ئێمە لە تۆرە کۆمەڵایەتیەکان

کوردستان

جڤاتی گشتی و نیشتمانی گۆڕان كۆدەبنەوە
بەهۆی یەكلایی نەبوونەوەی كاندیدی حزبەكان ماوەی پەڕلەمان درێژدەكرێتەوە

خەڵك- بەشی هەواڵ
بەهۆی یەكلایی نەبوونەوەی كاندیدی حزبەكان بۆ وەرگرتنی پۆستە وزارییەكانی حكومەتی نوێ‌ ماوەی پشووی پەڕلەمان كەمدەكرێتەوە و ئەم وەرزەی پەڕلەمان درێژدەكرێتەوە و لەم هەفتەیەشدا هەردوو جڤاتی گشتی و نیشتمانی گۆڕان بۆ دیاری كردنی میكانیزمی هەڵبژاردنی كاندیدەكان كۆدەبنەوە.

میدیاكانی بزووتنەوەی گۆڕان بڵاویانكردەوە، بڕیارە رۆژی یەك شەممە 30-6-2019 جڤاتی گشتی بزوتنەوەی گۆڕان كۆببێتەوە بۆ دیاریكردنی میكانیزمەكانی دەستنیشانكردنی كاندیدەكان بۆ پۆستە وزارییەكان لە كابینەی نوێی حكومەتدا و ڕۆژی دوو شەممەش جڤاتی نیشتیمانی كۆببێتەوە و بڕیاری كۆتایی بدات.

بڕیارە ڕۆژی یەك شەممەی ئەم هەفتەیە پەڕلەمانی كوردستان كۆببێتەوە و تێیدا بڕیار بدرێت لەسەر كەمكردنەوەی پشووی هاوینەی پەڕلەمان و درێژكردنەوەی ئەم وەرزەی یاسادانان بە مەبەستی دەنگدان لەسەر كابینەی نوێی حكومەتی هەرێم.

پێشتریش هێڤیدار ئەحمەد، ئەندامی پەڕلەمانی كوردستان لە فراكسیۆنی پارتی بۆ (دەنگی كوردی ئەمریكا) ڕایگەیاندبوو، “لە ڕۆژی 1ی تەمموز تا 11ی تەمموز چ ڕۆژێك سیڤی وەزیرەكان ئامادەبوون بە 48 كاتژمێر پێش ئەوە سیڤی وەزیرەكان گەیشتە دەست پەڕلەمانتاران ئەوكات پەڕلەمان ئامادەی كۆبوونەوەیە دەستبەجێ، بۆ متمانەدان بە ئەندامانی كابینەی نوێی حكومەت”.

ڕاشیگەیاند، لە ئێستادا بەشێك لە كاندیدی پۆستە وەزارییەكانی پارتی ئامادەن و بەشێكی دیكەشیان هێشتا “دیراسە” دەكرێن بەشی زۆری ئەم بابەتە هەمووی بۆ سەرۆكی ڕاسپێراو بۆ پێكهێنانی كابینەی نوێی حكومەت دانراوە، چونكە ئەو تیمەكە هەڵدەبژێرێت و لەگەڵ ئەو تیمە ئەو حكومڕانی دەكات و بڕیاری كۆتاییش وەك هەموو جار لای “مەسعود بارزانی”یە ئەو بڕیاری كۆتایی دەدات و دواتر دەبێتە بڕیاری فەرمی پارتی.

دوای ئەوەی پەڕلەمانی كوردستان دوای سوێندخواردنی پەڕلەمانتارانی ئەم خولە كۆبوونەوەكانی دەستپێكرد، سەرەتا یاسای هەڵبژاردنی سەرۆكی هەرێم و كاراكردنەوەی سەرۆكایەتی هەرێمی پەسەند كرد و دواتر لە ڕۆژی سێ شەممە 28/5/2019 لە دانیشتنی ژمارە (6) ئاسایی خولی بەهارە (نێچیرڤان ئیدریس مستەفا بارزانی) بە سەرۆكی هەرێمی كوردستان هەڵبژارد و دواتریش (مەسرور مەسعود مستەفا بارزانی) ڕاسپارد بۆ پێكهێنانی حكومەتی نوێی هەرێم و بڕیاریشە پشووی هاوینە بۆ متمانەدان بە كابینەی نۆیەم كەمبكاتەوە و دواتر پشوو وەربگرێت، بەو پێیەش كاری وەرزێكی یاسادانان تەنها بۆ متمانەدان بە سەرۆكایەتییەكان بووە و هیچ یاسایەكی تایبەت بە خەمی هاووڵاتیانی پەسەند نەكردووە.

عێراق

هەرێم و بەغداد دەست بەگفتوگۆکان دەکەنەوە

خەڵک – بەشی هەواڵ

جێگری سەرۆكی ئەنجومەنی نوێنەرانی عیراق رایگەیاند، بەم زووانە ھەردوو حكومەتی ھەرێم و بەغداد دەست بە گفتوگۆكان دەكەنەوە، چونكە ھیچ بەربەستێكی قورس لە بەردەمیان نییە بۆ ئەوەی بگەنە رێككەوتن.

دكتۆر بەشیر خەلیل حەداد، بۆ ماڵپەڕی فەرمیی پارتی دیموكراتی كوردستان وتی: “دەستپێخەرییەكمان كردووە، كە ھەردوو حكوومەتی ھەرێمی كوردستان و عیراق بگەڕێنەوە سەر مێزی گفتوگۆ و دانوستان دەست پێبكەنەوە، چونكە چەند گفتوگۆ دوابكەوێت، زیانی بۆ خەڵكی كوردستان دەبێت”.

وتیشی: “داوامان كردووە بەپیر داوەكەمان بێن و دەست بە گفتوگۆ بكەن، چاوەڕێش دەكەین بەم زووانە گفتوگۆكان دەست پێبكەنەوە، چونكە بەربەستێكی قورس نییە كە نەگەنە رێككەوتن، بۆیە گفتوگۆكان دەست پێدەكەنەوە بۆ ئەوەی ھەردوولا بگەنە رێككەوتن”.

جێگری سەرۆكی ئەنجومەنی نوێنەرانی عیراق دەشڵێت: “بەھۆی پشووی پەرلەمان و تووشبوونی ژمارەیەكی زۆری پەرلەمانتار و فەرمانبەرانی پەرلەمانی عیراق بە ڤایرۆسی كۆرۆنا، تا 1/9 ناتوانین دەست بە كۆبوونەوەكان بكەینەوە، بە تایبەت لەبارەی كێشەكانی نێوان ھەرێم و بەغدا”.

بەردەوام بە لە خوێندنەوە

کوردستان

فرسەت سۆفی: ئەگەر هاوڵاتییان پابەندبن ئامارەکانی کۆرۆنا ڕوو لەدابەزین دەبێت

خەڵک-ئارام سەردار

پارێزگاری هەولێر ڕایدەگەیەنێت، پابەندنەبوون بەڕێنماییەکان وایکرد بگەینە ئەو قۆناغە سەختە، بەڵام هێشتا دەرفەت ماوە ئەگەر هاوڵاتییان پابەندبن و ڕێنماییەکان جێبەجێبکەن دەتوانین ئەو دۆخه سەختە تێپەڕبکەین.

 

فرسەت سوفی، پرێزگاری هەولێر لەکۆنفڕانسێکی رۆژنامەوانیدا ڕایگەیاند، بەداخەوە ئەوەی نەمان دەخواست پێی گەیشتین، هەرچەندە ڕێکاری باشمان گرتە بەر، بەڵام پابەند نەبوون بەڕێنماییەکان وایکرد بگەینە ئەو قۆناغە سەختە، وەکو ژووری ئۆپڕاسیۆن و پارێزگای هەولێر هەرچی لەتواناماندا بێت دەیکەین بۆ پاراستنی تەندروستی خەڵک، ئەوانەی تووش نەبوون بیانپارێزین و ئەوانەشی تووشبوون لەنەخۆشخانەکان وەریان بگرین.

 

دەشڵێت: هێشتا دەرفەت ماوە ئەگەر هاوڵاتیان پابەندبن و ڕێنماییەکان جێبەجێ بکەن دەتوانین ئەو دۆخه سەختە تێپەڕبکەین، تاکە چارەسەریش تاک پارێزییە بەبەستنی دەمامک و دوورکەوتنەوە لەشوێنی قەرەباڵغ.

 

ئەوەشی خستەڕوو، ئەوانەی باوەڕیان بەنەخۆشییەکە نەبوو ئێستا دەبینن هەر ڕۆژە و پێشوازی لەتەرمی ئازیزێک دەکەین یان دەبینن توشبووان لە چ دۆخێکدان، بەڵام ئێستاش دەبینین هاوڵاتیان باشتر خۆیان دەپارێزن ئەگەر بەم شێوەیە بڕوات ڕەنگە لەداهاتوو ئامارەکان بەرەو کەمبوونەوە بچن، بەپێچەوانەوە ئیلتزام نەکردن بە ڕێنماییەکان ڕەنگە دۆخەکە لەئێستاش خراپتر بێت.

 

سەبارەت بەڕێنمایی نوێ وتی، پابەندی ڕێنمایی و بڕیاری وەزارەتەکانی تەندروستی و ناوخۆین، تاوەکو ئەوان گۆڕانکاری نەکەن ئێمە ناتوانین هیچ گۆڕانکاریەک لەبڕیار و ڕێنماییەکان بکەین.

بەردەوام بە لە خوێندنەوە

کوردستان

بەهۆی تەقەی هێزە ئەمنییەكانی ئێران، 3 كوڵبەر بوونە قوربانی

خەڵك-بەشی هەواڵ

 

ڕێكخراوی مافی مرۆڤی هەنگاو ڕایدەگەیەنێت، هێزە چەكدارەكانی حكومەتی ئێران لە سنووری ئورمیە تەقەیان لە كاروانێكی كۆڵبەران كردووە و كۆڵبەرێك كوژراوە و دوو كۆڵبەری دیكە بریندار كراون.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، سەرلەبەیانی ئەمڕۆ شەممە 15-8-2020 هێزە چەكدارەكانی ئێران لە كوێستانی گوندی (كوران)ی ئورمیە تەقەیان لە كاروانێكی كۆڵبەران كردووە و سێ كۆڵبەر كوژراو بریندار كراون.

ئاشكراشیكرد، بەهۆی تەقەی هێزە چەكدارەكانی ئێران كۆڵبەرێك بە ناوی “سیراج ئەحمەدی” كوژراوە و تا ئێستا ناسنامەی ئەو دوو كۆڵبەری دیكە كە بریندار كراون بۆ هەنگاو ڕوون نەبووەتەوە.

بەپێی ئامارەكانی ڕێكخراوی مافی مرۆڤی هەنگاو، لە ماوەی مانگی گەلاوێژ لە سنوورەكانی مەریوان، بانە، نەوسوود، چاڵدێران و ئورمیە ٥ كۆڵبەر كوژراون.

بەردەوام بە لە خوێندنەوە

کوردستان