ئێمە لە تۆرە کۆمەڵایەتیەکان

ناوخۆیی

یەکەمین ڕێبەری ڕۆژنامەوانی وەرزشی بڵاودەکرێتەوە

خەڵک ـ نزار جەزا

بڕیارە ڕۆژی سێ شەممە یەکەمین ڕێبەری ڕۆژنامەوانی وەرزشی بەزمانی کوردی لەشاری سلێمانی بڵاوبکرێتەوە.

کتێبی ڕێبەری ڕۆژنامەوانی وەرزشی، لەنوسینی (هەرێز جەمال)ە، کە نوسەر ڕۆژنامەنوسی بواری وەرزشییە و ئەنجامی زیاتر لە 10 ساڵ ئەزموونی کاری مەیدانییە.

نوسەری ئەو کتێبە بە (خەڵک)ی ڕاگەیاند، بڕیارە ئێوارەی ڕۆژی سێ شەممە کاتژمێر 5 لە هۆڵی یەکێتی نوسەرانی کورد کتێبەکە بڵاوبکرێتەوە و لەمەڕاسیمێکدا پێشکەش بە خوێنەرانی کورد دەکرێت.

ئاماژەی بەئەوەشدا، ئەم کتێبە یه‌كه‌مین ڕێبه‌ری ڕۆژنامه‌وانی وه‌رزشییه‌ له‌ مێژووی ڕۆژنامه‌گه‌ری كوردیدا، کە زۆر گرنگە بۆ ئه‌و كه‌سانه‌ی كه‌ ده‌یانه‌وێت ببنه‌ ڕۆژنامه‌نووسێكی وه‌رزشی پڕۆفیشناڵ له‌ناوخۆ و ده‌ره‌وه‌ی هه‌رێمی كوردستان.

ئەوەشی خستەڕوو، ته‌واوی ژانره‌ جیاوازه‌كانی ڕۆژنامه‌گه‌ری وه‌رزشی سه‌رده‌میانه‌ باسكراوه‌و كارئاسانییه‌كی گه‌وره‌شه‌ بۆ ئه‌و كه‌سانه‌ی ده‌یانه‌وێت بێنه‌ بواره‌كه‌وه‌و هاوكات كه‌لێنێكی گه‌وره‌ش له‌ ناوه‌نده‌ ئه‌كادیمی و زانستیه‌كانی بواری رۆژنامه‌وانی پڕ ده‌كاته‌وه‌، كه‌ له‌و بواره‌ زۆر هه‌ژارو كه‌م سه‌رچاوه‌یه‌.

هێمای بۆئەوەشکرد، ڕێبه‌ره‌كه‌ له‌ 100 لاپه‌ڕە پێكهاتووه‌، کە تێیدا باس له‌ چۆنیەتی مامه‌ڵه‌كردن له‌گه‌ڵ هه‌واڵی وه‌رزشی و ڕاپۆرت و دیدارو نووسینه‌وه‌و ستۆری و وتاری وه‌رزشی ده‌كرێت ، هاوكات ڕێگه‌ی فێرخوازو رۆژنامه‌نووسان ئاسان ده‌كات تاوه‌كو ببنه‌ ئه‌ندام له‌ سه‌ندیكاو ڕێكخراوه‌ وه‌رزشییه‌كانی ناوخۆ و ده‌ره‌وه‌.

باسی لەئەوەشکرد، ئه‌ركی له‌ چاپدانی ئه‌و کتێبە له‌سه‌ر ئه‌ركی لاهور شێخ جه‌نگی بووه‌.

ناوخۆیی

یه‌كێتى تۆپی پێی كوردستان بڕیار و ڕاسپارده‌ى نوێی ده‌ركرد

یه‌کێتی تۆپی پێی کوردستان

ئه‌مڕۆ شه‌ممه‌ 13/7/2019 به‌ ئاماده‌بوونى سه‌رۆك و جێگرى سه‌رۆك و سه‌رجه‌م ئه‌ندامه‌كانى، یه‌كێتى تۆپی پێی كوردستان كۆبوونه‌وه‌ى ئاسایی خۆى ئه‌نجامدا و، ئه‌م بڕیار و راسپاردانه‌ى خواره‌وه‌ى ده‌ركرد:

1- بۆ لێژنه‌ى دامه‌زراندنى فێرگه‌كانى تۆپی پێی عێراق به‌ نووسراوى ژماره‌ 314 له‌ رێكه‌وتى 22/6/2019 له‌سه‌ر راسپارده‌ى (هادى كه‌ریم) جێگرى سه‌رۆكى یه‌كێتى تۆپی پێی كوردستان، بڕیاردرا به‌ ده‌ستنیشانكردنى ئه‌و به‌ڕێزانه‌ى خواره‌وه‌:

• ئازاد سدقی سه‌عید ـ جێگرى سه‌رۆكى لێژنه‌ى فێرگه‌كانى كوردستان.
• سه‌لام تاهیر ـ سكرتێرى لێژنه‌ى فێرگه‌كانى كوردستان.

2- له‌ یارى نێوان برایه‌تى و زاخۆ له‌ خولى نایابى تازه‌پێگه‌یشتووانى كوردستان، به‌ هۆى وتنى قسه‌ى ناشیرین له‌ لایه‌ن یاریده‌ده‌رى راهێنه‌رى یانه‌ى زاخۆ (تاهیر حه‌مدى) هه‌روه‌ها ده‌ركردنى له‌ یارییه‌كه‌ بڕیاردرا به‌:

• راگرتنى ناوبراو بۆ یه‌ك یارى، كه‌ نابێت له‌ نێو یاریگه‌ ئاماده‌بێت.
• غه‌رامه‌كردنى ناوبراو به‌ بڕى 250000 دوو سه‌د و په‌نجا هه‌زار دینار.

3- هیچ كه‌سێك له‌ یاریزانان و ستافى هونه‌رى و كارگێران و خزمه‌تگوزارى یانه‌كان، به‌ بێ بوونى ناسنامه‌ یان باجى یه‌كێتى تۆپی پێی كوردستان نابێت له‌ نێو یاریگه‌ ئاماده‌بن، پێویسته‌ له‌سه‌ر ناوبژیوانى چواره‌م و سه‌رپه‌رشتیارى یارییه‌كان ئه‌م بڕیاره‌ جێبه‌جێ بكه‌ن، به‌ پێچه‌وانه‌وه‌ ئه‌وان به‌رپرسیار ده‌بن.

4- یارییه‌كانى (هاتن) له‌ قۆتاغى چوارگۆشه‌ى زێرینى خولى نایابى فوتساڵى كچانى، له‌ رۆژى هه‌ینى 19/7/2019 ئه‌نجام ده‌درێت.

5- یارى كۆتایی و مه‌ڕاسیمى كۆتایی خولى نایابى فوتساڵى كچانى كوردستان، له‌ رۆژى چوارشه‌ممه‌ 24/7/2019 له‌ كاتژمێر 6:00 ـى ئێواره‌، له‌ هۆڵى (ساڵح عه‌لى) له‌ سلێمانى ئه‌نجام ده‌درێت.

بەردەوام بە لە خوێندنەوە

ناوخۆیی

یه‌كێتی تۆپی پێی كوردستان بڕیار و راسپارده‌ی نوێی ده‌ركرد

یه‌كێتی تۆپی پێی كوردستان

ئه‌مڕۆ شه‌ممه‌ 6/7/2019 به‌ ئاماده‌بوونی سه‌رۆك و جێگر و سه‌رجه‌م ئه‌ندامه‌كانی، یه‌كێتی تۆپی پێی كوردستان كۆبوونه‌وه‌ی ئاسایی خۆی ئه‌نجامدا و، ئه‌م بڕیار و راسپاردانه‌ی ده‌ركرد:

1- كۆبوونه‌وه‌ی هونه‌ری له‌گه‌ڵ نوێنه‌رانی هه‌ر چوار یانه‌ سه‌ركه‌وتووه‌كه‌ی قۆناغی چوارگۆشه‌ی زێرینی خولی نایابی فوتساڵی كچانی كوردستان (زێره‌ڤانی، ئه‌فرۆده‌یت، چۆمان و سیروانی نوێ) ئه‌نجامدرا، ئه‌م بڕیارانه‌ درا:

  • یارییه‌كان به‌ شێوازی دوو یاری (چوون و هاتن) به‌مشێوه‌یه‌ به‌رێوه‌ ده‌چێت.

چۆمان × زێره‌ڤانی (هۆڵی چۆمان).

ئه‌فرۆده‌یت × سیروانی نوێ (هۆڵی ئه‌فرۆده‌یت).

  • سڕینه‌وه‌ی سه‌رجه‌م كارته‌ زه‌رد و سووره‌كانی یاریزانان.
  • زیادكردنی یاریزان له‌سه‌ر لیستی ناوی یاریزانان ناكرێت.
  • یاری كۆتایی له‌ شاری سلێمانی ئه‌نجام ده‌درێت.
  • رۆژی شه‌ممه‌ 13/7/2019 یارییه‌كان ئه‌نجام ده‌درێت.

 

2- كۆبوونه‌وه‌ی هونه‌ری له‌گه‌ڵ نوێنه‌رانی تیپی تازه‌پێگه‌یشتووانی یانه‌ پله‌یه‌كه‌كانی كوردستان ئه‌نجامدرا، ئه‌م بڕیارانه‌ درا:

  • خوله‌كه‌ به‌ به‌شداری 12 یانه‌ به‌رێوه‌ ده‌چێت و هه‌ر گرووپێك شه‌ش یانه‌ له‌ خۆ ده‌گرێت:

گرووپی یه‌كه‌م: (دووبز، ئاڵتون كۆپری، بابه‌گوڕگوڕ، هێرش، خاك و پیشه‌سازی).

گرووپی دووه‌م: (پێنجوێن، شۆریجه‌، بابان، سلێمانی، چه‌مچه‌ماڵ و گازی باكوور).

 

  • خوله‌كه‌ به‌ شێوازی خول به‌ یه‌ك قۆناغ ئه‌نجام ده‌درێت.
  • له‌ هه‌ر گرووپێك دوو یانه‌ بۆ قۆناغی دووه‌م سه‌رده‌كه‌وێت.
  • سێ یانه‌ بۆ خولی نایابی تازه‌پێگه‌یشتووانی كوردستان بۆ وه‌رزی 2019/2020 سه‌رده‌كه‌وێت.
  • یارییه‌كان رۆژی دووشه‌ممه‌ 5/8/2019 به‌رێوه‌ ده‌چێت.
  • دواین كات بۆ پێشكه‌شكردنی لیستی ناوی یاریزانان (كشوفات) رۆژی شه‌ممه‌ 20/7/2019 ده‌بێت.

 

3- له‌ یاری نێوان سه‌یدسادق و رزگاری له‌ خولی پله‌یه‌كی لاوانی كوردستان، به‌ هۆی كه‌مته‌رخه‌می یانه‌ی سه‌یدسادق له‌ ئاماده‌كردنی ژووری جلگۆڕینی یاریزانان تیپی میوان، داوا له‌ یانه‌ی سه‌یدسادق ده‌كه‌ین بۆ یارییه‌كانی داهاتوو به‌ جوانترین و پاكترین شێوه‌ (W.C) و ژووری جلگۆڕینی یاریزانان و سه‌رپه‌رشتیاری یاری و ناوبژیوانان ئاماده‌ بكات.

 

4- به‌ هۆی كه‌مته‌رخه‌می له‌ لایه‌ن سه‌رپه‌رشتیاری یاری نێوان سه‌یدسادق و رزگاری (حوسێن محه‌ممه‌د) له‌ خولی پله‌یه‌كی لاوانی كوردستان، به‌ هۆی نه‌بوونی لۆگۆی یه‌كێتی تۆپی پێی كوردستان له‌سه‌ر درێسی یاریزانانی یانه‌ی سه‌یدسادق، بڕیاردرا به‌ راگرتنی ناوبراو بۆ ماوه‌ی دوو هه‌فته‌ له‌ سه‌رپه‌رشتیاری یارییه‌كان.

 

5- ئاگاداری تیپی لاوانی یانه‌ی سه‌یدسادق ده‌كه‌ینه‌وه‌، پێویسته‌ لۆگۆی یه‌كێتییه‌كه‌مان له‌سه‌ر قۆڵی لای ڕاستی درێسی یاریزانان به‌ روونی هه‌بێت و دیار بێت.

بەردەوام بە لە خوێندنەوە

ناوخۆیی

هاوكار سالار، نابژیوانە کوردەکە گەیشتە ئاستی باڵا و یارییە چارەنوسازەکانی بەڕێوە برد !

به‌دواداچوون:هه‌رێز جه‌مال

ناوبژیوانه‌ نێوده‌وڵه‌تیه‌كه‌ی كورد له‌سه‌ر ئاستی كیشوه‌ری ئاسیا گه‌یشته‌ لوتكه‌ی ئاستی باڵاو یارییه‌ به‌هێز و چاره‌نووسازه‌كانی له‌ لایه‌ن یه‌كێتی تۆپی پێی ئاسیاوه‌ پێبه‌خشرا .

له‌ شاری ته‌برێزی وڵاتی ئێران پاڵه‌وانێتی لاوانی فوتساڵی ئاسیا به‌رێوه‌ده‌چێت ، هاوكار سالار ناوه‌ دیاره‌كه‌ی ناوبژیوانی فوتساڵ یه‌كێكه‌ له‌ ناوبژیوانه‌كانی ئه‌و پاڵه‌وانێتییه‌و بووه‌ به‌ ژماره‌یه‌كی به‌هێزی ناوبژیوانی له‌و پاڵه‌وانێتییه‌و چه‌ندین یاری به‌هێزی به‌رێوه‌بردووه‌ .

پاڵه‌وانێتییه‌كه‌ له‌ ئاستێكی به‌رز به‌رێوه‌ده‌چوو ، له‌ قۆناغی كۆمه‌ڵه‌كان هاوكار سالار چه‌ندین یاری به‌هێزی به‌ سه‌ركه‌تووی به‌رێوه‌برد، هاوكات گرنگترین یاریشی له‌ نێوان هه‌ردوو هه‌ڵبژارده‌ی ژاپۆن و ئێرانی له‌ نیوه‌ی كۆتایی به‌رێوه‌بردو ئه‌مرۆش له‌ ستافی ناوبژیوانی یاری كۆتایی پاڵه‌وانێتییه‌كه‌ بوو له‌ نێوان ژاپۆن و ئه‌فغانستان .

ئه‌و ناوبژیوانه‌ كورده‌ كه‌ هاوكات مامۆستای زانكۆی سلێمانی و خاوه‌نی بروانامه‌ی دكتۆرایه‌ له‌ وڵاتی بریتانیا، پێشتریش وه‌ك ناوبژیوان چه‌ندین پاڵه‌وانێتی به‌هێزی به‌ڕێوه‌بردووه‌ .

 

بەردەوام بە لە خوێندنەوە

کوردستان