ئێمە لە تۆرە کۆمەڵایەتیەکان

ئابوری

بەڤیدیۆ؛ كولـلە ڕەنجی جوتیارانی شارباژێڕی بەبادا
كشتوكاڵی سلێمانی: ڕێژەی كولـلە بێشومارە و لەناوبردنی ئەستەمە

خەڵك – بەشی هەواڵ
جێگری بەڕێوەبەری كشتوكاڵی سلێمانی ڕایدەگەیەنێت، لە چەند ناوچەیەكی فێنك لە سنوری پارێزگای سلێمانی مێرووی كوللە و نەتات زیانێكی زۆری بە بەروبوومی جوتیاران گەیاندووە، دەشڵێت: “دەرمان ڕشتن بۆ لەناوبردنی ئەو مێرووانە زیان بە مێش هەنگ دەگەیەنێت و پێویستە لە لایەن جوتیارانەوە كۆبكرێنەوە”.

جوتیارێكی سنوری شارباژێڕ لەگەڵ ناردنی ڤیدیۆیەك بۆ (خەڵك) ئاماژەی بەوەكردووە، كە بەهۆی ئەو شەپۆلە زۆرەی كولـلە، كە ناوچەكەیانی گرتۆتەوە هیچ بەروبوومێكیان نەماوە و زیانی زۆری بە كشتوكاڵ گەیاندووە.

وتیشی، “ئەو شەتڵە تەماتە و خەیار و ئەو تۆوە جۆراوجۆرانەی دامانچاندبوو هەمووی كوللە خواردوویەتی و تەنانەت دوای دەرمان ڕشاندنیش سوودی نەبووە و ڕێژەی كوللە هێندە زۆرە لە هەژمار نایەت”، بۆیە داوای لە حكومەت و وەزارەتی كشتوكاڵ كرد هاوكاری و قەرەبووی جوتیاران بكەنەوە.

ڕزگار حەمد خدر، جێگری بەڕێوەبەری كشتوكاڵی سلێمانی بە (خەڵك)ی ڕاگەیاند، ساڵانە بەهۆی فێنكی كەشوهەوای ناوچەكەوە بە تایبەت لە شارباژێڕ و بەرزنجە هەردوو مێرووی كوللە و نەتات، دێنە خوار چیاكان و گەرایەكی زۆر دادەنێن و زیان بە بەروبوومی كشتوكاڵی دەگەیەنن.

وتیشی، “كۆنتڕۆڵكردنی ئەو مێرووانە لەگەڵ ئەوەی هەماهەنگی لەگەڵ جوتیاران كراوە بۆ لەناوبردنی، بەڵام ئەستەمە، چونكە بە ڕشتنی دەرمان زیانێكی زۆر بە مێش هەنگ دەگەیەنێـت و زەوی كشتوكاڵی و ئاوی سەرزەویش پیس دەكات”.

ڕاشیگەیاند، باشترین چارەسەر ئەوەیە جوتیاران هەوڵی لەناوبردنی بدەن بەدەر لە بەكارهێنانی دەرمان، كە ئەمەش بۆ جوتیاران ئەستەم دەبێت، بەڵام ڕێگا چارەیەكی باشترە.

جەختیشی كردەوە، كە هەر جوتیارێك پێویستی بە دەرمان هەیە سەردانی بەشی كشتوكاڵی ناوچەكەی خۆی بكات بۆ پێدانی دەرمان و ڕێنمایی كشتوكاڵی.

ئابوری

نرخی بەرمیلێك نەوت دەگاتە 65 دۆلار

خەڵك- بەشی هەواڵ
بەهۆی كەمبوونەوەی ئاستی خستنەبازاڕ و دەرهاویشتەكانی هێرشی سەر دامەزراوە نەوتییەكانی سعودیە لە شەممەی ڕابردوو، نرخی نەوت زیاتر ڕوو لە بەرزبوونەوە دەكات.

ئەمڕۆ پێنج شەممە، ئاژانسی (رۆیتەرز) لە زاری شرۆڤەكارێك لە (یو بی ئێس) بڵاویكردووەتەوە”كەمبوونەوەی ئاستی بەرهەمی سعودیە، مەترسی لای وەبەرهێنەران دروستكردووە، سەبارەت بە كەمبوونەوەی ئاستی خستەڕووی نەوت لە بازاڕەكان، ئەمەش بووەتە پاڵپشت بۆ نرخی نەوت”.

سەبارەت بە نرخەكانیش، نرخی بەرمیلێك نەوتی (تێكساس)ی ئەمریكایی بەڕێژەی 1.38%دا ڕووی لە بەرزبوونەوە كرد و گەیشتە 85.91 دۆلار، لە هەمان كاتدا نرخی بەرمیلێك نەوتی برنت بەڕێژەی 2.11% بەرزبووەوە و گەیشتە 94.94 دۆلار.

بەرزبوونەوەی نرخی نەوت لە بازاڕەكانی جیهان، پەیوەندی بەو هێرشەوە هەیە كە لە شەممەی ڕابردوودا كرایە سەر دوو گارگەی سەر بە كۆمپانیای (ئارامكۆ)ی سعودیە، ئەمەش لای وەبەرهەمهێنەران مەترسی كەمبوونەوەی خستەڕووی نەوتی لە بازاڕەكاندا دروستكردووە.

بەردەوام بە لە خوێندنەوە

ئابوری

حكومەتی عیراق داوای ڕێكخستنەوەی لیستی مووچە دەكات

خەڵك- بەشی هەواڵ

جۆرێك لە بۆچونی زاڵ لای حكومەت و پەرلەمانی عیراق دروستبووە بۆ ناردنی مووچەی فەرمانبەران لە ساڵی داهاتوودا، بە مەرجێك حكومەتی هەرێم هاوكاری عیراق بكات لە چەند ڕوویەكەوە.

جەمال كۆچەر، ئەندامی لیژنەی دارایی و ئابوری پەرلەمانی عیراق بە (خەڵك)ی ڕاگەیاند، هیچ گروپ و فراكسیۆنێك لەگەڵ بڕینی مووچە نییە، بەڵام بەو مەرجەی ڕێكخستنەوە لە مووچە بكرێت.

وتیشی”ئەوان دەڵێن دەبێت لیستی مووچەی فەرمانبەران ڕێكبخرێتەوە، یان مووچە ڕاستەوخۆ بدرێت بە فەرمانبەرانی هەرێم”.

گومانی عیراق لە ناردنی مووچەی ساڵی داهاتوو لەوەوە سەرچاوەی گرتووە، كە حكومەتی هەرێم ئەو پارەیە بۆ مووچە خەرج ناكات، بۆ نمونە هەر لەمساڵدا سێ‌ مووچەی فەرمانبەرانی هەرێم نەدراوە، سەرباری ئەوەی بەغدا ناردوویەتی.

بەردەوام بە لە خوێندنەوە

ئابوری

ئەمڕۆ مووچەی یەك وەزارەت دابەش دەكرێت

خەڵك- بەشی هەواڵ

بڕیارە ئەمڕۆ مووچەی مانگی حوزەیرانی وەزارەتی داد دابەش بكرێت.

بەپێی خشتەیەكی نافەڕمی كە پێشتر لە وەزارەتی دارایی و ئابورییەوە بڵاوكراوەتەوە، ئەمڕۆ مووچەی وەزارەتی داد دابەش دەكرێت.

دابەشكردنی مووچەی وەزارەتی داد لەكاتێكدایە كە دابەشكردنی مووچە لەم مانگەدا لە وادەی دیاریكراوی خۆی دواكەوتووە و تائێستا نازانرێت كەی وەزارەتەكانی دیكە مووچە وەردەگرن.

سەرباری دواكەوتنی مووچەی ئەم مانگە، حكومەتی هەرێم سێ‌ مووچەی دیكەی ئەمساڵی فەرمانبەرانی دابەش نەكردووە.

بەردەوام بە لە خوێندنەوە

کوردستان