ئێمە لە تۆرە کۆمەڵایەتیەکان

ژینگە

لەشارباژێڕ 3 كەس لەسەر داربڕین و خەڵوزكردن دەستگیر كران

خەڵك- بەشی هەواڵ
لە سنووری ناوچەی شارباژێڕ لە پارێزگای سلێمانی 3 كەس لەسەر داربڕین و خەڵوزكردن دەستگیر كران و ڕەوانەی بەردەم دادوەر كراون.

بەڕێوەبەرایەتی پۆلیسی دارستان و ژینگەی سلێمانی لە ڕاگەیەندراوێكدا، كە وێنەی بۆ (خەڵك) ناردووە، ئاماژەی بەوەكردووە، بڕینەوەی زۆرێك لەدار و درەختەكان، كە جێگەی حەوانەوەی زیندەوەرانە و سەرچاوەی بەشێكی ژیانی تریانە، باڵندەكان تووشی كۆچی ناچاری دەكات، بۆیە هێزەكانیان دەرچوونەكانیان چڕكردۆتەوە و هەوڵەكانیان بۆ دەستگیركردنی سەرپێچیكاران بەردەوامە.

ئاشكراشی كردووە، لەئەنجامی دەرچوونی مەفرەزەیەكی بنكەی پۆلیسی دارستان و ژینگەی گاپیڵۆن بۆ سنوری گوندی مالومە و شاخی قولێ توانیان (2) سەرپێچیكار دەستگیر بكەن، كە سەرقاڵی بڕینی داری دارستانەكان بوون و هاوكات توانرا دەست بگیرێت بەسەر (1) پیكاب داری تەڕ و (1) مشاری كارەباییدا.

ڕاشیگەیاندووە، لەئەنجامی دەرچوونی مەفرەزەیەكی بەشی پۆلیسی دارستان و ژینگەی شارباژێڕ بۆ گوندی (چنارەی شێخ لەتیف) توانیان هاووڵاتیەك دەستگیر بكەن، كە سەرقاڵی خەڵوز كردن بوو بەشێوەیەكی نایاسایی، هاوكات توانرا چەند كورەیەكی خەڵوز تێكبدرێن .

جەختیشی كردۆتەوە، پەڕاوی لێكۆڵینەوە كراوەتەوە و تۆمەتباران ڕادەستی دادوەر كراون بۆ وەرگرتنی ڕێكاری یاسایی.

ژینگە

حوزەیرانی ڕابردوو گەرمترین مانگی سەدە و نیوێكە

خەڵك –بەشی هەواڵ

بەپێی ڕاپۆرتێكی كەشوهەواری جیهانی كە ئیدارەی نیشتمانی ئەمریكا بۆ كەشوهەوا بڵاویكردووەتەوە، مانگی حوزەیرانی ڕابردوو گەرمترین مانگ بووە لە ماوەی 140 ساڵی ڕابردوودا.

بەپێی ڕاپۆرتەكە، پلەی گەرمی لە مانگی حوزەیراندا 1.71 زیادیكردووە بەپێی تۆماری پلەكانی گەرمی لە سەدەی بیست و كە زۆرترین تێیدا 59.9 پلەبووە.

ئاماژەی بەوەشكرد ئەوروپا و ئاسیا و ئەفریقا و ناوچەی هاوای و كەنداوی مەكسیك لە گەرمترین ناوچەكان بوون لە مانگی ڕابردوودا.

هەروەها پلەكانی گەرما لە فەڕەنسا و ئەڵمانیا و باكوری ئیسپانیا بەرزبوونەوە و 18 پلەچووە سەرووی پلەی ئاساییەوە و لە فەڕەنسا پلەی گەرمی گەیشتە 46 پلەی سەدی.

بەردەوام بە لە خوێندنەوە

ژینگە

بە وێنە.. ئاگر لە قەرەداغ كەوتەوە

خەڵك- بەشی هەواڵ

لە سنوری شارۆچكەی قەرەداغ ئاگر كەوتووەتەوە و تائێستا 3 دۆنم پوش و پاوان سوتاون.

پۆلیسی دارستان و ژینگەی سلێمانی لە ڕاگەیەندراوێكدا ئاماژەی بەوەكردووە، لەئێستادا مەفرەزەكانی پۆلیسی دارستان بەبێ هیچ كەرەستەیەكی پێویست سەرقاڵی كوژانەوەی ئاگرەكەن.

هەر لە ڕاگەیەندراوەكەدا نوسراوە، كە تائێستا 3 دۆنم پوش و پاوان سوتاون.

بەردەوام بە لە خوێندنەوە

ژینگە

لە سیتەك و هەواری شار (15) دۆنم پووش و پاوان سووتان

خەڵك- بەشی هەواڵ
بەهۆكاری ئاگركەوتنەوە لەسنوری سیتەك و هەواری شار (15) دۆنم پووش و پاوان سووتان، هاوكات پۆلیسی دارستان و ژینگەی سلێمانی دەڵێت: “توانرا هاووڵاتیەك دەستگیر بكەن، كە تۆمەتبارە بەهۆكاری كەوتنەوەی ئاگرەكە” .

عمیدی پۆلیس، هێمن كمرخان ئەفندی، بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، لە سنوری گوندی (بناویلە) ی سەر بە سیتەك ئاگرێك كەوتەوە، كە بووە هۆی سووتانی نزیكەی (٧) دۆنم لە پووش و پاوان و داری سروشتی ناوچەكە، دەستبەجێ مەفرەزەكانی بنكەی پۆلیسی دارستانی سیتەك گەیشتنە شوێنی مەبەست و دوای هەوڵ و ماندووبونێكی زۆر توانیان ئاگرەكە كۆنتڕۆڵ بكەن.

وتیشی، “توانرا هاووڵاتیەك دەستگیر بكەن، كە تۆمەتبارە بە هۆكاری كەوتنەوەی ئاگرەكە”.

ئاشكراشی كرد، لە لایەكی ترەوە بەهۆكاری شۆرتی كارەبا لە هەواری شار ئاگرێكی بەرفراوان كەوتەوە و دەستبەجێ مەفرەزەكانی بنكەی پۆلیسی دارستان و ژینگەی هەواری شار گەیشتنە شوێنی ڕووداوەكە و بەهاوكاری بەرگری شارستانی توانرا لەماوەیەكی كەمدا ئاگرەكە كۆنتڕۆڵ بكرێت.

ڕاشیگەیاند، زیانی ئاگرەكە سووتانی (8) دۆنم پووش و پاوان بووە و هەروەها (500) دار سنەوبەر زیانیان پێگەیشتووە.

بەردەوام بە لە خوێندنەوە

کوردستان