ئێمە لە تۆرە کۆمەڵایەتیەکان

کوردستان

ئەمڕۆ ڕێوڕەسمەكانی ساڵوەگەڕی كۆچی دوایی حەسەن زیرەك دەستپێدەكەن

خەڵك –بەشی هەواڵ

بڕیارە ئەمڕۆ چوار شەممە 26ی حوزەیرانی 2019 لەشاری سلێمانی و ناوچەكانی دیكە ڕێوڕەسمەكانی ساڵوەگەڕی كۆچی دوایی هونەرمەندی گەورەی كورد حەسەن زیرەك دەستپێبكات.

پەیامنێری (خەڵك) لە شاری سلێمانی ڕایگەیاند “لەشاری سلێمانی بەڕێوەبەرایەتی ڕۆشنبیری و هونەری سلێمانی لەباخچەی سەرای سلێمانی لەكاتژمێر 6:30ی ئێوارەدا یادی حەسەن زیرەك دەكاتەوە، كە تێیدا كتێبێكی هەزارو 200 لاپەڕەیی لەبارەی حەسەن زیرەكەوە بڵاودەكرێتەوە و دواتر چەند گوتارێك پێشكەش دەكرێن لەوانە گوتاری هەڤاڵ ئەبوبەكر پارێزگاری سلێمانی و كارێكی مۆسیقی نوێش لەبارەی زیرەكەوە نمایش دەكرێت، دواتریش گۆرانیبێژان (ئیحسان زیرەك، لوقمان سەلیم، جەلیل محمود) گۆرانی حەسەن زیرەك دەڵێنەوە.

لەلایەكی دیكەوە كۆمەڵەی هونەرە میلییەكان لەسەنتەری ڕۆشنبیری سەرا كاتژمێر 5 یادی حەسەن زیرەك دەكاتەوە، كە تێیدا گۆرانیبێژان (سیروان زیرەك، حوسێن خاڵدار و سیروان زیرەك) گۆرانییەكانی حەسەن زیرەك دەڵێنەوە.

جەزای ساز سەرۆكی كۆمەڵەی هونەرە میللییەكان بە (خەڵك)ی ڕاگەیاند، هەموو ساڵێك یادی حەسەن زیرەك دەكەنەوە و ئەمساڵیش بەهەمانشێوە یادی ئەو هونەرمەندە گەورەیە بەرز ڕادەگرن.

باسی لەئەوەشكرد، ساڵانە لەسەر ئەركی خۆیان یادی حەسەن زیرەك دەكەنەوە و هیچ لایەنێك هاوكاری نەكردوون.

هاوكات عەبدوڵڵا جەمال سەگرمە موزیسیانی ناسراوی كورد كارێكی نوێی هونەری بۆ ساڵوەگەڕی كۆچی دوایی هونەرمەندی بەنێوبانگی كورد حەسەن زیرەك ئامادەكرد.

عەبدوڵڵا جەمال سەگرمە لە ڕاگەیەندراوێكدا دەڵێت “خۆشحاڵم كە بە هەموو لایەكتان ڕادەگەیەنم كە لە یادی ئەمساڵی هونەرمەندی نەمر و هەمیشەزیندوو حەسەن زیرەكدا، بە هاوكاری و خۆشەویستی (بابەكر دڕەیی، بەڕێوەبەری گشتیی ڕۆشنبیری لە سلێمانی) و (د. هەڤاڵ پارێزگاری سلێمانی)، كارێكی نوێم بۆ دەنگی هونەرمەندی نەمر حەسەن زیرەك كردووە و سبەینێ لە یوتیوب دایدەنێم”.

ئاشكراشیكردووە “لە گۆرانییەكەدا، ئۆركسترایەكی گەورەی ژێدار یاوەری دەنگی حەسەن زیرەك (دەنگی ئۆریجیناڵی خۆی) دەكات كە كۆمەڵێك سۆلۆی ڤیۆلا دائامۆرێشی تێدایە”.

دەشڵێت “هیوادارم جێی ڕەزامەندی هەمووان بێت و یادی هونەر و هونەرمەندانی كورد بۆ هەمیشە بەرز ڕابگیرێت”.

ئەمڕۆ 26ی حوزەیران ساڵوەگەڕی كۆچی دوایی هونەرمەندی گەورەی كورد حەسەن زیرەكە و لەسەرانسەری كوردستان لە نێوخۆ و دەرەوەی وڵات ڕێوڕەسمی جۆراوجۆر سازدەكرێن.

حەسەن زیرەك هونەرمەندی گەورەی كورد لە ساڵی 1921 لە گوندی هەرمێلەی نێوان سەقز و بۆكان لە دایكبووە و لە 26ی حوزەیرانی 1972 لە بۆكان كۆچی دواییكردووە.

هونەمەند حەسەن زیرەك بە هەرە هونەرمەندە خاوەن بەهرە و ئەزموونەكان دادەندرێت و بووەتە قوتابخانەیەكی تایبەت بەخۆی.

 

کوردستان

ئەمریكا پێشنیارەكەی ئەڵمانیا بۆ ناوچەی ئارام لە ڕۆژئاوا ڕەتدەكاتەوە

خەڵك –بەشی هەواڵ

نوێنەری ئەمریكا لەناتۆ بەشداریكردن لە ناوچەی ئارام لە باكوری سووریا كە ئەڵمانیا پێشنیاری كردووە، بە دوور دەزانێت.

نوێنەری ئەمریكا لە ناتۆ ئەمڕۆ ڕایگەیاند واشنتن پێشوازی لە پێشنیاری بەرلین دەكات بۆ دروستكردنی ناوچەی ئارام لە باكوری سووریا، بەڵام دەبێت ئەوروپاییەكان بەرپرسیارێتی هەر بەشدارییەكی دووری ڕاستەوخۆی ئەمریكا هەڵبگرن.

ناوبراو لە پێش كۆبوونەوەی ڕۆژی پێنج شەممەی وەزیرانی بەرگری ناتۆ قسەی كرد، ڕایگەیاند دەبێت لە ئەگەری تاوانی جەنگ لە هێرشەكانی توركیادا لە باكوری سووریا بكۆڵدرێتەوە.

داواشیكرد ئەو چەكدارانەی داعش بگەڕێننەوە كە لە ڕیزەكانی داعشدا لە سووریا شەڕیان كردووە.

بەردەوام بە لە خوێندنەوە

کوردستان

ئەردۆغان: یەپەگە لەژێر پەردەی ڕژێمدا لە سنوورەكان نامێنێتەوە

خەڵك –بەشی هەواڵ

سەرۆكی توركیا ئەمڕۆ چوار شەممە ڕایگەیاند، سەرۆكی ڕوسیا فلادیمێر پۆتین پێیڕاگەیاندووە ڕێگە بە یەپەگە نادرێت لە ژێر پەردەی رژێمی سووریادا لە ناوچە سنوورییەكاندا بمێننەوە.

ڕەجەب تەیب ئەردۆغان بە كەناڵی ئێن تی ڤی ڕاگەیاند، سەرۆكی ڕوسیا دووپاتیكردووەتەوە كە ڕێگە بە یەپەگە نادرێت لە ژێر عەبادی ڕژێمی سووریادا لە سنوورەكاندا بمێننەوە.

دوێنێ ڕەجەب تەیب ئەردۆغان سەرۆكی توركیا و فلادیمێر پۆتین سەرۆكی ڕوسیا ڕێككەوتنێكیان بۆ دابەشكردنی ڕۆژئاوای كوردستان كرد.

بەردەوام بە لە خوێندنەوە

کوردستان

تەنها كۆمپانیای بەڕێز بەشێوەیەكی یاسایی ئامادەبوو
بۆ جاری دووەم فرۆشتنی تابلۆ نایابەكانی هەڵەبجە شكستی هێنا

خەڵك-بەشی هەواڵ

میران عوسمان نوێنەری كۆمپانیای بەڕێز لە بەڕێوەبەرایەتی هاتوچۆی هەڵەبجە ڕایدەگەیەنێت، زیادكردنی تابلۆ نایابەكانی هەڵەبجە بۆ جاری دووەم سەركەوتوو نەبوو نەفرۆشرا.

ئەمڕۆ چوار شەممە 23-10-2019 بڕیار بوو تابلۆ نایابەكانی پارێزگای هەڵەبجە بفرۆشرێن و بۆ تابلۆی ژمارە (1) نرخی ملیارێك دینار دانرابوو، بەڵام بەپێی زانیارییەكان بۆ جاری دووەم فرۆشتنی ئەو تابلۆیانە شكستی هێنایەوە، ئەمەش لەكاتێكدایە كە كۆمپانیای بەڕێز بەشداری زیادكردنەكەی كردبوو و سەرجەم مامەڵە یاساییەكانیشی ئامادە و جێبەجێ كردبوو.

نوێنەری كۆمپانیای بەڕێز بە (خەڵك)ی ڕاگەیاند، زیادكردنەكەی ئەمڕۆ بۆ تابلۆ نایانەكانی هەڵەبجە كۆتایی هات و تەنها دوو كۆمپانیا بەشدارییان كردبوو.
وتیشی”پێویست بوو چەكێكی باوەڕپێكراوی بانكێكی حكومی ئامادەبكرێت و كۆمپانیای بەڕێزیش ئەو خاڵەی جێبەجێكردبوو، بەڵام كۆمپانیاكەی دیكە چەكەكەی بەو شێوەیە نەبوو كە داواكراوەو هی بانكێكی ئەهلی بوو، كە دواجار دەبێت ئەو چەكە مۆری بانكێكی حكومیشی پێوە بێت”.

ئاماژەی بۆ ئەوەش كرد، بەهۆی ئەوەی چەكی لایەنەكەی دیكە باوەڕپێكراو نەبوو، ئێمە زیاكردنەكەمان زیاد نەكرد، چونكە ئەگەر زیادیشمان بكرایە بە یاسایمان نەدەزانی.

بەردەوام بە لە خوێندنەوە

کوردستان