ئێمە لە تۆرە کۆمەڵایەتیەکان

جیهان

حوسییەكان داوا لە هاووڵاتیانی سعودیە دەكەن لە فڕۆكەخانەكان دووربكەونەوە

خەڵ-بەشی هەواڵ

هێزەكانی ئەنساڕوڵڵای سەر به حوسییەكانی یەمەن هاوپەیمانی ئێران بۆ جارێكی دیكە دوو فڕۆكەخانەی سعودیەیان بۆردومان كردەوە.

ماڵپەڕی المسیرە بڵاویكردەوە، یەحیا سەریع وتەبێژی هێزە چەكدارەكانی یەمەن ئاشكرایكرد، بۆردومانەكە هێزە ئەمنییەكانی سعودیەی لەو دوو فڕۆكەخانەیە كردووەتە ئامانج.
وتیشی”فڕۆكەخانەكانی ئەبها و جازانیان لەبەرانبەر ئەو بۆردومان و سنووربەزاندنەی سعودیە و هاوپەیمانەكانی بۆردومان كردووە، ئەویش وەكو وەرگرتنەوەی مافی هاووڵاتییانی یەمەن”.

ئاشكراشیكرد، پێشتر ڕامانگەیاندبوو كە فڕۆكەخانەكان و بارەگا سەربازییەكانی سعودیە مەترسیدارن، تا ئەوكاتەی سنوربەزاندنەكانی سعودیە بۆ سەر یەمەن نەوەستێت و گەمارۆكان هەڵنەگیرێن.
وتەبێژی هێزەكانی یەمەن داوای لە هاووڵاتیانی سڤیل لە باشووری سعودیە كرد، خۆیان لە سەردانیكردن بۆ فڕۆكەخانەكان بەدوور بگرن.
ئەمەش لەكاتێكدایە لە ڕۆژانی ڕابردووشدا چەند جارێكی دیكە فڕۆكەخانەی ئەبها لەلایەن هێزەكانی یەمەنەوە بۆردومان كراوە.

جیهان

بەوێنە..لە ڕووداوێكدا 40 عومرەكار بوونە قوربانی

خەڵك-بەشی هەواڵ

 

بەهۆی گڕگرتنی پاسێكی نەفەرهەڵگر ژمارەیەك لە عومەركاران گیانیان لەدەستدا.

تۆڕی سپوتنێك بڵاویكردەوە، بەهۆی پێكدادانی پاسێك و ئۆتۆمبێلێكی بارهەڵگر لەنێوان شارەكانی مەككە و مەدینە لە وڵاتی سعودیە لانی كەم 36 هاوڵاتی گیانیان لەدەستدا.

بەپێی زانیارییەكان، پاسەكە ژمارەیەك لە عومەرەكارانی تێدابووە و دوای پێكدادانی لەگەڵ ئۆتۆمبێلێكی بارهەڵگر ئاگری تێبەر دەبێت و دەبێتە هۆی گیانلەدەستدانی ژمارەیەك زۆر لە سەرنشینانی.

ئاشكراشیدەكات، ژمارەی عومرەكاران 40 كەس بوون و 4 كەسیان ڕەوانەی نەخۆشخانەكان كراون.

بەردەوام بە لە خوێندنەوە

جیهان

ترەمپ: ئەگەر دانوستانەكان لەگەڵ ئەردۆغان سەركەوتوو نەبن سزاكانمان وێرانكەر دەبن بۆ توركیا

خەڵك – بەشی هەواڵ

سەرۆكی ئەمریكا هەڕەشەی وێرانكردنی ئابووری توركیای كرد ئەگەرهاتوو دانوستانەكەی مایك پێنس جێگری سەرۆكی ویلایەتە یەكگرتووەكان لەگەڵ ڕەجەب تەیب ئەردۆغان سەرۆكی توركیا سەركەوتوو نەبن.

دۆناڵد ترەمپ سەرۆكی ئەمریكا لە میانی پێشوازیكردنی لە سێرجیۆ ماتاریلا سەرۆكی ئیتاڵیا، سەبارەت بە دوایین گۆڕانكارییەكانی هێرشەكەی توركیا بۆ سەر ڕۆژئاوای كوردستان وەڵامی ڕۆژنامەنووسانی دایەوە.

ترەمپ ڕایگەیاند، ئەو گڵۆپی سەوزی بۆ دەستپێكردنی هێرشی توركیا بۆ سەر سوریا هەڵنەكردووە و هیواشی خواست ئەنقەرە و دیمەشق بتوانن كێشەكانیان چارەسەر بكەن.

هاوكات ترەمپ ئاماژەشیدا بە گرنگیی سەركەوتنی دانوستانەكانی مایك پێنس جێگری سەرۆكی ویلایەتە یەكگرتووەكان لەگەڵ ڕەجەب تەیب ئەردۆغان سەرۆكی توركیا و جەختیشیكردەوە كە ئەگەر دانوستانەكان سەركەوتوو نەبن، ئەوا سزاكانیان بۆ سەر توركیا وێرانكەر دەبن.

بەردەوام بە لە خوێندنەوە

جیهان

مەزڵوم كۆبانێ: توركیا هەموو هێزی خۆی بەكاردەهێنێت و ئێمەش بەرخۆدان دەكەین

خەڵك – بەشی هەواڵ

فەرماندەی گشتی هێزەكانی سوریای دیموكرات (هەسەدە) ڕایدەگەیەنێت: توركیا هەمو هێزی خۆی بۆ هێرش كردنە سەر ڕۆژئاوای كوردستان و داگیركردنی خاكی باكووری سوریا بەكاردەهێنێت، ئێمەش بەرخۆدانێكی مەزن دەكەین.

مەزڵوم كۆبانێ، فەرماندەی گشتی هێزەكانی سوریای دیموكرات (هەسەدە) لە چاوپێكەوتنێكی تەلەفزیۆنیدا ڕایگەیاند: شەڕ لە ڕۆژی هەشتەمدایە هێرشی توركیا بە ئامانجی داگیركردنی ڕۆژئاوای كوردستان و خاكی باكووری سوریا بەردوامە، لەبەرامبەریشدا بەرخۆدانێكی گەورە هەیە.

مەزڵوم كۆبانێ وتیشی :”دەوڵەتی توركيا هەمو هێزی خۆی بەكاردەهێنێت سەدان فڕۆكەی جەنگی و فڕۆكەی چاودێریی بەكاردەهێنێت، بۆیە شەڕ و ڕووبەڕووبوونەوە سەختە”.

فەرماندەی گشتی (هەسەدە) ڕەخنەی لە بڕیارەكانی سەرۆكی ئەمریكا گرت بۆ كشانەوەی هێزەكانی وڵاتەكەی لە ڕۆژئاوای كوردستان (باكووری ڕۆژهەڵاتی سوریا) و وتی :”ئەەریكا پابەندییەكانی خۆی بەرامبەر ئێمە جێبەجێ نەكرد”.

مەزڵوم كۆبانێ جەختیشی كردەوە كە:” پێشتریش چەند جارێك هۆشدارییمان داوە ئەگەر توركیا هێرش بكاتە سەرمان، شەڕی داعش و پاراستنی زیندانی و كامپەكان دەبێتە ئەولەویەتی دووەم و سێیەم، لەبەرامبەردا ئەمریكا دەیەوێت شەڕی ڕووبەڕووبوونەوەی داعش بەردەوام بێت”.

مەزڵوم كۆبانێ ئاماژەی بەوەشدا:”بەلای ئێمەوە پاراستنی گەلەكەمان و ڕۆژئاوای كوردستان لە ئێستادا ئەولەویەتە، نەك شەڕی داعش”.

بەردەوام بە لە خوێندنەوە

کوردستان