ئێمە لە تۆرە کۆمەڵایەتیەکان

کوردستان

دوو سەركردەی پێشووی گۆڕان حزبێكی تازە دروست دەكەن

خەڵك- بەشی هەواڵ

دوای دروستبوونی ناڕەزایەتی زۆر لە نێو بزوتنەوەی گۆڕاندا و وازهێنانی دەیان كادیر و هەڵسوڕاو، دوو سەركردەی بزوتنەوەكە سەرقاڵی دروستكردنی حزبێكی سیاسین هاوشێوەی گۆڕانی پێشوو.

بەپێی زانیارییەكان هەریەك لە قادری حاجی عەلی و عوسمانی حاجی مەحمود سەرقاڵی دروستكردنی حزبێكی تازەن و لەوانەیە ژمارەیەك لە سەركردەكانی یەكێتیش بگرێتەوە.

بەپێی زانیارییەكان بەشێكی هەڵسوڕاوانی ئێستای گۆڕان پشتیوانی پڕۆژەكە دەكەن و لە سیاسەتی ئێستای بزوتنەوەكە ناڕازین، بۆیە دەیانەوێت بەشداری ئەو حزبە تازەیە بكەن.

دروستكردنی ئەو حزبە تازەیە لەكاتێكدایە، كە بزوتنەوەی گۆڕان و فڕاكسیۆنی گۆڕان لە پەڕلەمانی عیراق بوون بە دەستەی جیاواز و وتاری سەربەخۆی خۆیان هەیە و بەشێك لە هەڵسوڕاوی بزوتنەوەكەش وازیان هێناوە.

هاوكات گرووپێكی دیكەی هەڵسوڕاوان بە ناوی پڕۆگۆڕان لە ماوەی ڕابردوودا چالاكییان لە دەرەوەی وڵات هەیە و بەپێی زانیارییەكان پشتیوانی پڕۆژە نوێیەكە دەكەن.

بزوتنەوەی گۆڕان لە مانگی تەموزی 2009 دا لەلایەن نەوشیروان مستەفا و بەشێك لە سەركردەكانی پێشووی یەكێتی و چەند كەسایەتییەكەی دیكەوە دامەزرا و بوو بە یەكەم ئۆپۆزسیۆنی سیاسی لە كوردستانی عیراقدا.

(خەڵك) بۆ وەرگرتنی زانیاری زیاتری پەیوەندی بە عوسمانی حاجی مەحمودەوە كرد، بەڵام ناوبراو ڕەتیكردەوە هیچ لێدوانێك بدات.

(خەڵك) بۆ وەرگرتنی بۆچونی بزوتنەوەی گۆڕان پەیوەندی بە شۆڕش حاجی، ئەندامی خانەی ڕاپەڕاندنی بزوتنەوەی گۆڕانەوە كرد، بەڵام وەڵامی پەیوەندییەكەی نەدایەوە.

کوردستان

پارێزگاری سلێمانی: شاڕێی بابان پرۆژەیەكی ستراتیژییە بۆ سلێمانی

خەڵك – بەشی هەواڵ
پارێزگاری سلێمانی سوپاسی حكومەتی هەرێمی كوردستانی بۆ جێبەجێكردنی بەڵێنی دروستكردنی شەقامی 100 مەتری سلێمانی كە بە شاڕێی بابان ناودەبرێت.

د. هەڤاڵ ئەبوبەكر پارێزگاری سلێمانی لە ڕێوڕەسمی دانانی بەردی بناغەی پرۆژەی جێبەجێكردنی شەقامی 100 مەترسی سلێمانیدا سوپاسی هەردوو كابینەی هەشتەم و نۆیەمی حكومەتی هەرێمی كرد، بە تایبەتیش مەسرور بارزانی و قوباد تاڵەبانی كە هەوڵی زۆریان دا بۆ دەستپێكردنی پرۆژەكە.

پارێزگاری سلێمانی ڕایگەیاند درێژیی پرۆژەكە 106 كیلۆمەترە و لە قۆناغی یەكەمدا كە ئەمڕۆ دەستپێدەكات 32 كیلۆمەتری جێبەجێ دەكرێت كە لە پردی تاسڵوجەوە تا گوندی دەمركان دەبێت.

د. هەڤاڵ ئەبوبەكر جەختیشیكردەوە لەوەی شەقامی 100 مەترسی، پرۆژەیەكی ستراتیژییە بۆ سلێمانی.

بەردەوام بە لە خوێندنەوە

کوردستان

هاتووچۆی سۆران بۆ ماوەی یەك هەفتە دەوام و مامەڵە ڕادەگرێت

خەڵك – بەشی هەواڵ
بەڕێوەبەرایەتی هاتووچۆی سۆران لە سبەینێوە بۆ ماوەی یەك هەفتە دەوام ڕادەگرێت.

ئەمڕۆ شەممە، بەڕێوەبەرایەتی هاتووچۆی سۆران لە ڕاگەیەندراوێكدا داوای لە هاووڵاتییان كرد لە سبەینێوە سەردانی بەڕێوەبەرایەتییەكەیان نەكەن بۆ ڕاییكردنی مامەڵەكانیان، هۆكارەكەشی بۆ گواستنەوەی بەڕێوەبەرایەتییەكە بۆ بینای نوێ گەڕاندەوە.

دەقی راگەیەندراوکە:
ئاگاداری هاووڵاتییانی خۆشەویست دەکەینەوە کە لە بەیانی رۆژی یەکشەممە ڕێکەوتی ١٢ / ٧ / ٢٠٢٠ تاکو رۆژی یەکشەممەی داهاتوو ڕێکەوتی ١٩/ ٧ / ٢٠٢٠ بە هیچ شێوەیەک سەردانی بارەگای بەڕێوەبەرایەتی هاتووچۆی سۆران نەکەن چونکە بۆ ماوەی یەک هەفتە رایکردنی مامەلەی سەرجەم هاووڵاتییان لە بەرێوەبەرایەتیەکەمان رادەگیرێت بە هۆی گواستنەوەی بارەگای بەرێوەبەرایەتیەکەمان بۆ باڵەخانەی (بینای) نوێی، وەک دەرکردن و نوێکردنەوەی مۆڵەت ، پشکنینی ئۆتومبێل ، هتد… ، بۆیە داوا لەو هاووڵاتییانە دەکەین کە کاری مامەڵەی نوێکردنەوە و دەرهێنانی مۆڵەت ، پشکنینی ئۆتۆمبێل ، تاقیکردنەوەی میکانیک ـ تورای رەمپە ، گەراج ، ناوشار ـ خولی وانەگوتنەوەی مۆڵەت یان هەر مامەڵەیەکی تریان لە بەرێوەبەرایەتی هاتووچۆی سۆران بە سەرجەم بەش و هۆبەکان هەیە لە بەیانی رۆژی یەکشەممە ١٢ / ٧/ ۲۰۲۰ تاکورۆژی یەکشەممەی داهاتوو ١٩ / ٧ / ۲۰۲۰ بەڕێکردنی مامەڵەی هاووڵاتییان رادەگیرێت بە هەموو شێوەیەک بۆیە لەماوەی دیارکراو سەردانی بەرێوەبەرایەتیەکەمان نەکەن.

بەردەوام بە لە خوێندنەوە

کوردستان

تووشبوویەكی دیكەی كۆرۆنا لە گەرمیان گیانی لە دەست دا

خەڵك – بەشی هەواڵ
ئەمڕۆ شەممە، تووشبوویەكی پەتای كۆرۆنا لە گەرمیان گیانی لە دەست دا.

ئەو هاووڵاتییە ئەفسەر بوو لە پۆلیسی نەوت و گازی گەرمیان و تەمەنی 40 ساڵە.

لە ماوەی 12 كاتژمێری ڕابردوودا ئەمە سێیەم حاڵەتی مردنی تووشبووانی كۆرۆنایە كە لە گەرمیان تۆمار كرابێت.

شەویش ڕابردووش دوو تووشبوو كە تەمەنیان 40 و 50 ساڵ بوو، لە گەرمیان گیانیان لە دەست دا.

ئەمڕۆش قایمقامیەتی شارۆچكەی سەیدسادق گیانلەدەستدانی تووشبوویەكی كۆرۆنای ڕاگەیاند.

بەردەوام بە لە خوێندنەوە

کوردستان