ئێمە لە تۆرە کۆمەڵایەتیەکان

ژینگە

لە پێنجوێن و شارباژێڕ زیاتر لە 40 دۆنم پووش و پاوان سووتان


خەڵك- بەشی هەواڵ
بەڕێوەبەرایەتی پۆلیسی دارستان و ژینگەی پارێزگای سلێمانی ئاشكرای دەكات، لە دوو ڕووداوی جیادا لە سنووری پێنجوێن و شارباژێڕ 40 دۆنم پووش و پاوان و داری سووشتی سووتاوە.

بەڕێوەبەرایەتی پۆلیسی دارستان و ژینگەی سلێمانی لە ڕاگەیەندراوێكدا، كە وێنەی دراوە بە (خەڵك) ئاماژەی بەوەكردووە، بە هۆكارێكی نادیار لە گوندی (سەرنەوان)ی سەر بە شارۆچكەی پێنجوێن ئاگرێك كەوتەوە و بووە هۆی سووتانی زیاتر لە ( ٣٠ ) دۆنم پوش و پاوان و داری سرووشتی ناوچەكە.

ڕاشیگەیاندووە، دەستبەجێ مەفرەزەكانی بەشی پۆلیسی دارستانی پێنجوێن گەیشتنە شوێنی ڕوداوەكە و بە هاوكاری لەگەڵ ئاگركوژێنەوەی پێنجوێن و خاڵی باشماخ توانیان ئاگرەكە بكوژێننەوە و كۆنتڕۆڵ بكرێت.

ئاشكراشی كردووە، لە سنوری گوندی (قەشان)ى سەر بە شارۆچكەی ماوەت لە سنووری شارباژێڕ بە هۆكاری بوونی (مین و تەقەمەنی) ئاگرێك لە پووش و پاوانی سنورەكە كەوتەوە.

ئاماژەی بەوەشكردووە، دەستبەجێ مەفرەزەكانی پەشی پۆلیسی دارستانی ماوەت گەیشتنە شوێنی مەبەست و بە هاوكاری لەگەڵ بنكەی پۆلیسی بەرگری شارستانی ماوەت و خەڵكی ماوەت توانیان بە ماوەی (٢) كاتژمێر ئاگرەكە كۆنتڕۆڵ بكەن و ڕێگە لەزیاتر تەشەنەكردنی بگرن.

پۆلیسی دارستان و ژینگەی سلێمانی جەختیشی كردۆتەوە، زەرەر و زیانی ئاگرەكە بووە هۆی سووتانی نزیكەی (١٠) دۆنم لە پووش و پاوان و داری سرووشتی ناوچەكە.

ژینگە

كەشوهەوای ئەمڕۆ و سبەینێی هەرێمی كوردستان


خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرزتر دەبنەوە.

بەپێی پێشبینییەكانی كەشناسی، ئەمڕۆ دوو شەممە ئاسمان ساماڵ و كەمێك پەڵە دەبێت.

هەر بەپێی پێشبینییەكان، سبەینێ سێ شەممە، ئاسمان ساماڵ و كەمێك پەڵە دەبێت و پلەكانی گەرماش چەند پلەیەك بەرز دەبنەوە.

بەردەوام بە لە خوێندنەوە

ژینگە

كەشوهەوای ئەمڕۆ و سبەینێی هەرێمی كوردستان


خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرزتر دەبنەوە.

بەپێی پێشبینییەكانی كەشناسی، ئەمڕۆ یەك  شەممە ئاسمان ساماڵ دەبێت.

هەر بەپێی پێشبینییەكان، سبەینێ دوو شەممە، ئاسمان ساماڵ دەبێت و پلەكانی گەرماش چەند پلەیەك بەرز دەبنەوە.

بەردەوام بە لە خوێندنەوە

ژینگە

پلەكانی گەرما بەرزدەبنەوە


خەڵك- بەشی هەواڵ
بەپێی ڕاپۆرتە كەشناسییەكان، دۆخی كەشوهەوای بەهارە كۆتایی دێت و پلەكانی گەرما ڕوو لە بەرزبوونەوە دەكەن.

سادق عەتیە، پسپۆڕی كەشناسی عیراقی لە هەژماری خۆی لە فەیسبووك ڕایگەیاندووە، بەهۆی دابەزینی بارستە هەوایەكی تاڕادەیەك فێنك بۆ وڵاتی توركیا، وڵاتانی شام و ناوچەكانی هەرێمی كوردستان، پلەكانی گەرما بەڕێژەی 3 بۆ 6 پلە دابەزیون.

ئاشكراشی كردووە، كە لە سبەینێ‌ یەك شەممەوە پلەكانی گەرما بەشێوەی پلە بە پلە ڕوو لە بەرزبوونەوە دەكەن و لە چەند ناوچەیەكی باشووری وڵات لە ناوەڕاستی هەفتەدا دەگەنە 50 پلە.

جەختیشی كردۆتەوە، كە لەگەڵ چوونە وەرزی نوێوە خێرایی با زیاد دەكات و لەكاتەكانی ڕۆژدا تۆز و خۆڵ بەرزدەبنەوە.

هاوكات بەپێی ڕاپۆرتێكی كەشناسی عیراق، پێشبینی دەكرێت هاوینی ئەمساڵ 3 پارێزگای عیراق (بەسرەِ و عەممارە و خانەقین) بەرزترین پلەكانی گەرما تۆمار بكەن و بگەنە 51 پلەی سەدی.

بەردەوام بە لە خوێندنەوە

کوردستان