ئێمە لە تۆرە کۆمەڵایەتیەکان

کوردستان

تەندروستی و ئاوی سلێمانی ڕێوشوێن دەگرنەبەر
لەگەڵ هاتنی گەرما سكچوون و ڕشانەوە بڵاودەبێتەوە


خەڵك- بەشی هەواڵ
بەڕێوەبەرایەتی گشتی تەندروستی سلێمانی و بەڕێوەبەرایەتییەكانی ئاو ڕێوشوێنی پێویست بۆ پاراستنی گیانی هاووڵاتیان لە سكچوون و ڕشانەوە دەگرنە بەر و بەرێوبەری خۆپاراستنی تەندروستی سلێمانی دەڵێت: “لەگەڵ هاتنی وەرزی گەرما ڕێژەی سكچوون و ڕشانەوە زیاد دەكات”.

بەپێی ڕاگەیەندراوێكی تەندروستی سلێمانی، د.سەباح نەسرەدین، بەڕێوەبەری گشتی تەندروستی سلێمانی لەگەڵ بەڕێوبەرانی ئاوی ناوشاری سلێمانی و دەورووبەر و خۆپاراستنی سلێمانی كۆبۆوە.

هەر بەپێی ڕاگەیەندراوەكە، لەكۆبونەوەكەدا تیشك خرایە سەر هۆكارەكانی بوونی سكچوون و ڕشانەوە و گفتووگۆ لەبارەی چەند ڕێوشوێنیك كرا بۆ پاراستنی سەلامەتی گیانی هاووڵاتیان وەك دابینكردنی ئاوێكی تەندروست، كە بگاتە ماڵان و بەدواداچوون بۆ پاك و خاوێنی سەرچاوەكانی ئاو بكرێت.

د.ڕزگار عەلی، بەرێوبەری خۆپاراستنی تەندروستی سلێمانی وتی، “ساڵانە لەگەڵ هاتنی وەرزی گەرما و زیادبوونی سكچوون و ڕشانەوە بەڕێوەبەرایەتی گشتی تەندروستی سلێمانی و ئاوی سلێمانی بەهەماهەنگی هەردوولا و بەدانانی بەرنامەیەكی تۆكمە هەوڵ دەدرێت ڕێگری لەبڵاوبوونەوەی سك چوون و ڕشانەوە بكرێت”.

وتیشی، “لەو كۆبوونەوەیەدا باس لەگرنگیدان بە كلۆر كرا لەگەڵ ئەو ڕێژە پێویستەی دەكرێتە ئاوەوە و لەژێر چاودێری بەڕێوبەرایەتی خۆپاراستن بێت و هەروەها هاوكاری و هەماهەنگی زیاتر لەنێوان بەڕێوبەرایەتی تەندروستی سلێمانی و بەڕێوبەرایەتیەكانی ئاودا هەبێت”.

کوردستان

دوو كارمەندی تەندروستی لە عیراق بەهۆی كۆرۆناوە گیانیان لەدەستدا


خەڵك-بەشی هەواڵ

 

وەزارەتی تەندروستی عیراق ڕایدەگەیەنێت، دوو كارمەندی وەزارەتەكەی بەهۆی تووشبوونیان بە ڤایرۆسی كۆرۆناوە گیانیان لە دەستدا.

وەزارەتی تەندروستی عیراق لە ڕاگەیەنراوێكدا ئاماژە بۆ ئەوە دەكات، دوو كارمەندمان بەناوەكانی عەبدولڕەحمان جاسم و سەلام شندی، كە یەكێكیان لە بەشی ڕاهێنان و ئەوی تریان لە بەشی ئیدارەو مالیە بووە، بەهۆی تووشبوونیان بە ڤایرۆسی كۆرۆناوە گیانیان لە دەستدا.

بەگوێرەی دوایین ئامار، ئێستا ژمارەی تووشبووانی ڤایرۆسی كۆرۆنا لە عیراق 11 هەزار كەسی تێپەڕاندووە و زیاتر لە 300 كەسیش گیانیان لەدەستداوە.

بەردەوام بە لە خوێندنەوە

کوردستان

“دەستەی دەستپاكی و دیوانی چاودێری دارایی ماوەی یاسایان بەسەر چووە”


 

خەڵك-بەشی هەواڵ

 

ئینستتیوتی پەی بۆ پەروەردەو گەشەپێدان ڕایدەگەیەنێت، بەداخەوە لە هەرێمی كوردستان دوو جۆر مانگ هەیە، (مانگی تەقویمی) و (مانگی مووچە)، بە گوێرەی مانگی تەقویمی بێت یاساكە لە مانگی حەوت دەچێتە جێبەجێكردن، بەڵام تا ئێستا مووچەی مانگی دوو نەدراوە.

ئینستتیوتی پەی بۆ پەروەردەو گەشەپێدان لە ڕاگەیەنراوێكدا ئاماژە بۆ ئەوە دەكات، وێرای بوونی چەندین سەرنجی یاسایی لەسەر بڕگەو ماددەكانی یاسای چاكسازی كە لە كاتی گفتوگۆو پەسەندكردنی پێشكەشمان كرد، بەڵام بەداخەوە گوێتان نەگرت و بە هەندتان وەرنەگرت، سەرەنجام بە كۆمەڵێك كەموكوڕی یاساكە پەسەند كرا.

دەقی ڕاگەیەنراوەكە…

بۆ بەڕێزان/

-سەرۆكایەتی هەرێمی كوردستان

-سەرۆكایەتی پەرلەمانی كوردستان

-سەرۆكایەتی ئەنجومەنی وەزیران

-سەرۆكایەتی دەسەڵاتی دادوەری

-دەستەی دەستپاكی هەرێمی كوردستان

-دیوانی چاودێری هەرێمی كوردستان

-داواكاری گشتی لە هەرێمی كوردستان

بابەت/ چاكسازی لە ڕێگای پێشێلكردنی یاساوە ناكرێت

پاش سڵاو و رێز…

وێرای بوونی چەندین سەرنجی یاسایی لەسەر بڕگەو ماددەكانی یاسای چاكسازی كە لە كاتی گفتوگۆو پەسەندكردنی پێشكەشمان كرد، بەڵام بەداخەوە گوێتان نەگرت و بە هەندتان وەرنەگرت، سەرەنجام بە كۆمەڵێك كەموكوڕی یاساكە پەسند كرا.

ئێستاش كە بەرنامەی ئەوەتان هەیە چاكسازی بكەن لە ژێر رۆشنایی یاسای ژمارە (2)ی ساڵی 2020 ی یاسای چاكسازی لە موچەو دەرماڵەو بەخشین و ئیمتیازاتەكان و خانەنشینی لەهەرێمی كوردستان، ئەم سەرنجانەمان هەیە:

یەكەم: بەپێی ماددەی (19) لە یاسای ژمارە (2)ی ساڵی 2020 ی یاسای چاكسازی لە موچەو دەرماڵەو بەخشین و ئیمتیازاتەكان و خانەنشینی لەهەرێمی كوردستان، سێ مانگ لەدوای دەرچوونی پەیڕەوەكە لەلایەن ئەنجومەنی وەزیرانەوە دەچێتە بواری جێبەجێكردنەوە، كە سەرەتای مانگی چوار دەرچووە، كەواتە یاسای چاكسازی دەبێت لە مانگی حەوتی ساڵی (2020) بچێتە بواری جێبەجێكردنەوە.

بەڵام بەداخەوە لە هەرێمی كوردستاندا دوو جۆر مانگ هەیە، (مانگی تەقویمی) و (مانگی مووچە)، بە گوێرەی مانگی تەقویمی بێت یاساكە لە مانگی (حەوت/تەمموز) دەچێتە جێبەجێكردن، بەڵام تا ئێستا مووچەی مانگی (دوو/شوبات) نەدراوە.

لەكاتێكدا ئەو یاسایە تایبەتە بە ڕێكخستنەوەی موچەو دەرماڵەو خانەنشینی فەرمانبەران، كە ئەوان بە ئەركی خۆیان هەڵساون لە شەش مانگی رابردوودا بەڵام مافەكانیان وەرنەگرتووە، بۆیە پێویستە ئەو یاسایە كاتێك بچێتە بواری جێبەجێكردن كە فەرمانبەران موچەی مانگی (حەوت/تەمموز) وەردەگرن، نەك ئێستا مووچەی مانگی (دوو/شوبات)یان وەرنەگرتووە.

دووەم: بە گوێرەی برگەكانی (دوو، سێ) لە ماددەی (11)ی یاساكە، ئەركی چاودێری و جێبەجێكردنی ئەو یاسایە بە دەستەی دەستپاكی و دیوانی چاودێری دارایی سپێردراوە، لە كاتێكدا ئەم دوو دەستەیە ماوەی یاسایان بەسەر چووەو بەنایاسایی كارەكانیان رایی دەكەن. دەستەی (دەستپاكی) ماوەی سێ ساڵە لە (13/5/2017)ەوە ماوەی یاسایی سەرۆكەكەی بەسەر چووە. (دیوانی چاودێری دارایی) ماوەی دوو ساڵە لە (7/5/2018)ەوە ماوەی یاسایی سەرۆكەكەی بەسەر چووە. پەرلەمان لە خولی چوارەمدا دەبوایە بەپێی یاسا چارەسەری بۆ بكات، بەڵام نە خولی چوارەم هیچ رێو شوێنێكی گرتەبەر بۆ چارەسەركردنی ئەم گرفتە یاساییەو نە خولی پێنجیش.

بەڕێزان… بۆ ئەوەی یاسا سەروەر بێت و رێچكەی خۆی بگرێت، بۆ ئەوەی مافی فەرمانبەران و موچەخۆرانی هەرێمیش نەفەوتێت كە ئەركی خۆیان ئەنجامداوەو مافەكانیان وەرنەگرتووە، پێویستە سەرجەم دامەزراوەكان بە ئەركی خۆیان هەڵسن و ئەم هەنگاوانە بنرێت:

1-یاساكە لەكاتی پێدانی موچەی مانگی حەوتی ساڵی 2020 بچێتە بواری جێبەجێكردنەوە، نەك لەگەڵ پێدانی موچەی مانگی دووی ساڵی 2020. چونكە بەپێی یاساكە موچەی فەرمانبەران كەمدەبێتەوەو دەرماڵەكانیان دەبڕدرێت و ئەمەش بەپێی خودی یاساكە كارێكی نایاساییە.

2-لە زووترین كاتدا پەرلەمانی كوردستان گرفتی یاسایی سەرۆكەكانی هەردوو دامەزراوەی (دیوانی چاودێری و دەستەی دەستپاكی) چارەسەر بكات، بەپێچەوانەوە سپاردنی جێبەجێكردنی یاسایەك بەناوی چاكسازییەوە بە دوو دامەزراوە كە خۆیان نایاسایی كارەكانیان رایی بكەن نەنگییەكی گەورەیە بۆ دەسەڵاتی یاسادانان و جێبەجێكردن و دادوەریش. بەپێی ئەو پرەنسیپە یاساییەش كە دەلێت (المبنی علی الباگل، باگل)، (ئەوەی لەسەر پوچ بنیاد نرابێت هەر مایە پوچە)ی بەسەردا جێبەجێ دەبێت.

٣-ئەگەر نیەتی یاسادانەرانی كوردستان لە دانانی ماددەی (5) لە یاسای چاكسازیدا بڕینی دەرماڵەی فەرمانبەران نەبووە وەك خۆیان بانگەشەی بۆ دەكەن، ئەوا دەبێت رێگری بكەن لە حكومەت بۆ كەمكردنەوەی مووچەی فەرمانبەران، بە پێچەوانەوە ئەوە پەڕلەمان و پەڕلەمانتارانن داڕێژەرو جێبەجێكاری كەمكردنەوەی مووچەی فەرمانبەرانن.

لەگەڵ رێزدا

وێنەیەك بۆ/

-سەرجەم فراكسیۆنەكانی پەرلەمانی كوردستان.

-رێكخراوەكانی كۆمەڵی مەدەنی.

-سەندیكای پارێزەرانی كوردستان.

-مەكتەبی سیاسی حزبە كوردستانییەكان كە نوێنەریان لە پەرلەمان هەیەو لە حكومەتدا بەشدارن.

ئینستتیوتی پەی بۆ پەروەردەو گەشەپێدان

6/6/2020

بەردەوام بە لە خوێندنەوە

کوردستان

بەهۆی تەقەی هێزەكانی ئێرانەوە ژمارەیەك كۆڵبەر بوونە قوربانی


خەڵك-بەشی هەواڵ

ڕێكخراوی مافی مرۆڤی هەنگاو ڕایدەگەیەنێت، بەهۆی تەقەی ڕاستەوخۆی هێزەكانی ئێران چەند كۆڵبەرێك لە ناوچە سنوورییەكانی سەردەشت بوونە قوربانی.

ڕێكخراوی مافی مرۆڤی هەنگاو لە ڕاگەیەنراوێكدا ئاماژە بۆ ئەوە دەكات، ڕۆژی شەممە 6-6-2020 هێزەكانی ئێران لە بەرزاییەكانی سنووری سەردەشت دەستەیەك كۆڵبەریان دایە بەر دەستڕێژی گوللە و كۆڵبەرێكیان بەو هۆیەوە گیانی لەدەستدا و چەند كۆڵبەریش بریندار بوون.

ئاشكراشیكرد، بەپێی ئامارێكی ڕێكخراوەكەمان، لە ماوەی مانگی مەی ئەمساڵ، ١٢ كۆڵبەر كوژراون و ٢٤ كۆڵبەری دیكەش بریندار كراون كە ٩١.٥٪ بە تەقەی ڕاستەوخۆی هێزە چەكدارەكان بووە.

ڕێكخراوەكە ئاماژەی بۆ ئەوەش كردووە، لە ماوەی چەند ڕۆژی ڕابردوودا، كۆڵبەرێكی بەساڵاچووی خەڵكی سەقز بە ناوی “محەممەد ڕۆستەمی” لە لایەن هێزەكانی سەرسنووری ئێرانەوە كەوتووەتەبەر كوتان و لێدان و لاق و سەری بە سەختی بریندار بووە.

بەردەوام بە لە خوێندنەوە

کوردستان