا و چەند وڵاتێكی دیكە ڕێككەوتن بۆ مانگی داهاتووش بەرهەمهێنانی نەوت كەمبكەنەوە و بەوەش نرخی نەوت بەرزدەبێتەوە.

بەپێی هەواڵێكی ئاژانسی (بلومبێرگ) بڵاویكردەوە، وڵاتانی كۆمەڵەی ئۆپیك پڵەس لە كۆبوونەوەی ئەمڕۆیاندا ڕێككەوتن لەسەر ئەوەی ڕێككەوتنەكەیان بۆ كەمكردنەوەی بەرهەمهێنانی نەوت بۆ ماوەی مانگی داهاتووش درێژ بكەنەوە.

بەپێی ڕێككەوتنەكەی مانگی نیسان، بڕی 9.7 ملیۆن بەرمیل نەوتی ڕۆژانە لە هەردوو مانگی ئایار و حوزەیران لەلایەن وڵاتانی بەرهەمێنەری نەوتەوە كەم دەكرێتەوە ئەوەش بۆ ئەوەی پاڵپشتی نرخی نەوت بكات، كە بەهۆی بڵاوبوونەوەی كۆرۆناوە تووشی دابەزینێكی زۆر بووبوو.

هەر بەپێی ڕاپۆرتەكە، پێشبینی دەكرێت بڕی بەرهەمهێنانی نەوت بۆ مانگەكانی تەمموز تاوەكو ئەیلول ب بڕی 7.7 ملیۆن بەرمیلی ڕۆژانە كەم بكرێتەوە و بەوەش نرخی نەوت زیاتر بەرزدەبێتەوە.

هەر بەپێی ئەو ڕێكككەوتنە، ئەو وڵاتانەی تاوەكو ئێستا پابەند نەبوون بە كەمكردنەوەی بەرهەمهێنانی نەوتەوە لە مانگەكانی ئایار و حوزەیران، دەبێت بڕی 100%ی پابەندییەكانیان لە مانگەكانی تەمموز تاوەكو ئەیلول جێبەجێ‌ بكەن و لە پشكی ئەو مانگانە كەمی بكەنەوە.

هەر بەپێی (بلومبێرگ)، بەهۆی ئەوەی عیراق تاوەكو ئێستا پابەندی كەمكردنەوەكە نەبووە، بۆیە دەبێت لەمانگی ئاب (8) ڕۆژانە بڕی 1.3 ملیۆن بەرمیل كەمبكاتەوە.

لە ئێستادا نرخی بەرمیلێك نەوتی برێنت بۆ 42 دۆلار و 48 سەنت و نەوتی خاوی تەكساسی ئەمریكا بۆ 39 دۆلار و 20 سەنت بەرزبۆتەوە.

بەردەوام بە لە خوێندنەوە

ئابوری

پزیشك و كارمەندانی تەندروستی لە سلێمانی بایكۆتی دەوام ڕادەگەیەنن


خەڵك – بەشی هەواڵ
بەهۆی دواكەوتنی مووچەكانیان لە ئێستادا سەرجەم كارمەندانی نەخۆشخانەی شار لە سلێمانی بایكۆتی دەوامیان كردوە و نەخۆشخانەكەیان چۆڵكردووە، داواش دەكەن مووچەكانیان لەكاتی خۆیدا پێ بدرێت، ئەگەرنا دەوام ناكەن.

بەپێی زانیارییەكانی (خەڵك) ژمارەیەكی زۆر لە كارمەندانی نەخۆشخانەی شار بە هۆی بەهۆی دواكەوتنی دابەشكردنی مووچەوە دەوامیان جێهێشت و داوا دەكەن لە كاتی خۆیدا مووچەكانیان پێ بدرێت ئەگەرنا دەوام ناكەن.

(خەڵك) بۆ وەرگرتنی زانیاری لەسەر بایكۆتی كەرتی تەندروستی پەیوەندی بە د. سەباح هەورامی، بەڕێوەبەری گشتی تەندروستی سلێمانی و د. یاد نەقشبەندی، وتەبێژی تەندروستی سلێمانی و د. ئومێد عەلی، بەڕێوەبەری نەخۆشخانەی شار-ەوە كرد، بەڵام هیچكام لە پەیوەندیەكان وەڵام نەدرانەوە.

بوونی بایكۆت لە ئێستادا و بەتایبەت كەرتی تەندروستی كاریگەری خراپی دەبێت لەسەر تەشەنەكردنی ڤایرۆسی كۆرۆنا، كە ئێستا لە ئاستی مەترسیداریە لە شاری سلێمانی.

لای خۆشیەوە، د. ئومێد بە چەند میدیایەكی وتووە، “كارمەندانی تەندروستی نەخۆشخانەكەمان مانیان گرت و لەئێستادا ناخۆشخانەی شار-یان چۆڵكردووە”.

بەردەوام بە لە خوێندنەوە

کوردستان