ئێمە لە تۆرە کۆمەڵایەتیەکان

کوردستان

ئەرسەلان بایز بۆ نێچیرڤان بارزانی: ناهەقیت كرد

خەڵك – بەشی هەواڵ

ئەرسەلان بایز ئەندامی مەكتەبی سیاسی یەكێتیی نیشتمانیی كوردستان لە نووسینێكیدا كە لە تۆڕی كۆمەڵایەتی فەیسبوك بڵاویكردووەتەوە ڕەخنە لە نێچیرڤان بارزانی سەرۆكی نوێی هەرێمی كوردستان دەگرێت و ڕایدەگەیەنێت، جیا لەحزبەكەی خۆی، قوربانی‌و ماندووبوونی هەموو لایەن‌و پێكهاتەكانی تری كوردستانی فەرامۆش كرد و هێمای بەهیچ كامێكیان نەدا. كە ئێمە و مانانێك هەرگیز چاوەڕوانی ئەو ئەنجامەمان نەدەكرد.

دەقی نووسینەكەی ئەرسەلان بایز:

بەڕێز سەرۆك..!

نا هەقیت كرد

هەموو كەس یان حزبێك بۆی هەیە هەرچی چاكەو دەسكەوت‌و سەركەوتنەكانە بۆ خۆی تۆمار بكات‌و بنووسێتەوە یان بگێڕێتەوە، كەس‌و حزب‌و لایەنەكانی تر نادیدەبگرێت‌و فەرامۆشیان بكات، بەڵام مێژوونووسێكی بێلایەن، سەرۆكی نەتەوە یان وڵاتێك هەموو لایەن‌و كەس‌و چاك‌و خراپەكان، سەركەوتن‌و شكستەكان وەكو خۆی بەدیدەكات‌و ناهەقی ناكات. دەیان شەقام‌و گۆڕەپان‌و پاركی گەورە گەورەی دنیا، بەناوی سەركردەی سیاسی‌و عەسكەری‌و ئەدیب‌و هونەرمەندە ناودارە هەمەڕەنگ‌و هەمەدەنگەكانە. بەڵام بەداخەوە بەپێچەوانەی ئەو نەریتە زانستییە، بەڕێز سەرۆكی نوێی هەرێمی كوردستان، جیا لەحزبەكەی خۆی، قوربانی‌و ماندووبوونی هەموو لایەن‌و پێكهاتەكانی تری كوردستانی فەرامۆش كردو هێمای بەهیچ كامێكیان نەدا. كە ئێمەومانانێك هەرگیز چاوەڕوانی ئەو ئەنجامەمان نەدەكرد.

بەڕێزت…! دەست بخەرەسەر ویژدانت… بەگۆڕی رەحمەتیی (باوكت) ئایا ئارامیی ئەو 15 ساڵەی رابردووی كوردستان، یەكڕیزیی‌و تەبایی لەبەرامبەر سیاسەتەكانی عیراق‌و دەوروبەر…ئارامی‌و ئاوەدانیی كوردستان… بەبێ هاوكاری‌و هەماهەنگی (ی.ن.ك)‌و دەستپێشخەریی راستەوخۆی (مام جەلال) دەبوو…؟؟ ئەی هەر برایانی پارتی، تەنانەت بەڕێزت نەبووی دەتانووت: (مام جەلال) چەند لەیەكێتی چووە… هێندەش لەپارتی… عیراقییەكانیش دەیانوت: (مام جەلال) لەهەموو عیراق چووە. ئەی كەواتە سەرۆك… بۆچی بێمروەتیت لەئاستی ئەو پیاوە گەورەیە كرد….؟ ئایا ئاڵۆزی‌و كێشەكانی ئەمڕۆی نێوان هەردوو حزب هیچ پەیوەندییەكی بە (مام جەلال)ەوە هەیە… ئایا ئەگەر (مام جەلال) لەژیاندا بمایە هەموو دەنگە سەوزەكان بۆ ئێوە نەدەچوو…؟؟ ئەی كەواتە ناهەقیی نییە (مام جەلال) بخرێتە نێو كێشەو ئاڵۆزییەكانی ئەمڕۆی كوردستان‌و… لەبەرنامەی كاری چوار ساڵەی ئایندەدا ستایشێكی نەكەی…؟

ناوهێنان یان نەهێنانی ئەو مرۆڤە گەورەیە، هیچ لەپلەو پایەی؛ زیادو كەمناكاتەوە… بەڵام بۆ خۆت گەورەیی بوو… وەفایەك بوو بۆ ئەو پیاوەی كە رێزو خۆشەویستیی تایبەتی بۆ ئێوە هەبوو ‌و لەدەیان كۆڕو كۆبوونەوەو دانیشتندا هەمیشە مەدح‌و سەنای دەكردی… من لەوە دەگەم كە بەشێكی هۆكاری ئەو فەرامۆش كردنە بۆ رازیكردنی بەشێك لەكادیرو لایەنگرانی حزبەكەتە… بەڵام لەبەرامبەر ئەوەشدا ستایشی (مام جەلال) بۆ ئێمە فێنكاییەكی دەروونی‌و… كردنەوەی بەشێكی تری دەرگا نیوە كراوەكەو راكێشانی سۆزی چەند سەد هەزار ئەندام‌و لایەنگرانی (ی.ن.ك) بوو، كە دەركەوت بەلای ئێوەوە هەر (بەناو) شەریكی پانزە ساڵەی پارتی بووە.

هەموو لایەك باش دەزانن (مام جەلال)ێك ئەگەر لەژیاندا بمایە… بە تەلفۆنێك… بە نامەیەك… دەستپێشخەرییەك، كێشە سەخت‌و ئاڵۆزەكانی ئێستای هەردوو حزبی چارەسەر دەكرد.
هەق بوو وەكو سەرۆكی نوێی هەموو حزب‌و لایەنەكانی كوردستان، دڵت گەورەتر بووایەو پێت لەهەندێ گلەیی‌و رەخنە بخشاندایە‌و لەوتاری دەستبەكاربوونەكەت ڕەنگی نەدایەوە. ئاخر هەقە سەرۆكی میللەت پزیشك‌و دەرماننووسی چارەسەری نەخۆشەكان بێت.

سەرۆك… بەهیوام بەشێك لەوتارەكەت راگوزەرانە بێت‌و بەرنامەی كاری چوار ساڵەت نەبێت…
بەڕێز سەرۆك… بێمروەتیت كرد… ناهەقیت كرد (پێش هەموو كەس دەرهەق بە خۆت) ئینجا دەربارەی (مام جەلال)… گلەیی بێ لێت.

کوردستان

پۆلیسی هەولێر؛ڕێگری لەو كەسانە كرا شەقامەگشتییەكان بۆ نێرگەلە و مەی خواردنەوە بەكاردەهێنن

خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، هێزەكانیان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا .

بەڕێوەبەرایەتی پۆلیسی پارێزگای هەولێر لە ڕاگەیەنراوێكدا ،كە وێنەیەكی دەست (خەڵك) كەتووە ڕایگەیاندووە، بەشی پۆلیسی چالاكییە مەدەنییەكان لە هەڵمەتێكدا هەڵسان بە چۆڵكردنی زۆربەی شوین و شەقامە گشتییەكان ، كە بەشێك لە هاووڵاتیان بۆ مەیخواردنەوە و نێرگەلەكێشان بەكاریان دەهێنا و خەڵكیان بێزار دەكرد.

ئەمە لەكاتێكدایە، لەماوەی ڕابردوودا بەشێكی زۆر لە شەقامەگشتییەكان و نزیك پاركەكانی هەولێر بە هۆی ئەو هاووڵاتیانەی ئێواران نێرگەلە و خواردنەوە كهولییەكانیان دەخواردەوە بوو بووە هۆی بێزاربوونی هاووڵاتیان و ئەو خیزانانەی بۆ پشوودان سەردانی ئەو شوێنە گشتیانەیان دەكرد.

بەردەوام بە لە خوێندنەوە

کوردستان

مەحموود محەمەد؛ ئەمساڵ بەجۆش وخرۆشەوە لە نێو دڵ و دەروونی گەلەخۆڕاگرەكەمان یادی 74 ساڵە دەكەینەوە

خەڵك – بەشی هەواڵ
وتەبێژ و ئەندامی مەكتەبی سیاسی پارتی دیموكراتی كوردستان ڕایدەگەیەنێت ، یادكردنەوەی جەماوەری بۆ ساڵیادی دامەزراندنی پارتی، لە شێوەی گردبوونەوە و مەڕاسیمە جەماوەریەكان بەڕێوەناچن و ئەم یادە بەجۆش و خرۆشەوە لە نێو دڵ و دەروونی گەلە خۆڕاگرەكەمان و كادیر و لایەنگران و جەماوەری پارتی بەرز و پیرۆز ڕادەگرێت.

مەحموود محەمەد، وتەبێژ و ئەندامی مەكتەبی سیاسی پارتی دیموكراتی كوردستان ، لە لێدوانێكی تایبەتدا بۆ ماڵپەڕی فەرمی حزبەكەی بە بۆنەی ٧٤ ساڵەی یادی دامەزراندنی پارتی ڕایگەیاندووە، ١٦ی ئاب ساڵیادی پارتی وەك ڕۆژێكی مێژوویی و پڕ شكۆ و ڕووداوێكی گرنگی مێژوویی سەر گۆڕەپانی سیاسی و تێكۆشانی كوردستان بوو.

دەشڵێت،”لەگەڵ ئەوەی بە شكۆوە لە ١٦ی ئابی ھەموو ساڵێكدا ساڵیادی پارتی بەرز و پیرۆز ڕادەگرین، هاوكات لەم ساڵدا بەلەبەرچاوگرتنی ڕەوشی ئابووری و تەندروستی ھەرێم و پابەندبوون بە رێككارەكانی خۆپارێزی لە ڤایرۆسی كۆڕۆنا یادكردنەوەی جەماوەری بۆ ساڵیادی پارتی، لە شێوەی گردبوونەوە و مەڕاسیمەكانی گردبوونەوەی خەڵك و جەماوەر بەڕێوەناچن”.

ڕاشیگەیاندووە ، بۆ یادەكە تەنیا لە ڕێگەی كەناڵەكانی میدیاوە ئەم یادە بەجۆش و خرۆشە لە نێو دڵ و دەروونی گەلە خۆڕاگرەكەمان و كادیر و ئەندام و لایەنگران و جەماوەری سەربەرزی پارتی دیموكراتی كوردستان بەرز و پیرۆز رادەگرین.

بەردەوام بە لە خوێندنەوە

کوردستان

دوكان؛ ئەو گەنجەی هەفتەی پێشوو خنكا ئەمڕۆ تەرمەكەی دۆزرایەوە

خەڵك – بەشی هەواڵ
دوای ئەوەی پێنج شەممەی هەفتەی ڕابردوو گەنجێكی بەرەگەز عەرەب لەكاتی مەلەكردندا لە بەنداوی دوكاندا خنكاوە و ئەمڕۆ تەرمەكەی لە زێی بچوك لە گوندی بۆگدی دۆزرایەوە.

بەڕێوەبەرایەتی بەرگری شارستانی كۆیە بڵاویكردەوە، ئەو گەنجەی پێنج شەممەی هەفتەی پێشوو لە زێی دوكاندا لەكاتی مەلەكردندا خنكا ئەمڕۆ لە لایەن تیمی غەواس لە نزیك گوندی بۆگدی شارەدێی ئاشتی لە زێی بچوكدا بە خنكاوی دۆزرایەوە.

لە ڕاگەیەنراوەكەدا هاتووە ، گەنجەكە دانیشتوی شاری بەغدا بووە و لەدایكبووی ساڵی ١٩٩٢-ە دوای دۆزینەوەی تەرمەكەی دراوە بە پۆلیسی دوكان، بەمەبەستی گەڕاندنەوەی تەرمەكەی بۆ كەس و كارەكەی.

بەردەوام بە لە خوێندنەوە

کوردستان