ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

هواوی باشترین كامیرای لەجیهانی مۆبایل HUAWEI P20 Pro لە عیراق وەشاند

گروپی هواوی (CBG) سەردەمێكی تازەی لەجیهانی وێنەگرتن بە مۆبایل كردەوە لەرێگای وەشاندنی كامیرای سیانی لە (لایكا) بە كوالیتی 40 میگاپیكسل بەسیستەمی (ماستەر) بە تەكنەلۆژیای زیرەكی دەستكرد لەسەر مۆبایلی HUAWEI P20 Pro لە عیراق ، كەئەوەش دەسكەوتێكی گەورەیە بۆ زنجیرەی HUAWEI P كە ئەزموونێكی وێنەگرتنی بێ كێشە فەراهەم دەكات كە هەنگاوێكی گەورەیە لە جیهانی مۆبایلدا كە وا لەبەكارهێنەران دەكات وێنەگرتنی پیشەگەرانە ئەنجام بدەن و چەندین خەڵاتی بەدەست هێناوە بە هۆی تازەگەری لە بواری وێنەگرتندا و زۆربەی بەكارهێنەران بەباشترین مۆبایلی دەزانن لە رووی تواناكانی وێنەگرتندا .

بەم بۆنەیەوە پیتەر فنگ بەڕێوەبەری هواوی عیراق لەلێدوانێكدا رایگەیاند : بەكارهێنەرانی هواوی لە رۆژهەڵاتی ناوەراست و ئەفریقیا جیاوازن ، هەردەم زنجیرەی HUAWEI P پێشەنگ بووە لە بواری وێنەگرتنی فۆتۆگرافی ، ئێستاش مۆبایلی HUAWEI P20 Pro دەوەشێنین بۆ ئەوەی پێشەنگیی كامیرای سیانی لایكا دووپات بكەینەوە كە تەكنەلۆژیای زیرەكی دەستكرد كاردەكات بۆ ئەوەی بەهەموو پێوەرێك ناوازە بێت و ئەزموونێكی وێنەگرتنی بەسیمای داهاتوو ببەخشێت بۆ بەكارهێنەرانی ئەمڕۆ ، مۆبایلی HUAWEI P20 Pro چەندین خەڵاتی جیهانی وەرگرتووە و دڵنیاین كە دەبێتە جێگای سەرنجی بەكاهێنەرانمان لە عیراق .

مۆبایلی HUAWEI P20 Pro یەكەم كامیرای سیانی لە (لایكا) بە كوالیتی 40 میگاپیكسل بەسیستەمی (ماستەر) بە تكنەلۆژیای زیرەكی دەستكرد لەخۆدەگرێت 

مۆبایلی HUAWEI P20 Pro كامیرای سیانی لەلایكا بەكوالیتی 40 میگا پیكسل لەخۆدەگرێت لەگەڵ هەستیاری رەنگەكان بۆ زامنكردنی یەكسانی لەكوالیتی و رەتگەكان لەهەر وێنەیەكدا ، بەتایبەتی كە سیستەمی تەكنەلۆژیای زیرەكی دەستكردی تێدایە كە توانای جیاكردنەوەی 500 سیناریۆی هەیە لە 19 جۆردا بەشێوەیەكی ئۆتۆماتیكی بۆ ئەوەی راستەوخۆ بارودۆخ و ئامادەكاری گونجاو هەڵبژێرێت بەمەبەستنی گرتنی وێنەیەكی پیشەگەرانە بەشێوەیەكی زۆر ئاسان ، زنجیرەی مۆبایلی HUAWEI P20  – كەبەرزترین رێژەی DxOMarkی هەیە – سیستەمی وێنەگرتنی زیرەك لەخۆدەگرێت بۆ پێشخستنی ئەزموونی وێنەگرتن بۆ ئاستی بەرزتر .

تایبەتمەندی چەسپاندنی وێنەكان بە تكەنەلۆژیای زیرەكی دەستكرد  HUAWEI AISبۆ وێنەگرتنی شەوانە 
مۆبایلی HUAWEI P20 Pro پشت دەبەستێت بەتایبەتمەندی چەسپاندنی وێنەكان بەتەكنەلۆژیای زیرەكی دەستكرد AIS بۆ ناسینەوەی وردەكاریەكان لەرێگای داتاكانی زیرەكی دەستكرد دواتر فلتەری وێنەكان دەكات بۆ لابردنی دیمەنە زیادەكان و ناروونی بەهۆی لەرزینی دەستەوە ، ئەو تایبەتمەندیە گرنگی خۆی هەیە بۆ چاككردنەوەی ئەو وێنانەی بەشەو دەگیرێن ، بارودۆخی شەوانە هاوسەنگی دەبەخشێت لەنێوان رەنگەكان لەهەموو بارودۆخكدا .

تایبەتمەندی نزیكردنەوە 5X  بۆ یەكەمجار لە مۆبایلدا 
مۆبایلی HUAWEI P20 Pro زوومێكی تازە بۆ وێنەی دوور لە لایكا لەخۆدەگرێت كە توانای نزیكردنەوەی بۆ 5 جار هەیە كە ئەوەش رێگا بە وێنەگر دەدات جەخت لەسەر ئامانجی وێنەكە بكاتەوە و ئەنجامی سەرنجراكێش بەدەستبهێنێت لە گرتنی هەموو وردەكاریەكان لە دوورەوە ، بەهۆی بوونی زوومێكی نزیككەرەوەی بەهێز ، ئەو مۆبایلە هەڵبژاردنێكی باشە بۆ گەشتیاران ئەوانەی پێویستیان بە وێنەگرتنی دیمەنكان هەیە لە دوورەوە ، ئەوەش مانای ئەوەیە گەشتیار چیتر پێویستی بەهەڵگرتنی زوومی نزیكەرەوە و ئامێری وێنەگرتنی دوور نابێت .

یەكەم مۆبایل بەسیستەمی رەنگی پلەدار لەجیهاندا – مۆبایلەكەت لەنێو هەمووان دەدرەوشێتەوە 
مۆبایلی HUAWEI P20 Pro دەركەوتنێی پڕ لە ژیانی تێدایە لە رێگای رەنگی (تویلایت) لەگەڵ رەنگی رەش و(میدنایات بلو) شین، رەنگی توایلایت بەوە ناسراوە كە كزدەبێتەوە لەگەڵ تێپەرااندنی هەر چینێك ، لەرەنگی شینی زەقەوە دەبێتە رەنگێكی پەمەیی ئەوەش وەكو كارێكی هونەری وایە كەبەدەستەوە هەڵیدەگریت .
مۆبایلی HUAWEI P20 Pro شاشەی نمایشی تەواوی هواوی هەیە بۆ بەخشینی ئەزموونێكی كاریگەرتر لەیاریكردن یان سەیركردنی ڤیدیۆ یان خوێندنەوە یان بەسەركردنەوەی ئینتەرنێت ، شاشەی شووشەی3D  دەگونجێ لەگەڵ لێوارە چەماوەیەكەی كەئەوەش هەڵگرتنی ئامێرەكە ئاسان دەكات .

بەردەستكەوتن 
مۆبایلی HUAWEI P20 Pro لەرێكەوتی 26/5/2018 لەبازارەكانی عیراق بەردەستە بەرەنگەكانی رەش و شین و تویلایت لە نرخی 729 دۆلارەوە دەستپێدەكات

ئۆتۆمبێل و تەکنەلۆژیا

دوو ساڵی داھاتوو بازاڕی ئەپڵ بە شێوەیەکی بەرچاو دەکشێتەوە

خەڵک-

لێکۆڵەران و شارەزایانی بازاڕ لە گروپی بانکەکانی (Nomura) ـی ژاپۆنی، لە راپۆرتێکدا پێشبینی ھاتنە خوارێکی سەختی بازاڕ دەکەن بۆ کۆمپانیای ئەپڵ لە ماوەی دوو ساڵی داھاتوودا.

ئیین لین بەڕێوەبەری ژووری لێکۆڵینەوە لە گروپی بانکەکانی (Nomura) دەڵێت، پێشبینی دەکرێت ساڵی داھاتوو فرۆشییەکانی ئەپڵ لە ئامێرە زیرەکەکان بۆ ٢٠٠ ملیۆن ئامێر و ساڵی دواتریش بۆ نزیکی ١٨٠ ملیۆن ئامێر داببەزێت.

ئەو شارەزایە ھۆکاری پێشبینییەکانی کشانەوەی بازاڕی ئەپل بۆ ئەوە دەگێڕێتەوە، خەریکە ئەپڵ توانای کێبەرکێی کۆمپانیاکانی دیکەی ئامێرە زیرەکەکان لەدەستدەدات و نزیکە لەوەی لە ڕیزبەندیی یەکەمەکان بچێتە دەرەوە.

یەکێکی دیکە لە ھۆکاری ئەو پێشبینییە ئەوەیە، لە ساڵی داھاتوو ژمارەیەکی زۆر لە ئامێرە ئەلیکترۆنییەکان بە تەکنۆلۆجیای 5G بەردەست دەخرێن، لە ئەمریکاش خستنە کاری ئەو تۆڕە دەستیپێکردووە و ئەپڵ ھیچ ئاماژەیەکی نییە بەوەی لە پێنج ساڵی داھاتوو ئەو تەکنۆلۆجیایە لە ئامێرەکانی بخاتە کار، ھەروەک ئەوەی لە خستنەکاری تەکنۆلۆجیای 4G دواکەوت.

پێشتریش کۆمپانیای ئەپڵ ناڕەزایی خۆی پیشاندا لە کەمبوونەوەی فرۆشی دوایین ئامێرەکانی، شارەزایانیش ئاماژە بەوە دەکەن، ئەپڵ نەیتوانیوە ھیچ شتێکی تازە لە دوایین نەوەی ئامێرەکانی بەردەست بخات.

 

بەردەوام بە لە خوێندنەوە

ئۆتۆمبێل و تەکنەلۆژیا

چەند ڕێنماییەک بۆ مامەڵە لەگەڵ ئۆتۆمبێلە بارھەڵگرەکان لە وەرزی باراندا

خەڵک-

شۆفێری کردنێکی سەلامەت لە وەرزی سەرما و تەڕی و باراندا ئاڵنگارییەکی سەختە، لەو وەرزەدا شەقامەکان خلیسکن و ئاستی بینین زۆرجار کەمدەبێتەوە، رێژەی ڕووداوەکانی ھاتووچۆش بە شێوەی بەرچاو سەردەکەن، بەشێک لە ڕووداوەکانیش بەھۆی ئۆتۆمبێلە بارھەڵگرەکانەوەیە.

ئۆتۆمبێلە بارھەڵگرە گەورەکان لە ڕووی شێوە و کێش و قەبارەوە لە ئۆتۆمبێلی ئاسایی زۆر جیاوازن، ئەوەش وایکردووە مامەڵە کردن لەگەڵیان یان نزیکبوونەوە یان تێپەڕاندنیان لە وەرزی باراندا کارێکی ئاسان نەبێت.

پسپۆڕانی بواری ھاتووچۆ چەند ڕێنماییەکان ڕێکخستووە تا بتوانین مامەڵە لەگەڵ ئەو جۆرە ئۆتۆمبێلانەدا بکەین، لە وەرزی باران و سەرمادا:

  • بەھۆی گەورەیی قەبارەیانەوە، بارھەڵگرەکان گەلێک ناوچەی کوێریان ھەیە، بە تایبەتی لای ڕاستیان بە ئاسانی لە لایەن شۆفێرەکەیەوە نابینرێت، زۆر کات جوڵە بە لای ڕاستدا لە لایەن بارھەڵگرەکانەوە ڕووداوی ھاتووچۆی سەختی لێکەوتۆتەوە، بەوەش تا دەتوانیت ھەوڵی تێپەڕاندنی بارھەڵگرێک مەدە لە لای چەپییەوە، بە تایبەت لە کاتی باراندا.
  • لە کاتی ھەوڵی تێپەڕاندنیش لە لای چەپەوە، بە وریاییەوە مامەڵە بکرێت و ھەر جوڵەیەکی نائاسایی بە ھەژمار بگیرێت و پێش گەشتنە ئاستیشی بە ڕووناکی بەرز شۆفێری بارھەڵگرەکە ئاگادار بکرێتەوە.
  • لە کاتی تێپەڕاندنی بارھەڵگرێکی گەورە، پێویستە سوکان بە توندی بە ھەردوو دەست بگیرێت، چونکە بارھەڵگرەکان بەھۆی قەبارە و خێراییانەوە گیرفانی ھەوایی دروستدەکەن و بەوەش ھێزی ھەوا لەسەر ئۆتۆمبێلەکەت دەگۆڕێت و کار لە جێگریی دەکات، بەوەش ئەگەری ڕووداو بەرز دەبێتەوە.
  • لە کەشی باراندا، ئۆتۆمبێلە گەورەکان تۆزی ئاو بڵاودەکەنەوە و زیخ و چەو فڕێدەدەن کە ئەوانەش کار لە ئاستی بینین و تەرکیز دەکات، بۆ باشتر وایە لە خێراترین کاتی گونجاودا تێیپەڕێنیت، بەڵام بە وریایی.
  • بارھەڵگرەکان کێشیان زۆر قورسە، پێویستیان بە کات و ڕووبەرێکی زیاترە بۆ وەستان، ئەمە ئەگەر ئیستۆپی بارھەڵگرەکە لە کاتی ھەوڵی وەستانی تونددا کێشەی تێنەکەوێت، بەوەش تێپەڕاندن و بەخێرایی ھاتنەوە بەردەمی کارەساتی مەترسیداری لێدەکەوێتەوە، کاتێک بارھەڵگرێکت تێپەڕاند، دڵنیابە لەوەی لێی دوور کەوتوویتەتەوە، ئەوکات ھێڵ بگۆڕە.
  • ھەرگیز لە پێچ و لۆفەکاندا ھەوڵی تێپەڕاندنی بارھەڵگرەکان مەدە، چونکە بەھۆی درێژییانەوە ڕووبەرێکی فراوانتریان دەوێت بۆ پێچکردنەوە و ئەگەری ئەوەی بکەویتە ناوچەی کوێر و نەبینرێیت، ئەوەش کارەسات دروستدەکات.

بەھیوای سەلامەتیی بۆ ھەموو لایەک

بەردەوام بە لە خوێندنەوە

ئۆتۆمبێل و تەکنەلۆژیا

داھێنانێکی دیکەی بواری سەلامەتیی ئۆتۆمبێل
ئێرباگی دەرەکی

خەڵک-

لە ئێستادا کۆمپانیاکانی ئۆتۆمبێل پێشبڕکێیانە تا بتوانن داھێنانی ئێرباگی دەرەکی بە ناوی خۆیانەوە تۆمار بکەن، بەڵام کۆمپانیای ZF ـی ئەڵمانیی پێش ھەموویان کەوتووە و نزیکە لەوەی تاقیکردنەوەکانی لەو بارەیەوە کۆتایی پێبھێنێت و داھێنانەکە بە ناوی خۆیەوە ڕابگەیەنێت.

کۆمپانیای ZF ـی ئەڵمانیی کۆمپانیایەکی تایبەتە بە دروستکردنی پارچە و سیستمەکانی ئۆتۆمبێل بۆ کۆمپانیاکانی ئۆتۆمبێلسازیی، نزیکە لەوەی تاقیکردنەوەکانی لەبارەی دانانی ئێرباگی دەرەکی بۆ ئۆتۆمبێلەکان بە سەرکەوتوویی کۆتایی پێبھێنێت و داھێنانەکە لەسەر خۆی تاپۆ بکات.

وەک ئەوەی لێکۆڵینەوە تیۆرییەکان ئاماژەیان پێکردووە، ئێرباگی دەرەکی بە ڕێژەی ٤٠٪ زیان لەسەر سەرنشینانی ئۆتۆمبێل دەگێڕێتەوە و سوودەکانیشی بۆ کەسانی پیادەڕەو لەوە کەمتر نابێت.

ڕێگری سەرەکیش لە بەردەم خستنە کاری داھێنانەکە تا ئێستا ئەوەیە، چۆن بتوانرێت ئێرباگەکە لەو کاتەدا بکرێتەوە کە نەخشەی بۆ دەکێشرێت، ئەویش چەند بەشی چرکەیەکە پێش بەرکەوتن.

کۆمپانیای ZF خاوەنی چەند داھێنانێکە لە بواری ڕاداری بینایی و دەنگی و کامێرای تایبەت بە ئۆتۆمبێلەکان، دەیەوێت پشت بە داھێنانەکانی خۆی ببەستێت بۆ خستە کاری ئێرباگی دەرەکی، بەڵام تا ئێستا نەیتوانیوە ئەوەندە وردیان بکاتەوە ھەستەوەری ئێرباگەکە کاتی ڕووداوێکی ھاتووچۆ لە نزیکبوونەوەی ئاسایی ئۆتۆمبێلەکە لە تەنێک جیا بکاتەوە و تەقینی ئێرباگەکە بۆ دوا سات ھەڵبگرێت.

درێژیی نمونەی سەرەتایی ئێرباگە دەرەکییەکەی ZF دەگات بە ٢ مەتر، پانییەکەشی نیو مەترە و ٣٨ سانتیمەتریش ئەستورە و ٥,٨ کیلۆگرامیش قورسە، درێژی و پانی و ئەستوریی ئێرباگەکەش بە پێی جۆری ئۆمبێلەکان دەگۆڕێت، سەرەڕای گەورەیی قەبارەکەی، لە ماوەی ١٥ میللی چرکەدا پڕ دەبێت لە ھەوا، ئەویش کەمێک خێراترە لە پڕبوونی ئێرباگە ئاساییە ناوەکییەکانی ئێستا ھەن.

ئێرباگە ناوەکییەکان لە پاش بەرکەوتنی ئۆتۆمبێلەکە دەتەقن، چونکە کاتێکی کەم ھەیە لە گەشتنی ھێزی بەرکەوتنەکە بە سەرنشینەکان و لەو ماوە کەمەدا ئێرباگەکە کاری خۆی دەکات، بەڵام لە ئێرباگی دەرەکی پێویستە نەگات بە بەرکەوتن، ئەگەر گەیشت بەو خاڵە سوودێکی ئەوتۆ لە کارەکەدا نامێنێت.

بەپێی خەمڵاندنەکانی کۆمپانیاکە و شارەزایانی بواری ئۆتۆمبێل، تا ساڵی ٢٠٢٢ ناتوانرێت ئێرباگێکی نمونەیی پشت پێبەستراو بەرھەم بھێنرێت، تاقیکردنەوەی زۆر ماون، کارەکان لەو بارەیەوە درێژەیان ھەیە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین