ئێمە لە تۆرە کۆمەڵایەتیەکان

جیهانی

سان جێرمان بەهەڵە دەرگای مباپێی بۆ ڕیاڵ مەدرید کردۆتەوە و ڤینیسیۆز کۆڵنادات !

خەڵک سپۆرت

بەهۆی بڕیارێکی کارگێڕییەوە کەلێن لەنێوان دەستەی کارگێڕی یانەی پاریس سانت جێرمان و کیلیان مباپێی ئەستێرەی فەرەنسیدا دروست بووە و یانەی ڕیاڵ مەدرید چاوەڕوانی کاتی گونجاوە بۆ گواستنەوەی یاریزانەکە.

ماڵپەڕی “دیفێنسا سەنتراڵ”ی ئیسپانی ئاشکرای کردووە، گواستنەوەی مباپێ بۆڕیزەکانی یانەی پاریس سانت جێرمان بەهۆی ئانتێرۆ هینریکی بەڕێوەبەری وەرزشیی یانە زەبەلاحەکەی پایتەختەوە بووە، ئەم کەسایەتیە پردی پەیوەندی نێوان باوکی یاریزانەکە و ناسڕ خلێفی خاوەنی یانە و هاوکارانی بووە، بەڵام لەئێستادا بە بڕیارێکی ئیداریی لە پۆستەکەی لادراوە و دووبارە لیۆناردۆی بەرازیلی پۆستەکەی وەرگرتووە، کە بەهیچ شێوەیەک پەیوەندی لەگەڵ گەوهەرە فەرەنسیەکەدا نییە.

بەپێی سەرچاوەکە، ئەم جموجۆڵە ئیدارییە بۆ مباپێ و بەرژەوەندیەکانی خۆیی و خێزانەکەی گونجاو نەبووە، ئەوەش کەلێن دروست دەکات و دەکرێت سەرۆکایەتی یانەی ڕیاڵ مەدرید لەسەر ئەم بنەمایە پەیوەندیەکانی لەگەڵ باوکیدا توندوتۆڵ بکاتەوە و لە هاوینی ٢٠١٩دا بیگوێزنەوە بۆ سانتیاگۆ بێرنابیۆ.

لەلایەکی ترەوە ڕۆژنامەی “مارکا” دووپاتی کردۆتەوە، گواستنەوەی هازارد و ئەگەری گواستنەوەی مباپێ بۆ ڕیزەکانی ڕیاڵ مەدرید ئاگری لە خەونەکانی ڤینیسیۆز بەرداوە، گەوهەرەکەی بەرازیل کۆڵنادات، بەڵکو بە زینەدین زێدانی ڕاهێنەری ئاگادارکردۆتەوە کە لە وەرزی داهاتودا لەسەر پێگەیەکی سەرەکی بەشێوەیەک دەجەنگێت کە پێشتر هیچ یاریزانێک نەیکردبێت.

بۆ ئەو مەبەستەش بڕیاریداوە لەهەفتەی داهاتووەوە واتا دوو هەفتە بەر لە وادەی دەستیپێکی مەشق و ڕاهێنانەکان بگەڕێتەوە و لە یانەی شاهانە بەر لەهەمووان دەست بە مەشق و ڕاهێنان بکاتەوە.

جیهانی

کریستیانۆ پادشای تۆڕە کۆمەڵایەتیەکانە و پارەی خەیاڵی لە ئینستاگرامەوە بەدەست دەهێنێت !

خەڵک سپۆرت

کریستیانۆ ڕۆناڵدۆی پورتوگالی ئەستێرەی یانەی یوڤانتۆس لە تۆڕە کۆمەڵایەتیەکانەوە پارەی خەیاڵی بەدەست دەهێنێت کە لە موچەی یانەکەی زیاترە.

تۆڕی “باز بینگۆ” لێکۆڵینەوەیەکی بە داتا و ژمارە ئەنجامداوە و ئاشکرای کردووە، دۆنی پورتوگال لەنێو سەرجەم وەرزشکاران و ناودارانی جیهاندا لەڕووی داراییەوە پلەی یەکەمی بەدەستهێناوە و زیاتر لە هەمووان پارە لە تۆڕی کۆمەڵایەتی ئینستاگرامەوە بەدەست دەهێنێت و ئەوەی بەدەستی دەهێنێت (١٢) ملیۆن لە موچەی ئاسایی خۆی لە یانەی یوڤانتۆس زیاترە.

بەپێی داتا بەدەستهاتووەکان، کریستیانۆ بۆ هەر پۆستێک لە ئینستاگرام بڕی ٨٧٠ هەزار یورۆ دەخرێتە سەر هەژمارەکەی، کۆی گشتی ئەو پارەیەش کە بەپێی ڕێژەی پۆستەکانی کۆی دەکاتەوە لە ساڵێکدا (٤٧.٨ ملیۆن یورۆ)یە، ڕاستەوخۆ لەپلەی دووەم بەدوایدا لیۆ مێسی ئەفسانەی زیندوی یانەی بەرشلۆنە دێت کە ڕێژەی دەستکەوتی ساڵانەی (٢٣.٣ ملیۆن یورۆ)یە ، پلەی سێیەمیش بۆ کینداڵ جینەری ئەندامی خێزانی کارداشیانی ناوداری ئەمریکایە.

بەشێوەیەکی گشتی کریستیانۆ توانیویەتی لەسەرجەم ڕیزبەندیەکاندا پلەی یەکەم بەدەست بهێنێت، واتا لەسەر ئاستی ناوداران و وەرزشکاران و سەرجەم پێگەکانی تردا لە لوتکەدا بووە، ئەمەش ئەو داتایانەن کە (باز بینگۆ) ئاشکرای کردوون:

ڕیزبەندی وەرزشکاران بەپێی داهات لە ئینستاگرام

ڕیزبەندی ناوداران بەپێی داهات لە ئینستاگرام

بەردەوام بە لە خوێندنەوە

جیهانی

مانزۆکیچ یاخی بووە و دوو یانەی گەورە چاوەڕوانی وەڵامی کۆتایی دەکەن

خەڵک سپۆرت

ماریۆ مانزۆکیچی کرواتی هێرشبەری یانەی یوڤانتۆس لەگەڵ سەرۆکایەتی یانەی یوڤانتۆس ناکۆکی هەیە و ئامادە نەبووە لە کۆتا یەکەی مەشق و ڕاهێنانەکاندا بەشداری بکات.

تۆڕی “سکای سپۆرت” لەسەرچاوە ناوخۆییەکانی یانەی یوڤانتۆسی ئیتاڵیەوە ئاشکرای کردووە، لەکۆتا یەکەی مەشق و ڕاهێنانەکانی یانەی یوڤانتۆس، ماریۆ مانزۆکیچ بەشداری نەکردووە و ماوریزیۆ ساری سەبارەت بە یاخی بوونی هێرشبەرەکە بەهەمان سەرچاوەی ڕاگەیاندووە، ناوبراو لەگەڵ ئیدارەی بیانکۆنێری نەگەیشتۆتە ئەنجام بۆ گواستنەوەی ڕووەو یانەیەکی گەورە و حاڵی حازر ناکۆکی قوڵ لەنێوان جەمسەرەکاندا دروست بووە.

بەپێی سەرچاوەکە، نوێنەرانی بیانکۆنێری لەگەڵ ئیدارەی یانەی مانچستەر یونایتد گفتوگۆیان سەبارەت بە گواستنەوەی “مانزۆ” دەستپێکردووە و بڕیاردراوە لە گواستنەوەکانی زستانەی داهاتوودا بەبڕی ١١ ملیۆن یورۆ دەستبەرداری بن، بەڵام یانە ئینگلیزیەکە ئامادەنەبووە تەواوی مەرج و داواکاری یاریزانەکە جێبەجێ بکات، ئەوەش بووەتە هۆی هەڵوەشاندنەوەی ڕێکەوتنی نێوان یانەکان.

 

لەم نێوەندەدا یانەی ئەی سی میلان و ئینتەرمیلانی ئیتاڵی هەوڵەکانیان بۆ گواستنەوەی هەمان یاریزان دەست پێکردووە، بەڵام نوێنەرانی یوڤی ئینتەرمیلانیان لە هاوکێشەکە دوورخستۆتەوە و لەشاری میلانەوە تەنها ماڵدینی بەڕێوەبەری ڕۆسۆنێری وەک تاکە نوێنەری شارەکە داواکاری ڕاستەقینەی یاریزانەکەیە و هەمووان چاوەڕوانی وەڵامی مانزۆ دەکەن.

بەردەوام بە لە خوێندنەوە

جیهانی

” میلان ئەو یانەیە نەماوە کە هەمووان خۆشیان دەوێت و مۆرینیۆ هەر سپێشەڵ وەنە”

خەڵک سپۆرت

زلاتان ئیبراهیمۆڤیچی سویدی ئەستێرەی ناوداری یانەی لۆس ئەنجلس گالاکسی دەگەڕێتەوە سەر لێدوانە ئاگرینەکانی و ئاماژە بە ئاستی یانەی ئەی سی میلان و ئینتەرمیلان لەم وەرزەدا دەکات.

“ئێبرا کادابرا” لە چاوپێکەوتنێکدا بە ڕۆژنامەی “لاگازێتا دێلۆ سپۆرت”ی ئیتاڵی ڕاگەیاندووە :” میلان توشی کارەسات بووە، زۆر دەوترێت و کەم دەکرێت، ئەوە ئەو یانەیە نییە کە هەمووان لەئیتاڵیا و جیهانەوە کەوتینە داوی خۆشەویستیەوە، ڕەنگە کەسانی هەڵە کاری تێدا بکەن کە دەبوو لە جێگەی تر بونایە نەک میلان”.

دەربارەی کاروچالاکیەکانی پاولۆ ماڵدینی بەڕێوەبەری جێبەجێکاری میلان، دەڵێت :” توانای ئەوەم نییە وەک کەسێکی کارگێڕی لەبارەیەوە قسە بکەم، بەڵام وەک یاریزان بەنسبەت منەوە یەکێک بووە لە باشترینەکان، پێموابێت ڕووبەڕوی ئەرکێکی ئاڵۆز بووەتەوە و ئەو داهاتەی لەبەردەستیدایە سنوردارە، ئەوەش شتێکی خراپ نییە”.

هەروەها سەبارەت بە یانەی ئینتەرمیلان و ئەنتۆنیۆ کۆنتی دەڵێت :” کاتێک پەیوەندیم بە ئینتەرەوە کرد وتیان لەسەر بۆندەکە ئیمزا بکە، دەی با دەست بە بردنەوە بکەین، ئەو یانەیە مەزن بوو، بەڵام هاوشێوەی میلان هەستم بە بەهێزی گەورەیی نەکرد، من بەشێوەیەکی تایبەتی کۆنتی ناناسم، کەسانی نزیکی دەڵێن لە مەشق و ڕاهێنانەکاندا لەسەدا پێنج سەدی وزەی خۆی بەگەڕ دەخات، ئەوەش هاوشێوەی منە و لەگەڵ ئەوەی پێموایە یوڤاژنتۆس پاڵەوانی ئیتاڵیەیە، بەڵام ئینتەر لەگەڵ کۆنتی زیاتر بەرەوپێش دەچێت”.

لەکۆتاییشدا ئاماژە بە جوزێ مۆرینیۆی ڕاهێنەری پورتوگالی دەکات و ڕایدەگەیەنێت :” مۆرینیۆ هەمیشە سپێشەڵ وەن بووە و هەروا دەمێنێتەوە، تائێستا پەیوەندیمان بەردەوامە و کاریگەری زۆری لەسەر ژیانی وەرزشیم هەبووە، هیوادارم بەم نزیکانە بگەڕێتەوە سەر کورسی ڕاهێنان و دڵنیاشم دەگەڕێتەوە و دووبارە دەبێتەوە بە ڕاهێنەری سەرکەوتنەکان”.

زلاتان لەوەڵامەکانیدا بەهیچ شێوەیەک ئاماژە بە گەڕانەوەی ناکات بۆ کیشوەری ئەوروپا، بەڵکو باس لە وازهێنانی یەکجارەکی دەکات بەشێوەیەکی کتوپڕ لە خولی ئەمریکاوە.

بەردەوام بە لە خوێندنەوە

کوردستان