ئێمە لە تۆرە کۆمەڵایەتیەکان

عێراق

“پێویستە هەرێم ڕۆژانە 250 هەزار بەرمیل نەوت ڕادەستبكات”

خەڵك – بەشی هەواڵ

 

سەرۆك وەزیرانی عیراق، رایدەگەیێنێت، بەپێی یاسای بودجە پێویستە هەرێمی كوردستان ڕۆژانە 250 هەزار بەرمیل نەوت رادەستبكات.

لە كۆنفرانسی ڕۆژنامەوانی هەفتانەیدا، عادل عەبدولمەهدی، سەرۆك وەزیرانی عیراق، بە ڕۆژنامەوانانی ڕاگەیاند: بۆ چارەسەركردنی پرسە هەڵپەسێردراوەكانی نێوان حكومەتی عیراق و هەرێمی كوردستان كۆبوونەوەی بەردەوام ئەنجام دەدەین.

وتیشی “بەپێی یاسای بودجە، پێویستە هەرێمی كوردستان ڕۆژانە 250 هەزار بەرمیل نەوت رادەستبكات”.

ئەم قسانەی عادل عەبدولمەهدی لە كاتێكدایە، پێشتر، نێچیرڤان بارزانی، سەرۆكی هەرێمی كوردستان لە میانی سەردانی بۆ بەغدا ڕایگەیاندبوو ” ئێمە هیچ كێشەمان لەسەر ئەوە نییە 250 هەزار بەرمیل نەوت ڕۆژانە بدەینە بەغدا، بەڵام پێش ئەوەی ئەو كارە بكەین، دەبێت دابنیشین و كۆبوونەوە بكەین”.

سەرۆكی هەرێم ئەوەشی وتبوو:”مەسەلەكە هەر ئەوە نییە ئێمە 250 هەزار بەرمیل رادەستبكەین، ئەوە پرسێكی یاسایی هەیە، كە لە ئەنجامی بڕینی بەشەبودجەی هەرێمی كوردستان لە ساڵی 2014دا گەلێك قەرز لەسەر هەرێمی كوردستان كەڵەكە بووە، لەمبارەیەوە دەبێت كارێك بكەین، هەم بۆ هەرێمی كوردستان و هەمیش بۆ بەغدا جێگەی رەزامەندی بێت”.

عێراق

72 كەسیش گیانیانلەدەستدا
عیراق و هەرێم، نزیكەی 3500 كەس تووشی كۆرۆنا بوون

خەڵك- بەشی هەواڵ
وەزارەتی تەندروستی عیراق 3484 حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە چاكبوونەوەی 2015 كەسیش دەكات كە نەخۆشییەكەیان پەڕاندووە و چاكبوونەتەوە.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 3484 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران و 2015 كەسیش بە تەواوەتی چاكبوونەوە و گەڕانەوە ماڵەكانیان.

بەپێی ئامارەكان، بەغدا زۆرترین ژمارەی مردن و تووشبوانی تۆماركردووە، و پاشان پارێزگەی بەسرە لە پلەی دووەمدایە كە 449 كەس تووشی كۆرۆنا بوون و 7 كەسیش لە پارێزگەكەدا لەماوەی 24 كاتژمێری ڕابردوودا بەهۆی ڤایرۆسەكەوە گیانیانلەدەستداوە.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا، ڕەسافە: 349 حاڵەت، مەدینە توب: 100 حاڵەت، بەغدا كەرخ: 226 حاڵەت، بەسرە: 449 حاڵەت، نەجەف: 192 حاڵەت، سلێمانی: 198 حاڵەت، هەولێر: 278 حاڵەت، كەركوك: 161 حاڵەت، دهۆك: 32 حاڵەت، كەربەلا: 299 حاڵەت، واست: 117 حاڵەت، دیالە: 101 حاڵەت، میسان: 132 حاڵەت، زیقار: 118 حاڵەت، ئەنبار: 53 حاڵەت، بابل: 142 حاڵەت، سەڵاحەدین: 63 حاڵەت، نەینەوا: 320 حاڵەت، دیوانیە: 114 حاڵەت، موسەننا: 40 حاڵەت”.
هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 72 حاڵەتی گیانلەدەستدانیش كردووە لەماوەی 24 كاتژمێری ڕابردوو لە تێكڕای پارێزگەكانی عیراق و هەرێمی كوردستان.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 153599 كەس و لەو ژمارەیەش 5464 كەس گیانیانلەدەستداوە و 109790 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 38345 كەسن كە 544 حاڵەتیان باری تەندروستییان ناجێگیرە”.

بەردەوام بە لە خوێندنەوە

عێراق

تەندروستی عیراق: تائێستا لە قۆناغی یەكەمی پەتای كۆرۆناداین

خەڵك – بەشی هەواڵ

وەزارەتی تەندروستی عیراق ڕایدەگەیەنێت: تائێستا عیراق لەقۆناغی یەكەمی پەتای ڤایرۆسی كۆرۆنایە و هێشتا نەگەیشتووەتە قۆناغی دووەم.

حازم جومەیلی بریاكری هونەریی لە وەزارەتی تەندروستی عیراق ڕایگەیاند: بەگوێرەی ئاماری ڕۆژانەی پەتای كۆرۆنا، بەردەوام ڕۆژانە زیاد لە 3 هەزار حاڵەتی تووشبوون بە ڤایرۆسەكە تۆمار دەكرێن، ئەمەش ئاماژەیەكە بۆئەوەی كە هاووڵاتیان پابەندی ڕێنماییەكانی وەزارەتی تەندروستی و لیژنەی باڵا لە عیراق نابن، لە زۆربەی پارێزگاكانی عیراقدا، ڕۆژانە حاڵەتەكانی تووشبوون بە كۆرۆنا لە هەڵكشاندایە، دەرئەنجامی ئەوەیە هاووڵاتیان پابەندی ڕاسپاردەكان نابن، ئەمەش ئاماژەیەكی باش نییە.

حازم جومەیلی دووپاتیشیكردەوە: عیراق تائێستاش لەقۆناغی یەكەمی ڤایرۆسەكەدایە، هێشتا نەگەیشتووەتە ترۆپكی قۆناغەكە، ئاشكراشی دەكات كۆتایی ئەم هەفتەیە كۆبوونەوەیەك ئەنجام دەدرێت بۆ تاووتوێكردنی ڕێكارەكان بۆ مانگی موحەڕەم و لیژنەی باڵای ڕاوێژكاران كۆمەڵێك پێشنیاری گەڵاڵە كردووە و لەكۆبوونەوەی داهاتوودا دەیخاتە بەردەم لیژنەی باڵا.

بەردەوام بە لە خوێندنەوە

عێراق

نوێنەرێك: بەغدا لە مەترسیدایە

خەڵك – بەشی هەواڵ

لیژنەی ئاسایش و بەرگری ئەنجومەنی نوێنەرانی عیراق هۆشداریدا لەمەترسی ئەمبارەكانی چەك و تەقەمەنی لەچەند پێگەیەك و باڵیۆزخانەی ئەمریكا لە بەغدا و ناوچەكانی تر.

بەدر زیادی ئەندامی لیژنەی ئاسایش و بەرگری داوای لە مستەفا كازمی سەرۆك وەزیران كرد ئەمباری چەك و تەقەمەنی هێزەكانی ئەمریكا داببڕێنێت كە ماددەی تەقینەوەیان تێدایە و هەڕەشە لەدانیشتووانی بەغدا و چەند شارێك دەكات.

ئەو ئەندامەی لیژنەی ئاسایش و بەرگری ڕاشیگەیاند: لیژنەی ئاسایش و بەرگری دۆسیەی لەبارەی پێشێلكارییەكانی ئەمریكا ئامادەكردووە و ڕادەستی سەرۆك وەزیرانی عیراقی دەكات.

بەدر زیادی ئاماژەی بەوەشكرد: هێزەكانی ئەمریكا مانۆڕیان لەباڵیۆزخانەی وڵاتەكەیان لەناوچەی سەوز ئەنجام داوە و ئەوەش بووەتە دروستبوونی هەڕەشە لەسەر دانیشتووانی بەغدای پایتەخت.

بەردەوام بە لە خوێندنەوە

کوردستان