ئێمە لە تۆرە کۆمەڵایەتیەکان

جیهانی

(ئینریکی وازیهێنا) یه‌کێتی تۆپی پێی ئیسپانیا مۆرینۆی وه‌ک ڕاهێنه‌ری نوێی “لارۆخا” دیاری کرد !

خه‌ڵک سپۆرت

لویس ئینریکی ڕاهێنه‌ری ناودار بڕیاریدا ده‌ستبه‌رداری‌ پۆستی ڕاهێنه‌ری هه‌ڵبژارده‌ی ئیسپانیا بێت و یه‌کێتی تۆپی پێی وڵاته‌که‌ش به‌فه‌رمی ڕۆبێرت مۆرینۆی له‌جێگه‌ی ڕاسپارد.

ئه‌مڕۆ له‌ کۆنگره‌یه‌کی ڕۆژنامه‌وانیدا لویس ڕوبیالیس به‌شێوه‌یه‌کی کتوپڕ بڕیاری وازهێنانی لویس ئینریکی له‌پۆستی ڕاهێنه‌ری هه‌ڵبژارده‌ی ئیسپانیا ئاشکرا کرد، وه‌ک شوێنگره‌وه‌ش ڕۆبێرت مۆرینیۆی یاریده‌ده‌ریان به‌شێوه‌یه‌کی یه‌کجاره‌کی وه‌ک ڕاهێنه‌ری سه‌ره‌کی ڕاسپارد.

له‌ کۆتا سێ ڕووبه‌ڕوبونه‌وه‌ی هه‌ڵبژارده‌ی ماتادۆره‌کاندا لویس ئینریکی به‌هۆی کێشه‌ تایبه‌تیه‌کانیه‌وه‌ (کێشه‌ی خێزانی) نه‌یتوانی له‌نێو یاریگا له‌گه‌ڵ پێکهاته‌که‌یدا ئاماده‌ بێت، له‌جێگه‌ی ڕۆبێرت مۆرینۆی یاریده‌ده‌ری ئه‌رکی ڕاهێنه‌ری سه‌ره‌کی گرتۆته‌ ئه‌ستۆ و له‌هه‌ر سێ یارییه‌که‌شدا براوه‌ بووه‌.

ڕوبیالیس له‌باره‌ی بڕیاره‌ کتوپڕه‌که‌وه،‌ ڕایگه‌یاند :” ئینریکی به‌هۆی کێشه‌ی تایبه‌تیه‌وه‌ چیتر نه‌یتوانی له‌گه‌ڵماندا به‌رده‌وام بێت، هیوامان ده‌خواست به‌رده‌وام بوایه‌، به‌ڵام ئێمه‌ ناتوانین له‌ بڕیاره‌که‌ی په‌شیمانی بکه‌ینه‌وه‌، له‌گه‌ڵ ئه‌وه‌شدا ده‌مانه‌وێت پێی ڕابگه‌یه‌نین که‌ هه‌میشه‌ ده‌رگای هه‌ڵبژارده‌که‌ به‌ڕوویدا کراوه‌ ده‌بێت”.

مۆرینۆ ڕاهێنه‌رێکی که‌ته‌لۆنیه‌ و له‌ساڵی ٢٠١١ وه‌ک یاریده‌ده‌ری لویس ئینریکی له‌ یانه‌ی ڕۆما ده‌ستبه‌کار بوو، دواتر له‌گه‌ڵ هه‌مان ڕاهێنه‌ر و وه‌ک یاریده‌ده‌ر به‌ یانه‌کانی سێلتا ڤیگۆ و به‌رشلۆنه‌ و دووباره‌ سێلتا ڤیگۆ و پاشان هه‌ڵبژارده‌ی ئیسپانیا گوزه‌ری کردووه‌، له‌ئێستاشدا ڕوبیالیس و هاوه‌ڵانی له‌ یه‌کێتی تۆپی پێی ئیسپانیا له‌سه‌ر ڕاسپارده‌ی لویس ئینریکی و یاریزانه‌ ناوداره‌کانی هه‌ڵبژارده‌ی “لارۆخا” پۆستی ڕاهێنه‌ری هه‌ڵبژارده‌که‌یان پێبه‌خشیوه‌، چاوه‌ڕوان ده‌کرێت به‌رده‌وامی به‌ هه‌مان پلان و ستراتیجی ئینریکی بدات.

جیهانی

ناکۆکی نێوان سەرۆکایەتی ڕیاڵ مەدرید و زێدان قورستر بووە و ئەگەری موفاجەئەی گەورە هەیە !

خەڵک سپۆرت

ئیدارەی یانەی ڕیاڵ مەدریدی ئیسپانی ئامادەنین لە گواستنەوەکانی زستانە و هاوینەی داهاتودا داواکاریەکی زینەدین زێدان جێبەجێ بکەن، ئەوەش ناکۆکی قورسی لەنێوان ڕاهێنەرەکە و سەرۆکایەتی یانە دروست کردووە.

ڕۆژنامەی “مارکا”ی ئیسپانی ئاشکرای کردووە، زینەدین زێدان لە کۆتا کۆبونەوەی کارگێڕیدا سوربوونی خۆی لەسەر گواستنەوەی پۆل پۆگبای هاونیشتیمانی نیشانداوە و دووپاتی کردۆتەوە، بەهیچکام لە بۆندە شوێنگرەوەکانی لەنمونەی کریستیان ئیریکسنی ئەستێرەی تۆتنهام و ڤان دی بێکی هۆڵەندی ئەستێرەی لاوی یانەی ئەیاکس ئەمستەردام قایل نابێت، لەبەرامبەردا فلۆرنتینۆ پێرێز ڕایگەیاندووە، کە کڕینی پۆگبا لەئێستادا مەحاڵە و یانەکەیان ناتوانێت بڕی ١٧ ملیۆن پاوەند موچەی ساڵانەی بۆ دابین بکات، هەروەها ئەنجومەنی ئیدارەی یانە بەگشتی دەنگیان بە گواستنەوەکە نەداوە و پێیان وابووە پۆگبا یاریزانێکی خەمساردە و بەو شێوە بیرکردنەوەیە هیچ سودێک بە یانەکەیان ناگەیەنێت.

ڕۆژنامەنوسە بەشدارەکانی بەرنامەی “تێلی فوت”ی فەرەنسی لەم بارەیەوە گفتوگۆیەکی چڕوپڕیان ئەنجامداوە، زۆرینەیان کۆکبوون لەسەر ئەوەی لەم بارودۆخەدا زێدان لەڕیزەکانی شاهانە بەردەوام نابێت و لە کۆتایی قۆناغی زستانەی خولە ناوخۆییەکانی ئەوروپا، یاخود کۆتایی وەرز دووبارە دەست لەکارکێشانەوە پێشکەش سەرۆکایەتی ڕیاڵ مەدرید دەکات.

تێلی فوت ئاماژەی کردووە، سەبارەت بەوازهێنانی “زیزۆ” پێرێز ئامادەکاری کردووە و لەگەڵ هاوەڵانی چاویان بڕیوەتە جوزێ مۆرینیۆی پورتوگالی و سەرۆکی ناوبراو پێی وایە، ڕاهێنەرە سپێشەڵەکە تاکە ڕاهێنەرە بتوانێت پێکهاتەی یانەکەی بگەڕێنێتەوە سەر ڕێڕەوی چنینەوەی نازناوەکان، بۆ ئەم مەبەستەش ڕەزامەندی پورتوگالیە ناودارەکەی بەدەستهێناوە و چاوەڕوانی بڕیاری کۆتایی ڕاهێنەرە فەرەنسیەکە دەکات بۆ ئیمزاکردنی بۆندی موفاجەئەکان.

بەردەوام بە لە خوێندنەوە

جیهانی

خشتە و کاتی یارییەکانی ئەمڕۆی خولە ناوخۆییەکانی ئەوروپا (یەک شەممە)

خەڵک سپۆرت

ئەمڕۆ خولە ناوخۆییەکانی ئەوروپا لە ئینگلتەرا و فەرەنسا و ئیتاڵیا و ئەڵمانیا و ئیسپانیا بەردەوامیان دەبێت و چەندین یاریی بەهێز ئەنجام دەدرێن، گرنگترینیان ئەمانەن:

خولی ئینگلیزی

مانچستەر یونایتد – لیڤەرپوڵ (٦:٣٠)

خولی ئیسپانیا

دیپۆرتیڤۆ ئالاڤێس – سێلتا ڤیگۆ (١:٠٠)

ڕیاڵ سۆسیداد – ڕیاڵ بیتیس (٣:٠٠)

ئیسپانیۆل – ڤیاڕیاڵ (٥:٠٠)

ئەتلەتیک بلباو – ڤەلەد وەلید (٧:٣٠)

سڤیلیە – لیڤانتی (١٠:٠٠)

خولی ئیتاڵیا

ساسولۆ – ئینتەرمیلان (١:٣٠)

ئودینێزی – تۆرینۆ (٤:٠٠)

سامپدۆریا – ڕۆما (٤:٠٠)

کالیەری – سپال (٤:٠٠)

پارما – جێنەوا (٧:٠٠)

میلان – لیچی (٩:٤٥)

خولی ئەڵمانیا

کولن – پادێربۆرن (٤:٣٠)

هۆفنهایم – شالکە (٧:٠٠)

خولی فەرەنسا

بۆردۆ – سانت ئیتیان (٤:٠٠)

مۆناکۆ – ستاد ڕین (٦:٠٠)

مارسیلیا – ستراسبۆرگ (١٠:٠٠)

بەردەوام بە لە خوێندنەوە

جیهانی

کریستیانۆ پادشای تۆڕە کۆمەڵایەتیەکانە و پارەی خەیاڵی لە ئینستاگرامەوە بەدەست دەهێنێت !

خەڵک سپۆرت

کریستیانۆ ڕۆناڵدۆی پورتوگالی ئەستێرەی یانەی یوڤانتۆس لە تۆڕە کۆمەڵایەتیەکانەوە پارەی خەیاڵی بەدەست دەهێنێت کە لە موچەی یانەکەی زیاترە.

تۆڕی “باز بینگۆ” لێکۆڵینەوەیەکی بە داتا و ژمارە ئەنجامداوە و ئاشکرای کردووە، دۆنی پورتوگال لەنێو سەرجەم وەرزشکاران و ناودارانی جیهاندا لەڕووی داراییەوە پلەی یەکەمی بەدەستهێناوە و زیاتر لە هەمووان پارە لە تۆڕی کۆمەڵایەتی ئینستاگرامەوە بەدەست دەهێنێت و ئەوەی بەدەستی دەهێنێت (١٢) ملیۆن لە موچەی ئاسایی خۆی لە یانەی یوڤانتۆس زیاترە.

بەپێی داتا بەدەستهاتووەکان، کریستیانۆ بۆ هەر پۆستێک لە ئینستاگرام بڕی ٨٧٠ هەزار یورۆ دەخرێتە سەر هەژمارەکەی، کۆی گشتی ئەو پارەیەش کە بەپێی ڕێژەی پۆستەکانی کۆی دەکاتەوە لە ساڵێکدا (٤٧.٨ ملیۆن یورۆ)یە، ڕاستەوخۆ لەپلەی دووەم بەدوایدا لیۆ مێسی ئەفسانەی زیندوی یانەی بەرشلۆنە دێت کە ڕێژەی دەستکەوتی ساڵانەی (٢٣.٣ ملیۆن یورۆ)یە ، پلەی سێیەمیش بۆ کینداڵ جینەری ئەندامی خێزانی کارداشیانی ناوداری ئەمریکایە.

بەشێوەیەکی گشتی کریستیانۆ توانیویەتی لەسەرجەم ڕیزبەندیەکاندا پلەی یەکەم بەدەست بهێنێت، واتا لەسەر ئاستی ناوداران و وەرزشکاران و سەرجەم پێگەکانی تردا لە لوتکەدا بووە، ئەمەش ئەو داتایانەن کە (باز بینگۆ) ئاشکرای کردوون:

ڕیزبەندی وەرزشکاران بەپێی داهات لە ئینستاگرام

ڕیزبەندی ناوداران بەپێی داهات لە ئینستاگرام

بەردەوام بە لە خوێندنەوە

کوردستان