ئێمە لە تۆرە کۆمەڵایەتیەکان

ئابوری

پەڕلەمانی عیراق بڕیاری كۆتایی لەسەر موچەی فەرمانبەرانی هەرێمدا

خەڵك- بەشی هەواڵ

بەپێی یاسای بودجەی 2019، پێنج موچە بۆ فەرمانبەرانی هەرێمی كوردستان نێردراوە، بەڵام تائێستا تەنها دوو موچە دابەشكراوە و ئەوەش پەڕلەمانی عیراقی ناچاركرد، كە لیژنەیەكی هاوبەش دروستبكات و لیژنەكەش بڕیاری كۆتایی لەسەر بابەتەكەدا.

جەمال كۆچەر، ئەندامی لیژنەی دارایی و ئابوری پەڕلەمانی عیراق بە (خەڵك)ی ڕاگەیاند، چەند لایەنێكی عیراقی زۆر نیگەرانن لە نەگەیشتنی پارەكە بە فەرمانبەران و تەئكید لە ڕاگرتنی تەواوی موچە دەكەنەوە، تا یەكلاییكردنەوەی تەواوی بابەتەكە.

وتیشی”ئەوانە دەیانەوێت عادل عەبدولمەهدی ئیحراج بكەن، چونكە ئەوان دەڵێن پێنج موچە بۆ فەرمانبەران نێردراوە، بەڵام تائێستا تەنها دوو موچە دابەشكراوە؟ كەواتە پارەی سێ‌ موچەكەی دیكە چی لێكراوە”.

هەر لە قسەكانیدا ناوبراو ڕونیكردەوە، كە ئەو پەڕلەمانتارانە لێكدانەوەی جیاواز بۆ بڕگەی”ج”ی ماددەی”10″ی یاسای بودجە دەكەن و پێیانوایە بەهۆی ڕادەستنەكردنی نەوتەوە، دەبێت حكومەتی عیراق موچەی فەرمانبەران ڕابگرێت”بەڵام ئێمە ئەوەمان قبوڵنەكرد، بەڵام ئەوان وتیان موچەش دەنێردرێت و حكومەتی هەرێم دابەشی ناكات”.

بەپێی دواین زانیارییەكان حكومەتی عیراق موچەی پێنج مانگی فەرمانبەرانی هەرێمی كوردستانی ناردووە، بەڵام تائێستا تەنها موچەی دوو مانگ بە تەواوەتی دابەشكراوە و وەزیری دارایی و ئابوری هەرێمی كوردستانیش ڕایگەیاند، پارەكەیان وەرگرتووە.

سەبارەت بە چارەسەری ڕیشەیی، جەمال كۆچەر ئاماژەی بەوەكرد، ڕاپۆرتێك بۆ سەرۆكایەتی پەڕلەمان بەرزكراوەتەوە و پێشنیازكراوە، ئەگەر حكومەتی هەرێم موچەی فەرمانبەران لەكاتی خۆیدا دابەشنەكات، حكومەتی عیراق وەك ناوچەكانی دیكە لە ڕێگەی پارێزگاكانەوە دابەشی بكات.

ئابوری

سبەینێ‌ مووچەی ئەم شوێنانە دابەش دەكرێت

خەڵك- بەشی هەواڵ
دابەشكردنی مووچەی مانگی 7ی فەرمانبەران بەشێوەیەكی خاو لە مانگی 10دا دەستی پێكردووە و ڕۆژانە مووچەی وەزارەتێك دابەش دەكرێت.

سەرچاوەیەك لە وەزارەتی دارایی و ئابووری هەرێم بۆ (خەڵك) ئاشكرای كرد، كە سبەینێ‌ چوار شەممە مووچەی وەزارەتی كار و كاروباری كۆمەڵایەتی دابەشدەكرێت و هەر سبەینێ‌ مووچەی خاوەن پێداویستییە تایبەتەكان و كەمئەندامان خەرج دەكرێت

سەرچاوەیەك لە لقی هەولێری بانكی ناوەندی عیراق ڕایگەیاندووە، لە ئێستادا پارەی مووچەی فەرمانبەرانی هەرێم لە بەغداوە ڕەوانەكراوە و پارەی پێویست بۆ مووچە گەیشتووە.

ئەمە لەكاتێكدایە، كە ئەو پارەیەی عیراق ناردویەتی بۆ هەرێم بۆ مووچەی مانگی 10-یە، بەڵام مووچەی مانگی 7 دابەش دەكرێت و چارەنووسی 3 مووچەی ئەمساڵیش بە نادیاری ماوەتەوە.

بەردەوام بە لە خوێندنەوە

ئابوری

كەبابخانەیەك لەناو بازاڕی سەرچنار داخرا

خەڵك- بەشی هەواڵ
لیژنەكانی چاودێری تەندروستی سلێمانی لەناو بازاڕی سەرچنار كەبابخانەیەك دادەخەن.

بەڕێوەبەرایەتی چاودێری تەندروستی سلێمانی لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، سەر لەبەیانی ئەمڕو سێ‌ شەممە، لیژنەكانیان بەهاوكاری بنكەی پۆلیسی نەخۆشخانە هەستان بەداخستنی كەبابخانەیەك لەگەڕەكی سەرچنار، دوای ئەوەی چەندین جار لەلایەن لیژنەكانی چاودێری تەندروستییەوە ئاگادار كراوەتەوە.

ڕاشیگەیاند، كە بەهۆی جێبەجێ نەكردنی مەرجی تەندروستی و پابەند نەبوون بەڕێنماییەكان بڕیار لەسەر داخستنی درا و ئاگادار كراوەتەوە تا ڕێنماییە تەندروستیەكان جێبەجێ نەكات شوێنەكەی بۆناكرێتەوە .

بەڕێوەبەرایەتی چاودێری تەندروستی سلێمانی داوا لە هاووڵاتیان دەكات، لەكاتی هەبونی خۆراكی خراپ و بەسەرچوودا بەزووترین كات لیژنەكانی لێ ئاگادار بكەنەوە لەڕێگای ژمارە تەلەفۆنی (07709142727).

بەردەوام بە لە خوێندنەوە

ئابوری

ئێران بڕیارێكی نوێی دەربارەی ڤیزە بۆ هاووڵاتیانی عیراق و هەرێم دەركرد

خەڵك- بەشی هەواڵ
ئێران بڕیاریدا ڤیزەی چووەنەناوەوەی هاووڵاتیانی عیراق و هەرێم بۆ ماوەی 65 ڕۆژی تر هەڵبگرێت، ئەمەش بە وتەی ئیرەج مەسجدی، باڵێوزی ئێران لە بەغدا.

ئەمڕۆ سێ‌ شەممە، ئیرەج مەسجدی، باڵێوزی ئێران لە بەغدا، لە لێدوانێكی ڕۆژنامەوانیدا ڕایگەیاند، “هاووڵاتی عیراقی دەتوانێت لە 25ی ڕەجەب تا كۆتایی مانگی ڕەبیعی دووەم، واتا بۆ ماوەی 65 ڕۆژی تر بەبێ‌ ڤیزە و تەنیا بە پاسپۆرتێكی ماوەبەسەرنەچوو، بچینە نێو ئێران”.

باڵێوزی ئێران لە بەغدا دەڵێت: “وەك ڕێزگرتن لە هەڵوێستی عیراق، كە لەمانگی موحەڕەمەوە تا كۆتایی مانگی سەفەر بەبێ‌ ڤیزە ڕێگەی بە هاتنەناوەوەی ئێرانییەكان داوە بۆ نێو وڵاتەكەی، ئەو بڕیارە لەلایەن ئێرانەوە دەركراوە”.

لەماوەی ڕابردوودا بۆ دەربازبوون لە سزا ئابووریەكانی ئەمریكا و هاندانی هاووڵاتیان بۆ گەشتكردن بۆ وڵاتەكەی، كۆماری ئیسلامی ئێران بڕیاریدا پەیڕەوی پێدانی ڤیزەی ئەلیكترۆنی بە خۆڕایی بۆ هاووڵاتیانی عیراق و هەرێم بكات.

بەردەوام بە لە خوێندنەوە

کوردستان