ئێمە لە تۆرە کۆمەڵایەتیەکان

جیهانی

نایمار ناگه‌ڕێته‌وه‌ بۆ پاریس، خلێفی داوای “بۆندی خه‌یاڵ” له‌ بارسا ده‌کات و پێرێز چاوه‌ڕێیه‌

خه‌ڵک سپۆرت

نایمار دا سیلڤای به‌رازیلی ئه‌ستێره‌ی یانه‌ی پاریس سانت جێرمان بڕیاریداوه‌ نه‌گه‌ڕێته‌وه‌ بۆ یانه‌ فه‌ره‌نسیه‌که‌ و  یانه‌کانی به‌رشلۆنه‌ و ڕیاڵ مه‌درید ده‌یانه‌وێت هه‌له‌که‌ بقۆزنه‌وه‌.

ڕۆژنامه‌ی “موندۆ دیپۆرتیڤۆ”ی که‌ته‌لۆنی له‌زاری سه‌رچاوه‌ ناوخۆییه‌کانی یانه‌ی پاریس سانت جێرمانه‌وه‌ ئاشکرای کردووه‌، له‌کۆتا په‌یوه‌ندی نێوان ناسڕ خلێفی خاوه‌نی “پی ئێس جی” و نایمار دا سیلڤا، یاریزانه‌که‌ی سیلیساو ڕایگه‌یاندووه‌ که‌ نایه‌وێت چیتر بگه‌ڕێته‌وه‌ بۆ فه‌ره‌نسا و خه‌ون ده‌بینێت دووباره‌ په‌یوه‌ندی به‌ یانه‌ی به‌رشلۆنه‌وه‌ بکاته‌وه‌.

سه‌رچاوه‌ ئیسپانیه‌کان ئاماژه‌یان کردووه‌، گواستنه‌وه‌ی نایمار بۆ هه‌ر یانه‌یه‌کی تر ئاسان نییه‌، به‌ڵکو خلێفی به‌توڕه‌ییه‌وه‌ داوای بڕی (٣٠٠) ملیۆن یورۆ به‌رامبه‌ر گواستنه‌وه‌ی ده‌کات، له‌به‌رامبه‌ردا ئیداره‌ی یانه‌ی به‌رشلۆنه‌ هه‌وڵده‌ده‌ن ناوه‌کانی عوسمان دیمبیلی و فیلیپی کۆتینیپۆ تێهه‌ڵکێشی گواستنه‌وه‌ مێژوویه‌که‌ بکه‌ن.

له‌لایه‌کی تره‌وه‌ ڕۆژنامه‌ی “لو باریزیان”ی فه‌ره‌نسی دووپاتی کردۆته‌وه‌، گواستنه‌وه‌ی “نێی” بۆ بارسا به‌خواستی خۆی نییه‌ و مسۆگه‌ریش نییه‌، به‌ڵکو ئه‌گه‌ر زۆره‌ ناسڕ خلێفی له‌وه‌ڵامی هه‌ڵوێسته‌کانی نایمار و ئیداره‌ی یانه‌ی به‌رشلۆنه‌دا یاریزانه‌که‌ ئاڕاسته‌ی یانه‌ی ڕیاڵ مه‌درید بکات، که‌ به‌هه‌مان شێوه‌ داواکاری تواناکانین، به‌ڵکو په‌یوه‌ندی نێوان ئیداره‌کانی پاریس و ڕیاڵ توندوتۆڵتره‌ و به‌دوور نازانرێت فلۆرنتینۆ پێرێزی سه‌رۆکی یانه‌ی شاهانه‌ هه‌له‌که‌ بقۆزێته‌وه‌.

جیهانی

(بەوێنە) سەرباری سزاکانی یوفا، یاریزانانی مانچستەر سیتی بە زەردەخەنەوە دەرکەوتن

خەڵک سپۆرت

سەرباری ئەوەی یەکێتی تۆپی پێی ئەوروپا سزای دوو ساڵ سڕکردنی لە خولە ئەوروپیەکان بەسەردا سەپاندن، یاریزانانی یانەی مانچستەر سیتی بە ورەیەکی پۆڵایین و ڕوویەکی گەشەوە لە مەشقە ئامادەکارییەکانی ڕۆژی سێ شەممەی ڕابردوودا دەرکەوتن.

ئەمەش دوای ئەوە دێت کە گواردیۆلای ڕاهێنەر بەردەوامبوونی لە یانەکە دووپاتکردەوە و داواشی لەیاریزانان کرد، خۆڕاگربن و هاوکار و پاڵپشتی یەکتری بکەن لەپێناو تێپەراندنی قەیرانەکاندا.

لەبارەی ئەم وێنانەوە ڕۆژنامەی “دەیلی مەیڵ”ی بەریتانی بە مانشێتێکی گەورە نوسیویەتی: ئایا سزاکانی یوفا خەمبارتان ناکات؟

وەک دەریشدەکەوێت، لیرۆی سانێی ئەستێرەی ئەڵمانی گەڕاوەتەوە سەر یەکەی مەشق و ڕاهێنانە ئاساییەکان و ئەگەر زۆرە لەڕووبەڕوبونەوەکانی داهاتووی چامپیۆنزلیگ بەرامبەر ڕیاڵ مەدرید بەشداری بکات.

بەردەوام بە لە خوێندنەوە

جیهانی

ئێزگەیەکی ئیسپانی ئیدارەی بەرشلۆنەی هەراسان کردووە و بارتومیۆ دەڵێت: لە کەسایەتی کەسمان نەداوە

خەڵک سپۆرت

ئێزگەی کادینا سێری ئیسپانی ماوەی چەند ڕۆژێکە لەڕێگەی بڵاوکردنەوەی هەواڵ و زانیارییەوە هەڵایەکی گەورەی لە ناوخۆی یانەی بەرشلۆنە و ئیسپانیا دروست کردووە.

ئێزگەکە بە بەڵگەی داتا و ژمارەوە کە لە (٢٦) پەڕە پێکهاتووە، کۆمپانیای (3I ventures) تۆمەتبار دەکات بە پێکهێنانی چەندین پەیج لە تۆڕە کۆمەڵایەتیەکان و سەرجەم ئەو پەیجانەش بەردەوام لە کەسایەتی یاریزانانی یانەی بەرشلۆنە و سەرۆکەکانی پێشوو و ئەو کاندیدانە دەکەن کە خۆیان بۆ پۆستی سەرۆکایەتی یانە کاندید کردووە.

بەپێی زانیارییەکانی کادینا سێر، ئەم کۆمپانیایە لەلایەن جوسێپ ماریا بارتومیۆی سەرۆکی یانەی بەرشلۆنەوە بۆندی لەگەڵدا ئیمزاکراوە، سەرۆکی یانە لەم ڕێگەیەوە دەیەوێت وێنەی خۆی لەبەردەم هاندەرانی یانەدا سپی بکاتەوە و یاریزانان و ڕاهێنەران و هەر کەسایەتیەکی تر بکاتە تۆمەتبار لە کێشە ناوخۆیی و ئەوروپییەکانی بارسا.

لەم بارەیەوە بارتومیۆ لەکۆنگرەیەکی ڕۆژنامەوانیدا ڕایگەیاند :” ئەوەی بڵاودەکرێتەوە دوورن لەڕاستییەوە، ئێمە ئەگەر بمانەوێت بەرگری لەخۆمان بکەین لە کات و جێگەی دیاریکراودا ئەوکارە دەکەین”.

هەروەها دەڵێت :” ئێمە کۆمپانیامان بۆ شکاندنی کەسایەتی یاریزانان نەگرتووە، بەڵکو لەساڵی ٢٠١٧ ئەم کۆمپانیایە پەیوەندی لەگەڵ بەرشکلۆنە پێکهێناوە بۆ پاراستنی بەرژەوەندییەکانی یانە و دەرخستنی داتاکان، بەڵام دواتر بۆمان دەرکەوت کە پەیوەندییان لەگەڵ پەیجێکی دژە بەرشلۆنەوە هەیە و ئەم بەیانییە بڕیارماندا بۆندەکەی هەڵبوەشێنینەوە”.

ئەم بابەتە لەسەر ئاستی ناوخۆیی بەرشلۆنە و ئیسپانیا لەلایەک و لەسەر ئاستی ئەوروپا سەدایەکی بەهێزی هەبووە و سەرچاوەکان پێیان وایە، بارتومیۆ لەم ڕێگەیەوە هەڵەی ژیانی کردووە کە بەهۆیەوە ئەگەر زۆرە نەتوانێت لە پۆستی سەرۆکایەتی یانە گەورەکە بەردەوامبێت.

بەردەوام بە لە خوێندنەوە

جیهانی

(ڤیدیۆ) دۆرتمۆند و ئەتلەتی بەهێزی هالاند و بەرگریکردن پاریس و لیڤەریان کوتا بەزەویدا

خەڵک سپۆرت

قۆناغی چوونی (١٦)ی چامپیۆنزلیگ ئەمشەو بە ڕووبەڕوبونەوەی یانەکانی دۆرتمۆند و پاریس سانت جێرمان، ئەتلەتیکۆ مەدرید و لیڤەرپوڵ دەستیان پێکرد.

لەڕووبەڕوبونەوەی یەکەمدا یانەی ئەتلەتیکۆ مەدرید میوانداری لیڤەرپوڵی پاڵەوانی وەرزی ڕابردووی خولەکەی کرد.

دیێگۆ سیمیۆنی ڕاهێنەری ئەتلەتی پلانی تۆکمەیی بەرگری و هێرشی هەڵگەڕاوەی بەرامبەر لیڤەرپوڵی هێرشبەر نمایشکرد.

لەگەڵ دەستپێک و لەخولەکی ٤ ساول نیگوێز گۆڵی پێشکەوتنی ئەنجامەکەی بۆ هندییە سورەکان تۆمارکرد، لەدوای گۆڵە بەرگرییەکی بەهێزیان لە گۆڵەکەیان کرد و دەرفەتیان بە ئەستێرەکانی یۆرگن کلۆپ نەدا مەترسی دروست بکەن.

لەتایمی دووەمدا وەک چاوەڕوان دەکرا لیڤەرپوڵ فشاری توندی دروستکرد و ئەتلەتیکۆ بەشێوە ئاساییەکەی خۆی بەرگری کرد.

سیانەی ئاگرینی لیڤەرپوڵ کە پێکهاتبوون لە مانێ و محەمەد سەڵاح و فێرمینیۆ بەهاوکاری ناوەندسازەکان چەندین هەلیان دروستکرد، بەڵام سەرکەوتوو نەبوون لە یەکسانکردنەوەی ئەنجامەکە و ڕووبەڕوبونەوەی چوون بە گۆڵێکی بێوەڵام لەبەرژەوەندی ئەتلەتیکۆی خاوەن یاریگا و هاندەر کۆتایی هات.

لەڕووبەڕوبونەوەی دووەمدا، یانەی دۆرتمۆندی ئەڵمانی لەیاریگای سیگناڵ ئیدونا پارک میوانداری پاریس سانت جێرمانی فەرەنسی کرد.

لەتایمی یەکەمدا دوو جەمسەری ڕووبەڕوبونەوەکە بەشێوەیەکی هاوسەنگ یارییان دەکرد و زیاتر مۆرکی تاکتیکی و پابەندبوون بە پلانە توندەکانیان پێوەدیاربوو، هەردوولا سەرنجیان لەسەر هێرشبەران بوو و بە بەرگری ناوچەیی ڕێگەیان بە ڕەخساندنی هەلی گۆڵکردن نەدا و ئەو تایمەش بەبێ گۆڵ کۆتایی هات.

لەتایمی دووەمدا سیناریۆکان گۆڕانکارییان بەسەردا هات، ئێرلینگ هالاندی نەرویجی هێرشبەری نوێی دۆرتمۆند لە خولەکی ٦٩ گۆڵی پێشکەوتنی تۆمار کرد، سەرباری گۆڵە تۆمارکراوەکە، بەڵام یانەی خاوەن یاریگا لەنیوە یاریگای یانەی ڕکابەر نەگەڕایەوە و چەند هەلێکی تریشیان ڕەخساند.

هاندەران چاوەڕوانبوون ئەنجامەکە بوون لەلایەن دۆرتمۆندەوە فراوان بکرێت، بەڵام لە خولەکی ٧٥ کیلیان مباپیی فەرەنسی تۆپێکی بەنێو بەرگریکارانی یانە زەردەکەدا ڕفاند و ئاڕاستەی نایماری هاوڕێی کرد، هێرشبەرە بەرازیلیەکە سەرکەوتوو بوو لە تۆمارکردنی گۆڵی یەکسانکردنەوەی ئەنجامەکە.

ئاهەنگ و خۆشی یاریزانانی پاریس تەنها سێ خولەکی خایاند، دووبارە ئێرلینگ هالاندی هێرشبەری نەرویجی گەڕایەوە و لەخولەکی ٧٨ گۆڵی دووەمی بۆ دۆرتمۆند تۆمارکرد.

لە کۆتا ساتەکاندا جەمسەرەکان چەند هەلێکیان ڕەخساند بەتایبەت ئەستێرەکانی پاریس کە بە ئەنجام دوواکەوتبوون، لەگەڵ ئەوەشدا سەرکەوتوو نەبوون لە تۆمارکردنی گۆڵی یەکسانکردنەوەو یارییەکە (٢ – ١) لەبەرژەوەندی دۆرتمۆند کۆتایی هات.

بەتۆمارکردنی دوو گۆڵی تر، ئێرلینگ هالاند بە درێسی یانەکانی ڕێدبول سالزبۆرگ و دۆرتمۆندەوە لە کۆی حەوت ڕووبەڕوبونەوەی ئەم وەرزەی خولی یانە پاڵەوانەکان ڕێژەی گۆڵەکانی گەیاندە(١٠ گۆڵ)، بەو شێوەیەش لەپاڵ ڕۆبەرت لیڤاندۆڤیسکی هێرشبەری بایرندا لوتکەی ڕیزبەندی گۆڵکارانی خولە ئەوروپییەکە دەگرێت.

بەردەوام بە لە خوێندنەوە

کوردستان