ئێمە لە تۆرە کۆمەڵایەتیەکان

جیهانی

لەدوای هومێڵس، ئیدارەی دۆرتمۆند هەوڵی گەڕاندنەوەی ئەستێرەیەکی تر دەدات !

خەڵک سپۆرت

ئیدارەی یانەی بوروسیا دۆرتمۆندی ئەڵمانی هەوڵەکانی بۆ گەڕاندنەوەی ئەستێرەکانی سەردەمی یۆرگن کلۆپ دەست پێکردووە.

ڕۆژنامەی “بێلد سپۆرت”ی ئەڵمانی لەزاری سەرچاوە ناوخۆییەکانی یانەی بوروسیا دۆرتمۆندەوە ئاشکرای کردووە، لەماوەی ڕابردوودا گەڕاندنەوەی ماتس هومێڵسی بەرگریکاری ناوداری ناسیوناڵ مانشافت لە یانەی بایرن میونشنەوە بڕی ٣١.٥ ملیۆن یورۆی تێچووە، ئەم هەنگاوەش یەکەمین هەنگاوەکان بووە بەئاڕاستەی بونیادنانی پێکهێنانی پێکهاتەیەکی ئەزموندار.

بەپێی سەرچاوەکە، ئیدارەی “ڤیستیڤالین” لەدوای هومێڵس هەوڵەکانیان بۆ گەڕاندنەوەی ئیلکای گۆندوگانی ئەڵمانی لەیانەی مانچستەر سیتیەوە دەست پێکردووە، جەمسەرە ئەڵمانیەکە لەگەڵ ئیدارەی سیتی لە گفتوگۆیەکی چڕوپڕدایە و دەیانەوێت وەرزی داهاتوو سودمەند بن لە ئەزمونی ئەستێرەکانی سەردەمی کلۆپ.

لەلایەن خۆشیەوە لوسیان فاڤەری ڕاهێنەر لەدوای نوێکردنەوەی بۆندەکەی ڕەزامەندی نیشانداوە لەسەر ئەو پلانە و بەپەرۆشەوە چاوەرووانی گۆندوگان دەکات، تا وەرزی داهاتوو لەڕووی ئەزمونەوە سودی لێوەربگرێت.

“سکای دۆیچلاند” ئاماژەی کردووە، گەڕانەوەی گۆندوگان دووبارە بۆ دۆرتمۆند ئەگەرێکی بەهێزە بەتایبەت پاش ئەوەی گواردیۆلا توانیویەتی ڕۆدری لەیانەی ئەتلەتیکۆ مەدریدەوە بگوێزێتەوە بۆ ڕیزەکانی، بەڵام ئەم گواستنەوەیە زیاتر لە بۆندی هومێڵس پارەی پێویست دەبێت.

جیهانی

ئینتەرمیلان بە دوو بۆندی گەورەوە دەگەڕێتەوە نێو بازاڕی گواستنەوەی یاریزانان !

خەڵک سپۆرت

یانەی ئینتەرمیلانی ئیتاڵی لە گواستنەوەکانی داهاتودا هەوڵ دەدات دوو ئەستێرەی ناودار بۆ هیڵی ناوەندی پێکهاتەی ئەنتۆنیۆ کۆنتی دابین بکات.

ڕۆژنامەی “کۆرێری دێلۆ سپۆرت”ی ئیتاڵی بە ڕاپۆرتێک ئاشکرای کردووە، ڕووبەڕوبونەوەکانی یانەی بەرشلۆنە لە خولی یانە پاڵەوانەکان و یوڤانتۆس لە چوارچێوەی ململانێکانی خولی ئیتاڵیا دەریخستووە، کە پێکهاتەی ئەم وەرزەی نێراتزۆری لەهێڵی ناوەند و لەڕووی کوالیتیەوە کەموکورتی هەیە.

بەپێی سەرچاوەکە، ئەنتۆنیۆ کۆنتی ڕاهێنەر داوای گواستنەوەی دوو یاریزانی کردووە بۆ هێڵی ناوەندی پێکهاتەکەی، داواکاری سەرەتا بۆ ئیڤان ڕاکیتیچی کرواتی بووە، بەڵام بەهۆی پێداگری یانەی بەرشلۆنە لەسەر بڕی ٥٠ ملیۆن یورۆ لە گفتوگۆکان کشاونەتەوە، جگە لەم ناوە گەورەیە، کۆنتی سێ ناوی تری خستۆتە سەر مێزی گفتوگۆکان، یەکەمیان نیمانیا ماتیچی سڕبی ئەستێرەی یانەی مانچستەر یونایتدە کە لەگواستنەوەکانی هاوینەدا نرخی دەبێتە بێبەرامبەر.

ڕاهێنەرە ئیتاڵیەکە دوو ناوی تریشی وەک بۆندی دووەم پێشکەشی ئیدارەی یانە لۆمپاردیەکەی کردووە کە ئەوانیش دۆنی ڤان دی بێکی هۆڵەندی ئەستێرەی یانەی ئەیاکس ئەمستەردام و گایتانۆ گاسترۆڤێلی ئەستێرەی یانەی فیورنتینان، بۆ هەر یەکێک لەو دوو ناوەش بڕی ٥٠ ملیۆن یورۆ پیشکەش دەکەن.

بەردەوام بە لە خوێندنەوە

جیهانی

بەرشلۆنە بە نرخێکی خەیاڵی “گەوهەرە ڕەشەکە” بە کەتەلۆنیاوە دەبەستێتەوە !

خەڵک سپۆرت

ئیدارەی یانەی بەرشلۆنەی ئیسپانی ئامادەکاری بۆ نوێکردنەوەی بۆندی یەکێک لە گەوهەرەکانی یانەکە دەکات بەشێوەیەک کە هیچ یانەیەکی تر نەتوانێت داوای گواستنەوەی بکات.

ڕۆژنامەی “موندۆ دیپۆرتیڤۆ”ی کەتەلۆنی ئاشکرای کردووە، بەپێی بۆندی ئیمزاکراوی نێوان باوکی ئانسو فاتی ئیسپانی و ئیدارەی یانەی بەرشلۆنە، یاریزانەکە ساڵانە بڕی یەک ملیۆن یورۆ بەدەست دەهێنێت، بۆندەکەشی تا هاوینی ٢٠٢٢ بەردەوامی دەبێت، بەڵام لە حاڵەتی پێشکەشکردنی بڕی زیاتر لە ٥٠ ملیۆن یورۆ هەر یانەیەکی گەورە دەتوانێت یاریزانەکە بگوێزێتەوە بۆ ڕیزەکانی، ئەم کەلێنەش ترسی بۆ ئیدارەی یانە ئیسپانیەکە دروست کردووە.

بەپێی سەرچاوەکە، جوسێپ ماریا بارتومیۆ کۆبونەوەی لەگەڵ ئیریک ئەبیدالی بەڕێوەبەری وەرزشیی و ئێرنێستۆ ڤالڤێردی ئەنجامداوە و لەکۆبونەوەکەدا وەک ئەستێرەیەکی پێکهاتەی یەکەم فاتی ڕەش ئەسمەر ناوزەند کراوە، هەر بەوهۆیەشەوە بڕیاردراوە لە یانە سەرمایەدارەکانی وەک مانچستەر سیتی و پاریس سانت جێرمان بیپارێزن، کە ئەوەش لەڕێگەی پێشکەشکردنی بۆندێکی نوێوە دەبێت بە موچەی ساڵانەی دوو ملیۆن و ئیمتیازاتی زیاتر، نرخی شکاندنی بۆندەکەش بڕی ٢٠٠ ملیۆن یورۆ دەبێت.

بەردەوام بە لە خوێندنەوە

جیهانی

بەشداری کلاسیکۆ دەکەن؟ بارودۆخی پێکراوەکانی ڕیاڵ مەدرید (١٢) ڕۆژ پێش کلاسیکۆ

خەڵک سپۆرت

یانەی ڕیاڵ مەدریدی ئیسپانی بەر لە کلاسیکۆی چون لە یاریگای کامپ نو بەهۆی پێکانی چەندین یاریزانیەوە دووچاری ئاستەنگی هاتووە.

ڕۆژنامەی “ئاس”ی ئیسپانی ئاشکرای کردووە، هەریەک لە مارسێلۆ و تیبۆ کۆرتوا لە پێکان گەڕاونەتەوە و بەم زووانە بەشداری یەکەو مەشقە ئاساییەکان دەکەن، لەبەرامبەردا هەریەک لە مارکۆ ئاسینسیۆ و ناچۆ فێرناندێز بۆ ماوەیەکی درێژخایەن دووردەکەونەوە و بۆ ڕووبەڕوبونەوەی یانەی بەرشلۆنە ناتوانن بەشداری بکەن.

ئەوەی جێی گومانە پێکانی چوار یاریزانە کە پێکهاتوون لە: فێرلاند مێندی، تۆنی کرۆس، لوکا مۆدریچ، گاریس بەیل، پێکانی مێندی فەرەنسی بەرەو چارەسەری کۆتایی هەنگاو دەنێت، بەڵام سیانە ناودارەکەی تر تا ئەم ساتە بەشداریکردنیان لە کلاسیکۆ یەکلایی نەبۆتەوە.

ڕاین گیگزی ڕاهێنەری وێڵز پێکانی گاریس بەیلی هاونیشتیمانی بە “گرژبوونێکی ئاسایی” وەسف کردووە، واتا ئەگەر زۆرە بەر لە کلاسیکۆ بگەڕێتەوە، هەروەها پێکانی مۆدریچ لەلایەن ستافی پزیشکی هەڵبژاردەی کرواتیاوە بە(لێدانی ماسولکەیی) ئاماژەی پێکراوە و یەکێک لە دەستەی پزیشکی هەڵبژاردەکە ڕایگەیاندووە :” پێکانەکەی مۆدریچ هێندە قورس نییە و بەم نزیکانە دەگەڕێتەوە”.

ئەوەی لەهەمووان زیاتر گومانی لەسەرە پێکانی تۆنی کرۆسی ئەڵمانیە کە تا ئەم ساتە لەلایەن دەستەی پزیشکی یانەی شاهانەوە گڵۆپی سەوزی بۆ دانەگیرسێنراوە، لەبەرامبەردا زێدان، خامێس ڕۆدریگێزی بۆ هەر حاڵەتێکی نەخوازراو ئامادە کردووە.

بەردەوام بە لە خوێندنەوە

کوردستان