ئێمە لە تۆرە کۆمەڵایەتیەکان

کوردستان

یەكێتی ئەم هەفتەیە كاندیدەكانی یەكلاییدەكاتەوە

خەڵك-ئارام سەردار

بڕیارە مەسڕور بارزانی ڕاسپێردراو بۆ پێكهێنانی كابینەی نۆیەمی وەزیران سەردانی سلێمانی بكات و لەگەڵ یەكێتی و گۆڕان كۆببێتەوە، بەرپرسێكی یەكێتیش ڕایدەگەیەنێت، یەكێتی ئەم هەفتەیە ناوی كاندیدی پۆستەباڵاكانی یەكلادەكاتەوە و پێشكەش بەم كەسەی دەكات كەوا ڕاسپێردراوە بۆ پێكهێنانی كابینەی نوێ.

ئازاد جۆلا ئەندامی مەكتەبی پەیوەندییەگشتییەكانی یەكێتی نیشتیمانی كوردستان بۆ (خەڵك) ئاشكرایكرد، هیچ كێشە و گرفت لەدیاریكردنی كاندیدی پۆستە باڵاكان و ڕاوێژكار و بەڕێوەبەرە گشتییەكان و تاوەكو پۆستەكانی دیكە نییە، چاوەڕوان دەكرێت ئەنجومەنی سەركردایەتی یەكێتی لەم هەفتەیەدا كۆببێتەوە و ناوی كاندیدەكانی بۆ جێگرانی سەرۆكی هەرێم و حكومەت و سەرۆكی پەڕلەمان و وەزارەتەكان یەكلابكاتەوەو ناوەكان پێشكەش بكات.

دەشڵێت “بەپێ میكانزمێكیش كە پێشتر دانراوە سی ڤی سەرجەم ئەو كەسانەش وەرگیراون كە داوایان پێشكەشكردووە بۆ پۆستەكانی وەك ڕاوێژكار و بەڕێوەبەری گشتی و بەڕێوەبەر و پۆستەكانی دیكە، ئێستا هەموویان لەبانكی زانیارین و دواتر ناوەكان بەپێی سی ڤی یەكلا دەكرێنەوە، بەڵام ڕەنگە ئەم ناوانە جگە لەپۆستە باڵاكان بكەونە قۆناغی دواتر”.

ریکلام

عێراق

نوێنەرێك: بڕیاری دەركردنی هێزە بیانییەكان لە عیراق توركیاش دەگرێتەوە

خەڵك – بەشی هەواڵ

ئەندامێكی ئەنجومەنی نوێنەرانی عیراق ڕایدەگەێنێت، بڕیاری دەركردنی هێزە بیانییەكان لە عیراق توركیاش دەگرێتەوە.

ڕۆژی 5ی ئەم مانگە، ئەنجومەنی نوێنەرانی عیراق بڕیارێكی بۆ دەركردنی هێزە بیانییەكان لە عیراق دەركرد، بەپێی بڕیارەكە هەرێمی كوردستانیش دەگرێتەوە، چونكە سەر بە عیراقە و ئەمەش لە دەستوردا چەسپاوە.

لەوبارەیەوە، ئەڵماس فازڵ ئەندامی لیژنەی یاسایی ئەنجومەنی نوێنەرانی عیراق لەسەر فڕاكسیۆنی یەكێتی لە لێدوانێكی ڕۆژنامەوانیدا ڕایگەیاند:” ئەو بڕیارە تا ئێستا نەكراوە بە یاسا، بۆیە پێویستە حكومەت ئەو بڕیارە بكات بە یاسا، لە ڕاستیدا ئەگەر بێتو بڕیارێك هەبێت بۆ دەركردنی هێزە بیانییەكان كە ئەوان لە چوارچێوەی ڕێككەوتنێكدا هاتوون بۆ لەناوبردنی داعش ئەوە كات كارەكانیان تەواو بووە و پێوستە لەو چوارچێوەیەدا بڕیار بدرێت بە دەركردنی هێزە بیانییەكان”.

ئەو ئەندامەی لیژنەی یاسایی ئەنجومەنی نوێنەرانی عیراق لەسەر فڕاكسیۆنی یەكێتی ڕوونیشیكردەوە:”ئەگەر باس لە دەركردنی هێزی بیانی بكەین، بڕیارەكە هەموو وڵاتەكان دەگرێتەوە، بە ئەمریكا و ئێران و توركیاشەوە، بڕیارەكەش بۆ كەمكردنەوەی ئەو گوشارە گەورانەیە كە لەسەر عیراق هەیە، كە لە بنەڕەتدا ململانێیەكی گەوەری نێودەوڵەتی لە عیراق هەیە، بەداخەوە عیراق بووەتە گۆڕەپانی یەكلاكردنەوەی ململانێكان بە تایبەت ململانێی سیاسی كە سەروەری خاكی پێشێل دەكرێت، بۆیە بڕیاری دەكردنی هێزی بیانی توركیاش دەگرێتەوە”.

ك.ج

بەردەوام بە لە خوێندنەوە

کوردستان

پیلانێكی داعش بۆ سەر كەمپی مەخمور شكستپێهێنرا

خەڵك – بەشی هەواڵ

ژمارەیەك تیرۆریستی داعش هەوڵیاندا پەلاماری سەر كەمپی پەنابەرانی شەهید ڕۆستەم جودی – مەخمور، بەڵام ئاشكرابوون و كشانەوە.

ئاژانسی (ڕۆژ نیوز) بڵاویكردەوە ئێوارەی ئەمڕۆ 28/1/2020، ژمارەیەك تیرۆریستی داعش، ویستیان هێرشبكەنە سەر كەمپی پەنابەرانی شەهید ڕۆستەم جودی- مەخمور، بەڵام لەلایەن هێزەكانی پاراستنی كەمپەكەوە هەستیان پێكرا و ئەوانیش كشانەونەتەوە.

بەگوێرەی ئەو زانیارییانەی كە سەرچاوە ئەمنیيەكانی كەمپەكە داویانە بەو ئاژانسە، تیرۆریستەكان ویستویانە لە باشووری كەمپی مەخمورەوە بێنە ناو كەمپەكە، بەڵام لەلایەن هاووڵاتیانی كەمپەكەوە هەستیان پێكراوە و هێزەكانی پاراستنی كەمپەكە ڕووبەڕوویان بوونەتەوە و ناچار بوون پاشەكشێ بكەن.

سەرچاوە ئەمنییەكانی كەمپەكە، ئاماژەیان بەوەكرد، لە ئێستادا بارودۆخی ئەمنی كەمپەكە لەژێر كۆنتڕۆڵی هێزەكانی پاراستنی كەمپەكەدایە و هیچ كێشەیەك نییە.

جێی ئاماژەیە، لە سەرلەبەیانی ئەمڕۆوە، فڕۆكە و هێلیكۆپتەر بەسەر مەخموردا دەگەڕان، كە دەوترا فڕۆكەی هاوپەیمانی نێودەوڵەتییە، لەدوای پەلامارەكەش سەرنجیان خستووەتە سەر كەمپەكە.

ك.ج

بەردەوام بە لە خوێندنەوە

کوردستان

سەرۆكی دەستەی دەستپاكی: دەبێت هەرێم ببێتە خاوەنی دەستوور

خەڵك-ئارام سەردار
سەرۆكی دەستەی دەستپاكی لەهەرێمی كوردستان ڕایگەیاند، ئیرادەی سیاسی بنەمای كارەكانە بۆ ئەنجامدانی چاكسازی لەهەرێمی كوردستان.

ئەحمەد ئەنوەر، سەرۆكی دەستەی دەسپاكی لەهەرێمی كوردستان سەبارەت بە ڕاپۆرتی چاودێری و هەڵسەنگاندنی بۆ هەنگاوەكانی چاكسازی حكومەتی هەرێم، كە لەلایەن ڕێكخراوی ستۆپ بۆ چاودێری و پەرەپێدان بەهاوبەشی سندوقی نیشتمانی ئەمریكی (NED) بڵاوكراوەتەوە ڕایگەیاند، تاكە ڕێگامان بۆ دەربازبوون لە كێشە و گرفتەكان، پێوستە هەوڵبدەین بۆ دروستكردنی سیستمێكی باش و گونجاو بەسیستەمكردنی پڕۆسەی حوكمڕانی، بۆیە ئەوە ڕاپۆرتەش، كە بڵاوكراوەتەوە هەنگاوێكی گرنگە.

دەشڵێت: “پێویستە پڕۆسەی چاكسازی ڕێنمایی و ڕێكاری تایبەتی هەبێت، هەروەها دەبێ هەرێمی كوردستان ببێتە خاوەن دەستووری خۆی، لەچوارچێوەی پڕۆسەی چاكسازیش ئێستا لەهەرێمی كوردستان كەرتی گشتی كەرتێكی زۆر گەورەیە و لە پێویستی حكومەت زیاترە، بۆیە بەهێزترین هەنگاو ئەوەیە، كە ئیرادەی سیاسی هەبێت بۆ چاكسازی”.

باسی لەوەشكرد، ئیرادەی سیاسی كاریگەری یەكلاكەرەوەی دەبێت لە پڕۆسەی چاكسازیدا، هەرچەندە هەنگاوەكانی دیكە وەك پراكتیك گرنگە، بەڵام ئیرادەی سیاسی بنەمای سەرەكی كارەكان دەبێت.

بەردەوام بە لە خوێندنەوە

کوردستان