ئێمە لە تۆرە کۆمەڵایەتیەکان

جیهانی

پڕۆسه‌ی فرۆشتنی ئۆدیگارد دواده‌که‌وێت و ڕیاڵ مه‌درید “تاکتیکی کات” بۆ مباپێ به‌کارده‌هێنێت !

خه‌ڵک سپۆرت

ئیداره‌ی یانه‌ی ڕیاڵ مه‌دریدی ئیسپانی به‌رده‌وامه‌ له‌ پڕۆسه‌ی فرۆشتنی یاریزانه‌ بێسوده‌کان و بۆ گواستنه‌وه‌ی کیلیان مباپێی فه‌ره‌نسیش “تاکتیکی کات”یان به‌کارخستووه‌.

ماڵپه‌ڕی “دی ئێم کیو – جیبیزوکا”ی باسکی ئاشکرای کردووه‌، ئیداره‌ی یانه‌ی ڕیاڵ مه‌درید له‌دوای فرۆشتنی مارکۆس یۆرێنتی و ماتیۆ کۆڤاسیچ، له‌ئێستادا نزیکه ‌سێرجی ڕیگیلۆن ڕه‌وانه‌ی سڤیلیه‌ بکات و  تیۆ هێرناندێز و دانی سیبایۆس ئاڕاسته‌ی یانه‌ی ئه‌ی سی میلان بکرێن، له‌هه‌مان کاتیشدا گواستنه‌وه‌کانی بۆرخا مایوڕاڵ و مارتن ئۆدیگارد بۆ یانه‌ی ڕیاڵ سۆسیداد کۆتاییان هاتووه‌ و جه‌مسه‌ره‌کان چاوه‌ڕوانی ته‌واوبونی ئاماده‌کاریه‌کانی ئیداره‌ی سۆسیداد ده‌که‌ن.

به‌پێی سه‌رچاوه‌که‌، گواستنه‌وه‌ی مایوڕاڵ و ئۆدیگارد له‌نێوان هه‌ردوو یانه‌ی ڕیاڵ و سیسیداد کۆتاییان پێهاتووه‌، به‌ڵام یانه‌ی شاهانه‌ کاتی داوه‌ به‌ یانه‌ باسکیه‌که‌ تا پاره‌ی ته‌واو بۆ ئیمزاکردنی هه‌ردوو گرێبه‌ست کۆبکاته‌وه‌، که‌ بێگومان ئه‌وه‌ش له‌ڕێگه‌ی فرۆشتنی چه‌ند یاریزانێکیه‌وه‌ ده‌بێت.

له‌به‌رامبه‌ر ئه‌م زانیاریانه‌دا “میڵچۆر ڕۆیز”ی ڕۆژنامه‌وانی ناوداری “لاڤیدا” به‌سه‌رچاوه‌که‌ی ڕاگه‌یاندووه‌ :” سه‌رۆکایه‌تی یانه‌ی شاهانه‌ له‌سه‌ر داوای زینه‌دین زێدان ده‌یانه‌وێت کیلیان مباپێ بگوێزنه‌وه‌ بۆ ڕیزه‌کانیان، به‌ڵام کاتێک ده‌بینن ناسڕ خلێفی خاوه‌نی یانه‌ی پاریس سانت جێرمان تونده‌ له‌سه‌ر بۆچونه‌کانی چیتر هیواکان که‌م ده‌بنه‌وه‌، به‌ڵام له‌گه‌ڵ هه‌موو ئه‌مانه‌شدا هیوایه‌ک هه‌یه‌ له‌کۆتا ساته‌کاندا بتوانن گواستنه‌وه‌که‌ ئه‌نجام بده‌ن”.

ڕۆژنامه‌وانه‌که‌ ڕاشیگه‌یاندووه‌ :” ئه‌گه‌ر گواستنه‌وه‌ی مباپێ له‌م هاوینه‌دا له‌لایه‌ن ڕیاڵه‌وه‌ ئه‌نجام نه‌درێت، به‌ دڵنیاییه‌وه‌ وه‌رزی داهاتوو به‌هه‌ر شێوه‌یه‌ک بێت ده‌یگوێزنه‌وه‌ بۆ ڕیزه‌کانیان، به‌مه‌ش ده‌وترێت تاکتیکی کات تا ئه‌وساته‌ی یاریزانه‌که‌ بێزارده‌بێت و چیتر یاناکه‌ی ناچاری ده‌ستبه‌رداربونی ده‌بن”.

جیهانی

پاریس بە یەک مەرج ئامادەیە دەستبەدرادری مباپێ ببێت بۆ ڕیاڵ مەدرید

خەڵک سپۆرت

سەرچاوەیەکی فەرەنسی دووپاتی دەکاتەوە، کە ئیدارەی یانەی پاریس سانت جێرمان لە گواستنەوەکانی هاوینەی ٢٠٢٠ ئامادەن دەستبەرداری کیلیان مباپێ ئەستێرەی فەرەنسی ببن پەیوەندی بە یانەی ڕیاڵ مەدریدەوە بکات.

ڕۆژنامەی “لو ١٠ سپۆرت”ی فەرەنسی لەزاری سەرچاوە ناوخۆییەکانی یانەی پاریس سانت جێرمانەوە ئاشکرای کردووە، لە وادەی گواستنەوەکانی هاوینەی ٢٠٢٠دا ئیدارەی یانە فەرەنسییەکە بە مەرج ئامادە دەبن دەستبەرداری مباپێ ببن پەیوەندی بە یانەی ڕیاڵ مەدریدەوە بکات.

بەپێی سەرچاوەکە، ئیدارەی یانەی شاهانەی مەدرید زیاتر لە ٢٠٠ ملیۆن بۆ گواستنەوەی مباپێ پێشکەشی ئیدارەی شێخ ناسڕ خلێفی دەکەن، لەبەرامبەردا نوێنەرانی پاریس داوای دەستبەرداربوون لە تیبۆ کۆرتوای گۆڵپارێزی بەلجیکی لە یانەی شاهانە دەکەن، لەو هەلومەرجەشدا هەردوو یانە ئامادەدەبن بۆندەکە ئیمزا بکەن.

گواستنەوەکەش بەم شێوازە هاوشێوەی ئاڵوگۆرێکی هەژێنەر دەردەکەوێت، لەڕێگەی گواستنەوەی مباپێ بۆ ڕیاڵ مەدرید و کۆرتوا بۆ پاریس و لەنێوان دوو یانەکەشدا زیاتر لە ٣٥٠ ملیۆن یورۆ ئاڵوگۆڕی پێدەکرێت.

لو ١٠ سپۆرت جەخت لەوە دەکاتەوە، کە ناسڕ خلێفی و هاوەڵانی جگە لە کەیسی مباپێ، کەیسەکانی بەردەوامبوون و ڕۆیشتنی نایمار دا سیلڤا و ئیدینسۆن کاڤانی و تیاگۆ سیلڤا یەکلایی دەکەنەوە.

بەردەوام بە لە خوێندنەوە

جیهانی

خشتە و کاتی یارییەکانی ئەمڕۆی خولە ناوخۆییەکانی ئەوروپا (یەک شەممە)

خەڵک سپۆرت

ئەمڕۆ ململانێی خولە ناوخۆییەکانی ئەوروپا بەردەوامییان دەبێت و چەندین یاریی بەهیز ئەنجام دەدرێن، گرنگترینیان ئەمانەن:

خولی ئینگلتەرا

مانچستەر یونایتد – واتفۆرد (٥:٠٠)

وڵڤەرهامبتۆن – نۆریچ سیتی (٥:٠٠)

ئارسیناڵ – ئێڤەرتۆن (٧:٣٠)

خولی فەرەنسا

سانت ئیتیان – ستاد ڕیمس (٥:٠٠)

ڕین – نیم ئۆڵۆمپیک (٧:٠٠)

پاریس سانت جێرمان – بۆردۆ (١١:٠٠)

خولی ئیسپانیا

ئۆساسۆنا – گرانادا (٢:٠٠)

دیپۆرتیڤۆ ئالاڤێس – ئەتلەتیک بلباو (٤:٠٠)

ڤەلەد وەلید – ئیسپانیۆل (٦:٠٠)

خیتافی – سڤیلیە (٨:٣٠)

ئەتلەتیکۆ مەدرید – ڤیاڕیاڵ (١١:٠٠)

خولی ئیتاڵیا

جەنەوا – لازیۆ (٢:٣٠)

ئاتالانتا – ساسولۆ (٥:٠٠)

هیلاس ڤیرۆنا – کالیاری (٥:٠٠)

تۆرینۆ – پارما (٥:٠٠)

ڕۆما – لیچی (٨:٠٠)

ئینتەرمیلان – سامپدۆریا (١٠:٤٥)

خولی ئەڵمانیا

بایەرلیڤەرکوزن – ئاوگسبۆرگ (٥:٣٠)

ڤۆلفسبۆرگ – ماینز (٨:٠٠)

بەردەوام بە لە خوێندنەوە

جیهانی

(ڤیدیۆ) لیڤانتی سێ خاڵی ڕیاڵ مەدرید داتاشی و بەرشلۆنەی گەڕاندەوە لوتکە

خەڵک سپۆرت

لەمیانی رووبەڕوبونەوەکانی هەفتەی (٢٥)ی خولی ئیسپانیا، یانەی لیڤانتی لە سیوتات ڤالێنسیا میواندرای ڕیاڵ مەدریدی کرد و بە گۆڵێکی بێوەڵام یارییەکەیان بردەوە.

لەتایمی یەکەمدا یاریزانانی ڕیاڵ بەهێزتر دەرکەوتن و فشاریان خستە سەر گۆڵی لیڤانتی، بەڵام هازارد و بنزیمە و هاوەڵانیان لە هێڵی هێرشبەر سەرکەوتوو نەبوون لە تۆمار کردنی گۆڵ و ئەو تایمە بەبێ گۆڵ کۆتایی هات.

لە تایمی دووەمدا زێدان توانی لەڕووی تاکتیکیەوە کۆنتڕۆڵی وردەکارییەکانی یارییەکە بکات، هەرچی یاریزانانی لیڤانتییە بە هێرشی هەڵگەڕاوە هەلی گۆڵکردنیان دروست دەکرد و چەندین هەلی مەترسیداریان کردە سەر گۆڵەکەی تیبۆ کۆرتوا.

لە هێرشێکی هەڵگەڕاوەدا لە خولەکی ٨٠ خوسێ مۆرالیسی گۆڵکاریمێژوویی لیڤانتی گۆڵێکی کوشندەی بۆ یانەی خاوەن هاندەر و یاریگا تۆمار کرد.

لەدوای ئەم گۆڵە پێکهاتەی ڕیاڵ هیچیان لەبەردەمدا نەمایەوە تەنها هێرشبردن نەبێت و چوونە نێو نیوە یاریگای یانەی ڕکابەرەوە، بەڵام سەرکەوتوو نەبوون لە تۆمارکردنی گۆڵی یەکسانکردنەوە و یارییەکە بە گۆڵێکی بێوەڵام لەبەرژەوەندی یانەی خاوەن یاریگا و هاندەر کۆتایی هات.

یانەی شاهانەی مەدرید سێ خاڵی گرنگی لەدەستدا و للە (٥٣) خاڵدا وەستانەوە، ئەوەش یانەی بەرشلۆنەی بە (٥٥) خاڵەوە گەڕاندەوە لوتکەی ڕیزبەندی و بڕیارە کلاسیکۆی گەڕانەوە لە سانتیاگۆ بێرنابیۆ یەکلاکەرەوە بێت.

بەردەوام بە لە خوێندنەوە

کوردستان