ئێمە لە تۆرە کۆمەڵایەتیەکان

عێراق

یەكێتی وەزارەتێك وەردەگرێت
پەڕلەمان دەنگ لەسەر تەواوكاری كابینە وزارییەكە دەدات


خەڵك- بەشی هەواڵ
هەرچەندە تا ئێستا بەهۆی ململانێی حزبەكانەوە 4 وەزارەتی حكومەتی عیراق بە بەتاڵی ماونەتەوە، بەڵام دوای هۆشدارییەكەی سەرۆك وەزیران، حزبەكان كەوتوونەتەخۆیان بۆ ڕێككەوتن لەسەر كاندیدەكان و پەڕلەمانتارێكی یەكێتی-ش دەڵێت: “وەزارەتی داد پشكی ئێمەیە”.

ئەمڕۆ شەممە 15ی حوزەیران، پەڕلەمانی عیراق كۆبووەوە و محەمەد حەلبوسی، سەرۆكی پەڕلەمان ڕایگەیاند، لە كۆبوونەوەكانی داهاتوودا و تا كۆتایی ئەم وەرزەی یاسادانان دەنگ لەسەر تەواوكاری كابینە وەزارییەكە دەدەین و كۆتایی بە بەڕێوەبردنی وەزارەتەكان بە وەكالەت دەهێنین.

بەخیتار شاوێس، ئەندامی پەڕلەمانی عیراق لە فراكسیۆنی یەكێتی بۆ (خەڵك) وتی، “دەبێت لە هەفتەی داهاتوودا وەزارەتە بەتاڵەكانی حكومەتی عیراق پڕبكرێنەوە”.

سەبارەت بە ڕێككەوتنی یەكێتی و پارتی لەسەر وەزارەتی داد ڕاشیگەیاند، كە یەكێتی و پارتی ڕێككەوتنیان كردووە، كە وەزارەتی داد پشكی یەكێتییە، بەڵام تا ئێستا كاندیدی وەزارەتەكە دیاری نەكراوە.

پێشتر، كەریم علێوی، ئەندامی پەڕلەمانی عیراق لە هاوپەیمانی فەتح ڕایگەیاندبوو، عادل عەبدولمەهدی، سەرۆك وەزیرانی عیراق سەرجەم حزب و كوتلە سیاسییەكانی ئاگاداركردۆتەوە، كە چاوەڕێی كاندیدەكانیان دەكات بۆ پڕكردنەوەی وەزارەتە بەتاڵەكان و بۆ ئەوەش ماوەی تا 20ی ئەم مانگەی بۆ دیاری كردوون.

لە 25ی ئەیلولی ساڵی ڕابرووەوە پەڕلەمانی عیراق دەنگی داوە لەسەر پەسەندكردنی كابینە وزارییەكەی عادل عەبدولمەهدی و متمانەی بە 14 وەزیر داوە، بەڵام بەهۆی ناكۆكی لایەنە سیاسییەكانەوە تا ئێستا پۆستی وەزارەتەكانی (بەرگری و ناوخۆ و پەروەردە) و بەهۆی ڕێكنەكەوتنی یەكێتی و پارتی-شەوە پۆستی وەزارەتی (داد) پڕنەكراونەتەوە و بە بەتاڵی ماونەتەوە.

عێراق

مەسعود بارزانی بەفەرمی پشتگیری لە مستەفا كازمی دەكات


خەڵك – بەشی هەواڵ
سەرۆكی پارتی دیموكراتی كوردستان لە پەیوەندییەكی تەلەفۆنیدا پشتگیریی خۆی بۆ مستەفا كازمی ، سەرۆكوەزیرانی ڕاسپێردراوی حكوومەتی عیراق ڕاگەیاند، كە ئەمڕۆ لە لایەن سەرۆككۆمارەوە بۆ ئەو پۆستە ڕاسپێردرا .

ماڵپەڕی مەسعود بارزانی، سەرۆكی پارتی دیموكراتی كوردستان لە ڕاگەیەنراوێكدا بڵاویكردووە ، ئەمڕۆ پێنجشەممە 9ی نیسانی 2020 بارزانی لەڕێی تەلەفۆنەوە پەیوەندی بە مستەفا كازمی، سەرۆكوەزیرانی ڕاسپێردراوی حكوومەتی عیراق كرد.

ڕاشیگەیاندووە، لەو پەیوەندییە تەلەفۆنییەدا مەسعود بارزانی، پشتگیریی خۆی بۆ ڕاسپاردنی مستەفا كازمی، بۆ سەرۆكایەتیی حكوومەتی عیراق ڕاگەیاند و هیوای سەركەوتنی بۆ خواست.

لە ڕاگەیەنراوەكەداهاتووە، مەسعود بارزانی هیوای خواست، كە ئەو هەنگاوە ببێتە هۆی لەیەكنزیكبوونەوەی هەموو پێكهاتەكانی عیراق و دەروازەیەكیش بێت بۆ چارەسەربوونی كێشە و قەیرانەكانی عیراق.

بەردەوام بە لە خوێندنەوە

عێراق

كەركوك، دوو داعش دەستگیركران


خەڵك- بەشی هەواڵ
بەڕێوەبەرایەتی هەواڵگری سەربازی عیراق، دەستگیركردنی دوو چەكداری ڕێكخراوی داعش لە پارێزگەی كەركوك ڕادەگەیەنێت.

ئەمڕۆ پێنج شەممە، بەڕێوەبەرایەتی هەواڵگری سەربازی عیراق لە بەیاننامەیەكدا ڕایگەیاند”پاڵەوانانی لیوای تایبەتی 61ی فەوجی تایبەت، توانیان لە بۆسەیەكدا دوو تۆمەتبار بە ماددەی 4ی تیرۆر لە كەركوك دەستگیربكەن”.

هەر لە بەیاننامەكەدا هاتووە”دەستگیركراوەكان چەكداری ڕێكخراوی داعش بوون و لەوانەن كە لەلایەن دادوەرییەوە بەپێی ماددەی 4ی تیرۆر داواكراون”.

لەم ماوەیەی دواییدا شانە نوستووەكان ڕێكخراوی داعش سەرقاڵی خۆڕێكخستنەوەن، دەستپێكردنەوەی چالاكی و جموجۆڵەكانیانیشیان لە چەند ناوچەیەكی وەك باشووری كەركوك و سنورەكانی نێوان سەڵاحەدین و دیالە و ناوچەكانی خۆرئاوای پارێزگەی ئەنبار و چەند ناوچەیەكی تر، بەڕوونی دەردەكەوێت.

 

بەردەوام بە لە خوێندنەوە

عێراق

8 حاڵەتی توشبوونی نوێ‌ بە كۆرۆنا لە پارێزگەیەكی عیراقیدا تۆماركرا


خەڵك- بەشی هەواڵ
بەڕێوەبەرایەتی تەندروستی پارێزگەی بەسرە، تۆماركردنی 8 حاڵەتی توشبوونی نوێ‌ بە ڤایرۆسی كۆرۆنا لە پارێزگەكەدا ڕادەگەیەنێت.

ئەمڕۆ پێنج شەممە، بەڕێوەبەرایەتی تەندروستی پارێزگەی بەسرە لە بەیاننامەیەكدا ڕایگەیاند”8 حاڵەتی توشبوونی نوێ‌ بە ڤایرۆسی كۆرۆنا و 6 حاڵەتی چاكبوونەوە تۆماركراون”.

هەر لە بەیاننامەكەدا هاتووە”كۆی گشتی حاڵەتەكانی توشبوون بە ڤایرۆسی كۆرۆنا لە بەسرە گەیشتۆتە 160 حاڵەت، لەو نێوەندەشدا 15 كەس گیانیانلەدەستداوە و 63 كەسیش چاكبوونەتەوە و 82 كەسی تر تائێستا لەنەخۆشخانە و لەژێر چاودێری تەندروستیدان”.

پارێزگەی بەسرە لەڕووی ژمارەی تووشبوان بە ڤایرۆسی كۆرۆنا لە پلەی دووەمدایە لەپاش نەجەف كە زۆرترین ژمارەی توبوونی بە ڤایرۆسەكە لەسەر ئاستی عیراق تۆماركردووە.

بەردەوام بە لە خوێندنەوە

کوردستان