ئێمە لە تۆرە کۆمەڵایەتیەکان

ئابوری

بەوێنە؛ دەستكاری بەروارەكەی كراوە؟
جۆرێكی هێلكەی مەترسیدار لە بازاڕەكانی هەرێم بڵاودەبێتەوە


خەڵك – بەشی هەواڵ
ئەندازیارێكی خۆڕاك لە سلێمانی ڕایدەگەیەنێت، هێلكە یەكێكە لەو چوار خۆراكەی ماوەی بەسەرچوونەكەی پەیوەندی ڕاستەوخۆی بە پلەی گەرمی هەڵگرتنی هەیە، دەشڵێت: “هێلكە بەرواری بەسەرچوونی یەك مانگ زیار نیە و نابێت لەوە زیاتر بێت”.

لەشكر حەمید، ئەندازیاری خۆڕاك لە سلێمانی بە (خەڵك)ی ڕاگەیاند، وەك ئەوەی باسی لێوە دەكرێت لە ئێستادا هێلكە لە بازاڕدا هەیە بەرواری بەسەرچوونەكەی بۆ ماوەی سێ مانگە و ئەوەش لەڕووی تەندروستیەوە نابێت، چونكە هێلكە تەنها بۆ یەك مانگ دەبێت و ماوەكەی بەسەردەچێت.

وتیشی، “خۆراكی هێلكە یەكێكە لەو چوار خۆڕاكەی، كە ماوەی بەسەرچوونەكەی كەمە و نابێت لە یەك مانگ زیاتر بێت، چونكە زوو تێكدەچێت و شیاوی خواردنی نامێنێت”.

ڕاشیگەیاند، هێلكە ماوەی بەسەرچوونەكەی ڕاستەوخۆ پەیوەندی بە پلەی گەمای هەڵگرتنی یان عەمباركردنی هەیە تا شوێنەكەی گەرم بێت ماوەی بەسەر چوونەكەی كەمتر دەبێت، بۆیە لە ئێستادا پلەی گەرما زۆر بەرزە ئەگەر بەشێوەی تەندروست هەڵنەگیرێت لە مانگەكە كەمتری پێویستە بۆ ئەوەی بەسەر بچێت.

هاوكات بەڕێوەبەڕایەتی شارەدێی (تانجەرۆ– عەربەت)ی‌ سەر بە پارێزگای‌ سلێمانی‌ ڕایدەگەیەنێت، كە لە لایەن لیژنەی یەك-ی چاودێری ناوبازاڕەوە ئاگاداركراون لە بوونی بڕێكی زۆر لە هێلكەی بێ مۆر و مۆر لێدراوی 3 مانگی، كە بڕەكەی 2 هەزار و 500 كارتۆن بووە.

جەختیشی كردۆتەوە، هاوڵاتیان و خاوەن ماركێت و دوكاندارەكان ئاگاداردەكاتەوە، كە ھێلكەی بێ مۆر یان مۆركراو بۆ ماوەی زیاتر لە یەك مانگ (بەرواری بەسەرچوونی لە مانگێك زیاتر) بە پێی ڕێنمایی تەندروستی و ڤێتێرنەری لایەنە پەیوەندیدارەكانی حكومەتی ھەرێم بە ھەموو شێوەیەك قەدەغەیە و ڕێپێنەدراوە و گومان لە دروستی بەكارھێنانی ھەیە، بۆیە خۆتان لە كڕینیان بەدوور بگرن.

ئابوری

نەخۆشخانەیەكی كۆرۆنا دەوام دەستپێدەكاتەوە
شێواز و كاتی دەستپێكردنەوەی دەوامی فەرمانبەران ڕاگەیەنرا


خەڵك- بەشی هەواڵ
سبەینێ‌ پشووی حكومەتی هەرێم بۆ جەژنی ڕەمەزان كۆتایی دێت و سەرەتای هەفتەی داهاتوو دەوامی فەرمانبەران بەشێوەی تەناوب دەستپێدەكاتەوە و نەخۆشخانەیەكی تایبەت بە نەخۆشانی كۆرۆنا ئاشكرای دەكات، كە دەست بە بینینی نەخۆش دەكەنەوە.

سەرچاوەیەكی حكومی بۆ (خەڵك) ئاشكرای كرد، كە سەرەتای هەفتەی داهاتوو دەوامی فەرمانگەكان دەستپێدەكاتەوە، بەڵام بۆ خۆپارێزی لە ڤایرۆسی كۆرۆنا، فەرمانبەران بەشێوەی تەناوب دەوام دەكەن ڕۆژانە لە 9ی بەیانی بۆ 1ی نیوەڕۆ و ڕۆژانی پێنج شەممەش پشوو دەبێت.

سەرچاوەكە ئاماژەی بەوەشكرد، كە هێشتا مەترسی ڤایرۆسی كۆرۆنا ماوە و ڕۆژانە چەند كەسێك تووشی ئەو پەتایە دەبن، بۆیە تا دۆخەكە كۆنتڕۆڵ دەبێت دەوامی فەرمانبەرانیش بەو جۆرەی پێشوو دەمێنێتەوە.

لای خۆشیەوە نەخۆشخانەی ڕزگاری هەولێر، كە ماوەیەك تایبەت كرابوو بە نەخۆشانی كۆرۆنا لە ڕاگەیەنراوێكدا ئاماژەی بەوكردووە، لە ڕۆژی شەممەوە 30/ 5/ 2020 نەخۆشخانەكە دەست دەكاتەوە بە پێشوازی كردن لە نەخۆشان لە گشت بەشەكان.

ڕوونیشی كردۆتەوە، چۆنیەتی دەوام بە پێی ڕێنماییەكانی حكومەت دەبێت، كە ڕۆژانە كاتژمێر (9) تا وەكو (1) جگە لە ڕۆژانی پێنج شەممە و هەینی.

ئاشكراشی كردووە، كە پێویستە لەسەر ئەو كەسانەی سەردانی نەخۆشخانەكە دەكەن (احالە) ڕەوانە كردنیان پێبێت یاخود لە لایەن پزیشكێكی پسپۆر ڕەوانە كرابێت و نەخۆش بە تەنها بێت بۆ نەخۆشخانە مەگەر بۆ نەشتەرگەری یان هۆكارێكی پێویست بێت دەتوانێت كەسێك لەگەل خۆی بێنێت و پابەندی ڕێنماییەكان بن وەك ماسك و دەستكێش.

جەختیشی كردۆتەوە، سەردانی كردنی نەخۆش بەهەموو شێوەیەك لە هەموو كاتێك قەدەغەیە .

دەشڵێت: ” هەر نەخۆشێك نیشانەكانی كۆرۆنای تێدابێت وەك كۆكە و تای بەرز و تەنگە نەفەسی پێویستە سەردانی نەخۆشخانەی فریاكەوتنی ناوەند بكات، كە تایبەتە بە سەنتەری كۆڕۆنا”.

بەردەوام بە لە خوێندنەوە

ئابوری

پێدانی كارەبای نیشتمانی لە 24 كاتژمێر نزیكدەبێتەوە


خەڵك- بەشی هەواڵ
وەزارەتی كارەبای حكومەتی هەرێم ئاشكرای دەكات، كە لە ڕۆژانی جەژندا 20 كاتژمێر كارەبا درا بە هاووڵاتیان و بۆ مانگی داهاتووش بڕیاری پێویست دەدرێت.

بەڕێوەبەرایەتی كۆنتڕۆڵی كارەبای هەرێم لە ڕاگەیەنراوێكدا ئاماژەی بەوەكردووە، لەڕۆژانی جەژندا توانرا بە سیستەمێكی ڕێكوپێك و بە هەوڵ و ماندووبوونی ئێشكگرانی كارەبا 20 كاتژمێر كارەبا بدرێت بەهاووڵاتیان، ئەمەش بەسوود وەرگرتن لە بەرهەمهێنانی 3000 مێگاوات كارەبا، كە بەشێوەیەكی ڕێكوپێك وزەی كارەبا بەسەر پارێزگاكانی هەرێمی كوردستاندا دابەشكرا.

ڕاشیگەیاندووە، بڕیارە تا ڕۆژی شەممە بەمشێوەیە كارەبا بە هاووڵاتیان بدرێت.

ئاشكراشی كردووە، بۆ مانگی حوزەیرانیش كۆبوونەوەیەك ئەنجام دەدرێت بۆ ئەوەی بارودۆخی بەرهەمهێنانی كارەبا و هەڵكشانی خواستی بەكارهێنان هەڵبسەنگێنرێت و بڕیار بدرێت.

بەردەوام بە لە خوێندنەوە

ئابوری

نرخی نەوت لە بازاڕەكانی جیهان


خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ چوار شەممە، 27ی‌ ئایاری 2020 كەمێك بەرز بووەتەوە، بەشێوەیەك نرخی‌ نەوتی برێنت بە 36 دۆلار و 2 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 34 دۆلارو 15 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان