ئێمە لە تۆرە کۆمەڵایەتیەکان

عێراق

لەسەر فەرمانی عەبادی بوو
سزای لەسێدارەدان بەسەر 12 داعشیدا جێبەجێكرا


خەڵك-بەشی
نوسینگەی حەیدەر عەبادی سەرۆك وەزیرانی عیراق، جێبەجێكردنی حوكمی لەسێدارەدان بەسەر 12 كەسدا راگەیاند كە پێشتر تۆمەتی تیرۆرییان رووبەڕووكرابۆوە و حوكمەكانیان پلەی تەواوەتی وەرگرتبوو.

نوسینگەی سەرۆك وزەیرانی عیراق لە بەیاننامەیەكدا رایگەیاند”لەسەر فەرمانی حەیدەر عەبادی سەرۆك وەزیرانی عیراق، دوێنێ‌ پێنج شەممە حوكمی لەسێدارەدان بەسەر 12 تیرۆریستی تاوانباردا جێبەجێكرا”.

بەپێی بەیاننامەكەی نوسینگەكەی عەبادی”ئەوانەی حوكمی لەسێدارەدانیان بەسەردا جێبەجێكراوە، حوكمەكانیان پلەی تەواوەتی وەرگرتووە”.

پێشتر عەبادی فەرمانی كردبوو بە دەستبەجێ‌ لەسێدارەدانی هەموو ئەو تيرۆریستانەی حوكمی لەسێدارەدانیان بۆ دەرچووە، ئەم بڕیارەش پێدەچێت وەك تۆڵەكردنەوە بێت بۆ ئەو هەشت دیلەی كە پێشتر چەكدارانی داعش گوللـەبارانی كردبوون.

شەممەی رابردوو، ئاژانسی (أعماق)ی سەر بە داعش، تۆمارێكی ڤیدیۆیی لەرێی ئەپی (تیلیگرام)ەوە بڵاوكردەوە و هەڕەشەی كوشتنی ئەو دیلانەی كردبوو كە پێشتر لەسەر رێگەی نێوان كەركوك- بەغدا دەستگیری كردبوو،  بۆ مەبەستی ئازادكردنیشیان پێشنیاریی كردبوو، ژنە دەستگیركراوەكانی سەر بە رێكخراوەكە لە گرتوخانەكانی عیراقدا لەماوەی سێ‌ رۆژدا ئازادبكرێن.

لە چوار شەممەی رابردوو ناوەندی راگەیاندنی ئەمنی، دۆزینەوەی تەرمی ئەو هەشت كەسەی راگەیاند كە پێشتر لەلایەن چەكدارانی داعشەوە لەسەر ریگەی كەركوك- بەغدا رفێنرابوون.

عێراق

لە دیالە كەسێك بە كۆرۆنا گیانی لەدەستدا


خەڵك- بەشی هەواڵ
بەڕێوەبەرایەتی تەندروستی دیالە ئاشكرای دەكات، كە یەكێك لە تووشبووان بە كۆرۆنا گیانی لەدەستداوە.

فارس عەزاوی، وتەبێژی تەندروستی دیالە لە بەیاننامەیەكدا ئاماژەی بەوەكردووە، كە ئەمڕۆ سێ‌ شەممە یەكێك لەتووشبووان بە ڤایرۆسی كۆرۆنا گیانی لەدەستداوە و پێشتر تووشبوونی بەو ڤایرۆسە ڕاگەیەنراوە.

ئاشكراشی كردووە، كە ئەو كەسە تەمەنی 47 ساڵە و نەخۆشی ڤایرۆسی جگەری هەبووە و بەهۆیەوە گورژیلەكانی وەستاون و سییەكانیشی لەكاركەوتوون بەهۆی ئەوەی تووشی كۆرۆنا بووە.

ڕوونیشی كردۆتەوە، كە كارمەندانی تەندروستی لە هەوڵی ڕزگاركردنی گیانی ئەو نەخۆشەدا بوون و خستوویانەتە شوێنی چاودێری چڕ و ئامێری هەناسەدانیان بۆ داناوە، بەڵام بەداخەوە گیانی لەدەستداوە.

وتەبێژی تەندروستی دیالە داوا لە هاووڵاتیان دەكات پابەندی ڕێنماییە تەندروستییەكان بن و خۆیان لە قەرەباڵغی بەدوور بگرن.

بەردەوام بە لە خوێندنەوە

ئابوری

وەزیری دارایی عیراق گرێبەستی كڕینی غاز و كارەبای لەگەڵ ئێران هەڵوەشاندەوە


خەڵك – بەشی هەواڵ
وەزیری دارایی و ئابووری عیراق وەك پابەندبوون بە بڕیارەكانی خەزێنەی ئەمریكا دەستبەرداربوونی وڵاتەكەی لە كڕینی غاز و كارەبای ئێران ڕاگەیاند.

عەلی عەلاوی، وەزیری دارایی عیراق لە وڵاتی سعودییە لە لێدوانێكی ڕۆژنامەوایدا رایگەیاند، وڵاتەكەی دەستبەرداری هێنانی غاز و كارەبا دەبن لە ئێرانەوە وەك پابەندبوون بە بڕیارەكانی خەزێنەی ئەمریكا.

ڕاشیگەیاندووە ، لە ئێستا لە وڵاتی سعودییەن بۆ واژۆكۆدنی گرێبەستی ڕاكێشانی كارەبا لە سعودییەوە بۆ عیراق.

ڕەتیشی كردەوە، كە داوای هیچ بڕە پارەیەكی لە سعودیە كرد بێت وەك قەرز بۆ پڕكردنەوەی كورتهێنانەكانی، كە بەهۆی دابەزینی نرخی نەوت و بڵاوبوونەوەی ڤایرۆسی كۆرۆنا توشی بووە.

بەردەوام بە لە خوێندنەوە

عێراق

عیراق 163 حاڵەتی توشبوون بە ڤایرۆسی كۆرۆنا تۆماركرا


خەڵك- بەشی هەواڵ

ژمارەی تووشبووان بە ڤایرۆسی كۆرۆنا لە عیراق ڕوو لە زیادبوونە و ئەمڕۆ دووشەممە 163 كەس تووشبوون و 73 كەسیش چاكبوونەوە 3 كەسیش گیانیان لەدەستداوە .

وەزارەتی تەندروستی و ژینگەی عیراق لە بەیاننامەیەكدا ئاماژەی بەوەكردووە، كە ئەمڕۆ دووشەممە 25ی ئایاری 2020 پشكنین بۆ 5 هەزار و 762 ئەنجامدراوە و 163 كەس ئەنجامی پشكنینەكانیان پۆزەتیف دەرچوون، كە زۆرینەیان لە بەغدا بوون و 10 كەسیش لە سلێمانی تۆماركراوە.

ڕاشیگەیاندووە، هەر ئەمڕۆ 73 تووشبووی ڤایرۆسی كۆرۆنا چاكبوونەوە، كە زۆرینەیان لە بەغدا بوون هاوكات 3 حاڵەتی مردنیش لە بەغدا تۆماركرا.

ئاشكراشی كردووە، كۆی گشتی تووشبووان بە كۆرۆنا گەیشتۆتە 4 هەزار و 632 كەس و چاكبوونەوەش 2 هەزار و 811 كەس و مردنیش 163 كەس و دەشڵێت:“هێشتا هەزار و 658 كەس لەژێر چاودێری پزیشكیدان لە نەخۆشخانەكان”.

بەردەوام بە لە خوێندنەوە

کوردستان