ئێمە لە تۆرە کۆمەڵایەتیەکان

ئابوری

غەرامەی نەبەستنی پێوەر دیاریكرا
هەژماركردنی پارەی ئاو بەپێی پێوەری میكانیكی دەستی پێكرد

خەڵك – بەشی هەواڵ
بەڕێوەبەری ئاوی سێمانی ڕایدەگەیەنێت، دەست بە خوێندنەوەی پێوەری میكانیكی ئاو كراوە و خولێك تەواو بووە، لە ئێستادا كۆمپانیاكە سەرقاڵی خوێندنەوەی خولێكی دیكە، دەشڵێت: “لەدوای 1ی تەمموزەوە هەر هاووڵاتیەك پێوەری نەبەستبێت بۆ سێ مانگی یەكەم 100 هەزار غەرامە و دواتر دەبێتە 200 هەزار دیناری مانگانە”.

سەربەست عوسمان، بەڕێوەبەری ئاوی سێمانی بە (خەڵك)ی ڕاگەیاند، هەرچەندە پڕۆسەی كۆكردنەوەی پارەی ئاو لە هاووڵاتیان لای ئێمە نەماوە، بەڵام مانگانە وەك چاودێری كۆمپانیاكانی خوێندنەوە و كۆكردنەوەی پێوەری ئاو ڕۆڵمان هەیە و بەگشتی چاودێری دەكەین.

وتیشی، “دەست بە خوێندنەوەی پێوەری میكانیكی ئاو كراوە، خولێك تەواو بووە و ئێستا لە لایەن كۆمپانیاكەوە دەست بە خوێندنەوە و كۆكردنەوەی پارەی خوولی دووەم كراوە”.

ڕاشیگەیاند، وادەی كۆتایی بۆ دانانی پێوەری میكانیكی ئاو نزیك دەبێنەوە بۆیە هەر هاووڵاتیەك پێوەرەكەی نەبەستووە دەتوانێت تا ڕۆژی 1ی تەمموز سەردان بكات و پێوەرەكەی ببەستێت تا تووشی غەرامە نەبێت.

ئاشكراشیكرد، بە پێی بڕیارەكە بۆ سێ مانگی یەكەمی نەبەستنی پێوەر 100 هەزار مانگانە لە هاوبەشەكانی ئاو وەردەگیرێت لەدوای ئەو سێ مانگانە غەرامەكەی مانگانە دەبێتە 200 هەزار دینار.

بەپێی بڕیاری وەزارەتی شارەوانی و گەشتوگوزار، كە لە ڕۆژنامەی وەقائیعی فەرمی هەرێم بڵاوكراوەتەوە، بۆ هەر مەتر سێجا ئاو (5 بەرمیل) تا 5 مەتر سێجا بڕی 50 دینار وەردەگیرێت و لەوە زیاتر تا 15 مەتر بڕی 150 دینار بۆ هەر مەترێك و لەو بڕە تا 30 مەتر بڕی 400 دینار و لەو بڕەوە تا 60 مەتر بڕی 600 دینار و لەوەش زیاتر بڕی 2 هەزار دینار وەردەگیرێت.

ئابوری

تائێستا پارەی بەغدا نەنێراوە
هەفتەی داهاتوو دابەشكردنی موچە بەردەوام دەبێت؟

خەڵك- بەشی هەواڵ

خشتەی دابەشكردنی موچەی فەرمانبەران وەك مانگەكانی پێشوو دانراوە، بەڵام وەك مانگەكانی پێشوو پارەكەی بەغدا لەكاتی خۆیدا نەنێراوە، ئەوەش ئەو گومانەی دروستكردووە، كە ئایا هەفتەی داهاتوو دابەشكردنی موچە بەردەوام دەبێت، یان نا؟.

سەرچاوەیەكی ئاگادار لە وەزارەتی دارایی و ئابوری حكومەتی هەرێمی كوردستان بە (خەڵك)ی ڕاگەیاند، ئەگەر پارەكەی بەغدا بگات لەكاتی خۆیدا دەستبەدابەشكردنی موچە دەكرێت و ڕۆژی 23ی مانگ دابەشكردنی موچەی مانگی نیسان تەواو دەبێت.

سەرچاوەكە كە نەیوست ناوەكەی بڵاوبكرێتەوە، وتیشی”خشتە وەك مانگەكانی پێشوو دانراوە و ئەگەری زۆرە وەك مانگەكانی پێشوو موچە دابەش بكرێت، ئەوەشی دەربارەی دواكەوتنی پارەكە دەوترێت، ئەگەرێكی بێهێزە، لەبەرئەوەی یاسا و جێبەجێ‌ كراوە لە مانگەكانی پێشوودا و ئەم مانگەش وەك پێشوو دەبێت”.

مانگەكانی دیكە زیاتر لە ناوەڕاستی مانگدا پارەكەی بەغدا دەنێرا، كە بڕەكەی 453 ملیار دینار و موچەی بەشێكی فەرمانبەرانی پێدەدرێت.

حكومەتی هەرێمی كوردستان مانگانە پێویستی بە 881 ملیار دینار هەیە بۆ دابەشكردنی موچەی مانگانە و بەشێكی پارەی موچە لەلایەن بەغداوە دابین دەكرێت.

بەردەوام بە لە خوێندنەوە

ئابوری

گرژییەكانی كەنداو نرخی نەوت بەرزدەكاتەوە

خەڵك –بەشی هەواڵ

نرخی نەوتی خاو لە بازاڕەكانی جیهاندا بەكاریگەری گرژییەكانی تەنگەی هۆرمز بەرزبووەوە.

دوای ئەوەی ئەمریكا خستنەخوارەوەی فڕۆكەیەكی بێفڕۆكەوانی ئێرانی لە نزیك یەكێك لە كەشتییە جەنگییەكان لە تەنگەی هۆرمز ڕاگەیاند، نرخی نەوت بەرز بووەوە.

ئەمڕۆ نرخی نەوتی خاوی برێنت گەیشتە 62.74 دۆلار بۆ هەر بەرمیلێك و بە ڕێژەی 1.31% بەرز بووەوە.

هاوكات نرخی گرێبەستەكانی خاوی ئەمریكایی لە نەوتی تێكساسی نێوەڕاست بە ڕێژەی 0.78% بەرزبووە و گەیشتە 55.73 دۆلار بۆ هەر بەرمیلێك.

ئەو بەرزبوونەوەیە هاوكاتە لەگەڵ گرژییە نوێیەكانی ناوچەی كەنداو، دوای ئەوەی ترەمپ سەرۆكی ئەمریكا ڕایگەیاند فڕۆكەیەكی بێفڕۆكەوانی ئێرانیان خستووەتەخوارەوە دوای ئەوەی لە كەشتی جەنگی یوئێس بوكسر نزیكبووەتەوە بۆ چەند هەزار مەترێك لە تەنگەی هۆرمز.

ئەمە لەكاتێكدایە ئێرانیش دوێنێ دەستی بەسەر كەشتییەكی نەوت هەڵگردا گرت لە كەنداو كە سوپای پاسدارانی ڕایگەیاند، بارەكە قاچاخ بووە.

بەردەوام بە لە خوێندنەوە

ئابوری

لیژنەی دارایی پەڕلەمانی عیراق: دەستكاری دەرماڵەی فەرمانبەران دەكرێتەوە

خەڵك- بەشی هەواڵ

ئەندامێكی لیژنەی دارایی و ئابوری پەڕلەمانی عیراق ڕایگەیاند، كە پڕۆژەیەكیان ئامادەكردووە بۆ دەستكاریكردنەوەی دەرماڵەی فەرمانبەران و دەستكاریكردنەكەش لەسەر بنەمای موچەی بنەڕەتی نابێت.

ئیخلاس دلێمی، بە میدیاكانی عیراقی وتووە”بە لە بەرچاوگرتنی ڕاگرتنی باڵانس و دۆخی ئابوری وڵات و ئیش و كاری فەرمانبەر و بڕوانامە، جارێكی دیكە دەستكاری دەرماڵە دەكرێتەوە”.

وتیشی”ئەوەی تائێستا دڵنیابووینەتەوە كە هەریەك لە وەزارەتەكانی نەوت و كارەبا مافی ئەوەیان هەیە لە وەزارەتەكانی دیكە دەرماڵەیان زیاتر بێت”.

هەر لە قسەكانیدا ئەو پەڕلەمانتارە ڕونیكردووەتەوە، لە مانگی تشرینی دووەمی ئەمساڵدا پڕۆژەكە پەسەند دەكرێت و ساڵی داهاتوو لە كۆی گشتی موچەدا جێگەی دەكرێتەوە.

بەردەوام بە لە خوێندنەوە

کوردستان