ئێمە لە تۆرە کۆمەڵایەتیەکان

ی.سلایدەر

پێدانی ڤیزە بە حاجییانی هەرێم و عیراق دەستیپێكرد

خەڵك- بەشی هەواڵ
دەستەی حەج و عومرەی عیراق، دەستكردن بە پێدانی ڤیزە بۆ ئەوانەی ناویان لە تیر و پشكی وەرزی حەجی ئەمساڵدا دەرچووە ڕادەگەیەنێت، لە هەرێمی كوردستانیش پاسپۆرتەكان وەرگیراون، تا ڕەوانەی بەغدا بكرێن و ڤیزەیان بۆ وەربگیرێت.

ئەمڕۆ سێ‌ شەممە، حەسەن فەهد كینانی، وتەبێژی دەستەی حەج و عومرەی عیراق لە بەیاننامەیەكدا ڕایگەیاندووە، “باڵێوزخانەی شانشینی عەرەبی سعودیە لە بەغدا، لەمڕۆدا دەستیكرد بە پێدانی ڤیزەی چوونە نێو وڵاتەكەی بەو هاووڵاتییە عیراقیانەی، كە براوەبوون لە وەرزی حەجی ئەمساڵ”.

بە وتەی كینانی، “دەستەكەیان هەر زۆر زوو، تەواوی ئامادەكارییە لۆجستی و ئیدارییەكانی بۆ تەواوكردنی پێداویستی حاجیان تەواوكرد و لیژنەیەكی پسپۆڕیشی بۆ دەركردنی ڤیزەی حەج پێكهێنا، تا ئاسانكاری بۆ حاجیانی عیراق بكرێت بۆ چوونەناوەوەی عیراقییەكان بۆ شانشینی عەرەبی سعودیە”.

هەر لەو بارەیەوە، كاروان ستونی، وتەبێژی بەڕێوەبەرایەتی گشتی حەج و عومرەی هەرێمی كوردستان بە (خەڵك)ی ڕاگەیاند، هەموو ئەوانەی لە تیروپشكی حەجی ئەمساڵدا ناویان دەرچووە پاسپۆرتەكانیان وەرگیراوە، لەئێستاشدا چاوەڕوانی لیژنەیەك دەكەن تا لەبەڕێوەبەرایەتییەكە تەماشایان بكات.

بە وتەی كاروان ستونی، “لەمساڵدا پارسپۆرتەكان لە بەغدا ڤیزەیان لێدەدرێت، چونكە پێشتر ڕەوانەی ئەردەن دەكران، بەڵام لەمساڵدا لەڕێی كۆبوونەوەی دەستەی حەج و عەمرەی عیراق لەگەڵ باڵیۆزخانەی سعودیە لە بەغدا، گەیشتنە ئەو ئەنجامەی لەمەودوا لە بری ئەردەن، پاسپۆرتی حاجیانی عیراق لە بەغداوە وەردەگیرێت”.

ستونی دەشڵێت: “هەموو پاسپۆرتی ئەوانەی براوەی تیر و پشكی ئەمساڵ بوون بۆ حەجكردن، گەیشتۆتە بەڕێوەبەرایەتییەكەیان و لەلایەن لیژنەیەك، كە لە هەرێم و دەستەی حەج و عومرەی بەغداوە پێكدەهێنرێت وردبینیان تێدا دەكرێت و پاشان بۆ مەبەستی وەرگرتنی ڤیزەی سعودیە، ڕەوانەی بەغدا دەكرێن”.

لە لێدوانێكی پێشتریشدا، نەبەز ئیسماعیل، وتەبێژی وەزارەتی ئەوقافی هەرێم بۆ (خەڵك) ئاشكرای كرد، كە لە دوای 10ی تەمموزەوە گەشتی حاجییان بەرەو سعودیە بۆ بەجێهێنانی فەریزەی حەج لەمساڵدا دەستپێدەكات.

پێشتر بۆ مەبەستی وەرگرتنی ڤیزەی چوونە وڵاتی شانشینی عەرەبی سعودیە، پاسپۆرتی ئەوانەی ناویان لە تیروپشكی حەج كردندا دەردەچوو ڕەوانەی ئەردەن دەكران، بەڵام لەمساڵدا لەدوای ڕێككەوتنی دەستەی حەج و عەمرەی عیراق لەگەڵ باڵیۆزخانەی سعودیە لە بەغدا، ڤیزەی شانشینی عەرەبی سعودیە لە دوای نزیكەی 30 ساڵ لە بەغداوە وەردەگیرێت.

کوردستان

لەیلا گوڤەن پەیامێك بۆ نێچیرڤان بارزانی دەنێرێت

خەڵك- بەشی هەواڵ
هاوسەرۆكی كەجەدە و پەڕلەمانتاری هەدەپە دوای ئەوەی ڕێگری لێكرا بۆ چالاكی ناڕەزایی بچێتە بەردەم شارەوانی گەورەی ئامەد ڕایگەیاند، “داوا لە كوردان و گەلانی توركیا دەكەم هەموو ڕۆژێك چالاكی و بەرخۆدان بكەن” هاوكات داواشی لە سەرۆكی هەرێمی كوردستان كرد ئیرادەیان یەكبخەن.

پەرلەمانتارانی هەدەپە و هاوڵاتیانی شاری ئامەدی باكووری كوردستان، بە ئامانجی شەرمەزاركردنی خۆسەپێنەرەكانی شارەوانییەكانی ئامەد، وان و مێردین، چالاكی دانیشتنیان لەسەر شەقام ئەنجامدا.

لەیلا گوڤەن، هاوسەرۆكی كۆنگرەی جڤاكی دیموكراتی (كەجەدە) و ئەندامی پەڕلەمانی توركیا لە پشكی هەدەپە بۆ میدیاكان ڕایگەیاند، گەلی كورد هەتا ئەمڕۆ هەموو مافەكانی بە بەرخۆدان بەدەستهێناوە و وتیشی، “لەدژی سیاسەتی چەپەڵ دەبێت ڕێككەوتنی نێوان كورد پێشبخرێت”.

لەیلا گوڤەن جەختیشی كردۆتەوە “هەر شتێك لە لایەن توركیاوە بكرێت موخاتبی كاری ئێمە كوردانن، كە لەلایەن خەڵكەوە هەڵبژێردراون سەپاندنی قەیومەكانیش گورزێكە، بۆیە لە دژی ئەوە ئێمە داوا دەكەین هەموو ڕۆژێك چالاكی و بەرخۆدان بكەن بۆ ئەوەی گەل ڕزگاری بێت”.

لەیلا گوڤەن، داواشی لە كوردان و گەلانی توركیا كرد هەموو ڕۆژێك چالاكی و بەرخۆدان بكەن، هاوكات داواشی لە نێچیرڤان بارزانی، سەرۆكی هەرێمی كوردستان كرد “وەرن ئیرادەمان یەكبخەین”.

بەردەوام بە لە خوێندنەوە

کوردستان

وەزیری پێشمەرگە: شەڕی داهاتووی داعش قورستر دەبێت

 

خەڵك ـ بەشی هەواڵ

دوای ئەوەی شەوی ڕابردوو وەزیری بەرگری ئەڵمانیا گەیشتە هەرێمی كوردستان، ئەمڕۆ چوار شەممە ۲۱ی ئابی ۲۰۱۹ لەگەڵ وەزارەتی پێشمەرگە كۆبوونەوە و وەزیری بەرگری ئەڵمانیا بەڵێنیدا كەوا لەمەشق پێكردنی هێزەكانی پێشمەرگە بەردەوام دەبن.

شۆڕش ئیسماعیل، وەزیری پێشمەرگەی هەرێمی كوردستان لەكۆنفڕانسێكی ڕۆژنامەوانیدا ڕایگەیاند، هاوپەیمانان بەتایبەت ئەڵمانیا بەردەوام هاوكاری پێشمەرگەیان كردووە و هاوكاریەكانیشیان بەتایبەت لەڕووی مەشقی سەربازیەوە كاریگەری باشی هەبووە لەسەر تێكشكانی داعش، ڕێگربوون لەوەی كوردستان تووشی زیانی زۆرتر بێت.

دەشڵێت: “كەس ناتوانێت بڵێت داعش نەماوە، بەڵكوو شەڕی داهاتووی داعش قوڕستر دەبێت”.

بەوتەی وەزیری پێشمەرگە، “سەڕەڕای دروستكردنی نەخۆشخانە و دابینكردنی دەرمان و پێداویستی پزیشكی لەلایەن ئەڵمانیاوە، بڕیارە پەیمانگەی زمانەوانی ئینگلیزی و ئەڵمانی لە كوردستان بكەینەوە تاوەكو ئەفسەرەكانمان فیری زمانی ئەڵمانی ببن، لەهەمان كاتدا هاكارمان دەبن لەپلانی ڕێكخستنەوەی هێزەكانی پێشمەرگە و پێویستە یەكەی ۷۰ و ۸۰ هاوكاربن”.

سەبارەت بە چاكسازی ڕێككەوتنیان لەگەڵ بەغدا وتی، “هەنگاوەكانیان بەردەوامن و دەبێ بگەینە ئەنجامێكی یەكلاكەرەوە، بەتایبەت لە بەرنامەی تێكشكاندنی تیرۆرستانی داعش، ئێستاش چەند لێژنەیەك پێكهاتوون بۆ چارەسەری گرفتەكان، ئێمەش چاوەڕوانی هاتنی لێژنەكەی بەغدا دەكەین”.

لای خۆشیەوە ئانگرێ كرامپ، وەزیری بەرگری ئەڵمانیا لەكۆنفڕانسەكەدا جەختی كردەوە، كەوا لەهەرێمی كوردستان دەمێننەوە و هەوڵ دەدەن پەڕلەمانی وڵاتەكەیان ڕازی بكەین بۆ مانەوەیان و ڕایگەیاند، دەبێت زەمینەی بەهێزبوونەوەی داعش لەناو ببرێت، بۆیە ئێمە لەگەڵ پێشمەرگە ئامانجی هاوبەشمان هەیە و تیرۆرستان دەشكێنین.

ئەوەشی خستەڕوو، پێشمەرگە قوربانی زۆریدا، بەڵام تەنها بۆ ئاسایشی خۆتان نەبوو، بەڵكو قوربانیەكانتان بۆ ئەڵمانیا و ئەوروپاش بوو، بۆیە ئێمە هاوكارتان دەبین بۆ بەرزكردنەوەی تواناكان و بەشدار دەبین و هاوكاری هەموو هێزەكانی عیراق و كوردستان دەكەین، لە داهاتووشدا قۆناغەكانی ئەو هاوكارییانەمان بەتایبەت لەمەشقی سەربازی بەردەوام دەبن.

وەزیری بەرگری ئەڵمانیا وتیشی، “بە ووردی چاودێری دۆخی سوریا دەكەین، ئێمە لەگەڵ سەقامگیریداین”.

بەردەوام بە لە خوێندنەوە

ئابوری

هەوڵی خستنەوەكاری دراوی ئاسنی عیراقی دەدرێت

خەڵك- بەشی هەواڵ
ئەندامێكی ئەنجوومەنی ئابوری عیراقی، باس لە لێدوانەكانی لیژنەی دارایی پەڕلەمان دەكات سەبارەت بە هەوڵی حكومەتی عیراقی بۆ بەگەڕخستنەوەی دراوە كانزاییەكان و ئەو هەوڵە بە نەرێنی وەسف دەكات.

سادق مەشات، ئەندامی ئەنجوومەنی ئابوری عیراقی لە لێدوانێكی ڕۆژنامەوانیدا ڕایگەیاندووە، “هەنگاونانی عیراق لەئێستادا بۆ بەگەڕخستنەوەی دراوە كانزاییەكان نەرێنییە، چونكە پەرەسەندنە داراییەكان لە زۆربەی وڵاتاندا ڕوو لە دراوە ئەلیكترۆنییەكانە، مامەڵەكردنیش لە عیراق لەماوەی چەند ساڵی ڕابردوودا ڕەواجێكی باشی پەیدا كردووە”.

بە وتەی سادق مەشات، “باشتر بوو دەوڵەت بەشێوەیەكی گشتی كاری بۆ كەمكردنەوەی مامەڵەكردن بە دراوەكان بكردایە و بەكاربەری عیراقی هانبدایە پەنا بۆ لایەنی ئەلیكترۆنی ببات، چونكە ڕێوشوێنێكی لەو جۆرە بارگرانی دەوڵەت سوكتر دەكات لەڕووی لێدانی سكەی دراوی ئاسن و لەچاپدانی دراوی كاغەز”.

ئەو ئەندامەی ئەنجوومەنی ئابوری عیراق، جەختی لەسەر گرنگی كاركردن بە دراوی ئەلیكترۆنی كردۆتەوە لەبری گەڕانەوە بۆ دراوی كانزایی و دەڵێت: “دراوی ئەلیكترۆنی دەكرێت جۆرە دراوە بچوكەكانی لەخۆبگرێت لە یەك فلسەوە تا یەك دینار”.

سادق مشات پێشبینی دەكات، لەماوەی 30 ساڵی داهاتوودا بەهۆی زۆری بەكارهێنانی دراوی ئەلیكترۆنی، دراوی كاغەز نەمێنێت.

لە 19ی ئەم مانگەدا، لیژنەی دارایی لە پەڕلەمانی عیراق ڕایگەیاندبوو، بۆ مەبەستی بەهێزكردنی ئابوری عیراق، حكومەت ڕووی لەوەیە كار بە دراوە كانزاییەكان بكات و سفرەكان بسڕێتەوە لەسەر دراوە كاغەزەكان.

بەردەوام بە لە خوێندنەوە

کوردستان