ئێمە لە تۆرە کۆمەڵایەتیەکان

عێراق

(خەڵك) هەڵوێستی هاوپەیمانیەكەی عامری بۆ بوون بە ئۆپۆزسیۆن ئاشكرا دەكات

خەڵك- بەشی هەواڵ
پەڕلەمانتارێكی هاوپەیمانی فەتح، هەڵوێستی هاوپەیمانییەكەی بەرانبەر بە پێكهێنانی بەرەی ئۆپۆزسیۆن لە پەڕلەمانی عیراق ئاشكرا دەكات و دەڵێت: “تا ئاستی مانەوە لە چوارچێوە یاساییەكان و هەوڵدان بۆ بەدیهێنانی ئامانجەكانی گەلی عیراق، پشتیوانی لە حكومەتەكەی عادل عەبدولمەهدی دەكەین”.

وەلید عەبدولحەسەن عەبود، پەڕلەمانتاری هاوپەیمانی فەتح لە لێدوانێكی تایبەت بە (خەڵك) ڕایگەیاند، “بوون بەو ئۆپۆزسیۆن، مافێكی ڕەوایە و لە هەموو وڵاتێكدا هەیە و هەندێك لایەن دەیانەوێت ببن بە ئۆپۆزسیۆن، بەڵام وەك هاوپەیمانی فەتح، هەڵوێستمان ڕوون و ئاشكرایە بۆ پشتیوانی لە حكومەتەكەی عادل عەبدولمەهدی”.

بە وتەی عەبدولحەسەن عەبود، “ئەوان وەك لایەنی سەرەكی لە هاوپەیمانی بنیاتنان، لەگەڵ ڕێزیان بۆ هێزە سەرەكییەكانی تر، كە پێكهێنەری هاوپەیمانییەكەن، پشتیوانی لە عادل عەبدولمەهدی دەكەن و پێیانوایە دەستنیشانكردنی كەلێنەكان و چارەسەركردنیان لە چوارچێوە یاساییەكاندا، دەكرێت ببێتە مایەی بەخشینی هیوا بە ڕۆڵەكانی گەلی عیراق”.

ئەو پەرلەمانتارەی هاوپەیمانی فەتح دەڵێت: “لەماوەیەكی كورت و لەو دەمەی عەبدولمەهدی پۆستی سەرۆك وەزیرانی گرتۆتەدەست، دەستكەوتێكی زۆر هێنراونەتەدی و جێگەی ڕێزن، زۆر كێشە و كەلێنیش هەن پێویستیان بە كاتی زیاترە بۆ چارەسەر و بەئەنجامگەیاندنی ئەو كارانەی، كە گەلی عیراق دەیانخوازێت”.

وەلید عەبدولحەسەن عەبود، دەڵێت: “ئەوان وەك هاوپەیمانی فەتح، لە قۆناغی داهاتوودا دەستپێكی كارەكانیان ئەوە دەبێت، كە جەخت لەسەر خواستەكانی گەل و بوارە خزمەتگوزارییەكان دەكەنەوە، لەگەڵ باشتركردنی لایەنی ئەمنی”.

سەبارەت بە ئەدای كاری حكومەتی ئێستاش، عەبدولحەسەن عەبود پێیوایە، “ڕاستە عەبدولمەهدی كەم لە ڕاگەیاندنەكانەوە دەردەكەوێت، بەڵام دەستكەوتێكی وەهای هێناوەتەدی، كە ڕەنگە لە ساڵانی ڕابردوودا نەهێنرابێتەدی، لەلایەن هاوپەیمانی فەتحەوە عەبدولمەهدی بەشێوەیەكی گەورە پشتیوانی دەكرێت، ئەو پشتیوانییەش بۆ كەسی خۆی نییە، بەڵكو پشتیوانییە لە عیراق، سەبارەت بە بەرنامەی حكومەت و جێبەجێكردنی، عەبدولمەهدی نیو ساڵی تەواو كردووە و پێویستی بە كاتی زیاترە بۆ جێبەجێكردنی بەرنامەكەی”.

ئەو پەرلەمانتارە پێیوایە، “ئەوان لە هاوپەیمانی فەتح، تا ئەو سنورە پشتیوانی لە حكومەتەكەی عەبدولمەهدی دەكەن، كە چوارچێوە یاسایی و دەستورییەكان بڕیاریان لێداوە، بەوردیش بەدواداچوون بۆ سیاسەت و كاری حكومەت دەكەن، گەر لە دەرەوەی ئەو چوارچێوەیەی بۆی دیاریكراوە و لێوەی بەڵێنی بە گەلی عیراق داوە لە بەرنامەی خۆیدا جموجۆڵی كرد، ئەوا ئەو كاتە قسەی ترمان دەبێت، بەڵام لەئێستادا پشتیوانی لە حكومەتەكەی عادل عەبدولمەهدی دەكەین بۆ بەدیهێنانی سەقامگیری ئەمنی و پاشان پڕكردنەوەی كەلێنەكانی بواری خزمەتگوزاری و لەو بوارانەشدا پاڵپشتێكی بەهێزی عەبدولمەهدی دەبین”.

عێراق

وەزیری ناوخۆی عیراق پارێزگاری لەخۆپیشاندەران دەكەین

خەڵك – بەشی هەواڵ

یاسری وەزیری ناوخۆی عیراق ئاماژەبەوەدەدات، هێزەكانی پاراستنی یاسا پارێزگاری لەخۆپیشاندەران و موڵك و ماڵی گشتی و تایبەت دەكەن.

یاسین ئەلیاسری وەزیری ناوخۆی عیراق لەوتەیەكدا لەمیانی نمایشی مەشقكردنی هێزە ئەمنییەكان ڕایگەیاند، هاریكاری لەنێوان خۆپیشاندەران و هێزە ئەمنییەكان بۆ پارێزگاری لە سەلامەتی و گیانی هاووڵاتیان و موڵك و ماڵیان ئامانجێكی بنەڕەتییە.

وەزیری ناوخۆی عیراق ڕوونیشیكردەوە، هێزەكانی پاراستنی یاسا كاردەكەن بۆ پاراستن و پارێزگاری لەسەلامەتی و گیانی خۆپیشاندەران و موڵك و ماڵی گشتی و تایبەت.

یاسین ئەلیاسری داواشیكرد، زیاتر گرنگی بدرێت بەمەشق كردن بەپێی پرەنسیپ و بیردۆزە نوێیەكان بۆ ئەوەی هێزە ئەمنییەكان پیشەیی بەدەست بهێنن بۆ مامەڵەكردن لەگەڵ هاووڵاتیانی مەدەنی كە ئەوە ڕەنگدانەوەی ئەرێنی هەیە لەسەر كاری هێزە ئەمنییەكان بۆ پاراستنی یاسا و سیستم لە وڵاتدا.

بەردەوام بە لە خوێندنەوە

جیهان

مەكگۆرك: پیلانەكەی ئەردۆغان بەشێك لە خاكی عیراقیش دەگرێتەوە

خەڵك – بەشی هەواڵ

نێردەی تایبەتی پێشووی سەرۆكی ئەمریكا بۆ هاوپەیمانی نێودەوڵەتی دژی داعش ڕایدەگەیەنێت، پیلانەكەی ئەردۆغان بەشێك لە خاكی عیراقیش دەگرێتەوە.

برێت مەكگۆرك نێردەی تایبەتی پێشووی سەرۆكی ئەمریكا بۆ هاوپەیمانی نێودەوڵەتی دژی داعش لە جریوەیەكدا لە هەژماری تایبەتی خۆی لە تۆڕی كۆمەڵایەتی تویتەر ئاماژەی بەوە كردووە، پێویستە بە وردی لە ڕێككەوتنەكەی ئەمریكا و توركیا بكۆڵنەوە، چونكە ئەو ڕووبەرەی ڕەجەب تەیب ئەردۆغان سەرۆكی توركیا دیاریكردووە بۆ پێكهێنانی ناوچەی ئارام بە پێی ڕێككەوتنەكە درێژ دەبێتەوە بۆ ڕووباری فورات و خاكی عیراق.

برێت مەكگۆرك ئەوەشی خستووەتەڕوو، تەواوی ئەو ناوچانەی باكووری سوریا كە شەڕی تێدایە كوردنشین و مەسیحی نشینن بۆیە بۆ دەستكەوتنی زانیاری دروست سەبارەت بە ڕێككەوتنەكە پێویستە گوێ لە وتەكانی ئەردۆغان بگیرێت و وتەكانی ترەمپ فەرامۆش بكرێت.

بەردەوام بە لە خوێندنەوە

عێراق

پێنج وەزیری عیراق لە پۆستەكانیان دووردەخرێنەوە

خەڵك- بەشی هەواڵ
پەڕلەمانتارێكی هاوپەیمانی فەتح، كە لەلایەن هادی عامرییەوە سەرۆكایەتی دەكرێت، ڕایدەگەیەنێت، كە بەم زووانە گۆڕانكاری لە پەڕلەمان و حكومەت دەكرێت.

حەنین قەدۆ، ئەندامی پەڕلەمانی عیراق لە هاوپەیمانی فەتح بە (بغداد الیوم)ی ڕاگەیاندووە، كە بەم زووانە بەشێك لە چاكسازییەكانی حكومەت دەردەكەوێت، كەبریتیە لە گۆڕینی 5 وەزیری كابینە وزارییەكەی عادل عەبدولمەهدی.

ڕاشیگەیاندووە، كە بەشێكی دیكە لە چاكسازییەكان گۆڕانكاری كردن لە یاسای هەڵبژاردنەكان، بەجۆرێك زیاتر دادپەروەرانەبێت.

جەختیشی كردۆتەوە، كە چەند یاسایەك دەردەكرێن، كە پەیوەندییان بە داخوازی هاووڵاتیان و شەقامی عیراقییەوە هەیە.

بەردەوام بە لە خوێندنەوە

کوردستان