ئێمە لە تۆرە کۆمەڵایەتیەکان

جیهانی

“مێسی به‌ لێدانی ڕاسته‌وخۆ گۆڵ بکات ده‌ڵێن دیواری به‌رگری که‌موکه‌رتی هه‌بوو، دڵنیام ده‌گه‌ڕێنه‌وه”‌

خه‌ڵک سپۆرت

ڕادامێل فالکاوی کۆڵۆمبی ئه‌ستێره‌ی هه‌ڵبژارده‌ی کۆڵۆمبیا جه‌خت ده‌کاته‌وه‌، هۆكاری شکستی ئه‌رجه‌نتین په‌یوه‌ندی به‌ لیۆ مێسی-یه‌وه‌ نییه‌ و دڵنیایی خۆی نیشان ده‌دات له‌گه‌ڕانه‌وه‌ی هه‌ڵبژارده‌ی ئه‌رجه‌نتین.

“پڵنگه‌ کۆڵۆمبیه‌که‌” له‌چاوپێکه‌وتنێکدا به‌ڕۆژنامه‌ی “سپۆرت”ی ئیسپانی ڕاگه‌یاندووه‌ :” ئه‌گه‌ر مێسی گۆڵێک تۆمار بکات داوای دووانی لێده‌که‌ن، ئه‌گه‌ر به‌ لێدانی ڕاسته‌وخۆ گۆڵ تۆمار بکات ده‌ڵێن دیواری به‌رگری که‌مورتی تێدا بوو، ئه‌گه‌ر ئه‌رجه‌نتین بدۆڕێت ئه‌و به‌رپرسه‌، مێسی ته‌نها باجی ئه‌وه‌ ده‌دات که‌ باشترین یاریزانی جیهانه‌”.

هه‌روه‌ها ده‌ڵێت :” مێسی له‌ڕووبه‌ڕوبونه‌وه‌ی ئێمه‌دا نزیکبوو به‌خراپی سزامان بدات، دڵنیام له دوو ڕووبه‌ڕوبونه‌وه‌ی داهاتوودا ئه‌وه‌ پێشکه‌ش ده‌کات که‌ پێویسته بکرێت‌”.

پاشان سه‌باره‌ت به‌ هه‌ڵبژارده‌ی کۆڵۆمبیا له‌ پاڵه‌وانێتی کۆپا ئه‌مریکا، ڕایده‌گه‌یه‌نێت :” به‌نسبه‌ت ئێمه‌وه‌ ناکرێت پاڵی لێبده‌ینه‌وه‌ ته‌نها له‌به‌رئه‌وه‌ی یه‌که‌م ڕووبه‌ڕوبونه‌وه‌مان له‌ ئه‌رجه‌نتین بردۆته‌وه‌، هێشتا کارمان ماوه‌ ده‌بێت جێبه‌جێی بکه‌ین”.

له‌ڕووبه‌ڕوبونه‌وه‌ی داهاتووی قۆناغی کۆمه‌ڵه‌کانی کۆپا ئه‌مریکا هه‌ڵبژارده‌ی کۆڵۆمبیا ڕووبه‌ڕوی قه‌ته‌ر ده‌بێته‌وه‌ و ئه‌رجه‌نتین به‌رامبه‌ر پاراگوای ده‌وه‌ستێته‌وه‌، چاوه‌ڕوانیش ده‌کرێت له‌کۆتاییدا هه‌ردوو هه‌ڵبژارده‌ گه‌وره‌که‌ خۆیان بگه‌یه‌ننه‌ قۆناغی هه‌شت.

جیهانی

بایرن میونشن به‌ کڕینی کۆتینیۆ هه‌وادارانی به‌خه‌به‌رهێنا و به‌رهه‌مه‌که‌ی (١٠٠ ملیۆن) لایک بوو !

خه‌ڵک سپۆرت

یانه‌ی بایرن میونشن له‌داهاتوودا سودی وه‌رزشیی له‌ گواستنه‌وه‌ی فیلیپی کۆتینیۆی به‌رازیلی وه‌رده‌گرێت و به‌ر له‌و واده‌یه‌ش له‌ڕووی دارایی و کۆمه‌ڵایه‌تیه‌وه‌ سودی زیاتری به‌ده‌ستهێناوه‌.

یانه‌ ئه‌ڵمانیه‌ ناوداره‌که‌ی ئه‌وروپا له‌ تۆڕه‌ کۆمه‌ڵایه‌تیه‌کانی تویته‌ر و فه‌یسبوک و ئینستاگرامه‌وه‌ هاشتاگی (به‌خێربێیت کۆتینیۆ)ی کردووه‌، له‌هه‌رسێ تۆڕه‌ کۆمه‌ڵایه‌تیه‌که‌ زیاتر له‌ ١٠٠ ملیۆن لایک و ٣٠٠ هه‌زار کۆمێنتی بۆ هاتووه‌، ئه‌وه‌ش جگه‌ له‌ ڕووه‌ کۆمه‌ڵایه‌تیه‌کان و به‌خه‌به‌رهێنانه‌وه‌ی هانده‌رانی یانه له‌سه‌رجه‌م جیهان‌، سودی دارایشی ده‌بێت.

له‌ڕووی وه‌رزشییه‌وه‌ گواستنه‌وه‌ی کۆتینیۆ هاوشێوه‌ی ڕووه‌ کۆمه‌ڵایه‌تیه‌که‌ به‌هێز بووه‌، به‌وپێیه‌ی له‌ یه‌که‌م یه‌که‌ی مه‌شق و ڕاهێنانی ئه‌ستێره‌که‌ی سیلیساو به‌درێسی باڤارییه‌وه‌ زیاتر له‌ ١٥٠٠ هانده‌ر له‌ یاریگای مه‌شقه‌کان ئاماده‌بوون، ئه‌و ڕێژه‌یه‌ش ماوه‌ی (١٠) ساڵ زیاتره‌ له‌ ئه‌ڵمانیا و به‌تایبه‌ت له‌یانه‌ی بایرن میونشن تۆمار نه‌کراوه‌.

له‌ڕووی بازرگانیشه‌وه‌، ئیداره‌ی یانه‌ هۆلیودیه‌که‌ی ئه‌ڵمانیا به‌فه‌رمی ئاشکرای کردووه‌ که‌ درێسی “کۆتی ١٠” له‌سه‌رجه‌م کۆگاکانی ئه‌دیداس له‌مه‌ودوا بوونی ده‌بێت و هه‌ز‌اران هانده‌ر خۆیان ناونوس کردووه‌ تا یه‌که‌مین کڕیاری درێسه‌کان بن، ئه‌وه‌ش ئیداره‌ی ئۆلی هۆنێس و کارڵ هاینز ڕۆمه‌نیگه‌ ده‌هێنێته‌ ئه‌و قه‌ناعه‌ته‌ی که‌ پێویسته‌ هاوینی داهاتوو گواستنه‌وه‌ی یاریزانه‌که‌ له‌ خواستنه‌وه‌ بکه‌ن به‌ هه‌میشه‌یی.

بەردەوام بە لە خوێندنەوە

جیهانی

ئیل شیرینگیتۆ: بارسا له‌ کڕینی نایمار بێهیوا بووه‌ و بۆندی (سێ به‌ یه‌ک)ی ڕیاڵیش ڕه‌تکراوه‌ته‌وه‌ !

خه‌ڵک سپۆرت

ئیداره‌ی یانه‌ی پاریس سانت جێرمانی فه‌ره‌نسی سوره‌ له‌به‌ده‌ستهێنانی بڕی ٢٢٢ ملیۆن یورۆ له‌ گواستنه‌وه‌ی نایمار دا سیلڤای به‌رازیلی و به‌ که‌متر له‌و نرخه‌ قایل نابێت، ئه‌وه‌ش هه‌ردوو یانه‌ی ڕیاڵ مه‌درید و به‌رشلۆنه‌ی بێهیوا کردووه‌.

ڕۆژنامه‌وانانی ئیسپانیا له‌ به‌رنامه‌ی “ئیل شیرینگیتۆ” تایبه‌ت به‌گواستنه‌وه‌ی نایمار له‌ پاریسه‌وه‌ بۆ ئیسپانیا ئاماژه‌یان به‌چه‌ند زانیارییه‌ک کردووه‌ که‌ هه‌رگیز له‌ به‌رژه‌وه‌ندی جه‌مسه‌ری کڕیار نییه‌.

به‌پێی زانیارییه‌کان، ئیداره‌ی یانه‌ی به‌رشلۆنه‌ له‌ پێشنیاری گواستنه‌وه‌ی نایمار به‌شێوه‌ی خواستن و پێشکه‌شکردنی ١٨٠ ملیۆن یورۆ له‌ هاوینی داهاتوو به‌ته‌واوی شکستیان هێناوه‌، به‌ڵکو له‌لایه‌ن نوێنه‌رانی یانه‌ی پاریس سانت جێرمانه‌وه‌ پشتگوێخراون و بۆنده‌ پێشکه‌شکراوه‌که‌ش به‌ گاڵته‌جاڕی وه‌سف کراوه‌.

له‌به‌رامبه‌ردا یانه‌ی ڕیاڵ مه‌درید به‌هێزه‌وه‌ هاتۆته‌ نێو هاوکێشه‌که‌ و ئاماده‌ییان نیشانداوه‌ بڕی ١٠٠ ملیۆن یورۆ و گاریس به‌یل و جه‌یمس ڕۆدریگێز و کیلۆر ناڤاس به‌ یه‌ک پاکێج به‌رامبه‌ر گواستنه‌وه‌ی یاریزانه‌ به‌رازیلیه‌که‌ پێشکه‌ش بکه‌ن، کۆی گشتی نرخی ئه‌و یاریزانانه‌ش له‌گه‌ڵ بڕه‌ پاره‌ی پێشکه‌شکراو زیاتر له‌ (٢٠٠ ملیۆن) ده‌کات، به‌ڵام سه‌یر ئه‌وه‌یه‌ ناسڕ خلێفی و هاوه‌ڵانی ئه‌و ئۆفه‌ره‌شیان قبوڵ نه‌کردووه‌ و ته‌نها و ته‌نها ئاماده‌بوون له‌حاڵه‌تی پێشکه‌شکردنی بڕی ٢٢٢ ملیۆندا ڕه‌زامه‌ندی نیشان بده‌ن.

⚡️⚡️"Si NEYMAR NO dice públicamente que QUIERE ir al BARÇA, NO LE QUIERO". Quim Domènech 'ESTALLA' en #ElChiringuitoDeMega

Posted by El Chiringuito TV on Wednesday, August 21, 2019

سه‌رچاوه‌ ئیسپانیه‌کان پێیان وایه‌ ئیداره‌ی بارسا به‌ته‌واوی له‌م که‌یسه‌دا کۆڵیداوه‌، به‌ڵام یانه‌ی شاهانه‌ هێشتا قسه‌ی کۆتایی نه‌کردووه‌ و  ڕۆژنامه‌وانه‌کان جه‌خت له‌وه‌ ده‌که‌نه‌وه‌ که‌ یانه‌ مه‌دریدیه‌که‌ له‌توانایدایه‌ بۆنده‌که‌ ئیمزا بکات.

بەردەوام بە لە خوێندنەوە

جیهانی

یوڤانتۆس چاوی له‌ ڕاکیتیچه‌ و جگه‌ له‌ ئیمری جان یاریزانێکی تریان بۆ به‌رشلۆنه‌ پێشنیار کردووه‌ !

خه‌ڵک سپۆرت

ئیداره‌ی یانه‌ی یوڤانتۆسی ئیتاڵی له‌هه‌وڵدایه‌ بۆ که‌مکردنه‌وه‌ی ڕێژه‌ی ناوه‌ندسازه‌کانی و له‌پێناو گواستنه‌وه‌ی ئیڤان ڕاکیتیچی کرواتیدا ئاماده‌یه‌ دوو یاریزانی پێکهاته‌که‌ی ساری بکاته‌ قوربانی.

ڕۆژنامه‌ی “لاگازێتا دێلۆ سپۆرت”ی ئیتاڵی له‌زاری سه‌رچاوه‌ ناوخۆییه‌کانی یانه‌ی یوڤانتۆسه‌وه‌ ئاشکرای کردووه‌، له‌ماوه‌ی چه‌ند هه‌فته‌ی ڕابردوودا فابیۆ پاراتیچی به‌ڕێوه‌به‌ری وه‌رزشیی بیانکۆنێری له‌شاری به‌رشلۆنه‌ گفتوگۆی له‌گه‌ڵ نوێنه‌رانی یانه‌ که‌ته‌لۆنیه‌که‌دا کردووه‌، که‌سایه‌تی ناوبراو له‌سه‌ر ڕاسپارده‌ی سه‌رۆکایه‌تی یانه‌ پێشنیاری ئاڵوگۆڕی ئیڤان ڕاکیتیچی به‌ ئیمیری جان کردووه‌، به‌ڵام ئیریک ئه‌بیدال و هاو‌کارانی ئه‌و پێشنیاره‌یان ڕه‌ت کردۆته‌وه‌.

سه‌رچاوه‌که‌ جه‌خت ده‌کاته‌وه‌، ئیمیری جان تاکه‌ یاریزان نابێت په‌یوه‌ندی به‌ به‌رشلۆنه‌وه‌ بکات، به‌ڵکو پاراتیچی ناوی ڕۆدریگۆ بینتانکۆری ئۆرۆگوایی به‌هه‌مان شێوه‌ پێشنیار کردووه‌ و بۆ ئه‌م گواستنه‌وه‌یه‌ تائێستا ئیداره‌ی بارتومیۆ وه‌ڵامێکی ئه‌رێنی، یاخود نه‌رێنیان نه‌داوه‌ته‌وه‌ و بێده‌نگیان هه‌ڵبژاردووه‌.

ئه‌م جموجۆڵانه‌ هاوکاتن له‌گه‌ڵ ده‌نگۆکانی ڕۆیشتنی بله‌یز ماتویدی فه‌ره‌نسی له‌ یانه‌ی یوڤانتۆس و چه‌ندین یانه‌ی زه‌به‌لاح به‌ داهاتووی یاریزانه‌که‌وه‌ به‌ستراونه‌ته‌وه‌.

بەردەوام بە لە خوێندنەوە

کوردستان