ئێمە لە تۆرە کۆمەڵایەتیەکان

کوردستان

نرخی حەجی ئەمساڵ ڕاگەیەندرا
كاتی بەڕێكەوتنی یەكەم كاروانی حاجییانی هەرێم بۆ سعودیە دیاریكرا

خەڵك- بەشی هەواڵ
وەزارەتی ئەوقاف و كاروباری ئایینی حكومەتی هەرێم كاتی بەڕێكەوتنی یەكەم كاروانی حاجییانی هەرێم بەرەو سعودیە بۆ بەجێهێنانی فەریزەی حەج ئاشكرادەكات و ڕایدەگەیەنێت، نرخی حەجی ئاسایی (42) وەرەقەیە.

نەبەز ئیسماعیل، بەڕێوەبەری ڕاگەیاندنی وەزارەتی ئەوقافی هەرێم بۆ (خەڵك) وتی، “بۆ وەرزی حەجی ئەمساڵ 4 هەزار و 880 كەس لە هەرێمی كوردستانەوە بۆ بەجێهێنانی فەریزەی حەج دەچنە سعودیە و نرخی حەجی ئاسایی بۆ هەر كەسێك 4 هەزار و 200 دۆلار (42 وەرەقە)یە”.

وتیشی، “لە ڕۆژانی 10 تا 15ی مانگی تەمموزی داهاتووەوە یەكەم كاروانی حاجيیانی هەرێم بەرەو عەرەبستانی سعودیە بەڕێدەكەون”.

ئاشكراشی كرد، سعودیە بڕیاریداوە 15 هەزار كەسی تر بۆ پشكی عیراق بۆ حەج زیاد بكات لەو ڕێژەیەش هەرێمی كوردستان دوو هەزار و 132 كەسی بەردەكەوێت، كە بەپارەی زیاتر دەبێت، بەڵام هێشتا بە نووسراوی فەرمی زیادكردنی ئەو پشكەیان بەدەست نەگەشتووە، بۆیە هەركات بەدەستمان گەیشت ڕایدەگەیەنین.

نەبەز ئیسماعیل ڕاشیگەیاند، كە لەدوای 15ی شەوالەوە و نزیكەی 10 ڕۆژی دیكە وەرزی عومرە بەتەواوی بۆ هەموو جیهان كۆتایی دێت.

جەختیشی كردەوە، كە تیمی پزیشكی یاوەری كاروانی حاجییانی هەرێم دەكات لە چوون و هاتنەوە و و سەرجەم پێداویستییەكانی دەرمان ئامادەیە و بە خۆڕایی دەدرێت بە حاجییان.

کوردستان

تووشبوون بە كۆرۆنا لە هەرێم گەیشتە نزیكەی 50 هەزار كەس

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 636 حاڵەتی تووشبوون بە كۆرۆنا تۆماركراوە و 17 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٤٦٩٧ پشكنین ئەنجام دراوە و دەركەوتووە لە هەولیر 110 كەس و سلێمانی 109 كەس و لە گەرمیان 32 كەس و دهۆك 353 و هەڵەبجە 32 كەس تووشی كۆرۆنا بوون.

ئاشكراشی كردووە، كە ٤٠٣ كەس چاكبوونەوە و 17 كەسیش گیانیان لەدەستداوە.

ڕوونیشی كردۆتەوە، كە كۆی گشتی تووشبوون بە پەتاكە گەیشتۆتە ٤٢ هەزار و ٣٦٨ كەس و چاكبوونەوەش 27 هەزار و ٣٢٤ و مردنیش 1553 كەس.

بەردەوام بە لە خوێندنەوە

کوردستان

لە شارێكی هەرێم نزیكەی 4 هەزار نەخۆشی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 126 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ سێ‌ شەممە 126 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 3836 تووشبووی كۆرۆنا چاكبوونەتەوە و 5751 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان