ئێمە لە تۆرە کۆمەڵایەتیەکان

جیهان

فڕۆكەیەكی ئەمریكایی لە هورمز خرایەخوارەوە

خەڵك –بەشی هەواڵ

بەیانی ئەمڕۆ پێنج شەممە فڕۆكەیەكی بێ فڕۆكەوانی ئەمریكا لە جۆری دروون لە ناوچەی هورمز كەوتەخوارەوە و تێكشكێندرا.

سوپای پاسداران ڕایگەیاند، لە ئاسمانی پارێزگەی هورمزگان لە باشووری ئێران لە بەرامبەر كەنداوی عومان و بەندەری فوجەیرەی ئیمارات، فڕۆكەیەكی ئەمریكایی بێ فڕۆكەوان لە جۆری دروون خرایەخوارەوە، كە بۆ كاری سیخووڕی سنووری ئێرانی بەزاندبوو.

لای خۆیەوە كاربەدەستێكی سوپای ئەمریكا خستنەخوارەوەی فڕۆكەكەی پشتڕاستكردەوە و ڕایگەیاند، فڕۆكەیەكمان لە گەرووی هورمز تێكشكێندراوە بەمووشەكی ئێرانییەكان.

ڕاشیگەیاندووە، فڕۆكەكە نەچووەتە نێو سنووری ئێرانەوە، لەسنووری ئاوی نێونەتەوەییدا خراوەتەخوارەوە.

ریکلام

جیهان

تاران: هێشتا لە ڕێككەوتنی ئەتۆمیداین

خەڵك – بەشی هەواڵ

ئێران پابەندبوونی خۆی بە ڕێككەوتنی ئەتۆمی نێوان تاران و وڵاتانی (5+1) دووپاتدەكاتەوە و ڕەتیدەكاتەوە بەتەواوەتی لە ڕێككەوتنەكە كشابێتەوە.

عەباس موسەوی وتەبێژی وەزارەتی دەرەوەی ئێران ڕایگەیاند، لەگەڵ ئەوەی وڵاتەكەی پابەندبوونی بە ڕێككەوتنی ئەتۆمی كەمكردووەتەوە، بەڵام تائێستا لە ڕێككەوتنامەی ئەتۆمیدا ماوە.

هاوكات، ڕەخنەشی لە وڵاتانی ئەوروپا گرت بۆ پابەندنەبوونیان بە ڕێككەوتنەكە و ڕایگەیاند، شكستیان هێناوە لە پاراستنی ڕێككەوتنەكەدا.

لەبارەی هەنگاوەكانی تاران بۆ كەمكردنەوەی پابەندییەكان بە ڕێككەوتنی ئەتۆمییەوە عەباس موسەوی ڕوونیكردەوە، هەنگاوی پێنجەمی كەمكردنەوەی پابەندییەكانی ئێران بە ڕێككەوتننامە ئەتۆمییەكەوە، هەنگاوی كۆتایی دەبێت لە كەمكردنەوەی پابەندییەكانی و یەكێكە لەو هەنگاوانەی كە زۆرترین كاریگەری دەبێت لەسەر ڕێككەوتننامەكە.

وتەبێژی وەزارەتی دەرەوەی ئێران ئەوەشی خستەڕوو، هەنگاوی داهاتوویان و كەمكردنەوەی زیاتری پابەندبوونی وڵاتەكەیان پشتدەبەستێت بە هەنگاوی لایەنەكانی تری ڕێككەوتنەكە بۆ پاراستنی بەرژەوەندییەكانی ئێران.

ك.ج

بەردەوام بە لە خوێندنەوە

جیهان

پۆمپیۆ: بیر لەوەشاندنی گورز لە بنكە ئەتۆمییەكانی ئێران دەكەینەوە

خەڵك – بەشی هەواڵ

وەزيری دەرەوەی ئەمریكا ڕایدەگەیەنێت، وڵاتەكەی بیر لەوەشاندنی گورز لە بنكە ئەتۆمییەكانی ئێران دەكاتەوە.

مایك پۆمپیۆ وەزیری دەرەوەی ئەمریكا سوربوونی وڵاتەكەی لەسەر ڕێگریكردن لە لەبەدەستهێنانی چەكی ئەتۆمی لەلایەن ئێرانەوە دووپاتكردەوە و ڕایگەیاند:”وڵاتەكەی بیر لەوەشاندنی گورز لە بنكە ئەتۆمییەكانی ئێران دەكاتەوە، ئەویش بەئامانجی دەستنەگەیشتنی تاران بەچەكی ئەتۆمی”.

وەزیری دەرەوەی ئەمریكا ئاشكراشیكرد:” دۆناڵد ترەمپ سەرۆكی ئەمریكا هەموو كارێك دەكات بۆ ئەوەی ڕێگری لە ئێران بكات چەكی ئەتۆمیی بەدەستبهێنێت، بیریشمان لەوەكردووەتەوە هێرشبكەینە سەر بنكە ئەتۆمییەكانی ئێران”.

مایك پۆمپیۆ ئەوەشیخستەڕوو:”هەرچەندە ئێران چەندین جار دڵنیاییداوە لەوەی بەنیاز نییە چەكی ئەتۆمی بەدەستبهێنن، بەڵام ئەمریكا پلانی خۆی داناوە بۆ ئەوەی لەو وتانەی بەرپرسانی ئێران دڵنیاببێتەوە”.

ك.ج

بەردەوام بە لە خوێندنەوە

جیهان

ئەردۆغان: هێزمان بۆ لیبیا ڕەوانە نەكردووە

خەڵك- بەشی هەواڵ
سەرۆكی توركیا ڕەتیدەكاتەوە وڵاتەكەی تائێستا هێزەكانی بۆ لیبیا ڕەوانەكردبێت و ئاماژە بە ڕەوانەكردنی ڕاوێژكاران و ڕاهێنەران دەكات.

ئەمڕۆ دوو شەممە، ئاژانسی (ئەنادۆڵ)ی فەرمی توركیا لە زاری ڕەجەب تەیب ئەردۆغان سەرۆكی توركیاوە بڵاویكردەوە”تائێستا وڵاتەكەی هێزی سەربازی بۆ لیبیا ڕەوانە نەكردووە، و تەنیا ڕتوێژكاران و ڕاهێنەرانی ناردووەتە وڵاتەكە، لە حاڵەتی پابەندبوون بە ئاگربەستیش لە لیبیا، دەكرێت ڕێگە بۆ چارەسەرێكی سیاسی لەو وڵاتەدا خۆش ببێت”.

ئەردۆغان ڕەخنەی لە هەڵوێستی فەرماندەى سوپای نیشتمانی لیبیا گرتووە و ڕایگەیاندووە”واژۆنەكردنی بەڵێننامەی ئاگربەست لەلایەن حەفتەرەوە، مانای خۆی هەیە، بەڵام لەگەڵ ئەوەشدا گەر لایەنەكان پابەندی ئاگربەست ببن، ڕێگە بۆ چارەسەری سیاسی لە لیبیادا خۆش دەبێت”.

بە وتەی سەرۆكی توركیا”ئەو هەنگاوەی وڵاتەكەی لەبارەی لیبیاوە گرتوویەتیەبەر، هاوسەنگی لە ڕێڕەوی سیاسیدا دروستكردووە و بەردەوامیش دەبن لە پشتگیریكردنی ئەو ڕێڕەوە لە گۆڕەپانی لیبیا و لەسەر مێزی وتوێژەكان”.

 

أ.ج

بەردەوام بە لە خوێندنەوە

کوردستان