ئێمە لە تۆرە کۆمەڵایەتیەکان

ژینگە

كێشەی وشكبوونی باخچەكانی سلێمانی بە یەكجاری چارەسەرنەكراوە


خەڵك- بەشی هەواڵ

لە ماوەی ڕابردوودا (خەڵك) ئەوەی ئاشكراكرد، كە مەترسی وشكبوون لەسەر زۆربەی باخچەكانی سلێمانی هەیە و پاشان كۆمپانیایەكی خێرخواز باخچەكانی پاراوكرد و سەرۆكی لیژنەی خزمەتگوزاریی و شارەوانی ئەنجومەنی پارێزگەی سلێمانیش دەڵێت”باخچەكان كێشەی بەڕێوەبردن و گرێبەستی تەنكەریان هەیە”.

محەمەد ڕەسوڵ، سەرۆكی لیژنەی خزمەتگوزارییەكان و شارەوانی لە ئەنجومەنی پارێزگەی سلێمانی بە (خەڵك)ی ڕاگەیاند، باخچەكانی شاری سلێمانی چەند كێشەیەكی گەورەیان هەیە و تائێستا زۆربەیان چارەسەر نەكراون.

وتیشی”بەشێك لە باخچەكان بیریان تێدا نییە و بە تەنكەر ئاویان بۆ دابین دەكرێت، ئەو تەنكەرانەیش بە گرێبەست ئاو دەهێنن و ساڵانە چەند مانگێكی پێدەچێت بۆ تازەكردنەوەی گرێبەستەكانیان و بەوەش كێشە بۆ باخچەكان دروست دەبێت، هەروەها كەمی كارمەند و نەبوونی دامەزراندن چەند ساڵێكە كێشەی دروستكردووە”.

ناوبراو هەر لە قسەكانیدا ئاماژەی بەوەكرد، لە ماوەی ڕابردوودا كێشەكە تاڕادەیەك چارەسەر كراوە، ڕۆژانە نزیكەی دوو ملیۆن دینار بۆ پاراوكردنەوەی باخچەكانی سلێمانی خەرج دەكرێت، بەڵام كێشەكە بەگشتی چارەسەرنەكراوە.

ئەو ئەندامەی ئەنجومەنی پارێزگەی سلێمانی ڕەخنەی ئەوەشی هەبوو، كە ساڵانە پارەیەكی زۆر بۆ تەنكەرەكان تەرخان دەكرێت و پارەی یەك ساڵ بۆ هەڵكەندنی بیر بەكارناهێندرێت و كێشەكە چارەسەر بكرێت.

ژینگە

شەپۆلی گەرما هەرێمی كوردستان دەگرێتەوە


خەڵك- بەشی هەواڵ
بەهۆی ئەو تۆپەڵە هەوا گەرمە وشكەی هەڵدەكاتە سەر هەرێمی كوردستان پلەكانی گەرما بەرزدەبنەوە و شارەزایەكی كەشناسی-ش دەڵێت: “لە ناوچەكانی گەرمیان دەگاتە 50 پلە”.

لای خۆشیەوە، محەمەد كەمال، شارەزای كەشناسی بۆ (خەڵك) ئاماژەی بەوەكرد، لەسبەینێ یەك شەممەوە 2020/7/5 پلەكانی گەرما بەتەواوی بەرز دەبنەوە تا كۆتایی هەفتە و سەرەتای هەفتەی داهاتوو.

وتیشی، “لەسەرجەم ناوچەكانی هەرێمی كوردستان پلەكانی گەرما دەگەنە 40 پلە بەرەو سەرەوە و لە باشووری ناوچەكانی هەرێم لە ۲ كاتژمێری نیوەڕۆدا دەگاتە 50 پلە سەدی، بەڵام لە ناوچە شاخاوییەكان لەنێوان 37 بۆ 38 پلەی سەدی دەبێت”.

ڕوونیشی كردەوە، هەندێ جاریش لەگەڵ گەرماكەدا خێرایی بای باشوور زیادەبێت بەڕێژەی 20 بۆ 29 كم لە كاتژمێرێكدا و گڕەبا و تەپوتۆز دروست دەكات.

ملای خۆشیەوە، مستەفا ئەلقەیسی، كەشناسی عیراقی لە هەژماری خۆی لە فەیسبووك بڵاویكردۆتەوە، پلەی گەرمی لە ناوچەكانی ناوەڕاست و باشووری عیراق بۆ 50 پلەی سەدی بەرز دەبێتەوە و لە ناوچەكانی هەرێمی كوردستانیش پلەی گەرمی لەنێوان 44 -46 پلەی سەدی دەبێت.

بەردەوام بە لە خوێندنەوە

ژینگە

ووردەكاری ڕوودانی دوو بوومەلەرزە لە چەند شارێكی هەرێمی كوردستان


خەڵك-بەشی هەواڵ

 

بومەلەرزە لە دوو كاتی جیاواز چەند ناوچەیەكی هەرێم دەهەژێنێت.
ناوەندی بومەلەرزەزانی زانكۆی تاران بڵاویكردەوە، كاتژمێر 11:4 خولەكی شەوی ڕابردوو بومەلەرزەیەك بە گوڕی 3.5 پلە بە پێوەری ڕێختەر شارەكانی شەقڵاوە بە دووری 45 كیلۆمەتر و و كفری بە دووری 52 كیلۆمەتر و سلێمانی بەدووری 54 كیلۆمەتر هەژاندووە.

ناوەندەكە ئاشكراشیكرد، بەرەبەیانی ئەمڕۆ شەممە 4-7-2020 كاتژمێر 12:15 خولەك بومەلەرزەیەك بە گوڕی 4 پلە بە پێوەری ڕێختەر و بە قوڵی 10 كیلۆمەتر شەقڵاوە بە دووری 37 كیلۆمەتر و سلێمانی بەدووری 46 كیلۆمەتر و هەڵەبجەی شەهید بەدووری 48 كیلۆمەتر هەژاندووە.

بەپێی زانیارییەكان، بومەلەرزەكان هیچ زیانێكی بەناوچەكان نەگەیاندووە.

بەردەوام بە لە خوێندنەوە

ژینگە

سبەی، تاوە باران لە هەندێك ناوچەی هەرێم دەبارێت


خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما نزم دەبنەوە.

بەپێی پێشبینییەكانی كەشناسی، ئەمڕۆ هەینی ئاسمان ساماڵ و پەڵە هەور دەبێت و پلەكانی گەرماش بەرز دەبنەوە.

هەر بەپێی پێشبینییەكان، سبەینێ شەممە، ئاسمان ساماڵ و پەڵە هەور دەبێت و لە هەندێك ناوچەی هەرێمی كوردستانیش ئەگەری تاوە بارانی كەمی كورت خایەن لە ناوچە شاخاوییە سنوورییەكاندا دەكرێت.

بەردەوام بە لە خوێندنەوە

کوردستان