ئێمە لە تۆرە کۆمەڵایەتیەکان

ژینگە

تا 48 كاتژمێری دیكە زۆربەی گەڕەكەكانی سلێمانی بێ‌ ئاو دەبن

خەڵك- بەشی هەواڵ

بەڕێوەبەرایەتی ئاوی سلێمانی لە ئاگادارییەكدا هۆشداری دەداتە بەشێك لە گەڕەكەكانی سلێمانی و چەند ناوچەیەكی دیكەی دەرەوەی سلێمانی كە بۆ ماوەی 48 كاتژمێر بێ‌ ئاو دەبن.

دەقی ئاگادارییەكە:
بەهۆی كۆبونەوەی لم و پاشەڕۆی سەیرانكاران لە وەرگری هێڵی دووەمی ئاوی دوكان سلێمانی بۆ ماوەی ٤٨سەعات كاركردن تێداو پاكردنەوەی وەرگری پڕۆژەكە هێڵی دووی ئاوی دوكان سلێمانی دەوەستێت بەوهۆیەشەوە گەڕەكەكانی سەروو و ڕۆژهەڵاتی سلێمانی و تەواوی ناوچەی قڕگە و خەبات و كازیوە و قەزاو ناحیەكانی چەمچەمەڵ و شۆڕش و پیرەمەگروون و بازیان و تەسلوجە و گۆپاڵە ئاویان نابێت تكایە ئاگاداربن .

ژینگە

كارگەیەكی خۆڵ و خاشاك لە ئامێدی دروست دەكرێت

خەڵك- بەشی هەواڵ
لە سنووری سەرۆكایەتیی شارەوانیی ئامێدی، كارگەیەكی خۆڵ و خاشاك دروست دەكرێت، كە خۆڵ و خاشاكی زیاتر لە 13 شارەوانی سنوورەكە چارەسەر دەكات و ئێستاش بەڕێژەی 70% كارەكانی دروستكردنی تەواوبووە و بەمزووانەش بە تەواوەتی بەگەڕ دەخرێت.

بەپێی ڕاگەیەنراوێكی شارەوانیی قەدشی سەر بە سەرۆكایەتیی شارەوانیی ئامێدی، ئێستا قۆناغەكانی دروستكردن و كاركردن لە كارگەكەدا بەڕیژەی 70% تەواو بووە و بەمزووانەش تەواو دەبێت بۆ وەرگرتن و چارەسەركردنی خۆڵ و خاشاكی 13 شارەوانی سنووری قەزای ئامێدی دەكات، كە ئێستا ڕۆژانە زیاتر لە 15 تۆن خۆڵ و خاشاك لە سنوورەكە كۆدەكرێتەوە.

كارگەكە دەكەوێتە كۆمەڵگەی قەدشی سەر ناحیەی سەرسەنكێ و لەسەر ڕووبەری 96 دۆنم زەوی دروست دەكرێت، ئەمەش لەكاتێكدایە ئێستا ڕۆژانە 15 تۆن خۆڵ و خاشاك لە سنوورەكە كۆدەكرێتەوە و تەواوبوونی كارگەكەش بایەخێكی زۆری لە بواری ژینگەسازی دەبێت.

هەر بەپێی ڕاگەیەنراوەكە، وەزارەتی شارەوانی و گەشتوگوزار بایەخێكی زۆر بە پاراستنی ژینگەی كوردستان و چارەسەركردنی خۆڵ و خاشاك دەدات، ئەویش لە ڕێگەی كۆكردنەوە و چارەسەركردن و دروستكردنی كارگەی تایبەت بە خۆڵ و خاشاك.

بەردەوام بە لە خوێندنەوە

ژینگە

كەشناسی هەرێم: سبەینێ بەفر بارین دەستپێدەكات

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ چوار شەممە ئاسمان ساماڵ و پەڵە هەور دەبێت، پاشان دەگۆڕێت بۆ نیمچە هەور.

هەر بەپێی پێشبینییەكان، سبەینێ پێنج شەممە، ئاسمان هەوری تەواو دەبێت، لەگەڵ باران بارین لەكاتی جیاجیا، هەندێك كات باران مامناوەند دەبێت لەگەڵ بەفر بارین لە ناوچە شاخاوییەك سنوورییەكان، لە شەودا باران كۆتایی دێت.

هاوكات بەڕێوەبەرایەتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، سبەی پێنج شەممە لەگەڵ درێژبوونەوەی كاریگەری یەكگرتنی هەردوو نزمە پاڵەپەستۆی دەریای ناوەراست و دەریای سوور ئاسمانی ناوچەكانی هەرێم دەگۆڕێت بۆ نیمچە هەور و هەوری تەواو لەگەڵ دەستپێكردنی باران بارین لە كاتەكانی بەیانی زوودا.

ئاشكراشیدەكات، باران بارین بە ڕێژەی جیا جیا دەبارێت لە زۆربەی ناوچەكان، ناوچە شاخاوییەكان ڕێژەی بارانی لە سەرووی 15 ملم دەبێت، ناوچە شاخاویەكانی سنووری پارێزگای هەولێر بارانی زیاتر دەبێت، لەگەڵ باران بارینیش بەفر لەسەر لووتكەی شاخە بەرزەكان و سنووریەكان دەبێت لە شەوی پێنج شەممە كاریگەری ئەم شەپۆلە باران بارینە بەرەو لاوازی دەچێت، ڕۆژی هەینی ئاسمان هەر بە نیمچە هەوری دەمێنێتەوە.

بەردەوام بە لە خوێندنەوە

ژینگە

شەپۆلێكی بەفر و باران هەرێمی كوردستان دەگرێتەوە

خەڵك- بەشی هەواڵ
بەپێی پێشبینییە كەشناسییەكان، شەپۆلێكی باران و بەفر ناوچەكانی هەرێمی كوردستان دەگرێتەوە و چەند ڕۆژێك دەخایەنێت و پلەكانی گەرما ڕوو لە دابەزین دەكەن.

محەمەد كەمال، شارەزای كەشناسی بۆ (خەڵك) ڕایگەیاند، دوو نزمە پەستانی دەریای سور و ناوەڕاست ناوچەکانی کوردستان دەگرنەوە و و بارانی بەخوڕ دەبارێت ، لەناوچە شاخاویەکانیش بەفر دەبارێت و پلەکانی گەرما بەڕێژەیەکی زۆر نزم دەبێتەو.

ئاماژەی بەوەشكرد، لە ڕۆژی پێنج شەممە 2020/11/26 تاكوو ڕۆژی چوار شەممەی هەفتەی داهاتوو 2020/12/2 لەسەنتەری شارەكانی (دهۆك، هەولێر، سلێمانی، هەڵەبجە، كەركوك، ڕاپەڕین، گەرمیان) بارانی باش دەبارێت بەشێوەی ناوبەناو و هەندێك جاریش بارانی بەخوڕ دەبارێت و ئەگەری لافاو لەچەند شوێنێك هەیە.

ڕاشیگەیاند، بەهۆی هاتنی هەوایەكی ساردەوە، پێشبینی بەفر بارین دەكەین بۆ چۆمان و حاجی ئۆمەران و سیدەكان و كۆڕەك و چیاكانی دەوروبەری پێنجوێن و قەڵادزێ، هەروەها لەسەنتەری شاری سۆران بەفر و باران بەتێكەڵاوی دەبارێت.

بەردەوام بە لە خوێندنەوە

کوردستان