ئێمە لە تۆرە کۆمەڵایەتیەکان

کوردستان

مەسعود بارزانی ئامۆژگاری فراكسیۆنی حزبەكەی لە پەرلەمانی كوردستان دەكات

خەڵك – بەشی هەواڵ
سەرۆكی پارتی دیموكراتی كوردستان لەگەڵ ئەندامانی فڕاكسیۆنی پارتی لە پەرلەمانی كوردستان كۆبۆتەوە و ڕایگەیاندووە، پێویستە نوێنەرانی حزبەكەی لە پەرلەمان ڕاستگۆ بن لەگەڵ خەڵك و داواكارییەكانی خەڵك بگەیێنە شوێنی مەبەست و هیچ كاتیش لە موزایەدەكردن و قسەی بێ عەمەل نزیك نەبنەوە.

ماڵپەڕی مەسعود بارزانی، سەرۆكی پارتی دیموكراتی كوردستان لە ڕاگەیەنراوێكدا، بڵاویكردەوە، ئەمڕۆ پێنجشەممە 27ی حوزەیران 2019 لە سەلاحەددین لەگەڵ سەرۆك و ئەندامانی فڕاكسیۆنی پارتی لە پەرلەمانی كوردستان كۆبۆتەوە.

ڕاشیگەیاندووە، لە كۆبوونەوەكەدا بارزانی ڕۆشنایی خستۆتەسەر ئەركی مێژوویی حزبەكەی و ئەندامەكانی و جەختی لەوە كردەوە ، كە نوێنەرانی پارتی لە پەرلەمانی كوردستان نوێنەری مێژوو و بەها و ئامانجەكانی پارتین و پێویستە نوێنەران لە پەرلەمان لە ئاست ئەو بەرپرسیارێتییە بن كە لەسەر شانیانە و بەرگریكاری ویست و ئێش و ئازارەكانی خەڵكی كوردستان بن.

ئاماژە بۆ ئەوەشكراوە، لە كۆبونەوەكەدا بارزانی داوای كردووە، كە ئەندام و نوێنەرانی پارتی ڕاستگۆ بن لەگەڵ خەڵك و داواكارییەكانی خەڵك بگەیێنە شوێنی مەبەست و هیچ كاتیش لە موزایەدە كردن و قسەی بێ عەمەل نزیك نەبنەوە.

هەر لەو كۆبوونەوەیەدا بارزانی لەبارەی دوایین گۆڕانكارییە سیاسییەكان لە ئاستی نێودەوڵەتی و هەرێمایەتی و پەیوەندییەكانی نێوان هەولێر و بەغدا و پڕۆسەی سیاسیی هەرێمی كوردستان بەرچاوڕوونی و ئامۆژگاریی پێویستی بۆ فراكسیۆنەكەی خستۆتەڕوو.

کوردستان

قەتەر پشتیوانی پەلامارەكەی توركیا دەكات

خەڵك- بەشی هەواڵ

شێخ محەمەد بن عەبدولڕەحمان، وەزیری دەرەوەی قەتەر ڕایگەیاند، ئەوان لەگەڵ هێرشەكەی توركیان بۆ سەر ڕۆژئاوای كوردستان و ئەوە بەشێكە لە دژایەتیكردنی گومان و ڕەواندنەوەی مەترسییەكان.

ناوبراو لە كۆنگرەی ئاسایشی جیهانی كە لە قەتەر بەڕێوەچوو ئاماژەی بەوەكرد، ئێران هیچ مەترسییەكی بۆ سەر ناوچەكە نییە و توركیاش بۆ پاراستنی ئاسایشی نیشتیمانی خۆی هێرشی بۆ سەر باكوری ڕۆژهەڵاتی توركیا دەستپێكردووە.

وتیشی”هێرشەكەی توركیا بۆ سەر چەند گروپێكی بچوكی سەر بە پارتی كرێكارانی كوردستانە”.

ماوەی هەفتەیەكە هێرشی توركیا بۆ سەر ناوچەكانی ڕۆژئاوای كوردستان بەردەوامە و بەهۆیەوە تائێستا نزیكەی 300 هەزار هاووڵاتی ئاوارەبوون.

بەردەوام بە لە خوێندنەوە

کوردستان

شەڕ لەنێوان سوپای سوریا و گروپە هاوپەیمانەكانی توركیا ڕوویدا

خەڵك-بەشی هەواڵ

سوپای توركیا و گروپە چەكدارە هاوپەیمانەكانی توركیا لە سنووری عەین عیسا هەوڵی پێشڕەوی دەدەن.
بەپێی زانیارییەكان، شەڕێكی سەخت لەناوچەكە لەنێوان سوپای سوریا و گروپە چەكدارەكانی هاوپەیمانی توركیا دەستی پێكردووە.
مەترسی ئەوەش دەكرێت ڕاستەوخۆ سوپای توركیا كە پاڵپشتی گروپە چەكدارەكان دەكات بچێتە شەڕەكە لەگەڵ سوپای سوریا.

بەردەوام بە لە خوێندنەوە

کوردستان

ئەمڕۆ ئەنجومەنی ئاسایش تاووتوێی ڕەوشی ڕۆژئاوا دەكات

خەڵك –بەشی هەواڵ

بەپێی هەواڵی ئاژانسی فڕانس پرێس ئەمڕۆ ئەنجومەنی ئاسایشی نێودەوڵەتی كۆبوونەوەیەكی داخراو ساز دەكات بۆ تاووتوێكردنی ڕەوشی ڕۆژئاوای كوردستان.

بەپێی هەواڵەكە، پێشنیازكراوە ئەمڕۆ كۆبوونەوەیەكی دیكەی ئەنجومەنی ئاسایش بكرێت بۆ تاوتوێكردنی ڕەوشی ڕۆژئاوای كوردستان.

ڕۆژی پێنج شەممەی ڕابردوو ئەنجومەنی ئاسایش كۆبووەوە، بەڵام بەهۆی ڕێگرییەكانی ڕوسیا و چین و ئەمریكاوە هیچ بڕیارێكی دەرنەكرد، هەرچەند گرووپی ئەوروپاییەكان

بەردەوام بە لە خوێندنەوە

کوردستان