ئێمە لە تۆرە کۆمەڵایەتیەکان

عێراق

“هەندێك پەڕلەمانتار ناوێرن واژۆی بكەن”
لە پەڕلەمانی عیراق یاسایەك دژی بۆردومانەكانی توركیا دەردەكرێت

خەڵك – بەشی هەواڵ
ئەندامێكی فراكسیۆنی گۆڕان لە پەڕلەمانی عیراق ڕایدەگەیەنێت، واژۆی پێویستم بۆ خستنە بەرنامەی كاری پەڕلەمان كۆكردۆتەوە، بۆ دەركردنی یاسایەكی تایبەت بەو هێرشانەی توركیا لەناو خاكی عیراق ئەنجامی دەدات و هاووڵاتیانی سڤیل دەكاتە قوربانی، دەشڵێت: “هەندێك لە فراكسیۆنەكان بەهۆی هەڵوێستی حزبەكانیانەوە لەگەڵ ئەوەنین، بەڵام ئەوانە كەمینەی پەڕلەمانن”.

كاوە مەحمود، ئەندامی فراكسیۆنی گۆڕان لە پەرلەمانی عیراق بە (خەڵك)ی ڕاگەیاند، لە ئێستادا لە ڕێگەی یاداشتێكەوە بۆ خستنە بەرنامەی كاری پەڕلەمان و ڕێگری كردن لەو هێرشانەی توركیا لەناو خاكی عیراق ئەنجامی دەدات و هاووڵاتیانی ناوچەكانی هەرێمی دەكاتە قوربانی واژۆی 52 پەڕلەمانتارم كۆكردۆتەوە و ژمارەیی یاسایی خۆی تەواو كردووە.

وتیشی، “داوام كردووە سەرۆكایەتی پەڕلەمان هێرشەكانی توركیا بخاتە بەرنامەی كاری خۆی بە میوانداری هەریەك لە سەرۆك وەزیران و وەزیری ناوخۆ و لایەنە پەیوەندیدارەكان، بۆ ئەوەی یاسایەك لە پەڕلەمانەوە دەربچێت ببێتە هۆی ڕێگری لەو هێرشانە، چونكە ناكرێت وڵاتێكی بێگانە لەناو خاكی عیراق هێرش بكاتە سەر هاووڵاتیان”.

ڕاشیگەیاند، تا ئێستا ئەنجوومەنی وەزیرانی عیراق هەڵوێستێكی جدی نەبووە و پەڕلەمانی عیراق-یش وەك نوێنەری خەڵكی عیراق دەبێت هەڵوێستی جدی هەبێت بۆ ڕێگری كردن لە بەزاندنی سنوور و سەروەری خاكەكەی.

ئاماژەی بۆ ئەوەشكرد، ئومێد دەكەین بەم نزیكانە ئەو داوایەی ئێمە، كە بە پێی پەیڕەوی ناوخۆ كاری بۆ كراوە بخرێتە بەرنامەوە، بەڵام هەندێك فراكسیۆن بەدەمەوەچوونیان بۆ پرسە وەك پێویست نیە، بەهۆی هەڵوێستی حزبەكانیان، بەڵام ئەوانە كەمینەی پەڕلەمان.

عێراق

پنتاگۆن: كورد و سوننە لەگەڵ كشانەوەی هێزەكانمان نین لە عیراقدا
ژمارەی قوربانیانی هێرشە مووشەكییەكەی ئێرانیش ئاشكرادەكات

خەڵك – بەشی هەواڵ

وەزارەتی بەرگری ئەمریكا (پنتاگۆن) ئاشكرایدەكات، 34 سەربازی هێزەكانیان بە هۆی هێرشە مووشەكییەكەی ئێران بۆ سەر بنكەی سەربازیی عەین ئەسەد لە ئەنبار بریندار بوون، ڕاشیدەگەیەنێت، كورد و سوننە لەگەڵ مانەوەماندان لە عیراقدا.

جۆناسان هۆفمان وتەبێژی وەزارەتی بەرگری ئەمریكا (پنتاگۆن) لە كۆنگرەیەكی ڕۆژنامەوانیدا ڕایگەیاند، بەهۆی هێرشە مووشەكییەكەی ئێران بۆ سەر بنكەی سەربازی عەین ئەسەد لە پارێزگای ئەنبار، 34 سەرباز بریندار بوون كە بەشێكیان بۆ چارەسەكردن گواستراونەتەوە بۆ ئەڵمانیا.

پێشتر پنتاگۆن ڕایگەیاندبوو، 11 سەرباز لەو هێرشە مووشەكییەدا بریندار بوون كە ڕۆژی 8ی ئەم مانگە سوپای ئێران لە تۆڵەی كوژرانی قاسم سولەیمانی فەرماندەی پێشووی فەیلەقی قودس بۆ سەر بنكەی سەربازی عەین ئەسەد ئەنجامیدا.

سەبارەت بە پرسی كشانەوەی هێزەكانیشیان لە عیراق، جۆناسان هۆفمان وتەبێژی وەزارەتی بەرگری ئەمریكا (پنتاگۆن) وەك ئاماژەیەك بۆ ڕەتكردنەوەی داواكارییەكە ڕایگەیاند: كورد و سوننە لەگەڵ كشانەوەی هێزەكانی ئەمریكادا نین.

ك.ج

بەردەوام بە لە خوێندنەوە

عێراق

هادی عامری: توانای پاراستن و بەرگریكردنمان لە عیراق هەیە

خەڵك- بەشی هەواڵ

هادی عامری، سەرۆكی دەستەی حەشدی شەعبی ڕایگەیاند، ئەمڕۆ گەلی عیراق پەیامێكی دا بە ئەمریكییەكان كە چیتر نایانەوێت لە خاكەكەیاندابن و خۆیان دەتوانن پارێزگاری وڵاتەكەیان بكەن.

عامری لە ڕاگەیەندراوێكدا سوپاسی موقتەدا سەدری كردووە بۆ ڕێكخستنی خۆپیشاندانەكەی ئەمڕۆ و تەئكیدی كردووەتەوە، گەلی عیراق لەگەڵ چوونەدەرەوەی ئەمریكییەكاندایە.

ئەمڕۆ خۆپیشاندانی ملیۆنی بۆ دەركردنی هێزەكانی ئەمریكا لە عیراق كرا و ڕەوتی سەدریش پشتیوانی خۆپیشاندانەكەیان كرد.

بەردەوام بە لە خوێندنەوە

عێراق

پسپۆڕێكی یاسایی: لەمكاتەدا عیراق ناتوانێت هێزەكانی ئەمریكا دەربكات

خەڵك- بەشی هەواڵ

عەلی تەمیمی، پسپۆڕی یاسایی ڕایگەیاند، عیراق لەمكاتەدا ناتوانێت هێزەكانی ئەمریكا دەربكات، چونكە حكومەتی ئێستا كاربەرێكەرە.

تەمیمی ئەمڕۆ هەینی لە ڕاگەیەندراوێكدا كە زۆربەی میدیاكانی عیراق بڵاویانكردووەتەوە، ئاماژەی بە ڕێككەوتنی ئەمنی نێوان عیراق و ئەمریكا كردووە، كە لە ساڵی 2008دا لەنێوانیاندا واژۆ كراوە و بە ڕونی باس لەوەكراوە، لە كۆتایی ساڵی 2011دا هێزەكانی ئەمریكا دەچنە دەرەوەی عیراق و ئەوەش كراوە.

هەروەها نوسیویەتی”لەسەر بڕیاری 2170ی ئەنجومەنی ئاسایشی نێودەوڵەتی جارێكی دیكە ئەمریكا لە ساڵی 2014 دا گەڕایەوە عیراق، گەڕانەوەی دووەمجار لەسەر داوای خودی عیراق خۆی بووە”.

لە بەشێكی دیكەی ڕاگەیەندراوەكەدا ئاماژەی بەوەكردووە، ئەگەر حكومەتی نوێ پێكهات، ئەو كات دەتوانێت داوای كشانەوەی هێزەكانی ئەمریكا بكات.

بەردەوام بە لە خوێندنەوە

کوردستان