ئێمە لە تۆرە کۆمەڵایەتیەکان

جیهانی

(ئینریکی وازیهێنا) یه‌کێتی تۆپی پێی ئیسپانیا مۆرینۆی وه‌ک ڕاهێنه‌ری نوێی “لارۆخا” دیاری کرد !

خه‌ڵک سپۆرت

لویس ئینریکی ڕاهێنه‌ری ناودار بڕیاریدا ده‌ستبه‌رداری‌ پۆستی ڕاهێنه‌ری هه‌ڵبژارده‌ی ئیسپانیا بێت و یه‌کێتی تۆپی پێی وڵاته‌که‌ش به‌فه‌رمی ڕۆبێرت مۆرینۆی له‌جێگه‌ی ڕاسپارد.

ئه‌مڕۆ له‌ کۆنگره‌یه‌کی ڕۆژنامه‌وانیدا لویس ڕوبیالیس به‌شێوه‌یه‌کی کتوپڕ بڕیاری وازهێنانی لویس ئینریکی له‌پۆستی ڕاهێنه‌ری هه‌ڵبژارده‌ی ئیسپانیا ئاشکرا کرد، وه‌ک شوێنگره‌وه‌ش ڕۆبێرت مۆرینیۆی یاریده‌ده‌ریان به‌شێوه‌یه‌کی یه‌کجاره‌کی وه‌ک ڕاهێنه‌ری سه‌ره‌کی ڕاسپارد.

له‌ کۆتا سێ ڕووبه‌ڕوبونه‌وه‌ی هه‌ڵبژارده‌ی ماتادۆره‌کاندا لویس ئینریکی به‌هۆی کێشه‌ تایبه‌تیه‌کانیه‌وه‌ (کێشه‌ی خێزانی) نه‌یتوانی له‌نێو یاریگا له‌گه‌ڵ پێکهاته‌که‌یدا ئاماده‌ بێت، له‌جێگه‌ی ڕۆبێرت مۆرینۆی یاریده‌ده‌ری ئه‌رکی ڕاهێنه‌ری سه‌ره‌کی گرتۆته‌ ئه‌ستۆ و له‌هه‌ر سێ یارییه‌که‌شدا براوه‌ بووه‌.

ڕوبیالیس له‌باره‌ی بڕیاره‌ کتوپڕه‌که‌وه،‌ ڕایگه‌یاند :” ئینریکی به‌هۆی کێشه‌ی تایبه‌تیه‌وه‌ چیتر نه‌یتوانی له‌گه‌ڵماندا به‌رده‌وام بێت، هیوامان ده‌خواست به‌رده‌وام بوایه‌، به‌ڵام ئێمه‌ ناتوانین له‌ بڕیاره‌که‌ی په‌شیمانی بکه‌ینه‌وه‌، له‌گه‌ڵ ئه‌وه‌شدا ده‌مانه‌وێت پێی ڕابگه‌یه‌نین که‌ هه‌میشه‌ ده‌رگای هه‌ڵبژارده‌که‌ به‌ڕوویدا کراوه‌ ده‌بێت”.

مۆرینۆ ڕاهێنه‌رێکی که‌ته‌لۆنیه‌ و له‌ساڵی ٢٠١١ وه‌ک یاریده‌ده‌ری لویس ئینریکی له‌ یانه‌ی ڕۆما ده‌ستبه‌کار بوو، دواتر له‌گه‌ڵ هه‌مان ڕاهێنه‌ر و وه‌ک یاریده‌ده‌ر به‌ یانه‌کانی سێلتا ڤیگۆ و به‌رشلۆنه‌ و دووباره‌ سێلتا ڤیگۆ و پاشان هه‌ڵبژارده‌ی ئیسپانیا گوزه‌ری کردووه‌، له‌ئێستاشدا ڕوبیالیس و هاوه‌ڵانی له‌ یه‌کێتی تۆپی پێی ئیسپانیا له‌سه‌ر ڕاسپارده‌ی لویس ئینریکی و یاریزانه‌ ناوداره‌کانی هه‌ڵبژارده‌ی “لارۆخا” پۆستی ڕاهێنه‌ری هه‌ڵبژارده‌که‌یان پێبه‌خشیوه‌، چاوه‌ڕوان ده‌کرێت به‌رده‌وامی به‌ هه‌مان پلان و ستراتیجی ئینریکی بدات.

جیهانی

به‌رشلۆنه‌ بۆ گواستنه‌وه‌ی نایمار بۆندی سه‌ره‌تایی پێشکه‌ش کردووه‌ و پاریس پێداگری ده‌کات !

خه‌ڵک سپۆرت

نوێنه‌رانی یانه‌ی به‌رشلۆنه‌ هه‌وڵه‌ سه‌ره‌تاییه‌کانیان بۆ گه‌ڕاندنه‌وه‌ی نایمار دا سیلڤای به‌رازیلی ده‌ست پێکردووه‌ و یانه‌ی پاریس سانت جێرمانیش یه‌که‌مین ئۆفه‌ری پێشکه‌شکراوی ڕه‌ت کردۆته‌وه‌.

ڕۆژنامه‌ی “لیکیپ”ی فه‌ره‌نسی له‌زاری سه‌رچاوه‌ ناوخۆییه‌کانی یانه‌ی پاریس سانت جێرمانه‌وه‌ ئاشکرای کردووه‌، نوێنه‌رانی یانه‌ی به‌رشلۆنه‌ به‌سه‌رپه‌رشتی جوسێپ ماریا بارتومیۆی سه‌رۆکی یانه‌ هه‌وڵه‌کانیان بۆ گه‌ڕاندنه‌وه‌ی نایمار دا سیلڤا ده‌ست پێکردووه‌، یه‌که‌م ئۆفه‌ریشیان به‌شێوه‌ی زاره‌کی بریتی بووه‌ له‌ پێشکه‌شکردنی هه‌ریه‌ک له‌ فیلیپی کۆتینیۆ و عوسمان دیمبیلی و بڕی ٤٠ ملیۆن یورۆ به‌رامبه‌ر به‌ ئه‌ستێره‌که‌ی پاریس.

به‌پێی سه‌رچاوه‌که‌، ئه‌م ئۆفه‌ره‌ له‌لایه‌ن ناسڕ خلێفی و لیۆناردۆوه‌ ڕه‌تکراوه‌ته‌وه‌، به‌ڵکو داوایان کردووه‌ گواستنه‌وه‌که‌ به‌شێوه‌ی کاش ئه‌نجام بدرێت و داوای بڕی (٣٠٠ ملیۆن یورۆ)یان کردووه‌، به‌هه‌موو شێوه‌یه‌کیش ڕه‌تیان کردۆته‌وه‌ بۆنده‌که‌ به‌شێوه‌ی ئاڵوگۆڕ ئیمزا بکه‌ن.

له‌لایه‌کی تره‌وه‌ تۆڕی “سکای سپۆرت” ئاشکرای کردووه‌، که‌ له‌دوای گه‌ڕانه‌وه‌ی نایمار بۆ پاریس کۆبونه‌وه‌ی له‌گه‌ڵ نوێنه‌رانی یانه‌ فه‌ره‌نسیه‌که‌ ئه‌نجامداوه‌ و به‌ ئاشکرا حه‌زی خۆی بۆ گه‌ڕانه‌وه‌ ڕووه‌و به‌رشلۆنه‌ پێڕاگه‌یاندوون، نوێنه‌رانی یانه‌ش ڕه‌زامه‌ندیان له‌سه‌ر داواکاریه‌که‌ی نیشانداوه‌ به‌و مه‌رجه‌ی هه‌مان نرخی گواستنه‌وه‌ی له‌لایه‌ن یانه‌ ئیسپانیه‌که‌وه‌ پێشکه‌ش بکرێت.

بەردەوام بە لە خوێندنەوە

جیهانی

تۆتنهام ده‌رگای بۆ گاریس به‌یل کرده‌وه‌ و ڕیاڵ مه‌درید تاوتوێی یه‌که‌م بۆندی پێشکه‌شکراو ده‌کات

خه‌ڵک سپۆرت

یانه‌ی تۆتنهامی ئینگلیزی ده‌رگای گه‌ڕانه‌وه‌ی به‌ڕووی گاریس به‌یلی وێڵزی ئه‌ستێره‌ی یانه‌ی ڕیاڵ مه‌دریددا کردۆته‌وه‌ و مه‌رجیان بۆ یانه‌ی شاهانه‌ و خودی یاریزانه‌که‌ش داناوه‌.

ڕۆژنامه‌کانی “مارکا و ئاس”ی ئیسپانی ئاشکرایان کردووه‌، له‌چه‌ند ڕۆژی ڕابردوودا نێردراوی یانه‌ی تۆتنهام له‌ مه‌درید مه‌به‌سه‌تی گفتوگۆکردن بۆ گواستنه‌وه‌ی گاریس به‌یل په‌یوه‌ندی له‌گه‌ڵ ئیداره‌ی یانه‌ی شاهانه‌ به‌ستووه‌، وه‌ک سه‌ره‌تایه‌ک ئۆفه‌ریان به‌بڕی ٦٠ ملیۆن یورۆی خستۆته‌ سه‌ر مێزی گفتوگۆکان.

ئیداره‌ی یانه‌ی شاهانه‌ به‌رامبه‌ر گواستنه‌وه‌ی به‌یل داوای بڕی ١٠٠ ملیۆن ده‌کات، ئه‌و نرخه‌ش له‌حاڵی ئه‌نجامدانی گفتوگۆی چڕوپڕ و درێژخایه‌ندا که‌م ده‌بێته‌وه‌، بۆیه‌ وه‌ڵامیان بۆ ئۆفه‌ره‌که‌ی تۆتنهام گه‌شبینی پێوه‌ دیاربووه‌‌ و‌ ئاماده‌ییان نیشانداوه‌ گفتوگۆکان بگه‌یه‌ننه‌ ئاستێکی باڵاتر.

به‌پێی سه‌رچاوه‌کان، ئیداریه‌کانی تۆتنهام ده‌یانه‌وێت به‌ که‌متر له‌ نرخی ڕاسته‌قینه‌ یاریزانه‌که‌ بگوێزنه‌وه‌ بۆ ڕیزه‌کانیان، چونکه‌ متمانه‌یان به‌ ئاستی شه‌مه‌ندۆفێره‌که‌ نییه‌ که‌ ئایا وه‌ک پێشوو ده‌توانێت به‌رده‌وام بێت یان نا، هه‌روه‌ها مه‌رجیشیان بۆ خودی یاریزانه‌که‌ که‌مکردنه‌وه‌ی موچه‌که‌ی بووه‌ به‌شێوه‌یه‌ک که‌ له‌گه‌ڵ سه‌قفی موچه‌ی یاریزانانی یانه‌ ئینگلیزیه‌که‌دا بگونجێت.

بەردەوام بە لە خوێندنەوە

جیهانی

بایرن میونشن ده‌ستبه‌رداری “گه‌وهه‌ره‌که‌” نابێت و ڕۆمه‌نیگه‌ ده‌رگاکان به‌ کراوه‌یی به‌جێده‌هێڵێت !

خه‌ڵک سپۆرت

سه‌رۆکایه‌تی یانه‌ی بایرن میونشنی ئه‌ڵمانی له‌هه‌وڵه‌کانیان بۆ دابینکردنی باڵێکی هیرشبه‌ری به‌توانا به‌رده‌وامن و به‌ڕێوه‌به‌ری یانه‌ ده‌رگاکان به‌ کراوه‌یی به‌جێده‌هێڵێت.

کارڵ هاینز ڕۆمه‌نیگه‌ به‌ڕێوه‌به‌ری وه‌رزشیی بایرن، له‌ چاوپێکه‌وتنێکدا به‌ ڕۆژنامه‌ی “بێلد سپۆرت”ی ڕاگه‌یاندووه‌ :” ئێمه‌ له‌ بازاڕی گواستنه‌وه‌کاندا به‌رده‌وام کارده‌که‌ین، هێشتا پێویستمان به‌ باڵێکی هێرشبه‌رییه‌، بازاڕه‌که‌ش کۆتایی نه‌هاتووه‌، به‌ دڵنیاییه‌وه‌ کاتێک وه‌رزی نوێی ئه‌ڵمانیا ده‌ست پێده‌کات پێکهاته‌یه‌کی به‌هێز و ئاماده‌مان ده‌بێت، ئاماده‌ ده‌بین بۆ کارکردن”.

سه‌رچاوه‌که‌ دووپاتی ده‌کاته‌وه‌، مه‌به‌ست له‌ لێدوانه‌کانی ڕۆمه‌نیگه‌ گواستنه‌وه‌ی لیرۆی سانێی گه‌وهه‌ری ئه‌ڵمانی یانه‌ی مانچسته‌ر سیتیه،‌ که‌ یانه‌ ئینگلیزیه‌که‌ی ئاماده‌نییه‌ به‌ که‌متر له‌ ٩٠ ملیۆن یورۆ ده‌ستبه‌رداری بێت.

لیرۆی سانێ له‌ هاوینی ٢٠١٩ چه‌ند جارێک به‌ یانه‌ ئه‌ڵمانیه‌ زه‌به‌لاحه‌که‌وه‌ به‌سترایه‌وه‌، به‌ڵام میدیاکانی ئینگلته‌را پێیان وایه‌ گواردیۆلا ده‌ستبه‌رداری نابێت و دڵنیایه‌ له‌ به‌رده‌وامبونی، له‌ کاتێکدا نوێنه‌رانی باڤاری له‌هه‌وڵدان نرخه‌که‌ی بۆ ٧٠ ملیۆن که‌م بکه‌نه‌وه‌.

بەردەوام بە لە خوێندنەوە

کوردستان