ئێمە لە تۆرە کۆمەڵایەتیەکان

کوردستان

هەڵبژاردنی شارەوانی ئیستەنبوڵ دەستیپێكرد

خەڵك –بەشی هەواڵ

دوای بڕیاری دامەزراوەی باڵای هەڵبژاردنەكان بۆ سەرلەنوێ ئەنجامدانەوەی هەڵبژاردنی سەرۆكایەتی گەورەشارەوانی ئیستەنبوڵ، ئەمڕۆ یەك شەممە ٢٣ی حوزەیران، ١٠ ملیۆن و ٥٦٠ هەزار و ٩٦٣ دەنگدەر بەمەبەستی دەنگدان، ڕوو لە بنكەكانی دەنگدان دەكەن.

لە هەڵبژاردنەكانی پێشوو پارتی دیموكراتی گەلان هەدەپە و زۆرینەی كوردانی ئیستەنبوڵ دەنگیان بە ئەكرەم ئیمامئۆغڵو ڕكابەری یڵدرم دابوو، بۆیە ئەمجارە ئاكپارتی خوازیاری ئاشتكردنەوەی كوردەكان بوون تاكو دەنگ بە كاندیدەكەیان بدەن، بۆیە چەند هەنگاوێكیان نا یەكێك لەوانە لابردنی گۆشەگیری سەر عەبدوڵڵا ئۆجەلان و ڕێدان بە بڵاوكردنەوەی پەیامەكانی و هەروەها دەنگۆی ئازادكردنی سەڵادین دەمیرتاش.

ئەمە لەحاڵێكدا عەبدوڵڵا ئۆجەلان ڕێبەری زیندانیكراوی پەكەكە لە ڕێگەی پەیامێكەوە داوای لە هەدەپەكرد بێلایەنی لەنێوان ئەكەپە و جەهەپەدا هەڵببژێرێت، بەڵام كاربەدەستانی هەپەدە داواكەی ئۆجەلانیان ڕەتكردەوە و سوورن لەسەر دەنگدان بە كاندیدی جەهەپە لە دژی ئەكەپە.

بڕیاری دامەزراوەكە دوای ناڕەزایەتی ئاك پارتی دێت بەرامبەر ئەنجامی هەڵبژاردنەكانی ئیستەنبوڵ. دامەزراوەی باڵای هەڵبژاردنەكان بڕیاریدا تەنها دەنگدان بۆ هەڵبژاردنی سەرۆكایەتی گەورەشارەوانی ئیستەنبوڵ دووبارە بكرێتەوە.

دانیشتوانی ئیستەنبوڵ لە ڕێی هەڵبژاردنەكەوە، ئەو كەسە دەستنیشان دەكەن كە بۆ ماوەی پێنج ساڵی داهاتوو دەبێتە سەرۆكی گەورەشارەوانی شارەكەیان.

كاندیدی هاوپەیمانیی جمهوور (ئاك پارتی)، بینالی یڵدرم و كاندیدی هاوپەیمانیی میللەت (جەهەپە)، ئەكرەم ئیمامئۆغڵو، كاندیدی پارتی سەعادەت، نەجدەت گۆكچنار و كاندیدی پارتی وەتەن، موستەفا ئیلكەر یوجەل، ڕكابەریی لەسەر بەدەستهێنانی پۆستی سەرۆكایەتی گەورەشارەوانی ئیستانبوڵ دەكەن.

لەم هەڵبژاردنەدا تەنها یەك پسووڵە دەدرێتە دەنگدەر ئەویش تایبەت دەبێت بە هەڵبژاردنی سەرۆكی گەورە شارەوانی ئیستەنبوڵ لەكاتێكدا پێشتر لە یەك پسووڵەدا، چوار دەنگ دەدرا.

لەم هەڵبژاردنەدا هەمان لیستی دەنگدەر كە پێشتر لە لایەن دامەزراوەی باڵای هەڵبژاردنەكانەوە ئامادەكرابوو بۆ دەنگدان لە ٣١ی ئاداری ٢٠١٩دا، جارێكی تر دەتوانن بچنەوە سەر سندوقەكانی دەنگدان، واتە لیستی دەنگدەران نوێنەكراوەتەوە، ئەوانەی لە دوای ٣١ی ئاداری ٢٠١٩ەوە پێیان ناوەتە تەمەنی ١٨ ساڵییەوە بۆ لیستی نوێی دەنگدەران زیاد نەكراون.

کوردستان

پەلامارێكی داعش لە سنووری جەلەولا تێكشكێنرا

خەڵك-بەشی هەواڵ

 

هێزەكانی سوپای عیراق پەلامارێكی چەكدارانی داعشیان لە سنووری شارەدێی جەلەولا تێكشكاند.

بەپێی زانیارییەكان، داعش لەگوندی ئوم حنتە بەقەناس تەقەی لە هاووڵاتیان و سوپای عیراق كردووە و بەهۆیەوە هاووڵاتیەكی مەدەنی بەسەختی برینداربووە و دواتر هێزەكانی سوپای عیراق و داعش لەنزیك گوندەكە ڕووبەڕووی یەكتر بوونەتەوە و شەڕ ڕوویداوە و داعش تێكشكێنراوە.

ئەمەش لەكاتێكدایە، كە ناوە ناوە چەدارانی داعش لە ناوچە كێشەلەسەرەكان هێرش دەكەنە سەر پێشمەرگە و سوپای عیراق و هاووڵاتیانی مەدەنی و بەهۆی ئەو هێرشانەشەوە قوربانی لێكەوتووەتەوە، تاكو ئێستاش حكومەتی عیراق نەیتوانیوە ئاسایشی ئەو ناوچانە بپارێزێـت و ڕۆژ لە دوای ڕۆژ جموجوڵەكانی داعش لە پەرەسەندندان.

بەردەوام بە لە خوێندنەوە

ئابوری

سۆران.. لەماوەی هەفتەیەكدا سەرووی 30 هەزار گەشتیار سەردانی شوێنە گەشتیارییەكانییان كردووە

خەڵك – نزار مستەفا

دوای ڕێنمایی كردنەوەی ڕێگاوبان و نەهێشتنی قەدەغەی هاتوچۆ لەلایەن وەزارەتی ناوخۆ بەهۆی ڤایرۆسی كۆرۆنا و كردنەوەی شوێنە گەشتیارییەكانى هەرێمی كوردستان شوێنە گەشتیارییەكانى سۆرانیش بوژانەوەیەكی باشی بەخۆوە بینیوە.

بارزان محەمەد بەڕێوەبەری گەشتوگوزاری سۆران بە (تۆڕی میدیایی خەڵك)ی ڕاگەیاند”هەموو شوێنە گەشتیارییەكانمان لە سنووری سۆران بەڕێنمایی تەندروستی و خۆپارێزی لەنەخۆشی كۆرۆنا بەڕووی گەشتیارانەوە كرانەوەتەوە و لەڕۆژانی هەینیشدا هاتنی گەشتیاران بۆ ناوچەكەمان ڕوو لەزیادبووندایە”.

بەڕێوەبەری گەشتوگوزاری سۆران وتیشی: “هەر لە ڕۆژی هەینی ڕابردوودا سەرووی 30 هەزار گەشتیار سەردانی شوێنە گەشتیارییەكانی هەر چوار شارۆچكەی (سۆران، ڕواندز، مێرگەسۆر، چۆمان)یان كردووە”.

بارزان محەمەد ئاماژەی بەوەشدا “لەئێستادا ئامادەكاری تەواومان كردووە لە هۆتێل و مۆتێل و شوێنە گەشتیارییەكان و كەپرەكان وچێشتخانەكان بۆ ئەوەی بە باشترین شێواز و ڕێنمایی تەندروستی بۆ گەشتیاران ئەنجامدراوە و هەریەكێك لەو شوێنانەش گەربێت و پابەندی ڕێنماییەكانی خۆپارێزی نەبن ئەوا ڕووبەڕووی سزای یاسایی دەبنەوە و شووێنەكەشی دادەخرێت.

بەڕێوەبەری گەشتوگوزاری سۆران ئەوەشی خستەڕوو:”پێشبینی هاتنی زیاتری گەشتیاران دەكەین بۆ ناوچەكە ئەمەش دوای كرانەوەی ڕێگای ناوەڕاست و باشووری عیراق و هەماهەنگییەكی زۆرباشمان كردووە لەگەڵ گرووپی گەشتیاران و كۆمپانیاكان بۆ هێنانی گەشتیاران”.

بەردەوام بە لە خوێندنەوە

کوردستان

دەڤەری برادۆست.. بەھۆی ڕووخانی بیرێك ھاووڵاتییەك گیانی لەدەستدا

خەڵك – نزار مستەفا

لە دامێنی چیای حەسەن بەگ لە دەڤەری برادۆست هاووڵاتییەك بەهۆی ڕووخانی بیری ئاوەوە گیانی لەدەستدا.

ئێوارەی ئەمڕۆ شەممە ھاووڵاتییەك بەناوی (سەلیم بەھائەدین شیڤی) دانیشتووی گەڕەكی برایەتی لە شارۆچكەی سۆران كە خێزاندارە و خاوەنی سێ منداڵە، بەھۆی ڕووخانی بیرێكی ناو باغەكەی لە دامێنی چیای حەسەن بەگ گیانی لە دەستدا و ھاوڕێكەشی بریندار دەبێت.

لە ئێستادا تەرمی ناوبراو ڕەوانەی پزیشكی دادی سۆران كراوە بۆ لێكۆڵینەوە لەسەر چۆنیەتی ڕووداوەكە و بریندارەكەش دۆخی ناجێگیرە و لەژێر چاودێری پزیشكدایە.

بەردەوام بە لە خوێندنەوە

کوردستان