ئێمە لە تۆرە کۆمەڵایەتیەکان

کوردستان

بەرپرسانی هەرێم كەوتوونەتە نەمام ناشتن بەڵام نەمامەكان وشك دەبن

خەڵك – بەشی هەواڵ
جێگری پارێزگاری هەڵەبجە ڕایدەگەیەنێت، ناشتنی نەمام و سەوزكردن زۆر گرنگە، بەڵام پارێزگاریكردنی لە وشك بوون و ئاودێرانی گرنگترە، دەشڵێت: “تا ئێستا نزیكەی ١٢ هەزار نەمام نێژراوە و پێویستە پارێزگاری لێ بكرێت”.

كاوە شێخ عەلی، جێگری پارێزگاری هەڵەبجە لە لێدوانێكی ڕۆژنامەوانیدا ڕایگەیاندووە، لە لایەن بەڕێوەبەرایەتی پاوان و دارستانی هەڵەبجەوە نزیكەی ١٢ هەزار نەمام نێژراوە و پێویستە پارێزگاری لێ بكرێت.

دەشڵێت: “سەبارەت بە هەوڵی چۆنیەتی وشك نەبوونی نەمامی ساڵانی ڕابردوو، كە لە دەرەوەی شارەكان نێژراوە، كە ئێستا بە هۆی كەمی فەرمانبەر و نەبوونی بودجە بۆ ئاودێرانیان گرفتیان بۆ دروستبووە لە كۆبوونەوەیەكدا لەگەڵ پارێزگار و بەڕێوەبەری پاوان و دارستانی هەڵەبجە گفتوگۆمان كرد”.

ڕاشیگەیاندووە، لە هەوڵداین لەگەڵ ڕێكخراوەكان، كە بتوانن هاوكارمان بن لەم كارە گرنگەدا و هیوادارین بتوانین پارێزگاری بە هاوكاری خەمخۆران لەو سامانە گرنگە بكەین.

ماوەیەك لە تۆڕە كۆمەڵایەتییەكان بەرپرسانی هەرێم دەستیان بە هەڵمەتی نەمام ناشتن كردووە و ناوی یەكتر دەهێنن بۆئەوەی ئەوانیش نەمام بنێژن، بەڵام بەرپرسانی باخچە و دارستانەكان هۆشداری لە وشك بوونی ئەو نەمامانەش دەدەن، كە نێژراون.

پێشتر وتەبێژی باخچەكانی سلێمانی بۆ (خەڵك) ڕایگەیاند، بەهۆی نەبوونی بودجە و دروست كردنی كێشە بۆمان لە هەولێرەوە تا ئێستا نەمانتوانیوە تانكەر بۆ ئاودانی باخچە و بلوارەكان دابین بكەین و بەوهۆیەوە خەریكە وشك دەبن.

کوردستان

گەشتیارە كوردەكان لە توركیا ئازاد كران

خەڵك- بەشی هەواڵ

دوای دەستگیركردنیان لەلایەن پۆلیسی توركیاوە، ژمارەیەك گەشتیاری خەڵكی پارێزگا دهۆك ئازادكران.

بەپێی زانیارییەكان دوانیوەڕۆی ئەمڕۆ هەینی ئەو گەشتیارانە ئازادكراون.

ئەمڕۆ وتەبێژی فەڕمی حكومەتی هەرێمی كوردستان ڕایگەیاند، سەرۆك وەزیرانی هەرێم، لایەنە پەیوەندییدارەكانی هەرێمی كوردستانی راسپاردووە بۆئەوەی لەگەڵ بەرپرسانی توركیا قسە بكەن، بۆ ئەوەی بە زووترین كات ئەو گەشتیارانە ئازادبكرێن.

دوێنێ‌ پێنج شەممە، لەكاتی سەردانیكردنی ناوچەی چیاكارای شاری ترابزۆن لە توركیا، گروپێكی گەشتیاری هەرێمی كوردستان بەهۆی هەڵگرتنی ئاڵای كوردستان و وێنەگرتن پێوەی رووبەڕووی لێدان و توندوتیژی بوونەوە و ژمارەیەكیان دەستبەسەركران.

بەردەوام بە لە خوێندنەوە

کوردستان

لە سنوری شارۆچكەی شێخان كچ و كوڕێك كوژران

خەڵك- بەشی هەواڵ

بەهۆی كێشەیەكی كۆمەڵایەتییەوە، كچ و كوڕێك لە شارۆچكەی شێخان كوژران.

پۆلیسی دهۆك بڵاوی كردەوە، بكوژەكە كە برای كچەكە بووە دەستگیركراوە و دانی بە تاوانەكەیدا ناوە.

دوای ڕووداوەكە تەرمی هەردووكیان براون بۆ نەخۆشخانەی دهۆك و پۆلیس پەڕاوی لێكۆڵینەوەی بۆ رووداوەكە كردووەتەوە.

بەردەوام بە لە خوێندنەوە

کوردستان

بە وێنە.. لە كەلار دەستبەسەر بڕێكی زۆر خۆراكی نەشیاودا گیرا

خەڵك- بەشی هەواڵ

قائیمقامیەتی شارۆچكەی كەلار بڵاوی كردەوە، كە دەستیان گرتووە بەسەر بڕێكی زۆر لە خۆراكی نەشیاو بۆ بەكارهێناندا.

لە ڕاگەیەندراوێكدا قائیمقامیەتی كەلار نوسیویەتی”دەست بەسەرداگرتنی بڕێكی زۆر خۆراكی لەقوتونراوی قۆپاو و خراپ لەگەڵ بابەتی ئارایشتگای بەسەرچوو لەلایەن لیژنە هاوبەشەكانی قایمقامیەتی كەلارەوە ڕادەگەیەنین”.

دەستبەسەرداگرتنی ئەو خۆراك و كەرەستە نەشیاوانە لەكاتێكدا كە ڕۆژانە لە شار و شارۆچكەكانی هەرێمی كوردستاندا دەستبەسەر بڕێكی زۆر خۆراك و پێداویستی بەسەرچوودا دەگیرێت.

بەردەوام بە لە خوێندنەوە

کوردستان