ئێمە لە تۆرە کۆمەڵایەتیەکان

جیهان

زەریف: ئێران خۆڕاگردەبێت

خەڵك – بەشی هەواڵ

وەزیری دەرەوەی ئێرا ڕایدەگەنێت، ئێران خۆڕاگر دەبێت هەروەك چۆن بەرامبەر بە هێرشە كیمیاییەكەی سەر شاری سەردەشت خۆڕاگر بوو.

محەمەد جەواد زەریف وەزیری دەرەوەی ئێران لە جریوەیەكدا لە تۆڕی كۆمەڵایەتی تویتەر ئاماژەی بە هێرشە كیمیاییەكەی ڕژێمی دیكتاتۆری بەعس كرد لە 28 ی حوزەیرانی ساڵی 1987 بۆ سەر شاری سەردەشتی ڕۆژهەڵاتی كوردستان كە بەهۆیەوە ژمارەیەك هاووڵاتی مەدەنی بوونە قوربانی.

وەزیری دەرەوەی ئێران لە جریوەكەدا نووسیویەتی، هیچ كات لەبیریان نەكردووە كە وڵاتانی ڕۆژئاوا لەجەنگی دژی ئێران پشتیوانی سەدام حسێن بوون تەنانەت لە پێدانی چەكی كیمیایشدا هاوكاری بوون.

محمەد جەواد زەریف ئاماژەی بەوەشكردووە، ئەنجومەنی ئاسایش لەو كاتەدا تەنانەت سەركۆنەی هێرشە كیمیاییەكانی سەدامی نەكرد بۆ سەر هاووڵاتیانی مەدەنی ئێران و لەو كاتەدا تاران خۆڕاگربووە و بەردەوامیش دەبێت لەسەر خۆڕاگری.

لە كۆتایی جریوەكەشیدا ئەوەیخستووەتەڕوو، بڕوای تەواویان هەیە لەوەی تاران خۆڕاگردەبێت بەرامبەر گوشارەكانی واشنتۆن.

جیهان

ئێران: كارەكەی باڵیۆزی بەریتانیا لە تاران نایاسایی بوو

خەڵك –بەشی هەواڵ

وتەبێژی وەزارەتی دەرەوەی ئێران ڕایگەیاند حكومەتی كۆماری ئیسلامی ئێران بە ڕێككەوتنی ناوەكییەوە پابەند دەبێت.

عەباس مووسەوی لە كۆنفرانسێكی ڕۆژنامەوانیدا ڕاشیگەیاند، ئێران پابەند دەبێت بە ڕێككەوتنی ناوەكییەوە.

ئاماژەی بەوەشكرد پێویستیان بە هاوردەكردنی دەرمان هەیە لە دەرەوەی وڵات.

لە بارەی هەڵوێستی وەزارەتی دەرەوەی ئێران لە بارەی كێشەی باڵیۆزی بەریتانیا لە ئێران ڕایگەیاند، كە ئەو كارەی باڵیۆزی بەریتانیا لە تاران كردی لە دەرەوەی یاسا بوو.

 

بەردەوام بە لە خوێندنەوە

جیهان

بەشداربووانی لوتكەی بەرلین لەبارەی لیبیا گەیشتنە ڕێككەوتن

خەڵك – بەشی هەواڵ

لوتكەی بەرلین لەبارەی لیبیا كۆتاییهات و ڕاوێژكاری ئەڵمانیاش ڕایدەگەیەنێت، بەشداربووانی لوتكەكە ڕێككەوتن لەسەر جێبەجێكردنی بڕیاری قەدەغەكردنی چەك و ڕێزگرتن لە بڕیارەكە و كۆنتڕۆڵكردنی زیاتر لە جاران.

ئەنگێلا مێركڵ ڕاوێژكاری ئەڵمانیا لە كۆنفڕانسێكی ڕۆژنامەوانیدا ڕایگەیاند، بەشداربووانی لوتكەی بەرلین لەبارەی لیبیا ڕێككەوتوون پشتیوانی لایەنە ناكۆكەكانی لیبیا نەكەن و دەبێت چارەسەرێكی سیاسی بۆ قەیرانی لیبیا بدۆزرێتەوە، ڕاشیگەیاند، “نابێت ڕێگەبدرێت چەك بگاتە لیبیا”.

مێركڵ ئاماژەی بەوەشدا، بەشداربووانی لوتكەكە ڕێككەوتوون بە دابیننەكردنی هاوكاریی زیاتری سەربازی بۆ لایەنە بەشداربووەكانی جەنگ لە لیبیا لەكاتێكدا ئاگربەست بەردەوامە.

جێی ئاماژەیە، ئەمڕۆ 19/1/2020 لوتكەی بەرلین لەبارەی لیبیا لە بەرلینی پایتەختی ئەڵمانیا بە بەشداریی سەرۆك و لێپرسراوە باڵاكانی بەشێك لە وڵاتانی جیهان و نەتەوە یەكگرتووەكان دەستیپێكرد.

بەردەوام بە لە خوێندنەوە

جیهان

ئێران هۆشداری دەداتە وڵاتانی ئەوروپا

خەڵك – بەشی هەواڵ

ئەنجومەنی شورای كۆماری ئیسلامی ئێران هۆشداری دەداتە وڵاتانی ئەوروپا.

عەلی لاریجانی سەرۆكی ئەنجومەنی شورای كۆماری ئیسلامی ئێران، هۆشداری دەداتە وڵاتانی ئەوروپا و دەڵێت، ئەگەر هەنگاوی نادادپەروەرانە لە دژی وڵاتەكەی بگیرێتەبەر ئەوا تاران پێداچوونەوە بە هەماهەنگییەكانی لەگەڵ ئاژانسی نێودەوڵەتی وزەی ئەتۆم دەكات.

عەلی لاریجانی ڕاشیگەیاند، ئەنجومەنی شورای ئێران پڕۆژە یاسایەكی بۆ وەڵامدانەوە و پێداچوونەوە بە هەماهەنگییەكانیان لەگەڵ ئاژانسی نێودەوڵەتی وزەی ئەتۆم ئامادەكردووە و بەپێی جوڵە و هەنگاوەكانی وڵاتانی ئەوروپا جۆری وەڵامدانەوەكە دیاری دەكەن.

سەرۆكی ئەنجومەنی شورای كۆماری ئیسلامی ئێران ئەوەشی خستەڕوو، هەڕەشەكانی ئەمریكا و هەرسێ وڵاتە ئەوروپاییەكە لەبارەی ڕێككەوتننامە ئەتۆمییەكە جێگەی نیگەرانییە.

ك.ج

بەردەوام بە لە خوێندنەوە

کوردستان