ئێمە لە تۆرە کۆمەڵایەتیەکان

کوردستان

ئەمڕۆ مەسرور بارزانی سەردانی پێكهاتەكان دەكات

خەڵك-بەشی هەواڵ

ئەمڕۆ مەسرور بارزانی سەردانی پێكهاتەكان دەكات بۆ پێكهێنانی كابینەی نوێی حكومەت.

ماڵپەڕی فەڕمی پارتی بڵاویكردەوە، ئەمڕۆ مەسرور بارزانی ڕاسپێردراو بۆ پێكهێنانی كابینەی نوێی حكومەت سەردانی توركمان و مەسیحییەكان دەكات بۆ پێكھێنانی حكومەتی ھەرێمی كوردستان.

بەپێی زانیارییەكان، شاندەكە بەسەرۆكایەتی مەسروور بارزانی و ئەندامێتی هەریەك لە دڵشاد شەھاب، ھێمن ھەورامی، ئومێد خۆشناو، فرسەت سۆفی، دەبێت.

ماڵپەڕەكە ئەوەشی ئاشكرا كردووە، تا ئێستا هیچ لایەنێك سیڤی كاندیدانی خۆیان پێشكەش بە مەسرور بارزانی نەكردووە بۆ وەزارەتەكان، بەڵام لەچەند ڕۆژی داهاتوو دەبێت ئامادەی بكەن، چونكە حكومەت لەماوەی یاسایی خۆیدا سوێندی یاسایی دەخوات و متمانە لە پەڕلەمان وەردەگرێت.

هەفتەی ڕابردوو مەسرور بارزانی سەردانی یەكێتی و گۆڕان و حزبی سۆسیالیستی كرد و ئەندامێكی سەركردایەتی بزووتنەوەی ئیسلامیش بە (خەڵك)ی ڕاگەیاند ئەم هەفتەیە مەسرور بارزانی سەردانیان دەكات.

کوردستان

هاتووچۆی گەرمیان؛ سێ ئۆتۆمبێل بەیەكیاندادا قوربانی لێكەوتەوە

خەڵك – بەشی هەواڵ

بەڕێوەبەرایەتی هاتووچۆی گەرمیان ڕایدەگەیەنێت، لەسەر ڕێگای كەلار بۆ خانەقین ڕووداوێكی پێكدادان ڕوویدا بەهۆیەوە شۆفێرێك بریندار بوو، ڕووداوەكە لە نزیك دێ ی سەوز بڵاخ بووە لە نێوان سێ ئۆتۆمبێل یەكێك لە شۆفێرەكان برینداربووە.

بەڕێوەبەرایەتی هاتوچۆی گەرمیان لە ڕاگەیەنراوێكدا، كە وێنەیەكی بۆ (خەڵك) هاتووە ڕایگەیاندووە، بەهۆی ڕووداوێكی هاتووچۆوە لە نێوان سێ ئۆتۆمبێل لەجۆرەكانی مسبۆشی لانسەر و مان بارهەڵگر و پیكاب تویوتا شۆفێری ئۆتۆمبێلی مسیبۆشی لانسەرەكە بریندار بوو.

ئاماژەبۆ ئەوەشكراوە، بەمەبەستی وەرگرتنی چارەسەر ڕەوانەی نەخۆشخانە كراوە، زیانی مادی زۆریش بەر هەسێ ئۆتۆمبێلەكە كەوتووە، مەفرەزەكانی هاتووچۆش لەسەر ڕووداوەكەن لێكۆڵینەوەیان لە چۆنیەتی ڕوودانی ڕووداوەكە دەستپێكردووە.

بەردەوام بە لە خوێندنەوە

کوردستان

فڕۆكەكانی توركیا ناوچەیەك لە پارێزگەی دهۆك بۆردومان دەكەن

خەڵك- بەشی هەواڵ
فڕۆكە جەنگییەكانی توركیا، لوتكەی (بیسمەتی) لە زنجیرە چیای (گارا) كە دەڕوانێت بەسەر قەزای ئامێدی لە باكووری پارێزگەی دهۆك، بۆردومان دەكەن.

بەگوێرەی زانیارییەكان، نیوەڕۆی ئەمڕۆ هەینی، فڕۆكە جەنگییەكانی توركیا لوتكەی بیسمەتیان لە زنجیرە چیای گارا لە نزیك قەزای ئامێدی لە دهۆك بۆردومان كردووە و دەنگی دوو تەقینەوەی گەورەش بیستراوە كە دواتر بەرزبوونەوەی دووكەڵێكی زۆری لە لوتكەی چیاكە بەدواداهاتووە كە دەڕوانێت بەسەر هەردوو گوندی (كیزی و بلێتی).

سوپای توركیا لە ساڵی 2020وە، بە بیانووی بوونی گەریلاكانی پارتی كرێكارانی كوردستان (پەكەكە)، ئۆپەراسیۆنە سەربازییەكانی لەنێو خاكی هەرێمی كوردستاندا چڕكردۆتەوە، بەو هۆیەشەوە تائێستا چەندان هاووڵاتی بونەتە قوربانی و زیانی زۆيش بە ڕووبەرێكی فراوانی سروشتی و كشتوكاڵی گەیشتووە.

بەردەوام بە لە خوێندنەوە

کوردستان

بومەلەرزە ناوچەیەكی سەر بە پارێزگەی سلێمانی دەهەژێنێت

خەڵك- بەشی هەواڵ
وەزارەتی گواستنەوەی عیراق ڕایدەگەیەنێت، بومەلەرزەیەك بە گوڕی 1.3 پلە بەپێی پێوەری ڕێختەر، ناحیەی سەنگاوی سەر بە پارێزگای سلێمانی هەژاند.

بەپێی ڕاگەیەندراوێك كە ئەمڕۆ هەینی لەلایەن وەزارەتی گواستنەوەی عیراقەوە بڵاوكرایەوە”دەستەی گشتی كەشناسی و بومەلەرزەزانی، سەرلەبەیانی ئەمڕۆ بومەلەرزەیەكی لە باشووری خۆرئاوای ناحیەی سەنگاو لە پارێزگەی سلێمانی لە كاتژمێر (7:20:39) بەكاتی ناوخۆ تۆماركرد”.

هەر لە ڕاگەیەندراوەكەدا هاتووە”گوڕی بومەلەرزەكە گەیشتە (3.1) پلە بەپێی پێوەری ڕێختەر و (24) كیلۆمەتر لە باشووری خۆرئاوای ناحیەی سەنگاوی سەر بە پارێزگەی سلێمانییەوە دوور بووە و نەسەلمێنراوە هاووڵاتیان هەستییان پێكردبێت، بۆیە لە حاڵەتی هەر ڕووداو و پێشهاتێك ئاگادارتان دەكەینەوە”.

وەزارەتی گواستنەوەی عیراق داوای لە هاووڵاتیان كردووە، “خۆیان لە پڕوپاگەندە و هەواڵی ناڕاست بەدووربگرن و پابەندبن بە ڕێنماییەكانی پەیوەست بە بومەلەرزەوە كە لەلایەن دەستی گشتی كەشناسی و بومەلەرزەزانییەوە دەرچووە”.

بەردەوام بە لە خوێندنەوە

کوردستان