ئێمە لە تۆرە کۆمەڵایەتیەکان

کوردستان

هەولێر بەهۆی پابەندنەبوونەوە دوو چێشتخانە داخرا

خەڵك – بەشی هەواڵ
‏‎قایمقامیەتی قەزای ناوەندیی هەولێر ڕایدەگەیەنێت، بەهۆی پابەندنەبوون بە مەرج و ڕێنماییەكان دوو چێشتخانە لە سنوری ناحیەی عنكاوە داخرا و هاووڵاتیان ئاگادار دەكەنەوە، كە بە دواداچوون بۆ ئەو سكاڵایانە دەكرێن، كە ڕۆژانە ئاڕاستەی لیژنەكانی قایمقامیەت دەكرێن .

قایمقامیەتی قەزای ناوەندیی هەولێر لە ڕاگەیەنراوێكدا، كەوێنەیەكی بۆ (خەڵك) نێراوە ڕایگەیاندووە، لە سنوری ناحیەی عنكاوە پشكنین و بە دواداچوون بۆ 22 شوێن ئەنجامدرا، كە شوێنەكان لە فرۆشگا و گۆشتفرۆش و چێشتخانەو خواردنگەو میوە فرۆش پێكهاتبوون.

ڕاشیگەیاندووە، لەمیانەی پشكنینەكان سەرپێچییەكان تۆماركران و بەهۆی سەرپێچی و پابەندنەبوون بەڕێنماییەكان دوو خواردنگە داخران، هەروەها ۲٠ شوێنیش هۆشداریان پێدرا.

ئاماژەی بۆ ئەوەشكردووە، هەرشوێنێك پابەند بە مەرج و ڕێنماییەكان نەبێ، ڕێكاری یاسایی بەرامبەر خاوەنەكانیان دەگیرێتەبەر و جگە لە داخستنی شوێنەكانیان دواتر سزای پێ بژاردنی ڕووبەڕوو دەكرێتەوە، كە لە ملیۆنێك دینار دەستپێدەكات تا 5 ملیۆن دینار .

لە كۆتایی ڕاگەیەنراوەكەدا هاتووە، هاووڵاتیان ئاگاداردەكەینەوە، كە بەردەوام بە دواداچوون بۆ هەموو ئەو سكاڵایانە دەكرێن ، كە ڕۆژانە ئاراستەی لیژنەكانی قایمقامیەت دەكرێن.

وێنەی ‏قایمقامیەتى قەزای ناوەنديى هەولێر‏.وێنەی ‏قایمقامیەتى قەزای ناوەنديى هەولێر‏.وێنەی ‏قایمقامیەتى قەزای ناوەنديى هەولێر‏.وێنەی ‏قایمقامیەتى قەزای ناوەنديى هەولێر‏.وێنەی ‏قایمقامیەتى قەزای ناوەنديى هەولێر‏.

کوردستان

سەركردایەتی بزووتنەوەی ئیسلامی بەستنی كۆنگرەی حزبەكەی یەكلادەكاتەوە

خەڵك-بەشی هەواڵ

 

بڕیار بوو سەرەتای مانگی داهاتوو بزووتنەوەی ئیسلامی كۆنگرەی 12ی خۆی بە بەشداری 350 ئەندام ببەستێت، بەڵام بەهۆی قەیرانی كۆرۆنا و دۆخی نێوخۆی حزبەكە بڕیارە كۆنگرەكە دوابخرێت.
سەرچاوەیەك لە بزووتنەوەی ئیسلامی بە (خەڵك)ی ڕاگەیاند، ئەمڕۆ سێ شەممە ئەنجومەنی سەركردایەتی بزووتنەوەی ئیسلامی لە شاری سلێمانی كۆدەبێتەوە و بڕیاری یەكلاكەرەوە لەسەر بەستن یاخود دواخستنی كۆنگرەی 12ی حزبەكە دەدات.

سەرچاوەكەی خەڵك ئاشكرایكرد، هەرچەندە وەزارەتی ناوخۆی حكومەتی هەرێمی كوردستان كۆبوونەوە و كۆنفڕانسەكانی قەدەغە كردووە، بەڵام وەك بەشێك لە سەركردایەتی بزووتنەوە ئاماژەی بۆ دەكەن ژمارەیەك كادیر و فەرماندەی بزووتنەوە بەهۆی پەتاكەوە گیانیان لەدەستداوەو هاوكات بەشێكی دیكەش تووشی ڤایرۆسەكە بوون و ئەمەش دەبێتە كێشە بۆ ئەنجامدانی كۆنگرەكە.

ڕوونیشیكردەوە، كێشەی نێوخۆیی حزبەكەش كاریگەری لەسەر بەستن یاخود دواخستنی كۆنگرەی حزبەكە هەیە، بەڵام ئەمڕۆ ئەو پرسە یەكلایی دەكرێتەوە.

بەردەوام بە لە خوێندنەوە

کوردستان

پەڕلەمانی كوردستان كۆدەبێتەوە
ئەجێندای كۆبوونەوەكە لە سێ تەوەر پێكهاتووە

خەڵك-بەشی هەواڵ

 

ئەمڕۆ سێ شەممە پەڕلەمانی كوردستان كۆدەبێتەوە و لە یەكێك لە تەوەرەكاندا گفتوگۆ لەبارەی پرساندنی سەرۆك و جێگری سەرۆكی ئەنجومەنی وەزیران و وەزیری دارایی و ئابوری هەرێمی كوردستان دەكرێت.

ڕێواز فایەق سەرۆكی پەڕلەمانی كوردستان لە نووسراوێكدا بانگهێشتی گشت ئەندامانی پەڕلەمانی دەكات بۆ ئامادەبوون لەدانیشتنی ژمارە 9ی ئاسایی خولی پایزەی ساڵی دووەم لەخولی هەڵبژاردنی پێنجەمی پەڕلەمانی كوردستان، لەكاتژمێر 2:00ی پاشنیوەڕۆی ئەمڕۆ.

بەپێی كارنامەی كۆبوونەوەكەش، لە تەوەری یەكەمدا خوێندنەوەی یەكەم بۆ هەریەكە لە پێشنیازە یاساكانی پاراستنی تۆڕ و بنچینەكانی ئاو و ئاوەڕۆ لە هەرێمی كوردستان ـ عیراق)، پێشنیازی یاسای (بەڕێوەبردن و پاراستنی ئاو لە هەرێمی كوردستان ـ عیراق)، لە تەوەری دووەمیشدا دانانی ئەندامی پەڕلەمان (عومەر عەبدوڵڵا فەتاح) لە لیژنەی دارایی و كاروباری ئابووری.

لە تەوەری سێیەمیشدا گفتوگۆی پرساندن و وەڵامەكانی (سەرۆكی ئەنجومەنی وەزیران) و جێگری سەرۆكی ئەنجومەنی وەزیران و وەزیری دارایی و ئابوری بەپێی حوكمی ماددەكانی (70، 71، 73) لە پەیڕەوی ناوخۆی پەڕلەمانی كوردستان.

بەردەوام بە لە خوێندنەوە

کوردستان

دوای زیاتر لە چوار ساڵ داواكردن، بڕیارە شۆفڵ و ئەمبوڵانسێك بۆ سەیدسادق دابین بكرێت

خەڵك – یەحیا حبیب

قائیمقامیەتی شارۆچكەی سەیدسادق ڕایگەیاند، “بڕیارە بەڕێوەبەرایەتی تەندروستی بۆ شارۆچكەكە بكرێتەوە و ئۆتۆمبێلێكی ئەمبۆڵانسییش بۆ تەرخان بكرێت، هەروەها ئامێرێكی شۆفڵیش بۆ شارەوانی دابین بكرێت”.

قائیمقامیەتی شارۆچكەی سەیدسادق ڕایگەیاند،”لە سەرەتای دەستبەكاربوونی كابینەی نۆیەمی حكومەتی هەرێم و لە ساڵی 2017وە لە سەر داوا بەردەوامەكانی قائیمقامیەتی شارۆچكەی سەیدسادق بۆ هەردوو كەرتەكانی تەندروستی و شارەوانی بڕیاردرا شۆفڵێك و ئۆتۆمبیلێكی ئەمبوڵانس دابین بكەن”.

قائیمقامیەتی سەید سادق ئاماژەی بەوەشداوە،”شۆفڵەكە بۆ شارەوانی دابینكراوە و ئەمبوڵانسەكەش بۆ نەخۆشخانەی تایبەت بە ڤایرۆسی كۆرۆنا دابین دەكرێت”.

ئەمەش لە كاتێدایە، ڕۆژی یەكشەممە ڕێكەوتی 26/10/2020 قوباد تاڵەبانی، جێگری سەرۆكی حكومەتی هەرێم لەگەڵ قائیمقامەكانی سنووری پارێزگای سلێمانی كۆبووەوە بەمەبەستی گفتوگۆكردن لە بارەی داواكاری و پێداویستییەكانی هاووڵاتیان و كێشە و گیروگرفتەكانی یەكە كارگێڕییەكان.

بەردەوام بە لە خوێندنەوە

کوردستان