ئێمە لە تۆرە کۆمەڵایەتیەکان

ئابوری

بەوێنە؛ دەستكاری بەروارەكەی كراوە؟
جۆرێكی هێلكەی مەترسیدار لە بازاڕەكانی هەرێم بڵاودەبێتەوە

خەڵك – بەشی هەواڵ
ئەندازیارێكی خۆڕاك لە سلێمانی ڕایدەگەیەنێت، هێلكە یەكێكە لەو چوار خۆراكەی ماوەی بەسەرچوونەكەی پەیوەندی ڕاستەوخۆی بە پلەی گەرمی هەڵگرتنی هەیە، دەشڵێت: “هێلكە بەرواری بەسەرچوونی یەك مانگ زیار نیە و نابێت لەوە زیاتر بێت”.

لەشكر حەمید، ئەندازیاری خۆڕاك لە سلێمانی بە (خەڵك)ی ڕاگەیاند، وەك ئەوەی باسی لێوە دەكرێت لە ئێستادا هێلكە لە بازاڕدا هەیە بەرواری بەسەرچوونەكەی بۆ ماوەی سێ مانگە و ئەوەش لەڕووی تەندروستیەوە نابێت، چونكە هێلكە تەنها بۆ یەك مانگ دەبێت و ماوەكەی بەسەردەچێت.

وتیشی، “خۆراكی هێلكە یەكێكە لەو چوار خۆڕاكەی، كە ماوەی بەسەرچوونەكەی كەمە و نابێت لە یەك مانگ زیاتر بێت، چونكە زوو تێكدەچێت و شیاوی خواردنی نامێنێت”.

ڕاشیگەیاند، هێلكە ماوەی بەسەرچوونەكەی ڕاستەوخۆ پەیوەندی بە پلەی گەمای هەڵگرتنی یان عەمباركردنی هەیە تا شوێنەكەی گەرم بێت ماوەی بەسەر چوونەكەی كەمتر دەبێت، بۆیە لە ئێستادا پلەی گەرما زۆر بەرزە ئەگەر بەشێوەی تەندروست هەڵنەگیرێت لە مانگەكە كەمتری پێویستە بۆ ئەوەی بەسەر بچێت.

هاوكات بەڕێوەبەڕایەتی شارەدێی (تانجەرۆ– عەربەت)ی‌ سەر بە پارێزگای‌ سلێمانی‌ ڕایدەگەیەنێت، كە لە لایەن لیژنەی یەك-ی چاودێری ناوبازاڕەوە ئاگاداركراون لە بوونی بڕێكی زۆر لە هێلكەی بێ مۆر و مۆر لێدراوی 3 مانگی، كە بڕەكەی 2 هەزار و 500 كارتۆن بووە.

جەختیشی كردۆتەوە، هاوڵاتیان و خاوەن ماركێت و دوكاندارەكان ئاگاداردەكاتەوە، كە ھێلكەی بێ مۆر یان مۆركراو بۆ ماوەی زیاتر لە یەك مانگ (بەرواری بەسەرچوونی لە مانگێك زیاتر) بە پێی ڕێنمایی تەندروستی و ڤێتێرنەری لایەنە پەیوەندیدارەكانی حكومەتی ھەرێم بە ھەموو شێوەیەك قەدەغەیە و ڕێپێنەدراوە و گومان لە دروستی بەكارھێنانی ھەیە، بۆیە خۆتان لە كڕینیان بەدوور بگرن.

ئابوری

ئەمڕۆ مووچەی ئەم شوێنانە دابەش دەكرێت

خەڵك- بەشی هەواڵ

بەپێی خشتەیەك كە لە وەزارەتی دارایی و ئابورییەوە بەشێوەیەكی فەڕمی بڵاوكراوەتەوە، ئەمڕۆ مووچەی مانگی تەمموزی چەند وەزارەت و دەزگا و بەڕێوەبەرایەتییەك دابەش دەكرێت.

بەپێی خشتەكە ئەمڕۆ مووچەی هەریەك لە وەزارەتی داد، وەزارەتی سامانە سروشتییەكان، وەزارەتی ئەوقاف، وەزارەتی خوێندنی باڵا، وەزارەتی ناوخۆ، بەڕێوبەرایەتی گشتی ڕەگەزنامە، لیوای نەوت و گاز، هێزەكانی زێرەڤانی، پۆلیسی بەرگری و فریاكەوتن، دەزگای ئاسایش، ئەنجومەنی ئاسایش دابەش دەكرێت.

دابەشكردنی مووچەی ئەو شوێنانە دوای ئەوەدێت، كە چارەنوسی سێ‌ مووچەی ئەمساڵ بە نادیاری ماوەتەوە و نازانرێت دابەشكردنی مووچە لە ساڵی داهاتوودا بەردەوام دەبێت یان پاشەكەوتی مووچە دەستپێدەكاتەوە.

بەردەوام بە لە خوێندنەوە

ئابوری

حكومەت بۆ وەرگرتنی پارە لەسەر بەستنی پێوەر و نرخی كارەبا بڕیارێكی ئاشكراكرد

خەڵك- بەشی هەواڵ

وەزیری كارەبای حكومەتی هەرێمی كوردستان سەبارەت بە نرخی بەستنی پێوەری زیرەك و پارەی كارەبا دڵنیایی دەداتە هاووڵاتیان و دەڵێت: “دەتوانرێت 20 كاتژمێر كارەبا بدرێتە هاووڵاتیان”.

كەمال محەمەد ساڵح، وەزیری كارەبای حكومەتی هەرێمی كوردستان بە میدیای پارتی ڕاگەیاندووە، دانانی پێوەری زیرەك بێ بەرامبەر دەبێت و نرخی كارەباش زیاد ناكرێت.

وتیشی، “دانانی پێوەری زیرەك بۆ 1 ملیۆن و 562 هەزار و 515 هاوبەشی كارەبا كارێكی ئاسان نییە، لەگەڵ ئەوەشدا لەسەر ئەو پڕۆژەیە زۆر جدیین و جێبەجێی دەكەین”.

ڕاشیگەیاند، “ئێستا 3 هەزار و 400 مێگاوات كارەبا بەرهەمدەهێنرێت و خواست لەسەر كارەبا بۆ 4 هەزار مێگاوات بەرزبۆتەوە، بۆیە بەو بڕە كارەبایە بەتێكڕا دەتوانرێت 20 كاتژمێر كارەبا بدرێت بە هاوبەشانی كارەبا”.

وەزیری كارەبا دەشڵێت: “350 مێگاوات كارەبا دەدرێتە مووسڵ، بۆ كەركوك-یش 100 مێگاوات، بۆ كارگەكانیش 350 مێگاوات كارەبا دابین كراوە”.

بەردەوام بە لە خوێندنەوە

ئابوری

بە وێنە؛ پێگەیشتنی هەنار لە دەڤەری باڵەكایەتی

خەڵك-
لەگەڵ هاتنی وەرزی پاییز بەروبوومی هەنار پێدەگات، كە میوەیەكە چەندین سوودی پزیشكی و بەهای خۆراكی هەیە و هاووڵاتیانیش بە تامەزرۆییەوە دەیكڕن.

بەهۆی زۆری بەرهەمی ناوخۆییەوە وەزارەتی كشتوكاڵی هەرێم بڕیاریداوە هاوردەكردنی ئەو میوەیە لە دەرەوە ڕابگرێت تاوەكو بەرهەمی جوتیاران بفرۆشرێت و ڕەنجیان بەفیڕۆ نەچێت و داهاتێكی باشیان دەست بكەوێت.

بەپێی بەدواداچوونی (خەڵك) لە ئێستادا لە بازاڕەكانی هەرێم كیلۆیەك هەنار بەپێی جوانی و خۆشی تامەكەی لەنێوان 500 دینار تا 1500 دیناردایە.

وێنەكان: شارەدێی قەسرێ لە شارۆچكەی چۆمان

بەردەوام بە لە خوێندنەوە

کوردستان