ئێمە لە تۆرە کۆمەڵایەتیەکان

کوردستان

هەشت بەرپرسی كۆمەڵەی شۆڕشگێڕان دەستیان لەكاركێشایەوە

خەڵك –بەشی هەواڵ

هەشت بەرپرس و كادری باڵای كۆمەڵەی شۆڕشگێڕانی كوردستان لە ڕاگەیەندراوێكدا دەست لەكاركێشانەوەیان لە پۆستەكانیان و ئەندامێتی حیزبەكەش ڕاگەیاند.

ئەو بەرپرسانە وەك لە ڕاگەیەندراوەكەدا ناوی خۆیان نووسیوە بریتین لە “ئەنوەر محەمەدی _ ئەندامی پێشووی دەفتەری سیاسی، فاروق وەكیلی_ئەندامی پێشووی كۆمیتەی ناوەندی، سالار پاشایی _ ئەندامی پێشووی كۆمیتەی ناوەندی، سۆران پالانی _ ئەندامی پێشووی جێگری كۆمیتەی ناوەندی، جەلیل ئازادیخواز _ بەرپرسی پێشووی پەیوەندییه ئێرانی و‌ كوردستانییەكانی كۆمەڵە لە ئامریكا، ئەنوەر ئەسەدزادە_ نووسەر و سەرنووسەری پێشووی ئاسۆی رۆژهەڵات، بێهروز ئەمین پوور _ بەرپرسی پێشووی دەفتەری سكرتێر، ئەمین سورخابی _ لێكۆڵە‌ری سیاسی و كادری پێشووی ڕاگەیاندن”.

ئەو بەرپرسانە لە ڕاگەیەندراوەكەیاندا بە وردی و بە درێژی بە چەند خاڵێك باسیان لەهۆكارەكانی دەستلەكاركێشانەوەیان كردووە، كە پێشتریش لەگەڵ عەبدوڵڵای موهتەدی سكرتێری گشتیدا كۆبوونەوەیان كردووە و بەڵێنی چارەسەركردنی ئەو كێشانە دراوە، بەڵام بەڵێنەكە نەبراوەتەسەر و لە ئەنجامدا دەستیان لەكاركێشاوەتەوە.

وەك ڕاگەیەندراوەكە، ئاماژەی پێكردووە، هەڵوێستی كۆمەڵە لەمەڕ مامەڵە لەگەڵ ئۆپۆزسیۆنی ئێران و خەباتی حیزبەكە لە دژی حكومەتی ئێران، بابەتەكانی ڕێكخراوەیی دارایی و ماڵی هۆكاری سەرەكی ناڕەزایەتی ئەوان بووە.

لە ڕاگەیەندراوەكەدا ڕەخنەی ئەوە لە حیزب و سكرتێرەكەی گیراوە كە لە پێڕەو لایانداوە و بەرنامەیەكی ڕوون بۆ ئایندەی ئێران نییە و سكرتێڕی حیزب تاكڕۆیانە مامەڵ دەكات.

هەروەها لەبارەی ماڵی و داراییشەوە كەس ناتوانێت پرسیار لەسەر سەرچاوەی داهات و خەرجییەكان بكات و بەشێوەیەكی نادروست داهاتی حیزب خەرجدەكرێت، ئەمانە هۆكاری ناڕەزایی ئەو دەستەیە لە سەركردە و كاربەدەستانی كۆمەڵە بووە.

ماوەیەكی ناكۆكی لەنێوان حیزبە سەرەكییەكانی ڕۆژهەڵاتی كوردستاندا سەریهەڵداوە و ماوەیەك لەمەوبەر لە زڕگوێز لە نێوان كۆمەڵەی شۆڕشگێڕ و زەحمەتكێشاندا ئاڵۆزی و شەڕ هەڵگیرسا.

هاوكات ناوەندی هاوكاری حیزبەكانی كوردستانی ئێرانیش ناكۆكی تێدا دروستبوو، بەهۆیەوە سازمانی خەباتی كوردستانی ئێران كشایەوە و بەهۆیەوە پێشمەرگەكانی سازمان لەگەڵ پێشمەرگەكانی دیموكراتەكان لە چیای هەڵگورد خەریكبوو تێكهەڵبچن.

کوردستان

سلێمانی.. هاووڵاتیان و شۆفێرانی شارباژێڕ ئاگاداردەكرێنەوە

خەڵك – بەشی هەواڵ

بەڕێوەبەرایەتی چاككردنەوە و پاراستنی ڕێگاوبانی سلێمانی، دانیشتووانی شارباژێڕ لە داخستنی پردی شاخەسوور ئاگاداردەكاتەوە.

ئەندازیار (كارمەند ڕەحیم)، سەرپەرشتیاری پڕۆژەی نۆژەنكردنەوەی پردی شاخەسوور لە شارباژێڕ ڕایدەگەیەنێت، بەڕێوبەرایەتی چاككردنەوە و پاراستنی ڕێگاوبانی سلێمانی، شۆفێران و دانیشتووانی شارباژێڕ ئاگادار دەكاتەوە كە هەڵدەستێت بەنۆژەنكردنەوەی پردی شاخەسوور.

سەرپەرشتیاری پڕۆژەی نۆژەنكردنەوەی پردی شاخەسوور لە شارباژێڕ ڕاشیگەیاندووە، بۆ ئەو مەبەستەش لە ڕێكەوتی 20/10/2019 بۆ ماوەیەكی نادیار ڕێگاكە دادەخرێت بەڕووی شۆفێراندا.

بەردەوام بە لە خوێندنەوە

جیهان

نەتەوە یەكگرتووەكان: توركیا پابەندی ئاگربەست نەبووە

خەڵك – بەشی هەواڵ

وتەبێژی نەتەوە یەكگرتووەكان بۆ كاروباری مرۆیی ڕایدەگەیەنێت، توركیا پابەند نەبووە بە ڕێككەوتنی ئاگربەستەوە لە باكووری ڕۆژهەڵاتی سوریا.

یانس لاركیە وتەبێژی نەتەوەیەكگرتووەكان بۆ كاروباری مرۆیی لە كۆنفڕانسێكی ڕۆژنامەوانیدا ڕایگەیاند: سەرەڕای ڕێككەوتنی ئاگربەست، توركیا بەردەوامە لە هێرشەكانی بۆ سەر ناوچەكانی باكووری ڕۆژهەڵاتی سوریاوە و بەو هۆیەشەوە ڕۆژانە سەدان كەس لە خەڵكی ئەو ناوچانە ئاوارە دەبن.

یانس لاركیە وتیشی: بەپێی ئەو زانیارییانەی دەستیانكەوتووە، توركیا پابەند نەبووە بە ڕێككەوتنی ئاگربەستەوە لە ناوچەكە.

هاوكات، ئەندرێ‌ ماهیسیچ، وتەبێژی كۆمسیۆنی نەتەوە یەكگرتووەكان بۆ كاروباری پەنابەران، ڕایگەیاند:”تائێستاش زۆرێك لە ئاوارەكان لە ناوچەكانی باكووری ڕۆژهەڵاتی سوریاوە لەترسی شەڕوپێكدادانەكان ناوچەكانیان بەجێدەهێڵن و ڕوو لە عیراق دەكەن”، داواشی لە هەموو لایەنەكان كرد، ئاسایش و سەلامەتی مەدەنییەكان زامن بكەن.

بە وتەی ئەو بەرپرسەی نەتەوە یەكگرتووەكان”نزیكەی 730 ئاوارە لە شەوی هەینیدا لە سنورەكانی سوریا- عیراق پەڕیونەتەوە، وێڕای نزیكەی 1600 ئاوارەی تری سوریا كە لەماوەی چوار ڕۆژی ڕابردوودا گەیشتبوونە عیراق”.

بەردەوام بە لە خوێندنەوە

جیهان

مەكگۆرك: پیلانەكەی ئەردۆغان بەشێك لە خاكی عیراقیش دەگرێتەوە

خەڵك – بەشی هەواڵ

نێردەی تایبەتی پێشووی سەرۆكی ئەمریكا بۆ هاوپەیمانی نێودەوڵەتی دژی داعش ڕایدەگەیەنێت، پیلانەكەی ئەردۆغان بەشێك لە خاكی عیراقیش دەگرێتەوە.

برێت مەكگۆرك نێردەی تایبەتی پێشووی سەرۆكی ئەمریكا بۆ هاوپەیمانی نێودەوڵەتی دژی داعش لە جریوەیەكدا لە هەژماری تایبەتی خۆی لە تۆڕی كۆمەڵایەتی تویتەر ئاماژەی بەوە كردووە، پێویستە بە وردی لە ڕێككەوتنەكەی ئەمریكا و توركیا بكۆڵنەوە، چونكە ئەو ڕووبەرەی ڕەجەب تەیب ئەردۆغان سەرۆكی توركیا دیاریكردووە بۆ پێكهێنانی ناوچەی ئارام بە پێی ڕێككەوتنەكە درێژ دەبێتەوە بۆ ڕووباری فورات و خاكی عیراق.

برێت مەكگۆرك ئەوەشی خستووەتەڕوو، تەواوی ئەو ناوچانەی باكووری سوریا كە شەڕی تێدایە كوردنشین و مەسیحی نشینن بۆیە بۆ دەستكەوتنی زانیاری دروست سەبارەت بە ڕێككەوتنەكە پێویستە گوێ لە وتەكانی ئەردۆغان بگیرێت و وتەكانی ترەمپ فەرامۆش بكرێت.

بەردەوام بە لە خوێندنەوە

کوردستان