ئێمە لە تۆرە کۆمەڵایەتیەکان

کوردستان

پۆلیسی مەشق و شیاندن ڕونكردنەوەیەكی لەسەر هەواڵێكی (خەڵك) بڵاوكردەوە

خەڵك- بەشی هەواڵ

بەڕێوەبەرایەتی پۆلیسی مەشق و شیاندنی سلێمانی ڕونكردنەوەی لەسەر هەواڵێكی ماڵپەڕی (خەڵك) بڵاوكردەوە، كە بڵاوی كردبووەوە، ئەو پۆلیسانەی لەو ناوەندە سەربازییە مەشقیان پێدەكرێت و لەناوەندی شاری سلێمانی و ناوچەكانی دیكەوە دەهێنرێنە ئەو ناوەندە بۆ مەشقپێكردن، پارەی نانخواردن و هاتوچۆیان بۆ خەرج ناكرێت.

ماڵپەڕی (خەڵك) لە ڕوانگەی بەرپرسیارەتی مێدیایی و ڕەچاوكردنی بەرژەوەندی گشتییەوە ئەو هەواڵەی لەسەرچاوەی باوەڕپێكراوەوە وەرگرتووە و دواتریش بەڕێوەبەرایەتییەكە زۆربەی زانیارییەكانی پشتڕاستكردووەتەوە لە ڕونكردنەوەكەیدا، بۆیە چ پێویست بە بەكارهێنانی وشە و دەستەواژەی زبر دەكات، لەكاتێكدا خۆیان زانیارییەكانیان تەئیكدكردووەتەوە.!؟

ماڵپەڕی (خەڵك) یەكەم ماڵپەڕی ئەهلی كوردییە كە زۆرترین گرنگی بە هەواڵی پۆلیس و ئاسایش دەدات و ئەرك و ماندوبوونیان بەرز دەنرخێنێت و لە ماوەی ڕابردووشدا سەدان دەستخۆشی بە تەلەفۆن و نامە لەلایەن كارمەندانی ئاسایش و پۆلیسەوە بۆ هاتووە.

ماڵپەڕی (خەڵك) دەقی هەواڵەكەی بە لێدوانی فەڕمی بەرپرسانی وەزارەتی ناوخۆ و پۆلیس دابەزاندووە و بەڕێز سەرۆكی دیوانی وەزارەتی ناوخۆ بۆ ماڵپەڕەكەمان تەئیكدی كردەوە، كە پێویستە خەرجییەكانی خولی پلەبەرزكردنەوەی پلەی كارمەندانی پۆلیس لە ئەستۆی حكومەت بێت.

سەبارەت بە ناوەڕۆكی هەواڵەكەش، بەڕێوەبەرایەتی مەشق و شیاندن زۆربەیان خۆیان پشتڕاستیان كردووەتەوە و تەنها ناوی بەڕێوەبەرایەتییەكەمان بە هەڵە نوسیووە، لەوەش داوای لێبوردنیان لێدەكەین.

ماڵپەڕی (خەڵك) تەنها لە پێناو دروستكردنی ڕایگشتی هۆشیار و گەیاندنی زانیاری ڕاست و دروست، ڕەچاوكردنی ئیتیكی ڕۆژنامەوانی بۆ پاراستنی بەرژەوەندی گشتی، بەتایبەتی چین و توێژە زەحمەتكێش و مافخوراوەكان دامەزراوە و بەردەوامیش دەبێت، بەبێ‌ بەكارهێنانی زمانی زبر و وشە و دەستەواژەی دوور لە بەها و پرانیسپە كلتوری و ئاینی و كۆمەڵایەتییەكان.

دەقی ڕونكردنەوەكە:

ڕوونكردنەوەیەك لە بەڕێوەبەرایەتی پۆلیسی مەشق و شیاندنەوە بۆ سایتی خەڵك، سەبارەت بە وەرگرتنی پارەی خواردن.

ڕۆژنامەنوسی پیشەیی لەپشتی مێزەكەیەوە هەواڵ ئامادە ناكات، بەڵكو دەچێتە شوێنی ڕووداوەكە، تا ڕاستیەكان وەك خۆی ببینێت.

سەبارەت بەو هەواڵەی كە ئەمڕۆ (٣٠/ ٦/ ٢٠١٩) بڵاوتان كردووەتەوە بە مانشێتی «پۆلیسی سلێمانی و گەرمیان و ڕاپەرین بە پارەی خۆیان مەشقیان پێدەكرێت» بەپێویستی دەزانین ئەم چەند خاڵە بخەینەڕوو.

یەكەم: هەموو ئەفسەرو كارمەندێكی پۆلیس لە هەرێمی كوردستان مانگانە بڕی (330.000 دینار) دەرماڵەی خواردنی بۆ سەرف دەكرێت. كە بۆ هەر ڕۆژێك دەكاتە (11.000 دینار) بۆیە كارمەندان لەكاتی دەوامی ئاسایی و لەكاتی مەشق و هەر بارودۆخێكی تر دەبێ خۆیان خواردن بۆ خۆیان دابین بكەن، وەزارەتی ناوخۆ بەهیچ جۆرێك خواردن دابین ناكات، چونكە پارەیان بۆ سەرف دەكرێت لەبری خواردن.

دووەم: هەر كارمەندێك كە بەشداری خول دەكات لای ئێمە، ڕۆژانە بڕی تەنها (5.000 پێنج هەزار دینار)ی لێوەردەگیرێت بۆ نانخواردنی «سێ» ژەم، پارەكەش لەلایەن نوێنەری خوێندكاران خۆیانەوە كۆدەكرێتەوەو ڕاستەوخۆ دەدرێت بە خاوەن چێشتخانەیەك كە خواردنەكەیان بۆ ئامادە دەكات بۆ هەر سێ ژەمەكە، بەهیچ جۆرێك ئەو پارەیە ناچێتە بەشی ژمێریاری بەڕێوەبەرایەتیمان.

سێیەم: سەبارەت بەنرخی ڕۆژانەی خواردن بەڕێوەبەرایەتیمان (سێ جار) لەدوای یەك لە ڕێگەی پارێزگای سلێمانی یەوە ئاگاداری بڵاوكردەوە بۆ بەكرێدانی چێشتخانەكە، بەڵام هیچ كۆمپانیاو بەڵێندەرێك لەكاتی دیاریكراو ئامادەی كەمكردنەوە (مناقصە)كە نەبوون. ئێستاش كێ ئامادەیە كەمتر لەو نرخە خواردن بۆ خوێندكاران ئامادە بكات، با بفەرموێت!

چوارەم: ئێوە لە نوسینی ناوی شوێنەكە هەڵەتان كردووە كە نووسیوتانە (ئەكادیمیای پۆلیسی سلێمانی) لە كاتێكدا ئێمە ( بەڕێوەبەرایەتی پۆلیسی مەشق و شیاندن)ین، هەروەها كەسێك نییە بەناوی (لوقمان محەمەد) لەم بەڕێوەبەرایەتیە تا بەرپرسی بەشی ڕاگەیاندن بێت و ئێوە پەیوەندیتان پێوەكردبێت گوایە مۆبایلی داخرابێت.
ئەمەش نیشانەی ئەوەیە هەواڵ سازەكەتان «درۆ»ی ڕیزكردووە، هیچ ئەركێكی نەكێشاوەو هیچ بەتەنگ دروستی زانیارییەكانی هەواڵەكەوە نەبووە، ئەمەش لە ڕووی ئیتیكی كاری ڕۆژنامەنوسیەوە شەرمە. تەنانەت وێنەی هەواڵەكەتان لە پەیجە فەرمیەكەمانەوە لە تۆڕی كۆمەڵایەتی فەیسبووك هێناوە، بەبێ ئەوەی وردبنەوە لەناوی دامەزراوەكەمان. تەنانەت دەتوانی نامە بنرێن بۆ پەیجەكەمان تا بەفەرمی وەڵام وەربگرن؛ وەك ئەوەی ڕۆژانە وەڵامی دەیان نامەی هاوڵاتیان دەدەینەوە.

شەشەم: هەموو هاوڵاتیەك مافی خۆیەتی زانیاری دروست و وردی پێ بدرێت؛ ڕەچاو نەكردنی ئەم پرەنسیپە، نرخ دانەنانە بۆ خوێنەرەكانتان!

هۆبەی ڕاگەیاندن
لە بەڕێوەبەرایەتی پۆلیسی مەشق و شیاندن
٣٠/ ٦/ ٢٠١٩

کوردستان

داوا بەهاناوەچوونی بەپەلەی بریندارانی ڕۆژئاوا دەكرێت

خەڵك-بەشی هەواڵ

سوپای توركیا بە بەردەوامی سەرێكانی بۆردومان دەكات و بەهۆی نەبوونی خزمەتگواری تەندروستیش ژیانی هەزاران بریندار لە مەترسیدایە.

ئاژانسی فوڕات نیوز بڵاویكردەوە، مانگی سووری كورد بە هۆی هێرشەكانی سوپای توركیا ناتوانێت دەستوەردان لە دۆخەكەدا بكات و ئاشكرایكرد، بە هەزاران هاوڵاتی سڤیل لە سەرێكانی و دەوروبەری لە دۆخێكی مەترسیداردان و داوای لە كۆمەڵگای نێودەوڵەتی كرد كۆمەك بۆ برینداران كۆ بكەنەوە.

لای خۆشییانەوە ئاڵدار خەلیل ئەندامی دەستەی بەڕێوەبەری تەڤدەم و كۆمیتەی تەندروستی هەرێمی جزیری ڕۆژئاوای كوردستان داوای هاوكاری بەپەلەیان بۆ برینداران كرد.

ئاڵدار خەلیل ئاشكراشیكرد، سوپای توركیا لە سەرێكانی ژیانی هەزاران كەسی مەدەنیان خستووەتە مەترسیەوە و داوای لە هێزە پەیوەندیدارەكان كرد بە زووترین كات دەستوەردان بكەن.

بەردەوام بە لە خوێندنەوە

کوردستان

بەتۆمەتی دروستكردنی كارگەیەكی فافۆن، دوو كەس دەستگیر كران

خەڵك-بەشی هەواڵ

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، بنكەی پۆلیسی دارستانی تانجەرۆ ٢ هاووڵاتی دەستگیر دەكات.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، ڕێككەوتی ٢٠١٩/١٠/١٥ مەفرەزەیەكی بنكەی پۆلسی دارستانی تانجەرۆ بە مەبەستی پشكنین و نەهێشتنی دیاردەی زیادەڕەوی و نایاسایی لە سنوری تانجەرۆ توانیان ٢ هاووڵاتی دەستگیر بكەن كە بەشێوەیەكی نایاسایی هەستابوون بە دروستكردنی كارگەیەكی فافۆن، ئەمەش ببووە هۆی بڵاوبوونەوەی دوكەڵ و بۆنی ناخۆش و زیان بەخش بۆ ناوچەكە.

ئاشكراشیدەكات، پەڕاوی لێكۆڵینەوە كراوەتەوە و ڕادەستی دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

کوردستان

پۆلیسی سلێمانی: ئامانج بابانی، هاوسەر و منداڵەكەی و پاشان خۆی كوشتووە

خەڵك- بەشی هەواڵ

ئاسۆ شێخ تەها، بەڕێوەبەری پۆلیسی سلێمانی لە كۆنگرەیەكی ڕۆژنامەنوسیدا ڕایگەیاند، ڕووداوەكەی شەوی ڕابردووی سلێمانی كە تێیدا دوو ڕۆژنامەنوس كە هاوسەری یەكتربوون و منداڵەكەیان كوژران، خۆكوژی بووە و لەلایەن ئامانج بابانەوە كراوە.

بەڕێوەبەری پۆلیسی سلێمانی ئاماژەی بەوەكرد، لە دەرەوە تەقە نەكراوە، بەڵكو ئامانج بابانی تەقەی لە هاوسەر و منداڵەكەی كردووە و پاشان فیشەكێكی ناوە بە سەری خۆیەوە، وەك ئەو دەڵێت.

ئاماژەی بەوەشدا، 20/10/2019 دواهەمین دانیشتنی دادگای نێوان ئامانج بابانی و لانە محەمەدی بووە و پێشتر كێشەی ئەو دوو هاوسەرە لە دادگا بووە و چەند دانیشتێكیان لە دادگا هەبووە.

بەردەوام بە لە خوێندنەوە

کوردستان