ئێمە لە تۆرە کۆمەڵایەتیەکان

ژینگە

لەماوەی ۳۸ ڕۆژدا ۳۰۰ هەزار هاووڵاتی سەردانی لە بێڵ ماوس و سپیل وەی دوكانیان كردووە

خەڵك – بەشی هەواڵ
بەڕێوەبەرایەتی گەشتوگوزاری دوكان ڕایدەگەیەنێت ، لەماوەی ۳۸ ڕۆژی سەر ڕێژبوونی لە بێڵ ماوسی دوكان كە ۳۸ ی ڕۆژی خایاند ۳۰۰ هەزار هاووڵاتی سەردانی دیمەنی هەڵڕژانی ئاوی دەریاچەی دوكانیان كردوە.

ڕێژین ڕەئوف، بەڕێوەبەری گەشتگوزاری دوكــان لە لێدوانێكی ڕۆژنامەوانیدا ڕایگەیاندووە، لە بەرواری 2-4-2019 تا 10-5-2019 لەكاتی سەر ڕێژبوونی لە بێڵ ماوسەكە، كە ۳۸ ڕۆژی خایاند نزیكەی 60 هەزار ئۆتۆبێل و ۳۰۰ هەزار هاووڵاتی لە ناوچەجیاجیاكەوە سەردانی دیمەنی هەڵڕژانی ئاوی دەریاچەی دوكانیان كردوە.

ڕاشیگەیاندووە، لە مێژووی دروستبوونی بەنداوی دوكـــاندا یەكەمجارە بەو ڕێژە زۆرە هاووڵاتی لەماوەیەكی كەمدا سەردانی دوكـــان بكات، بەو پێیەی دوكــان هەڵكەوتەی جوگرافی جوانی هەیە هەمیشە دیمەنەكانی جوان و سەرەنج ڕاكێشن بەردەوام شاری میوانداریە.

ئاماژەی بۆ ئەوەشكردووە، لەو ماوەیەدا هیچ حاڵەتێكی نەخوازراو ڕوی نەدا.

بەنداوی دوكــان ساڵی 1954 دروستكراوە بۆ یەكەمجار لە ساڵی 1988 سەر ڕێژی كردوە لە بێڵ ماوسەوە، دوای 31 ساڵ جارێكی دیكە دەریاچە، كە سەرڕێژی كردەوە و بەهەزاران هاووڵاتی سەردانی بینینی دیمەنەكانی هەڵڕژانی ئاوی دەریاچەكەیان كردوە.

ژینگە

بەڕێوەبەرایەتییەكی پۆلیس لە سلێمانی داوایەك لە هاووڵاتیان دەكات

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی سلێمانی داوا لە هاووڵاتیان دەكات پارێزگاری لە سروشت و ژینگە بكەن و دەشڵێت: “دوو كەس دەستگیر كراون”.

هێمن كمرخان ئەفندی، بەڕێوەبەڕی ڕاگەیاندن لە بەڕێوەبەرایەتی پۆلیسی دارستان و ژینگەی سلێمانی بۆ (خەڵك) ڕایگەیاند، مەفرەزەیەكی بنكەی پۆلیسی دارستان و ژینگەی تانجەڕۆ سەر بە بەشی سلێمانی لە ئەنجامی گەڕان و پشكنین بۆ پاراستنی ژینگە توانیان (2) هاووڵاتی دەستگیر بكەن، كە بە شێوەیەكی نایاسایی هەستابوون بە دروستكردنی كارگەیەكی فافۆن.

ڕاشیگەیاند، ئەو كارە بۆتە هۆی بڵاوبوونەوەی دووكەڵ و بۆنی ناخۆش و زیانبەخش بۆ ناوچەكە و لە ئێستاشدا پەڕاوی لێكۆڵینەوە كراوەتەوە و ڕادەستی دادوەر كراوە بۆ وەرگرتنی ڕێكاری یاسایی.

هێمن كمرخان داواشی لە سەرجەم هاووڵاتیان كرد، كە پابەندبن بەڕێنمایەكانی پۆلیسی دارستان و ژینگەی سلێمانی و پارێزگاری لە سرووشت و ژینگەی كوردستان بكەن .

بەردەوام بە لە خوێندنەوە

ژینگە

كەشناسی هەرێم: پێشبینی دەكرێت ڕۆژی شەممە سەرەتای باران بارین دەستپێبكات

خەڵك – بەشی هەواڵ

بەڕێوەبەرایەتی كەشناسی و بومەلەرزەزانی هەرێم ڕایدەگەیەنێت، لە ئەنجامی كاریگەری نزمە پاڵەپەستۆی كەنداوی عەرەبی پێشبینی دەكرێت لە ئێوارەی ڕۆژی شەممە سەرەتای باران بارین بە شێوەیەكی پچڕ پچڕ لە ناوچەكانی ڕۆژئاوای هەرێم دەست پێبكات.

بەڕێوەبەرایەتی كەشناسی و بومەلەرزەزانی هەرێم ئاماژەبەوەشدەكات، لە ڕۆژی یەكشەممە لە تەواوی ناوچەكانی هەرێم نمە بارانی پچڕ پچڕ دەبارێت و پلەكانی گەرما لەگەڵ خۆی نزم دەكاتەوە، لە ناوچە شاخاوییە سنوورییەكان باران بارین زیاتر دەبێت پێشبینی دەكرێت لە هەندێ ناوچە لە كاتی باران بارین هەورە تریشقەشی لەگەڵ بێت.

بەڕێوەبەرایەتی كەشناسی و بومەلەرزەزانی هەرێم ئەوەش دەخاتەڕوو، ڕۆژی دووشەممە ئاسمانی هەرێم نیمچە هەور دەبێت وە كاریگەری باران بارین كەم دەبێت.

بەردەوام بە لە خوێندنەوە

ژینگە

شەپۆلێكی باران سەرجەم عیراق و هەرێم دەگرێتەوە

خەڵك- بەشی هەواڵ
بەپێی پێشبینییە كەشناسییەكان لە هەفتەی داهاتووەوە پلەكانی گەرما ڕوو لە نزمبوونەوە دەكەن و شەپۆلێكی باران بارین سەرجەم عیراق و هەرێم دەگرێتەوە.

سادق عەتیە، شارەزای كەشناسی عیراقی لە هەژماری خۆی لە فەیسبووك ئاماژەی بەوەكرد، كە لە ناوەڕاستی هەفتەی داهاتووەوە بەشێوەیەكی پلەبەندی پلەكانی گەرما دادەبەزن و لە هەرێمی كوردستان و ناوچەكانی ناوەڕاست بەشەو كەشوهەوا سارد دەبێت.

ڕاشیگەیاندووە، هەر لە هەفتەی داهاتوودا پێشوازی لە یەكەم شەپۆلی بارانی سەرتاسەری دەكەین، كە سەرجەم ناوچەكانی وڵات بە هەرێمی كوردستانیشەوە دەگرێتەوە.

جەختیشی كردۆتەوە، لە ناوچە جیاوازەكان باران بە بڕی جیاواز دەبارێت.

بەردەوام بە لە خوێندنەوە

کوردستان