ئێمە لە تۆرە کۆمەڵایەتیەکان

جیهان

رۆژی عەرەفە و جەژنی قوربان دیاریی دەكرێت

خەڵك- بەشی هەواڵ
سەرچاوەیەكی بەرپرس لە پەیمانگەی نەتەوەیی بۆ توێژینەوە فەلەكییەكان لە میسر، وادەی ڕاوەستان لەسەر كێوی عەرەفات و جەژنی قوربان دیاریی دەكات، ئاماژە بە حیساباتە فەلەكییەكانیش دەكات كە لێوەی وەستان لەسەر كێوی عەرەفات لە ڕۆژی 10ئابی داهاتوودا دەبێت.

سەرچاوەكە بە ماڵپەڕی (صدی البلد) و ڕۆژنامەی (الوطن)ی میسری ڕاگەیاتدووە”یەكەم ڕۆژی جەژنی قوربان لەڕووی فەلەكییەوە لە 11ی ئابدا دەبێت، پەیمانگەی نەتەوەیی بۆ توێژینەوە فەلەكییەكانیش ساڵانە ئەدرەسی دیاردە فەلەكییەكان ئامادە دەكات”.

بە وتەی سەرچاوەكە”هەموو مانگێك حیساباتی فەلەكی دەكرێت، تا یەكەم ڕۆژی هەموو مانگە كۆچییەكان ڕابگەیەنرێت، لەگەڵ دیاریكردنی ئەو ڕۆژانەی تێیاندا مانگی بەدەر بە تەواوەتی دەردەكەوێت”.
ئەو سەرچاوەیە دەڵێت”مانگی زو لقەعدە لە 4ی تەمموزدا دەبێت و هیلالی مانگەكەش لە 2ی تەمموزدا لە كاتژمێر 9 و 16 خولەكی ئێوارەدا لەدایك دەبێت و لە ڕۆژی 3ی تەمموزدا دەكرێت هیلالی مانگەكە ببینرێت”.

جیهان

جۆ بایدن: پێویستە ترەمپ لێكۆڵینەوەی لەگەڵدا بكرێت

خەڵك – بەشی هەواڵ

سەرۆكی پێشووی ویلایەتە یەكگرتووەكانی ئەمریكا ڕایدەگەیەنێت، پێویستە لێكۆڵینەوە لەگەڵ ترەمپدا بكرێت.

جۆ بایدن جیگری سەرۆكی پێشووی ویلایەتە یەكگرتووەكانی ئەمریكا و كاندیدی دیموكراتەكان بۆ هەڵبژاردنی داهاتووی سەرۆكایەتی ئەمریكا لەلێدوانێكی ڕۆژنامەوانیدا، سەبارەت بەو ڕاپۆرتە هەواڵیانەی باس لەوە دەكەن دۆناڵد ترەمپ سەرۆكی ئەمریكا لەمیانەی پەیوەندییەكی تەلەفۆنیدا لەگەڵ هاوتا ئۆكراینییەكەی، گوشاری كردووە تائەو وڵاتە دۆسیەیەكی بێ بنەما بۆ جۆ بایدن دروست بكات و سكاڵای یاسایی لەسەر تۆمار بكەن، ئەمەش بەتۆمەتی ئەوەی كاتێك بایدن جێگری سەرۆكی ئەمریكا بووە لەبەرامبەر بەردەوامی هاوكارییە سەربازییەكانی بۆ ئۆكراین داوای وەرگرتنی پاداشتی كردووە.

جۆ بایدن وتیشی، پێویستە لێكۆڵینەوەیەكی ورد لەگەڵ ترەمپ بكرێت.

كاندیدی دیموكراتەكان بۆ هەڵبژاردنی داهاتووی سەرۆكایەتی ئەمریكا ڕاشیگەیاند، ترەمپ بەهۆی ئەوەی دەزانێت لەكێبڕكێی هەڵبژاردنی داهاتوودا بەرامبەری شكستدەهێنێت، هەر بۆیە سەرقاڵی دروستكردنی ئەو جۆرە تۆمەتە بێ بنەمایانەیە.

بەردەوام بە لە خوێندنەوە

جیهان

ترەمپ: واشنتۆن هەمیشە بۆ هەر بژاردەیەكی سەربازیی ئامادەیە

خەڵك – بەشی هەواڵ

لە كۆنفرانسێكی رۆژنامەوانی هاوبەش لەگەڵ سكۆت مۆریسۆن سەرۆك وەزیرانی ئوسترالیا، دۆناڵد ترەمپ سەرۆكی ئەمریكا جەختی كردەوە، هیچ پلانێكی نییە بۆ ئەوەی لەپەراوێزی كۆبوونەوەكانی نەتەوە یەكگرتووەكان لە نیویۆرك لەگەڵ لێپرسراوانی ئێرانیدا كۆببێتەوە.

لەوەڵامی پرسیارێكی ڕۆژنامەوانانیشدا لەبارەی بژاردە سەربازییەكان لەدژی ئێران دۆناڵد ترەمپ ڕایگەیاند، واشنتۆن هەمیشە بۆ هەر بژاردەیەكی سەربازیی ئامادەیە.

ئەو لێدوانەی ترەمپ دوای ئەو دەنگۆیە هات كە گوایە لەپەراوێزی كۆبوونەوەكانی نەتەوە یەكگرتووەكان سەرۆكی ئەمریكا لەگەڵ حەسەن ڕوحانی سەرۆكی ئێران كۆدەبێتەوە.

بەردەوام بە لە خوێندنەوە

جیهان

ئەمریكا لە لێدانی ئێران پەشیمان بووەتەوە

خەڵك – بەشی هەواڵ
وەزیری دەرەوەی ئەمریكا ڕایدەگەیەنێت، وڵاتەكەی مەبەستی ئەوەیە خۆی لە شەڕ لەگەڵ ئیران دووربخاتەوە و بڕیاری ناردنی هێزی سەربازی زیاتریش بۆ نێو هەرێمی كەنداو بۆ پێشگیریكردن و بەرگری كردنە.

مایك پۆمپیۆ، وەزیری دەرەوەی ئەمریكا لە چاوپێكەوتنێكیدا لەگەڵ تەلەفزیۆنی (فاكس نیوز) ڕایگەیاندووە، كرداری دیاریكراوی ئێمە دووربوونە لە شەڕ، دڵنیام سەرۆكی ئەمریكا هەنگاوەكانی دەگرێتە بەر ئەگەر ئەو جۆرە پێوانانەی خۆلادان لە شەڕ سەرنەگرێت و ڕێبەرایەتی ئێرانیش باش لە ئەوە تێدەگەن.

ڕاشیگەیاندووە، وەزیری بەرگری ڕایگەیاند، كە ئەمریكا بۆ مەبەستی پێشگیری و بەرگریكردن هێزی زیاتر لە هەرێمەكە دادەنێت، واشنتن ئەو هەنگاوانەی گرتۆتەبەر بۆ ئەوەیە پێش لە ئێران بگرێت.

گرژییەكانی نێوان واشنتن و تاران دوای ئەوە تەشەنەی سەند، كە هێرش كرایە سەر پاڵاوگەكانی نەوتی عەرەبستانی سعودیە، هەر زوو ئەمریكا و سعودیە تاوانەكەیان خستە سەر ئێران، بەو هۆیەوە ئەمریكا گەمارۆی زیاتری بە سەر ئێران دا سەپاندووە.

بەردەوام بە لە خوێندنەوە

کوردستان