ئێمە لە تۆرە کۆمەڵایەتیەکان

عێراق

ڕەوتی حیكمە باس لەبوون بە ئۆپۆزسیۆن دەكات

خەڵك- بەشی هەواڵ
پەرلِەمانتارێكی ڕەوتی حیكمە، كە لەلایەن عەممار حەكیمەوە سەركردایەتی دەكرێت ڕایدەگەیەنێت، ڕێگەچارەوی ئۆپۆزسیۆنی سیاسی، كە لەلایەن ڕەوتەكەیەوە ڕاگەیەندرا “لەناكاو نەبووە”، بە هەنگاوێكیش بۆ تەواوكاری پڕۆسەی سیاسی وەسفی دەكات و پێیوایە ڕەوتەكەی لەو هەنگاوەیدا مەبەستی ڕوخاندنی حكومەتەكەی عەبدولمەهدی نییە، كە “تائێستا زیاتر 3%ی بەرنامە حكومییەكەی جێبەجێ‌ نەكردووە”.

حەسەن فدعەم، پەڕلەمانتاری ڕەوتی حیكمە لە لێدوانێكی ڕۆژنامەوانیدا ڕایگەیاندووە، “ڕەوتی حیكمە بەشێوەیەكی ڕۆشن و ئاشكرا ڕایگەیاند، كە لە چوارچێوەی ئۆپۆزسیۆنی سیاسیدا دەبێت لە پەڕلەمان، كاریشیان چاودێری كاری حكومەت دەبێت و ئامانجیشیان ڕوخاندنی حكومەت نییە، یان لاوازی پڕۆسەی سیاسی عیراق نییە”.

بە وتەی فدعەم، “حیكمە ئۆپۆزسیۆنە لەنێو پڕۆسەی سیاسیدا بۆ بەگژداچوونەوەی گەندەڵی و دیاریكردنی كەلێنەكان و بوونە زمانی گەل و بەرگریكار لە مافە ڕەوا نیشتمانییەكان، ڕێگەچارەی ئۆپۆزسیۆن ڕێگەچارەیەكی پێویستە و تەواوكەری پڕۆسەی دیموكراتیە و هەنگاوێكی لە ناكاو یان نوێ‌ نەبووە لەلایەن ئەوانەوە، بەڵكو پێشتر و لە ساڵی 2014وە ئەوەیان پێشنیار كردووە و جەختیان لە گرنگی بوونی هێزێكی پاڵپشتی حكومەت و هێزێكی تری ئۆپۆزسیۆن كردۆتەوە”.

ئەو پەرلەمانتارەی ڕەوتی حیكمە پێیوایە، “ئەو دروشمە بریق و باقانەی لەڕێی پێگە ئەلیكترۆنییەكەوە بڵاوكرایەوە و باسی لە كارامەیی تەكنۆكرات و فەراهەمكردنی خزمەتگوزارییەكانیان دەكرد لە سەرەتای پێكهێنانی حكومەتی ئێستا، وایكرد هەندێك پەلە نەكەین لە بڕیارەكەمان، بەو پێیەی دروستبوونی هەر ئۆپۆزسیۆنێك لەو دەمەدا، مانای ڕەتكردنەوەی تەكنۆكرات و فەراهەمكردنی خزمەتگوزارییەكان و پڕۆسەی خزمەتی گەورەی دەگەیاند، بەڵام دواتر وێنەكە ڕۆشن بۆوە و بینیمان پێگە ئەلیكترۆنییەكە هیچ وەزیرێكی تەكنۆكراتی لێوە نەهاتەدەر و ڕێژەی جێبەجێكردنی بەرنامە حكومییەكە و بەڵێنەكانیش 3%یان تێنەپەڕاندووە، ئەو ماوەیەی بۆ بەئەنجامگەیاندنی ئامانجەكان دانرابوون نەهاتەدی، بۆیە كاتەكە گونجاو بوو بۆ ڕاگەیانی هەڵوێستەكەمان”.

عێراق

وەزیری ناوخۆی عیراق پارێزگاری لەخۆپیشاندەران دەكەین

خەڵك – بەشی هەواڵ

یاسری وەزیری ناوخۆی عیراق ئاماژەبەوەدەدات، هێزەكانی پاراستنی یاسا پارێزگاری لەخۆپیشاندەران و موڵك و ماڵی گشتی و تایبەت دەكەن.

یاسین ئەلیاسری وەزیری ناوخۆی عیراق لەوتەیەكدا لەمیانی نمایشی مەشقكردنی هێزە ئەمنییەكان ڕایگەیاند، هاریكاری لەنێوان خۆپیشاندەران و هێزە ئەمنییەكان بۆ پارێزگاری لە سەلامەتی و گیانی هاووڵاتیان و موڵك و ماڵیان ئامانجێكی بنەڕەتییە.

وەزیری ناوخۆی عیراق ڕوونیشیكردەوە، هێزەكانی پاراستنی یاسا كاردەكەن بۆ پاراستن و پارێزگاری لەسەلامەتی و گیانی خۆپیشاندەران و موڵك و ماڵی گشتی و تایبەت.

یاسین ئەلیاسری داواشیكرد، زیاتر گرنگی بدرێت بەمەشق كردن بەپێی پرەنسیپ و بیردۆزە نوێیەكان بۆ ئەوەی هێزە ئەمنییەكان پیشەیی بەدەست بهێنن بۆ مامەڵەكردن لەگەڵ هاووڵاتیانی مەدەنی كە ئەوە ڕەنگدانەوەی ئەرێنی هەیە لەسەر كاری هێزە ئەمنییەكان بۆ پاراستنی یاسا و سیستم لە وڵاتدا.

بەردەوام بە لە خوێندنەوە

جیهان

مەكگۆرك: پیلانەكەی ئەردۆغان بەشێك لە خاكی عیراقیش دەگرێتەوە

خەڵك – بەشی هەواڵ

نێردەی تایبەتی پێشووی سەرۆكی ئەمریكا بۆ هاوپەیمانی نێودەوڵەتی دژی داعش ڕایدەگەیەنێت، پیلانەكەی ئەردۆغان بەشێك لە خاكی عیراقیش دەگرێتەوە.

برێت مەكگۆرك نێردەی تایبەتی پێشووی سەرۆكی ئەمریكا بۆ هاوپەیمانی نێودەوڵەتی دژی داعش لە جریوەیەكدا لە هەژماری تایبەتی خۆی لە تۆڕی كۆمەڵایەتی تویتەر ئاماژەی بەوە كردووە، پێویستە بە وردی لە ڕێككەوتنەكەی ئەمریكا و توركیا بكۆڵنەوە، چونكە ئەو ڕووبەرەی ڕەجەب تەیب ئەردۆغان سەرۆكی توركیا دیاریكردووە بۆ پێكهێنانی ناوچەی ئارام بە پێی ڕێككەوتنەكە درێژ دەبێتەوە بۆ ڕووباری فورات و خاكی عیراق.

برێت مەكگۆرك ئەوەشی خستووەتەڕوو، تەواوی ئەو ناوچانەی باكووری سوریا كە شەڕی تێدایە كوردنشین و مەسیحی نشینن بۆیە بۆ دەستكەوتنی زانیاری دروست سەبارەت بە ڕێككەوتنەكە پێویستە گوێ لە وتەكانی ئەردۆغان بگیرێت و وتەكانی ترەمپ فەرامۆش بكرێت.

بەردەوام بە لە خوێندنەوە

عێراق

پێنج وەزیری عیراق لە پۆستەكانیان دووردەخرێنەوە

خەڵك- بەشی هەواڵ
پەڕلەمانتارێكی هاوپەیمانی فەتح، كە لەلایەن هادی عامرییەوە سەرۆكایەتی دەكرێت، ڕایدەگەیەنێت، كە بەم زووانە گۆڕانكاری لە پەڕلەمان و حكومەت دەكرێت.

حەنین قەدۆ، ئەندامی پەڕلەمانی عیراق لە هاوپەیمانی فەتح بە (بغداد الیوم)ی ڕاگەیاندووە، كە بەم زووانە بەشێك لە چاكسازییەكانی حكومەت دەردەكەوێت، كەبریتیە لە گۆڕینی 5 وەزیری كابینە وزارییەكەی عادل عەبدولمەهدی.

ڕاشیگەیاندووە، كە بەشێكی دیكە لە چاكسازییەكان گۆڕانكاری كردن لە یاسای هەڵبژاردنەكان، بەجۆرێك زیاتر دادپەروەرانەبێت.

جەختیشی كردۆتەوە، كە چەند یاسایەك دەردەكرێن، كە پەیوەندییان بە داخوازی هاووڵاتیان و شەقامی عیراقییەوە هەیە.

بەردەوام بە لە خوێندنەوە

کوردستان