ئێمە لە تۆرە کۆمەڵایەتیەکان

کوردستان

لەسەر بڕیاری كۆتایی بۆ كاندیدەكانی یەكێتی ڕوونكردنەوە دەدرێت


خەڵك-بەشی هەواڵ

ئەمڕۆ یەك شەممە، پەڕلەمانی كوردستان بۆ ماوەی 15 ڕۆژ ماوەی یاسادانانی خۆی درێژ كردەوە، ئەویش دوای ئەوەی نەتوانرا لەو كاتەی بەرپرسانی پارتی دیارییان كردبوو حكومەت پێكبهێنرێت.

پێشەوا هەورامانی، ئەندامی پەڕلەمانی كوردستان لە فڕاكسیۆنی پارتی بە (خەڵك)ی ڕاگەیاند، تاكو 12ی مانگی داهاتوو سیڤییەكان ڕەوانەی سەرۆكی ڕاسپێردراو دەكرێت.

وتیشی، “ئەگەر تا ئەو ماوەیە سیڤییەكان ڕەوانە نەكرێت، ئەوا كاریگەری لەسەر پێكهێنانی حكومەت نابێت و لە وادەی خۆیدا، كە 30 ڕۆژە كابینەكە پێكدەهێنرێت و لەلایەن پەڕلەمانیشەوە متمانەی پێدەدرێت”.

لای خۆشییەوە، هاوڕێ مەلا ستار، ئەندامی پەڕلەمانی كوردستان لە فڕاكسیۆنی یەكێتی بە (خەڵك)ی ڕاگەیاند، پرسی یەكلاییكردنەوەی كاندیدەكانی كابینەی داهاتوو كۆتایی نەهاتووە.

وتیشی، “دیاریكردنی كاندیدەكان پەیوەستە بە ڕێككەوتنی یەكێتی و پارتی لەسەر كاندیدێك بۆ پارێزگای كەركوك و تا ئێستاش نەگەیشتونەتە ڕێككەوتنی كۆتایی”.

کوردستان

ئاگادارییەك لە پارێزگای هەولێرەوە


خەڵك – بەشی هەواڵ

پارێزگای هەولێر هاووڵاتیان ئاگاداردەكاتەوە، كە بەسود وەرگرتن لە ڕێگەپێدانی پارێزگای هەولێر لەكاتژمێر (1)ی شەو تا (6)ی بەرەبەیان سەفەریانكردووە و لەماڵەكانیان چوونەتە دەرەوە، هەر ئەمشەو لەدوای كاتژمێر (1)ی شەو تا (6) بەیانی بگەڕێنەوە ماڵەكانیان.

پارێزگای هەولێر ئاماژەی بەوەشداوە، ئەم ڕێگەدانە لە بەیانی ژمارە 24ی ئەمڕۆی وەزارەتی ناوخۆی حكومەتی هەرێمی كوردستان هەڵوەشاوەتەوە.

 

دەقی ئاگادارینامەكە:

ئاگادارییەك لە پارێزگای هەولێرەوە

ئەو هاوڵاتییانە ئاگادار دەكەینەوە، كە بەسود وەرگرتن لە ڕێگە پێدانی پارێزگای هەولێر لەكاتژمێر (1)ی شەو تاوەكو (6)ی بەرەبەیان سەفەریانكردووە و لەماڵەكانیان چوونەتە دەرەوە، هەر ئەمشەو لەدوای كاتژمێر (1)ی شەو تاوەكو (6) بەیانی بگەڕێنەوە ماڵەكانیان، ئەم ڕێگەدانە لە بەیانی ژمارە24ی ئەمڕۆی وەزارەتی ناوخۆی حكومەتی هەرێمی كوردستان هەڵوەشاوەتەوە.

ڕاگەیاندنی پارێزگای هەولێر
2020.4.3

بەردەوام بە لە خوێندنەوە

کوردستان

تەندروستی هەرێم: 2 تووشبووی تر لە هەولێر دەستنیشان كران


خەڵك – بەشی هەواڵ

وەزارەتی تەندروستی هەرێم ڕایگەیاند: لە بەردەوامی پشكنینەكان و گەڕان بەدوای گومانلێكراوان، دوو تووشبووی ڤایرۆسی كۆرۆنای نوێ COVID-19 لە شاری ھەولێر دەستنیشانكران.

تەندروستی هەرێم ڕوونیشیكردووەتەوە، تووشبووەكان دوو ئافرەتن كە هەردووكیان بەركەوتەی تووشبووێكی پرسەیەكی ماتەمینی گەرەكی كارێزانی شاری ھەولێرن.

دەقی ڕاگەیەنراوەكە:

دەرەنجامی نوێ …

لە بەردەوامی پشكنینەكان و گەڕان بەدوای گومانلێكراوان، دوو تووشبووی ڤایرۆسی كۆڕۆنای نوێ COVID-19 لە شاری ھەولێر دەستنیشانكران، دوو ئافرەت كە هەردووكیان بەركەوتەی تووشبووێكی پرسەیەكی ماتەمینی گەرەكی كارێزانی شاری ھەولێرن.

وەزارەتی تەندروستی
3 نیسان 2020

بەردەوام بە لە خوێندنەوە

کوردستان

“لە 48 كاتژمێری داهاتوودا میدیاكاران ڕێگریان لێ ناكرێت بەمەرجێك لە دەوامدا بن”


خەڵك – بەشی هەواڵ

ڕێبەر ئەحمەد وەزیری ناوخۆی هەرێم ڕایگەیاند: میدیاكاران دەتوان هاتوچۆ بكەن بە مەرجێك لە ئەرك و دەوامدا بن.

وەزیری ناوخۆ هەرێم وتیشی، میدیاكاران تەنها باجی دەزگاكەیان بەكاربهێن باجی سەندیكای ڕۆژنامەنووسان ڕێگە پێدراو نییە.

هاوكات، كاروان ئەنوەر لێپرسراوی لقی سلێمانی سەندیكای ڕۆژنامەنووسانی كوردستان ڕایدەگەیەنێت: بەبڕیاری وەزیری ناوخۆ و پاڕێزگاری سلێمانی لە 48 كاتژمێری داهاتوودا هاتوچۆی میدیاكاران و كارمەندانی كەناڵەكانی ڕاگەیاندن ڕێگریان لێ ناكرێت لە چوارچێوەی یاسا و ڕێساكانی پێشوودا.

بەردەوام بە لە خوێندنەوە

کوردستان