ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

دابەزاندنی خۆشترین یاری Call Of Duty بۆ مۆبایل بە خۆڕایی

خەڵک-

پاش بڵاوبوونەوەی یارییەکانی پەبجی و فۆرتنایت بۆ سەکۆ جیاوازەکانی گەیمینگ و بەتایبەتی هەردوو سیستەمی مۆبایلە زیرەکەکانی وەکو ئەندرۆید و ئای ئۆ ئێس، لە ماوەی نزیکی داهاتوو شەڕی ئەفسانەکانی یاری Call Of Duty بۆ مۆبایل بەردەست دەخرێت کە یارییەکی جەنگییە و بە گرافیکێکی بەرزەوە بنیات نراوە، لە ئێستادا یارییەکە تەنها بۆ وڵاتی هیند کاردەکات ئەگەر تۆش خواستی ئەوەت هەیە یارییەکە ئەنجام بدەیت لەگەڵمان بە بۆ جێبەجێکردنی ئەم ڕێنماییانە.

ناوی یارییەکە: Call Of Duty Mobile Legends of WAR
کۆمپانیای گەشەپێدەر: Timi Studio Group – Tencent Games
دەگونجێت لەگەڵ وەشانی: ئەندرۆید 5.0 و بەرزتر
نرخ: بەخۆڕایی بەڵام لە ناو یارییەکەدا کڕینی تێدایە.
یارییەکە لە ئێستادا تەنها بەردەستە بۆ هیند و دواتر بۆ وڵاتەکانی دیکە بەردەست دەخرێت.

گرنگترین تایبەتمەندییەکانی یارییەکە Call Of Duty Mobile:
ڕوونی گرایفی زۆر بەرز بە شێوازی HDR.
توانای پیشاندانی ٦٠ وێنەی هەیە لە چرکەیەکدا.
ڕێژەیەکی زۆری چەک لە خۆ دەگرێت.
کۆنتڕۆڵ کردنی یارییەکە و ئەنجامدانی یاری تێیدا ئاسانە.
درووستکردنی تیم بەهەمان شێوازەکانی PUBG و Fortnite ــە.

بۆ دابەزاندنی یارییەکە پێویستە ناونیشانی ئای پی ـپ بگۆڕیت بۆ وڵاتی هیندستان لە ڕێی دابەزاندنی یەک لەم دوو ئەپڵیکەیشنەوە دەتوانیت کۆگای گوگڵ پلەیەکەت بگۆڕیت بۆ وڵاتی هیندستان و پاشان دەست بکەیت بە دابەزاندنی یارییەکە لە ڕێی گەڕان بە دوای ناوی یارییەکە لە کۆگای گووگڵ پلەیدا.

کرتە بکە لێرە بۆ دابەزاندنی ڤی پی ئێنی Hola Free یاخوود ڤی پی ئێنی IndiaVPN.

ئۆتۆمبێل و تەکنەلۆژیا

نوێ: تا ساڵی 2025 هۆتێلێکی گەشتیاری لە بۆشایی ئاسمان دروستدەکرێت

خەڵک-

پشکنینەکان کێبڕکێیەکان هەروەها بەکارهێنانی بۆشایی ئاسمان پێی ناوەتە سەردەمێکی نوێ، لەلایەک کۆمەڵێک ووڵاتی نوێ هاتوونەتە ناو یاریەکە وەکو چین و هیندستان و ئیسرائیل، لەلایەکی تر بەشداریکردن و هەماهەنگی کردنی کەرتی تایبەتە لە پشکنین و بەکارهێنانی بۆشایی ئاسمان بەمەبەستی سود و قازانجی گشتی و تایبەتی وەکو بۆ نمونە SpaceX و Blue.Origin و کۆمەڵێکی تر.

کۆمپانیای Gateway Foundation دیزاین و ئامادە سازیەکانیان تەواوکردوە بۆدروستکردنی یەکەم هۆتێلی گەشتیاری لە بۆشایی ئاسمان کە لە خولگەیەکدا بەدەوری گۆی دەسوڕێتەوە، بەپێی زانیاریەکان کۆمپانیاکە دەستی بە دروستکردنی پارچەکانیش کردووە لەسەر زەوی، دوای تەواوبوونی هەموو پارچەکان دەنێردرێن بۆ ئەو خولگەیە و بەیەکەوە دەبەسترێنەوە، وێستگەکە کە دەبێتە هۆتێلێکی گەشتیاری بەهۆی ئەوەی خۆی و بەشەکانیشی بەدەوری خۆیاندا دەخولێنەوە هێزی کێشکردنیان تێدا دروست دەبێت و گەشتیاران دەتوانن بە ئاسانی تیایدا بجوڵێن، دابنیشن و بخەون لەناو بەش و ژوورەکانی.

ئەم هۆتێلە ناوی وارنەر ڤان بڕاون دەبێت، وارنەر زانایەکی ئەڵمانی بوو لەکاتی جەنگی جیهانی دووەمدا یەکەم موشەکی بۆ هیتلەر دیزاین کرد و دروستکرد، دوای جەنگی جیهانی دووەم ئەمەریکا ئەو زانایە و کۆمەڵێکی زۆری تر لە زانا ئەڵمانیەکان بە نهێنی هێنایە ئەمەریکا، وارنەر لە ئەمەریکا لە ساڵی شەستەکان موشەکی Saturn.V.5 ی بۆ ئاژانسی ناسا دیزاین کرد، ئاژانسی ناسا لەڕێگەی ئەو موشەکە هەموو گەشتەکانی ئەپۆڵۆی ئەنجامدا بۆسەر مانگ.

ئەم هۆتێلە سەرنجڕاکێشە لە 24 ژوور پێک دێت و دەتوانێت لەهەموو کاتێکدا نزیکەی 100 گەشتیار لەخۆیەوە بگرێت هەریەکەیان بۆ ماوەی هەفتەیەک.

نوسینی لوقمان حەوێز، پێگەی بزنس ئینسایدەر.

بەردەوام بە لە خوێندنەوە

ئۆتۆمبێل و تەکنەلۆژیا

شاومی Redmi Note 8T ی ڕاگەیاند بە تایبەتمەندی بەرزەوە!

خەڵک-

مۆبایلی Redmi Note 8T نوێترین بەرهەمی کۆمپانیای شاومی چینییە کە خاوەنی تایبەتمەندی بەرزەوە، وەکو باتری ٤٠٠٠ میلی ئەمپێر و کامێرای ٤٨ مێگاپێکسڵ ئەمانەی خوارەوەش گرنگترین تایبەتمەندییەکانی مۆبایلەکەن:

شاشە:6.3 ئینج بە 1080×2340 پێکسڵ.
کامێرای پشتەوە: هەڵگری ٤ هەستەوەرە بە ڕونییەکانی: 48+8+2+2+ مێگاپێکسڵ.
کامێرای پێشەوە:13 مێگاپێکسڵ بە تواناکانی HDR و پانۆراما.
ڕام:3/4 گێگابایت.
پڕۆسێسەر: سناپدراگۆن 665.
باتری:4000 میلی ئەمپێر.
بیرگەی:32/64/128 گێگابایت.
وەشان: ئەندرۆید 9 لەسەر ڕوکاری MIUI 10.
دووسیم کارت، فۆڕجییە.
پارێزەری شاشە: گۆرێلا گڵاسی ٥.

تایبەتمەندییەکانی تری بریتین لە پشتگیری کردنی بارگاویکەرەوەی خێرای ١٨ واتی و ڕەنگەکانی خۆڵەمێشی و سپی و شینن، هەروەها دەرچەی ئۆکسی هەیە و خاوەنی تایبەتمەندی FM ـە.

Image result for Xiaomi Redmi Note 8T

بەردەوام بە لە خوێندنەوە

ئۆتۆمبێل و تەکنەلۆژیا

فێری چۆنیەتی دەستکاریکردن و درووستکردنی ڤیدیۆ ببە بێ بەکارهێنانی بەرنامە!

خەڵک

لەم بابەتەدا ماڵپەرێکی سەرنجڕاکێش و بەهێزمان بۆ هێناون بۆ دەستکاریکردنی ڤیدیۆ بەبێ بوونی هیچ بەرنامەیەک و بەشێوەی ئۆنلاین(سەرهێڵ) بەردەستە.

بۆ چوونە نێو ماڵپەرەکە کرتە لێرە بکە.

کرتە لە “Upload Video” بکە یاخوود  “Try a sample” دابگرە بۆ تاقیکردنەوەی پڕۆجێکتێکی ئامادەی ناو سایتەکە کە ١١ چرکە دەبێت.

بەشەکانی پاش داخڵبوونی دروستکردن ڤیدیۆ:

1-تووڵە پێویستەکانی وەکو نوسین و زیادکردنی وێنەی جیاواز بۆ سەر ڤیدیۆکە.

2- دیارکردنی قەبارەیی ڤیدیۆکە لەسەر شاشە.

3- پاشەکەوت کردن و داگرتنی ڤیدیۆکە.

4-کۆنتڕۆڵکردنی جوڵەی ڤیدیۆکە.

 

 

دەتوانیت هاوشێوەی ئەم بەشەی خوارەوە لە بەشی یەکەمدا ئیفێکت(کاریگەری) جوان زیاد بکەیت بۆ ڤیدیۆکە.

بەردەوام بە لە خوێندنەوە

کوردستان