ئێمە لە تۆرە کۆمەڵایەتیەکان

ئابوری

دەروازەیەكی نێودەوڵەتی نوێ‌ لەنێوان هەرێم و توركیا دەكرێتەوە

خەڵك- بەشی هەواڵ
قائیمقامی مێرگەسور ئاشكرای دەكات، كە ڕێگایەكی نوێی نێودەوڵەتی لەنێوان هەرێمی كوردستان و توركیا دەكرێتەوە و دەشڵێت: “لە ئێستادا ھێزەكانی پێشمەرگە لە ڕووی ئەمنییەوە ناوچەكەیان كۆنتڕۆڵ كردووە”.

غەفور ئەحمەد مالەسواری، قائیمقامی مێرگەسور بە ماڵپەڕی فەرمی پارتی ڕاگەیاندووە، “كاركردن لە ڕێگای نێودەوڵەتی مێرگەسور – توركیا بەردەوامە، ئەمەش دوای ئەوەی لە ڕۆژانی ڕابردوودا بە ھۆی تەقینەوەی بۆمبێك لەسەر ڕێگاكە، كاركردن لە پڕۆژەكەدا ڕاگیرابوو، بەڵام لە ئێستادا ھێزەكانی پێشمەرگە لە ڕووی ئەمنییەوە ناوچەكەیان كۆنتڕۆڵ كردووە و تیمەكانی كاركردن دەستیان بە كار كردۆتەوە”.

وتیشی، “ڕێگاكە دەكرێتە دەروازەیەكی نێودەوڵەتی لە نێوان ھەرێمی كوردستان و توركیا، كە چەندین سوودی بۆ ھەردوو وڵات ھەیە، لەوانەش ژمارەیەكی زۆر ھەلی كار بۆ خەڵكی ناوچەكە دەڕەخسێنێت و قەبارەی جووڵەی بازرگانیی نێوان ھەرێم و توركیا زیاتر دەبێت، چونكە ئەمە یەكەم ڕێگا دەبێت لە سنووری پارێزگای ھەولێر ڕاستەوخۆ بچێتە نێو خاكی توركیاوە”.

قائیمقامی مێرگەسور ڕاشیگەیاندووە، ڕێگاكە لە سەنتەری ناحیەی شێروان مەزن دەست پێدەكات بۆ دەڤەری گەردی لە باكووری كوردستان و بە گەلی زێت دەرباز دەبێت.

جەختیشی كردۆتەوە، لە ماوەی یەك مانگی داھاتووشدا چاوەڕێ دەكەین كردنەوەی ڕێگاكە بگاتە نێو خاكی باكووری كوردستان و دواتر كار بۆ كردنەوەی دەروازە نێودەوڵەتییەكە دەكرێت و ڕێوشوێنی یاسایی و بازرگانی دەگرینە بەر.

ئابوری

حكومەت بۆ وەرگرتنی پارە لەسەر بەستنی پێوەر و نرخی كارەبا بڕیارێكی ئاشكراكرد

خەڵك- بەشی هەواڵ

وەزیری كارەبای حكومەتی هەرێمی كوردستان سەبارەت بە نرخی بەستنی پێوەری زیرەك و پارەی كارەبا دڵنیایی دەداتە هاووڵاتیان و دەڵێت: “دەتوانرێت 20 كاتژمێر كارەبا بدرێتە هاووڵاتیان”.

كەمال محەمەد ساڵح، وەزیری كارەبای حكومەتی هەرێمی كوردستان بە میدیای پارتی ڕاگەیاندووە، دانانی پێوەری زیرەك بێ بەرامبەر دەبێت و نرخی كارەباش زیاد ناكرێت.

وتیشی، “دانانی پێوەری زیرەك بۆ 1 ملیۆن و 562 هەزار و 515 هاوبەشی كارەبا كارێكی ئاسان نییە، لەگەڵ ئەوەشدا لەسەر ئەو پڕۆژەیە زۆر جدیین و جێبەجێی دەكەین”.

ڕاشیگەیاند، “ئێستا 3 هەزار و 400 مێگاوات كارەبا بەرهەمدەهێنرێت و خواست لەسەر كارەبا بۆ 4 هەزار مێگاوات بەرزبۆتەوە، بۆیە بەو بڕە كارەبایە بەتێكڕا دەتوانرێت 20 كاتژمێر كارەبا بدرێت بە هاوبەشانی كارەبا”.

وەزیری كارەبا دەشڵێت: “350 مێگاوات كارەبا دەدرێتە مووسڵ، بۆ كەركوك-یش 100 مێگاوات، بۆ كارگەكانیش 350 مێگاوات كارەبا دابین كراوە”.

بەردەوام بە لە خوێندنەوە

ئابوری

بە وێنە؛ پێگەیشتنی هەنار لە دەڤەری باڵەكایەتی

خەڵك-
لەگەڵ هاتنی وەرزی پاییز بەروبوومی هەنار پێدەگات، كە میوەیەكە چەندین سوودی پزیشكی و بەهای خۆراكی هەیە و هاووڵاتیانیش بە تامەزرۆییەوە دەیكڕن.

بەهۆی زۆری بەرهەمی ناوخۆییەوە وەزارەتی كشتوكاڵی هەرێم بڕیاریداوە هاوردەكردنی ئەو میوەیە لە دەرەوە ڕابگرێت تاوەكو بەرهەمی جوتیاران بفرۆشرێت و ڕەنجیان بەفیڕۆ نەچێت و داهاتێكی باشیان دەست بكەوێت.

بەپێی بەدواداچوونی (خەڵك) لە ئێستادا لە بازاڕەكانی هەرێم كیلۆیەك هەنار بەپێی جوانی و خۆشی تامەكەی لەنێوان 500 دینار تا 1500 دیناردایە.

وێنەكان: شارەدێی قەسرێ لە شارۆچكەی چۆمان

بەردەوام بە لە خوێندنەوە

ئابوری

مووچەی فەرمانبەران و خانەنشینان دابەش دەكرێت

خەڵك- بەشی هەواڵ
دوابەدوای گەیشتنی پارە لە بەغداوە، وەزارەتی دارایی و ئابووری هەرێم خشتەی مووچەی سەرجەم وەزارەتەكان و خانەنشینانی بڵاوكردەوە.

بەپێی ئەو خشتەیەی لە وەزارەتی داراییەوە دراوە بە (خەڵك) لەم هەفتەیەدا سەرجەم فەرمانبەران و خانەنشینان مووچە وەردەگرن و بەوەش كۆتایی دێت بە دابەشكردنی مووچەی مانگی 7ی ئەمساڵی فەرمانبەران و 11ی ساڵی ڕابردووی خانەنشینان.

بەپێی خشتەكە، ڕۆژی یەك شەممە مووچەی 5 وەزارەت و 6 دامەزراوە دابەش دەكرێت و ڕۆژی دوو شەممە مووچەی 5 وەزارەت و 7 دامەزراوە و دەستە و ڕۆژی سێ‌ شەممە مووچەی 3 وەزارەت و هەر 3 سەرۆكایەتییەكە دابەش دەكرێت.

ئەوەش ئاشكراكراوە، كە ڕۆژی چوار شەممە مووچەی خانەنشینی پێشمەرگە و پێنج شەممە مووچەی خانەنشینی شارستانی دابەش دەكرێت.

بەردەوام بە لە خوێندنەوە

کوردستان